2010年4月1日星期四

4-1(thurs) 新浪微博+當張國榮遇上陳百強…

呢期新浪微博好鬼hit咁喎…我都八卦走去開o左個account (哈哈…你又估我唔到呢~?!), 免得自己太out…http://t.sina.com.cn/hejnom, 睇吓究竟有咩咁好玩, 令大家好似中晒毒咁?! 又話d藝人玩得好瘋狂, 個個係咁一日update幾次…可能呢個真係佢o地打發時間o既最佳方法啦…同埋我睇d報導話sina微博依家o係香港hit過twitter好多 (國內更加唔駛講啦)…可能真係因為佢好interactive…尤其國內個market咁大…d明星要同d fans多d互動先可以用心留住你o架嘛!

但係我依家都仍然迷惘中…唔知點玩…要鑽研o下先! 睇o下有咩驅使d人咁中毒…一定有d o野o既~~~

另, 睇o左套攞獎片“歲月神偷”…真係幾好睇! 講我最鍾意睇o既五/六十年代香港…一向係我最buy o既劇種! d景, d衫, d情節, 仲有五/六十年獨有o既人情味! 呢d劇種真係長做長有, 幾時都咁work! 我就純粹係鍾意o個種情懷, 但我見同場睇o既嬸嬸佢o地真係十分有共鳴…不停大呼小叫! 噢…馮寶寶呀~~! 噢…溫黛~~~! 應該真係喚起佢地好多童年回憶…好開心吓! 再過多十幾二十年, 可能有好多劇集/電影係重溫80/90年代的人和事…到時我o地呢d auntie又會好有共鳴!

本來我唔知個劇情係真人真事o黎…仲心諗, 駛唔駛咁鬼慘呀?! 事前已經聽d人講話入場10分鐘已經喊晒…咁事實又無咁誇…但又的確係幾慘o既…仲要去睇o個日本身已經心情非常不佳o下, 睇完更加係十分不佳囉! 但的確係一套好戲! 個個主角都做得好好! 任達華, 吳君如就唔駛講啦…連新人李治廷都做得好好…上年見佢攞樂壇新人獎一d都唔起眼…但做呢套戲真係幾得喎…又靚仔, 演技又唔差, 唱歌亦唔錯! 仲有o靚模evelyn, 估唔到又可以做到咁清純喎! 最得都係做細佬o個個小演員…罕有地幾有童真, 好過tvb有一期好紅o既老人精演員--“去廸士尼做足準備”o個位jacky仔好多! 小演員都係有童真比起有純熟的演技重要好多!



又到4月1日愚人節…已經第七年了…當然每年依舊都要寫一寫啦…哥哥, 您好嗎?

呢段“當張國榮遇上陳百強”雖然又係睇+post過好多次...但又真係百看不厭...哥哥同danny仔都係令人十分懷念的超級巨星!!!

由2003年4月1日開始…

2009:
風繼續吹…不忍遠離…

2008:
繼續寵愛

2007:
風繼續吹

2006:
誰能代替你地位

2005:
愚人節

2004:
4月1日

2003:
陪伴我們那代香港人成長的“哥哥”

SALUTE TO A LEGEND (1)

SALUTE TO A LEGEND (2)

SALUTE TO A LEGEND (3)

SALUTE TO A LEGEND (4)

SALUTE TO A LEGEND (5)

7 Comments:

Anonymous christy said...

芒姐!
微博關注左你呀:)

6:04 下午  
Anonymous 匿名 said...

芒姐,
微博我都唔係幾識玩呢,我都好好奇點解d明星會係咁玩呢。

仲有呀,你有冇看<>呀?好好看呀!如果無看一定要看呀!:)

iris

9:59 下午  
Anonymous 匿名 said...

芒姐,
微博我都唔係幾識玩呢,我都好好奇點解d明星會係咁玩呢。

仲有呀,你有冇看下一站幸福呀?好好看呀!如果無看一定要看呀!:)

iris

10:00 下午  
Anonymous 匿名 said...

芒姐!有無睇Eason演唱會呢?
今次隻碟都幾好聽,但把聲真係好沙,
開咁多場對佢黎講太吃力~
有無睇"志明與春嬌"呀!?
原本都無諗住入場睇架,
估唔到幾好睇wo!
個MV仲幾好睇TIM!
http://www.youtube.com/watch?v=9qSL7t9ZJ0U&feature=player_embedded#

10:43 下午  
Blogger 芒姐 said...

匿名,

今次eason演唱會無睇啦...雖然佢唱歌係好, 但我都係buy初出道幾年o既佢多d...

"志明與春嬌"聽個個講都話好得喎...我上個禮拜都打算睇...但正場無咩做, 得番下午o個d...今個禮拜睇o下有無機會睇到先...

12:42 下午  
Blogger 芒姐 said...

iris,

查實我暫時都唔係太get到微博有咩咁好玩...不過正如好多報導所講, d明星日日困o係d錄音室呀, 片場呀咁...與世隔絕...呢個係最好打發時間的方法...同埋佢o地個個朋友都o係微博, 係最佳的溝通方法...仲有內地多人玩...可以同fans打好關係嘛!

"下一站幸福"...無呀...係咪台劇?!

12:44 下午  
Blogger 芒姐 said...

christy,

見到見到! 多謝關注!

12:45 下午  

發佈留言

<< Home