3-14 (wed) 喝彩 (點解係呢個“彩”呢?!)
以下又將會係好長好長好長o既一篇日記…請自行找廁所位!
上個禮拜去o左睇一個超乎我意料地幾好睇o既舞台劇, 又或者應該叫音樂劇更加貼切…雖然製作上其實都“雞雞地”(sorry, 唔應該用d咁唔elegant o既詞語), 令我諗起中學時代d drama…不過以佢咁小本製作 (我o地懷疑阿高導演係咪用晒d budget去佢女友焦媛d舞台劇度…), 其實質素算係好唔錯o下…尤其係三個男主角! D 服裝, 道具, 同埋成個舞台o既求其 (esp. 後面佈景o個個好雞o既screensaver), 令我覺得有d o徙o左佢o地!
其實去睇之前都無懷有任何期望…可能就係因為無期望, 反而讓人有驚喜! 至於一開始點解會去睇, 相信大家都會估到…因為我確係八十年代的fan屎, 雖然我生於一個錯誤年代! 仲有就係張國榮, 陳百強, 鍾保羅三劍俠o既事跡我都好有興趣睇番 (雖然阿高志森導演claim話唔係影射佢o地…我真係完全唔明喇…點解要唔認呢? 好明顯影射佢o地, 但又有咩問題? 唔通驚佢o地o既家人唔同意?! 但係又唔係抹黑佢o地三位, 只係講番人人都知o既事實, 反而仲可以叫年青人借鏡…擺明係正面多過負面呀! 又可以打正旗號吸引佢o地三個d fans o黎睇…一舉幾得! 可能真係有d fans同埋家人唔鍾意o卦? 我真係唔知!)…當年o係英國煲完佢o地套“喝采” …真係覺得佢o地三個好得囉! 再加上哥哥同danny o個d經典正歌…所以都想去睇o下係咩一回事!
唔知點解第一次做時我完全無留意到, 今次都係因為某日睇 hocc blog 咁o岩見一個留言係post o左呢張"喝彩"poster, 就click入去睇o下…先發現原來已經係第二次上演喇!
去得呢d活動, 當然要搵埋同樣活在一個錯誤年代, 能與我傾到幾嘴老餅電視/電台/音樂經o既金美姐姐啦! 雖然入場欣賞o既大部份都係三十過外o既哥哥姐姐, 但出奇地都見到唔少十幾歲o既小朋友…唔知佢o地認唔認識哥哥同danny仔呢 (鍾保羅我相信佢o地真係應該唔會識)!
o個日同事問我去睇咩舞台劇, 我話“喝彩”! 佢話:“o下? 邊個做o架?”我話:“其實我都唔係好識o個幾位演員, 淨係知有gary哥哥譚偉權! 呢… 唱十二隻恐龍o個個呢…”你可能唔知邊個係gary哥哥, 但係你應該唔會未聽過佢隻首本名曲“白石嶺公園”! 之後阿小東東仲翻唱過添!
果然, 一講完呢句, 同事就知道係邊個…原來所有我o地年代o既小朋友, 係無人會唔識“十二隻恐龍去野餐”o架…o個時聽呢隻歌, 覺得個旋律幾好聽, d歌詞又幾騎呢…哈哈哈…可能就係因為咁, 曾經紅極一時o架! 連場刊介紹Gary哥哥o個part, 都有講佢憑呢首歌獲得95年十大兒歌金曲之一…幾勁呀!
等我同大家一齊回味o下呢首咁經典o既兒歌啦: “白石嶺公園”歌詞:
白石嶺公園
曲/編:鄧文傑 詞:韋然/許少榮 唱:譚偉權 Gary
十二隻恐龍去野餐
齊乘坐旅遊車出發了
路上唱歌謠快快樂樂
Sing I am on my way
又越過冰河 噴火山都穿過
二十里車程轉眼到
十二塊笑臉在齊去呼叫
Merrilly Merrilly
白石嶺公園 到處青蔥一片
讓活潑恐龍通處跳
十二塊笑臉在齊野餐了
Merrilly Merrilly
六十罐曲奇吃個飽
愛吃的粟米乾乾脆脆
讓愉快心情快快樂樂
I am so happy
莫亂棄果皮 你我記緊清潔
莫令這公園污染了
十二塊笑臉在齊說知道
Merrilly Merrilly
白石嶺公園 這裡風景真美
讓活潑恐龍嬉戲
十二塊笑臉在齊野餐了
Merrilly Merrilly
Merrilly Merrilly
Merrilly Merrilly
講番套舞台劇, 其實個故事基本上係無咩特別, 主要係講番“三劍俠”o既事跡, 由佢o地初出道三個完全無人識o既小子, 到大家相繼走紅, 再到事業走下坡, 開始走入嗜賭/濫藥/抑鬱o既絕路…個故事大部份香港人都略知一二 (又或者八/九十年代出世o既小朋友真係唔知o既), 都無咩點改動…所以都會幾有共鳴! 當然睇得最開心o既係大我o地少少, 七十年代初/中出世o既朋友, 因為佢o地真正係屬於呢三位朋友最當紅o既年代…我o地只係maan到少少車邊!
除o左有共鳴之外, 最重要係d歌真係好好聽囉! 去睇呢個劇o既最主要原因, 就係佢o地唱番哥哥同埋danny仔o個jar經典歌曲…嘩! 真係好聽到令人再次愛上佢o地兩個! 仲有鍾保羅我都好buy o既, 不過佢就無咩歌可以回味…得閒睇番佢o既“iq成熟時”或者香港小姐選舉囉! 一直係熱愛哥哥d歌多d, 但係今次聽完之後, 又再次重拾番曾經一度對danny歌曲o既熱愛!
哥哥o既快歌好似“monica”, “無心睡眠”, “第一次”, “不覊的風”等當然令人興奮, 慢歌如“風繼續吹”, “由零開始”, “儂本多情”, “有誰共鳴”等都係經典中o既經典…不過因為2003年哥哥逝世時已經即刻搵番o黎聽o左無數次, 所以個驚喜無再次聽番danny仔d歌咁大!
其實四, 五年前睇完“喝采”之後, 都曾經瘋狂迷上danny d歌, 即刻周圍搵番出o黎聽…不過今次再聽番, 係再次戚番起o個條筋o者…“深愛著你”, “畫出彩虹”, “眼淚為你流”, “偏偏喜歡你”, “等”, “漣漪”, “幾分鐘的約會”等等等等… danny仔d情歌真係好得囉!
仲有佢d勵志歌都真係無得頂…當然最無可抗拒o既係首點題歌啦“喝采”…一聽個前奏已經令人振奮…可惜係留到最後先唱, 都無好完整咁唱晒成隻, 仲要係萬人大合唱…應該留番俾劇裡面o既danny仔唱呀嘛, 佢真係唱得幾似…加埋d女角一齊唱就唔係太得…佢o地無論唱/做都同d男主角差一大截 (咁比較又好似有d唔公平o既, 畢竟今次套劇係三個男角先係主角, 女角都係戥o下腳)…真係o徙o左呢首咁好聽o既歌…
四年幾前, 我煲完隻“喝采”之後曾經咁樣寫過:
“2002-11-21…欲罷不能 ---“喝采”
http://hejnom3.blogspot.com/2002_11_21_archive.html
可以話係唔睇由自可, 一睇真係不得了…係鍾意到不得了! 好鬼cutie, 同“IQ成熟時”有異曲同功之妙, 咁當然“IQ” 又再好睇d啦…電視劇始終有多d“漿力”! 同樣係我好鍾意o既片種, 青春勵志劇再加好好聽o既歌, 同埋粒粒巨星…又Danny仔, 又哥哥, 又鍾保羅, 又翁靜晶…仲有俞琤, 阿旦等客串…簡直目不暇給! 睇完之後令我好鍾意佢首主題曲“喝采” (o係劇中係話Danny仔自己作o黎參加歌唱比賽, 但唔知點解叫o左做“鼓舞”), 仲有“眼淚為你流”…睇完即刻走去download o左好多Danny早期o既歌, 好聽到不得了!
以前唔明點解咁多大我o地幾年o既姐姐會咁鍾意陳百強 (記得阿千嬅同梁fing琪都話佢o地最鍾意Danny仔), 睇完呢套戲, 我完全明晒! 既靚仔, 又健康, 仲要有少少怕羞o個隻, 再唱埋冧歌, 仲唔冧死你! 可惜o係我認佢o既時候, 佢已變o左個“一生何求”或“一生不可自決”個滄桑/沮喪 look; 唔係唔好…就唔係特別討好囉! 其實我覺得東東o係“初戀無限touch”個感覺係有d陳百強o架, 連套劇個style都有d似; 不過Danny個形象就再健康d&討好d!
另一驚訝係 -- 哥哥o係呢套戲居然要做個“反派”…唔係d大奸大惡o個隻(o係呢類青春勵志戲應該唔會有大奸角), 只係d衰同學囉…但好明顯o個時真係Danny仲紅過哥哥好多, 否則唔會有一個咁o既角色分配出現o左!”
今次睇完呢個舞台劇, 又再次明白點解當年一出道o既陳百強會紅過張國榮咁多…因為佢形象健康正氣再帶點害羞, 反而哥哥o個種wild+反叛唔係七十年代尾/八十年代初社會人士普遍可以接受到o既 (有d似十年前o既陳曉東vs謝霆鋒…純屬個人意見)…當然, 到八十年代中期, 哥哥o既狂野+不覊形象出晒, 紅透半邊天…而o係我懂事之後, 都係哥哥紅過danny好多, 而且danny o既形象已經由健康男孩變成有d滄桑同埋灰o既中年男士…亦都係因為咁, 我o係睇到佢八十年代初o係 “喝采”o既演出之前, 真係唔多明點解有咁多大我o地幾年o既哥哥姐姐咁迷佢o架?! 當然後來就明晒啦…如果我係生於o個個年代, 相信我都會迷上陳百強…因為佢d歌實在太好聽, 同埋佢o個時個image真係超討好, 仲有佢有一種獨一無二o既charisma!
o係網上其實搵到好多關於哥哥同danny仔+喝采o既資料:
“陳百強與張國榮兩人在香港出道時間相仿，但陳百強一出道即以自寫自唱的《眼淚為你流》紅透半邊天，張國榮卻被嫌粉味太重，始終紅不起來，不過，兩人卻維持很好情誼，並合作了《失業生》、《喝采》等片，只是陳百強都掛頭牌，哥哥只能屈居綠葉。
《喝采》現已成為有宿命傳奇性的奇片。當時合演的青春《三劍俠》陳百強（1958-1993）、張國榮（1956-2003）和鍾保羅（1959-1989），後來都在英年死於非命。該片由蔡繼光導演，陳欣健監製，文雋和鄭丹瑞等編劇，主要女星是翁靜晶和盧業瑂。
這部青春校園舊片以校際音樂比賽為高潮，陳百強主演，但「反派」對手張國榮的反叛、憂鬱、俊俏形象也大出風頭。此後張國榮在影視壇吃香，一九八二年蔡繼光導演青春戀愛片《檸檬可樂》，便由他和周秀蘭主演，高志森編劇兼任副導演。”
2003年4月1日o係聽到哥哥自殺o既消息之後, 我都即刻諗起呢套“喝采”實在太邪…三個男主角都相繼英年早逝, 仲要三個都可以算係自殺! 之後有d人話女主角翁靜晶係好命硬o既人, 佢身邊o既男性同埋同佢拍呢套劇o既三位主角都…哎…真係大迷信, 大迷信, 大迷信 (仍然強調呢三set“大迷信”必須一輪嘴咁唸) 喇!
http://hejnom3.blogspot.com/2003_04_01_archive.html
“不過最最最邪o既係我忽然間醒起我o係倫敦時成日睇o個套“喝采”, 3個男主角相繼逝世! 先有鍾保羅, 跟住係陳百強, 依家連哥哥都自殺死埋…你都唔好話唔邪! 對唔住, 我係唔應該導人迷信o既…不過我真係忽然諗起覺得有d邪嘛!”
可能今次呢套舞台劇就係驚邪…所以死都話唔係講佢o地三劍俠o既故事!
我記得2003年都曾經話過想重拍“喝采”, 話要搵當時仲未折夥 (應該係o岩o岩組成添o乍) o既boyz (kenny+steven) 同埋isabella做…其實個感覺都幾似…可惜最終拍唔成, 不過好似都拍o左套什麼網劇叫“新的喝采”…唔知係咪用番呢個故事o既呢?
而另外一套“失業生”, 我就未睇過, 不過又係佢o地三劍俠做, 都可以買o黎睇o下呀!
http://hejnom.blogspot.com/2006_03_28_archive.html
“經過hmv又見到八十年代經典電影“失業生”出o左dvd, 係“喝采”三劍俠-陳百強, 張國榮, 鍾保羅原班人馬之作…呢個group真係邪中邪, 三人都英年早逝, 仲有少少“死於非命”o個隻…但係三個其實都係好掂o個種! 雖然三個都好吸引, 但我居然最想睇係鍾保羅…因為不嬲都好buy佢…當年o既 “金牌司儀”接班人, 同埋之後睇到重播o既“IQ成熟時”…都係好得!
個女主角好似叫徐杰, 都幾靚女, 但只係o係o個段時間見到佢o既蹤影, 之後幾年已經唔見o左…個style仲有d似翁靜晶! 如果我無記錯, 佢好似係“彩雲曲”o既主角?!”
youtube亦都有好多精彩片段…睇完套舞台劇上o左舖danny癮, 緊係要去搵o下佢d經典mv同埋演唱會片段啦…點知搵到一段仲精彩o既…係1982年TVB一個由蘇絲黃主持o既節目, 叫“十彩新地”…真係聽都未聽過有呢個節目, 唔知係咪有D似"勁歌金曲"或者"K-100"呢?
嘩, 好搞笑…見到蘇絲黃後生時o既樣…係咪o個個年代o既女dj都係咁o既style o既呢?! 佢o個時個look有d似俞琤 (不過女性化少少) 同埋 "IQ成熟時"o既miss wu楊詩蒂…即使依家o既蘇絲黃, 個look同埋style同埋講o野個tone都幾似!
不過睇住佢o個時個樣, 同埋同依家無咩分別o既聲音, 好似怪怪地咁, 唔係太襯…都係襯佢依家個超中性look多d!
oh, 另一驚喜就係居然發現譚玉瑛姐姐…後生o既佢都幾靚女呀! 當然, 最正就係o係個節目入面有"喝采"呢隻好好好好聽o既歌聽啦…隻歌仲要係danny仔自己作曲, 真係好有才華!
又講埋套舞台劇先啦…其實我覺得上半場好睇過下半場好多, 因為劇情無咁灰, 連d歌都好聽d!
扮張國榮o既gary哥哥咁有舞台劇經驗, 當然做得好, 唱又真係唱得好好喎…以前"白石嶺公園"年代都無發覺添…哈! 同埋佢都應該就快四十, 但係扮剛剛中學畢業o既o靚仔都仍然ok…仲有發覺佢個feel有d似李克勤, 睇番場刊, 先知原來佢o地同曾特首一樣, 都係華仁仔! 我諗佢o地應該係差唔多o個幾屆添…仲有, 原來gary哥哥都有寫blog喎: http://hk.myblog.yahoo.com/iam-garytam!!!
反而幾驚喜o既係做陳百強o既陳健豪…真係唱得幾好, 同埋唱腔都有D似DANNY仔, 但又唔係過份模仿…一開場佢唱得無咁好, 但係到中間開始真係幾有水準, 幾有味道…原來佢仲係讀緊演藝, 呢個小朋友應該前途無限!
至於扮鍾保羅o既鄚嘉俊, 雖然得好少歌唱, 但係齋講o野同埋做戲都做得幾稱職, 咁但係當然唔夠danny同leslie出啦!
前幾篇先講開鍾保羅…佢當年o既自殺身亡真係令我好深刻! 話說o個時好鍾意睇佢做司儀, 點知睇完89年港姐決賽無耐, 到9月1日開學日放學返屋企睇新聞, 居然聽到話金牌司儀跳樓身亡…好驚, 好唔開心, 完全接受唔到…仲要o個時d報紙唔知點解可以登人o既遺容…無啦啦一揭開C1就睇到, 嚇到我呀…事前完全唔expect會有o架嘛! 同埋因為佢係跳樓, 個樣變晒, 腫o左, 直頭完全唔似…總之好鬼驚!
Oh, 仲有o個位一人分飾幾角o個個哥哥, 佢做個個角色都做得好好, 咁多個最出反而係佢!
成套戲個感覺有d似睇緊tvb o既"難兄難弟"! 至於最令人難忘o個幕, 相信係leslie落台同台下觀眾握手…呢個位捉得幾好, 同埋成個感覺好八十年代, 好似帶番我o地返去廿年前咁…
可惜呢個show已經做完o左, 大家想睇唯有等下次重演! 而我, 都係時候拿番套四年幾都無再睇過o既“喝采”出o黎重溫o下喇!
未買“喝采”vcd o既朋友, 可以去youtube睇埋呢個"當張國榮遇上陳百強"片段…danny出席哥哥85年演唱會仲上台同佢合唱"喝采"...
睇完呢段片, 一開電視, 居然見到播緊“秋天的童話”…仲要係陳百強o個part! 真係邪!
posted by 芒姐 at 11:51 下午
40 Comments:
Re: “有d似十年前o既陳曉東vs謝霆鋒” + “如果我係生於o個個年代, 相信我都會迷上陳百強…因為佢d歌實在太好聽, 同埋佢o個時個image真係超討好, 仲有佢有一種獨一無二o既charisma!”
咁你當年係咪都對陳曉東好讚賞?
陳百強初時o既形象對好多女仔來說係幾討好o既, 不過我就唔多鍾意lor, 太yim悶喇, 同埋其實佢D五官都唔係特別靚jeh(我聽過有人話個鄉下仔黎諾懿似佢喎, 幾驚呀!!), 不過佢個樣超中產(o個個年代貴為中產都真係幾馨香幾巴閉), 又成日響鏡頭前彈鋼琴(估唔到幾十年後o既今天, o個隻細頭/長頸/反唇/身型同個頭完全不合比例o既樣衰衰香港先生仍然沿用lee招, 佢真係幾乎次次出場都要露番兩手架喎, 真係好頂佢唔順, 實在係太老土太無新意喇), 所以對當時o既少女零舍吸引o瓜?!
芒姐, 第一次留言, 多多指教!
我都係九十年代人, 但係屋企好遲先買電視, 加上想睇電視要問準mama (直到差唔多六年班先可以自己開電視睇), 所以對於電視電影明星歌星的香港史, 真係多少都有o的脫節...
但係一直都覺得自己係懷舊人...越大越鍾意聽舊歌...而且baba mama o的口味停留係佢地果個年代, 當年興自己係屋企唱K, 買果o的"飛圖"天碟,唱o既都係陳百強, 林子祥等...(以前我係唱 "分分鐘需要你" 我呀妹唱 "偏偏喜歡你"...其實當時得果中二、三, 都幾騎呢...)
但係以前整體o既歌曲歌詞同唱功真係好有水準...果陣baba mama去聽煇煌演唱會, 買左佢地o既CD, 有一排我晚晚都有煲佢地o的歌...
但係對於當年歌影視o既歷史真係超模糊...頭先仲第一次係個 blog 度聽喝彩, 果然係好掁奮!!! 唉...時值大學畢業搵工的 transitional stage, 都算係一個及時o既鼓勵:
明日變遷怎麼可知道 何事悲觀信命數
似朝陽正初升 你要自信有光明前路 :)
janice妹妹, 前面要走的路還長呢! 努力啊!
哥哥、danny同鍾保羅嘅故事, 的確令中年人或步向中年的人特別感到唏噓!
Speaking of Danny's movie, here is my favorite line from An Autumn's Tale
陳百強 to 鐘楚紅：「愛情就好似一條鯊魚,不進則退。」
船頭尺：「阿倫邊有咁講過呀？佢只係成日講『這陷阱，這陷阱』渣嘛！Bull shit！」
講起鍾保羅, 唔知你有冇印像某年嘅"城市追擊"講過有人睇電視見到呀鍾生叫佢去報警拉推佢落樓嘅人呢?
80年代真係好正.....可惜我都只係個幼稚園生.....鍾保羅死嗰日我啱啱一年級
見到Gary哥哥我就諗起張沅薇
聽說7月會再演，雖然陳、張、鍾唔算我的年代(反而GARY哥哥我就好熟悉)，但我都喜歡佢地D歌，有機會我會看的，多謝介紹!!
我諗舞台簡陋的原因，以下新聞有解釋：
《喝采》劇改拍戲賺多筆 切中話題 金曲招徠--轉載自香港經濟日報
前日才結束4場添食的音樂舞台劇《喝采》，無明星演員擔綱，但前後加場2次，演足19場；該劇更有望成為《我和春天有個約會》的翻版，長做長有兼改編成電影。
《我和春天有個約會》成典範
「一開始部署把《喝采》發展為長壽劇，首演由春天實驗劇團與康文署合作，先摸熟觀眾反應，見有回響，春天舞台再和東亞娛樂合辦重演。」春天舞台行政總裁高志森是近年把舞台劇商業化最成功的「搞手」，籌辦過不少贏得票房和口碑的劇目。
由電影人高志森轉搞舞台劇，省招牌之作是1995年的《我和春天有個約會》。當年共演70場，吸引7.3萬觀眾入場，後來還拍成電影，以300萬元投資，贏得逾2,000萬元票房，可謂「刀仔鋸大樹」的典範。
他形容，1995至97年「通街是熱錢」，市民閒時便看舞台劇，劇團也曾風光一時；而在99年由陳寶珠擔演的《劍雪浮生》，就更創連演102場、逾12萬觀眾的紀錄。
舞台劇是奢侈消費，曾隨經濟低迷而沉寂；惟自2005年本港踏上復甦路，舞台劇又「翻生」。去年由春天舞台製作的《天之驕子》，卡士有陳寶珠、鄭少秋，50場爆滿，共吸引6.2萬名觀眾捧場。
身兼西九龍諮詢委員會表演藝術與旅遊小組成員的他提到，05年本地約有130齣舞台劇公演，去年增至160齣，估計總票房收益有逾10%增長。
《喝采》談濫藥等話題 入座80%
《劍》和《天》劇有知名藝人陳寶珠掛頭牌，獲一批40歲以上觀眾支持不足為奇。去年8月在元朗及屯門首演的《喝采》，只得3位年輕演員擔綱，但入座率達80%，連同加場共演18場，有超過5,000名觀眾捧場。
該劇圍繞年輕人濫藥、抑鬱及嗜賭等話題，並穿插張國榮和陳百強的經典金曲。高志森認為，經典金曲有客路，3位演員又有觀眾緣，並開拓一批30至50歲觀眾群；該劇更有望成為《我》劇翻版，躍登大銀幕。
自負盈虧 重點出擊
他又提到，大型舞台劇投資成本高，只能「3年抱兩」：「大製作要3萬觀眾，每人付250元（即約750萬元票房）才能回本。演員的叫座力、場地、題材等因素均要計算清楚；但辦實驗劇投資較少，《喝》只約百萬多元。」
自負盈虧的春天舞台，遂要「兩條腿走路」，每1至2年重點出擊1套大型劇；餘下時間則製作實驗劇吸納新觀眾：「有實驗劇跑出，就把它發展成長壽劇。」
我好鍾意陳百強同張國榮d歌, 有時候聽番佢o地o既歌覺得好唏噓, 咁有才華的兩個人咁快離大家而去, 實在係好大o既損失, 有時候都會覺得, 真係天妒英才。
乜“十二隻恐龍去野餐”唔係安德尊唱架咩? 弊喇, 點解我會有個咁嘅印象架?!
monjeh, 之前提過我個 blog 度有寫'喝彩'舞台劇, 俾 d link 你睇下.
http://mmlinx.blogspot.com/2006/08/d.html
http://mmlinx.blogspot.com/2006/08/paul-leslie-and-danny.html
http://mmlinx.blogspot.com/2006/08/more-about.html
重演果次我睇左, 不過無寫 lu. 我自從睇左 angus 演 hamlet 之後就成為佢 fans, 其實佢都有個 blog 架!
首演果次 gary 哥哥落台握手果陣 d 觀眾仲瘋狂! 同埋上次有出閃卡同簽名海報! (我買晒~~)
成個劇我唔識的歌係"疾風" (我同事話當年都有 hit 過下). 跟住搵返danny d mtv 黎睇同up上 xxxxxbe, 原來佢都好多fans! 佢地仲好有禮咁多謝添!
monjeh 你篇文 on.cc 果張相係東方定太陽? 邊日架~~
芒姐，我都係第一次留言，但其實我一直都有追開你呢個blog，多多指教!
我雖然係八十年代中o既人，但一直都好欣賞同懷念舊時o個o的o野!亦正因為咁，我好鐘意睇你個blog，從中了解多o的七八十年代o既o野!^v^
話時話，我之前都有睇過Gary哥哥做o既舞台劇《新白蛇傳》，發覺原來除左我之前認識《閃電傳真機》o既Gary哥哥一面之外，仲有咁演得同唱得o既一面!*v* 而且佢個樣雖然唔可以講得上好靚仔，但至少係順眼同幾討好o個隻!>v< 見你講到"喝彩"咁好睇，我都有o的心郁郁等佢重演時買飛睇!況且，高志森o的劇都算有保證!^v^
至於，關於陳百強o既形象，其實如果o係三個之中，我都會揀佢!雖然我對佢認識唔深，但佢形象對比起哥哥張國榮討好o的。而鍾保羅對我來講太陌生啦!完全唔可能o係我選擇之中!而且我內心凝住陳百強o的歌係好聽+有意思過哥哥o個o的，好似《喝采》、《漣漪》、《一生何求》等!我始終覺得哥哥個形象有o的邪邪地，不過我都幾buy佢電影"金枝玉葉"o既 look同佢首《追》，嘻...真係好矛盾!
"無線《一網打盡》vs 亞視《第一手真相》
由三月十七日起晚上 19: 35 ,
無線「全新」節目《一網打盡》將會播出
睇宣傳短片都知道大約內容會同亞視的《第一手真相》很相似,
都是圍繞網上事物討論
而其中的一個討論話題是康文署公園內「請勿擺放雜物」的英文:
「No Paraphernalia 」難以理解,
這剛剛在前幾晚的《第一手真相》內講過
無線可能搏人睇《向世界出發》而無睇《第一手真相》,
所以連話題都抄足
即管放長雙眼睇睇無線會將《第一手真相》搞成咩樣"
This is from a local forum.
What do you think?
To Kay*
唔知哥哥有邊忽得罪你呢, 又, 唔知咩叫邪邪地呢? 唔該define o下! 哥哥同danny走紅嘅時候你都唔知響邊, 你乜都唔知又咁多野講, 唔該唔好扮代表啦! 原來吸毒吸到腦幹死亡都叫形象好, 果然係超低能, 勁搞笑!
To micchy
你無聽過"疾風"咩? 歐陽德勛當年參加新秀就係唱"疾風", 同屆嘅阮兆祥就唱陳百強嘅"不", 可見當年陳百強嘅歌都有番咁上下hit!
我70年代中至70年代尾已經識睇電視, "跳飛機"同"大亨"都睇過, 但又真係無乜印象有個節目叫“十彩新地”喎, 我覺得個節目似"SUNDAY新地帶"多D, 仲有我覺得後生時o既蘇絲黃似梁愛多過似俞琤, 俞琤個樣靚少少!
DANNY唱"突破"時D台風好可怕, 佢對手FING o下FING o下好似跳緊中國舞咁, 真係有型不足, 老土有餘, 唔怪得佢唱唔到快歌!
Monjeh, sorry 又是題外話.....
我要投訴, TVB 話會播兩個series的 "小生and 娥姐", 但係而家又改播 "奪命真夫", I am sooooooooooooooooooooo disappointer ar!
Monjeh, 救命ar!
您好麻，芒？
您還是我的同行麻？^_^
藥師前輩:
您好呀! 得到您的留言簡直有點"受寵若驚"...要知道在我o地呢行, 前輩即係前輩呀嘛...好緊張呢!
無錯, 我還是您的同行, 一個會經營"副業"的同行...仲要係十分九唔搭八的"副業", 相信身邊無人會想像到...所以請不要"舉報"我!
記憶所及我係大半年前o岩o岩開始對上一份工時感同身受o係您的blog留了個言, 估唔到您仲會記得我呢個後輩, 真係好感動! 我仍然有常常到訪您的blog, 仲知道你上埋sina本書度添! 睇您的blog, 好多個位都好有共鳴...例如請秘書, deal w/ 老細, 唔俾msn自己d同事, 派利是俾下屬等等瑣事etc etc...好多人都奇怪點解我o地呢行o既人仲有時間寫blog, 睇見您仲可以日日update, 我就知道時間係自己分配出o黎o既o者!
多多指教!
後輩芒
CC,
我都好失望...真係唔知佢搞咩鬼...
雖然“奪命真夫”都好睇, 但係點可以明明話播埋第二輯忽然抽起喎...我o係上星期五蘋果都有寫到呢件事...真係不知所謂, 我都要抗議呀!
中年人,
其實我覺得蘇絲黃後生個樣都ok呀, 唔算太中性...哈哈...似梁愛...都有d o既!
匿名,
唔好咁激動啦...我相信Kay*都係發表佢自己意見o者, 每人都有唔同喜惡, 佢又唔係特登去攻擊哥哥o既...
匿名,
哈哈...咁咪同"新春豬事町"事件一樣...我未睇呀, 等我睇o下抄成點先!
Kay*,
你好! 多謝你o既支持!
"喝彩"真係幾好睇, 下次重演去睇o下啦!
係呀, danny仔d歌真係幾勵志, 同埋好好聽...咁哥哥o個d又係另一種味道o既, 各有捧場客啦!
m@linxism,
其實我係search google咁o岩見到張相, 我都唔知係邊份報紙同邊日, sorry!
哈哈...我睇o左你o個幾篇日記喇...你果然係忠實fans喎, 睇咁多場!
原來首演o係元朗, 咁遠唔怪得知完全無留意到...
angus 個blog係咩呀?
匿名,
“十二隻恐龍去野餐”原唱應該係譚偉權哥哥, 德尊老師後來有無翻唱就唔知喇?!
小魚,
係真係天妒英才, 令人萬分感慨! 所以先至覺得呢個舞台劇咁好睇!
匿名,
唔洗多謝...好o野緊係要同大家分享啦...
匿名,
我都記得有段咁o既新聞... 話d人o係錄影廠見到阿paul鬼魂!
oh, 張沅薇...唔知點解我一向都好怕佢, 尤其佢把雞仔聲!
Lux,
秋天的童話確係經典...我細個時都有跟媽咪去戲院睇過啊...
中年已在不遠處,
相信三劍俠o既故事, 對你o黎講更有共鳴...
Janice,
多謝你o既留言!
回憶永遠係最美好o既, 所以懷舊亦係好多人o既最大興趣!
"喝采"的確係一首好有意思o既歌, 希望可以鼓勵到你啦...
匿名,
Re: “咁你當年係咪都對陳曉東好讚賞?"
的確係...我亦都唔怕認! o係"初戀無限touch"年代, 我的確係曾經好buy東東+好勝gigi!
東東初出道時扮晒innocent, 其實我係好反感o架, 但係之後一兩年佢開始做番自己, 睇佢訪問原來都幾funny, 加上佢o個期d歌好似"愛你躲你", "猜猜猜", "心的接觸"全部好鬼死好聽! 仲有後來發現佢連唱快歌都得...o個時真係好鍾意佢隻"結他"同埋"心理遊戲", 估唔到佢咁多變, 幾impressed o架!
Re: "唔好咁激動啦...我相信Kay*都係發表佢自己意見o者, 每人都有唔同喜惡, 佢又唔係特登去攻擊哥哥o既..."
問題係佢乜都唔知又o係度學人評論, 人講佢又講, 呢d叫不負責任!
Re 匿名
先為我無聊的意見和失言而引起你不安的情緒致歉!對唔住!真的不好意思!
我邪邪地o既意思係指反叛//不覊//狂野o既意思!其實我o既意見算不上是什麼評論，純粹是我個人意見，如有冒犯的地方，請多多包涵!!
to 匿名
我無聽過疾風呀~ 可能果陣好細啦~ 不過我同事聽過, 所以都 hit 架~
我都好鍾意「白石嶺公園」！！
有印象Gary哥哥已經結婚，老婆係同佢同期做過「閃電傳真機」的「顏菁葦」，不過有待證實～
joanna,
唔係呀嘛?! 呢樣真係無聽過喎...咁得意? 你點知o架? 顏菁葦姐姐我記得佢喎...佢94年仲調o左去戲劇組拍"笑看風雲", 做包文龍同包文虎個妹嘛!
好勁喎你...咁都知道!!!
事緣我的某親戚同某「閃電傳真機」前主持o既細妹共事過~~電視迷的親戚就問下佢阿哥以前「閃電傳真機」o的野~~講下講下就講起Gary哥哥~前主持o既細妹講O左呢件事~~
至於某「閃電傳真機」前主持，就係拍過Ｖ字頭O野飲果位...芒姐,妳咁聰明,估到啦...
joanna,
OH, 唔通係...老...
Bingo~~!!
P.S.
好鍾意妳的視評呀~~
keep it up~~!!
joanna,
哈哈...多謝晒!
發佈留言
<< Home