4-7(wed) salute to狄娜姐姐~~~

其實呢篇應該上個禮拜講, 但因為一連幾日復活節+清明節長假…未有時間! 放假前夕, 睇到新聞話狄娜姐姐與世長辭…都有少許愕然! 雖然不嬲都有傳出佢病重…但估唔到o黎得咁快!

其實不嬲都幾欣賞狄娜姐姐…事關佢樣靚身材正不特止, 仲要有腦又有性格! 呢幾日睇得更多有關佢o既報導...就更加欣賞佢...寸得o黎又言之有物! 愈睇佢o既生平事蹟, 愈覺得佢唔簡單... "奇女子"呢個名佢真係當之無愧! 再睇多d佢後生時d相同埋重溫番佢d電影... 更加係不停咁“wow”...真係美貌+身材+智慧並重...去邊度搵?! 如果我係男人, 一定封佢做心目中o既女神! 難怪d報導話佢當年迷到d男士 (無論結o左婚或未結婚) 神魂顛倒…我絕對可以理解!

狄娜姐姐簡直係我o既新偶像, 一眾女性o既典範...內外兼備…正!

o個日睇番佢o係“大軍閥”o既經典場面…真係好激喎! 估唔到30年前o既尺度分分鐘寛過依家! 仲有“七擒七縱七色狼”同“橫沖直撞七色狼”…查實都係笑片o黎o者, 不過個個意識都有d大膽…反而依家d人仲愈o黎愈“保守”…接受唔到d新事物! 同埋原來佢兩套都係同譚炳文合作…原來佢o地係“螢幕情侶”?!

重溫番呢段狄娜姐姐@2006香港小姐...真係好得!!! 尤其係06:00開始...連曾志偉都俾佢窒到招架不來...:p



仲有狄娜姐姐d金句, 都真係幾得o下...十分啜咳

e.g. 自言「十分嚮往共產美夢」的狄娜，以《大國崛起》主持人的身份，否定「中國崛起」的意見：「淨係一樣 fact（事實），我哋超過一億人口冇溫飽，點去崛起？你崛咩起先得 o架！」

同樣以愛國自居，狄娜言論就是與港產的樣板愛國人士不同。她說不會叫自己做「中國人」，只會自稱「香港人」，她不是以中國為恥，只是習慣問題：「如果你問任何一個國內嘅人，都唔會叫自己做中國人。東北人、上海人……冇人會話『我係中國人』。咁唔等於國民教育有問題，唔等於對自己祖國唔認同。」



上個禮拜睇第一集“荃加福祿壽”欣宜扮徐子珊…真係估唔到可以扮得咁似…好得囉! 尤其係對眼同埋個嘴! 欣宜呢兩年真係大有進步…形象亦都討好o左好多! 轉捩點當然係o係肥姐個追思會擺平阿uncle鄧光榮同佢老豆鄭少秋o既尷尬場面…簡直令人另眼相看! 依家做戲同做綜藝show都大有進步…有前途呀…姐姐撐你!


(荃加福祿壽 - 鄭欣宜模仿徐子珊"Hit Me")