3-5(mon) 翡翠首映
呢排深夜3點幾不停咁播o個d拍o左n年, 但又從未o係翡翠台播過 (好似大部份o係收費台播過)o既“翡翠首映”…喂! 原來幾好睇o架喎! 仲要每晚播兩至三集, 兩個禮拜就睇晒成套劇喇…唔洗錄得咁辛苦!
幾個禮拜前講過“紅衣手記” , weekend一下子睇埋後面o個十集…又真係ok好睇喎, 個故仔幾好, 同埋講護士受訓過程都幾新鮮, d演員亦都做得唔錯!
以新人o黎講, 陳鍵鋒真係做得好好好好好囉…好自然, 同埋佢真係幾靚仔! o係“迎妻接福”做謝天華個低b妹o既陳凱怡, o係“迎妻”入面做得幾好, o係呢套都做得幾好, 仲有當年o係“律政”做林峰個妹都做得好好…我諗佢都係最適合做人o地個妹! 不過睇番佢呢幾年真係同佘佘一樣, 忽然老o左好多…同埋唔知點解d牙係顯著地怪o左同埋黃o左?! 其實唔睇番呢d幾年前拍落o既劇, 又真係唔覺得佢o地老o左咁多o架喎! 佘佘o個時真係好後生, 個樣好fresh! 最怪係咁多個人之中年紀最細o既李泳豪, 反而要做佢o地o既“大佬”…仲要力追阿佘佘…真係好無說服力! 點解咁樣選角呀?
仲有, 邵美琪o係呢套戲入面又型番好多…有“我本善良”時候o既影子! 梳短髮梳得好睇o既人, 真係會幾型o下…好令人羡幕…好似“律政”o既胡杏兒咁! 邵美琪o係呢套戲入面個髮型仲要係唔知點解比起“妙手”梳得更型…真係好得!
咁o岩o係youtube又見到一段邵美琪d fans 叫佢對住個camera講番幾句o野o既片段…仲要講講o下又有fans搵佢影相…好random的一段片, 但又好搞笑喎!
接住“紅衣手記”上o個套“一網情深”…其實就唔係好吸引o架喇, 不過我又想睇o下n年前o既葉璇, 同埋聽o下佢o個d好好聽o既普通話! 仲有另一樣吸引之處就係有d上海景睇o下!
呢套劇個劇名已經好老套, 套劇本身都好老套, 仲要講網上情緣…out到爆! 就算係01年拍d咁o既題材都已經好out啦, d角色o既造型亦都唔多掂…成個劇o既感覺都好大陸, 節奏好慢, d人又唔多吸引, 所以我都淨係睇有葉璇o既部份…佢d普通話真係好好聽, 好地道…所以要轉去聽國語唔聽廣東話配音先得, 直頭當係睇“唱談普通話”!!!
不過佢個樣真係好唔似20出頭, 太成熟…依家靚好多, 不過形象就差o左好多…係o架, 我係幾鍾意睇葉璇, 亦都好欣賞佢o既聰明才智…雖然o係香港無人會認同! 佢同陳浩民呢對情侶檔依家睇番都幾搞笑…陳浩民都換o左幾次畫, 同佘佘都分埋手添喇! 最搞笑係無啦啦見到鄭嘉穎, 佢個角色都有d茄喱啡, 個造型亦都唔多掂…不過無法啦, 佢o個時都未係無線“親生仔”…同埋戲裡面佢情傾o個位阿姐個look都好唔得囉!
Oh, 仲有, 睇節目表原來聽朝開始晨早六點重播“餐餐有未家”…記憶所及呢套劇超無聊…但又想睇番o下當年o既白面書生古天樂, 同埋因為拍呢套劇同佢擦出愛火花, 當時仲係18歲卜卜脆o既黃[金己]瑩, 仲有年青時代o既宣萱…
仲有仲有, 唔覺意仲睇到原來兩個禮拜前亞視下午一點開始重播 “甜甜廿四味” …點解我會miss o左o架?! 依家做到十幾集, 應該已經由鍾保羅變成莫少聰…oh! 都好, 2003年因為哥哥死o左所以重播呢套劇o個時, 我就係睇到十幾集之後無得睇…依家終於都有得睇番後段喇!
posted by 芒姐 at 9:39 下午
28 Comments:
Hey, that's my youtube video! Thanks for promoting it, mon jeh. ha...ha...
一網情深的接擋戲又係葉璇的天下第一
又有女扮男裝，相信你會中意啦
雖然李亞鵬陳法蓉等人的戲好悶
不過葉璇的部份都幾好睇的
芒姐，其實上次我已經想同你講o架喇，“紅衣手記”之所以會變倉底貨，係因爲套戯拍完之後護士制度有變，所以先至唔出得街。好黑仔！
當年呢套劇係陳鍵鋒第一次做戲，但係演技上完全睇唔出係新人，佢真係掂o架！我勁buy佢嘅Vincent同埋韋柏翹@學警雄心。不過佢唔係親生仔，就算幾掂都冇男一做，依家仲要個個都爬晒佢頭，我真係好戥佢唔抵呀！
佘詩曼呢幾年個樣真係成熟o左好多。我鍾意健康d，所以我覺得佢以前靚過依家好多。佢依家拍住林峰真係幾姐弟feel下（古裝唔多覺，時裝就好覺）。
講開林峰，咁我又要講埋葉璇喇！當年再生緣兩個人的確係好襯，我超級鍾意。但係葉璇真人太成熟，如果依家再拍番林峰，我諗已經唔係好襯了。不過葉璇拍戲可以扮單純嘅（佢真係可以扮到好單純o架）！
以前葉璇喺TVB果陣我唔知原來佢係一個思想咁成熟嘅女仔，佢離開之後我先知。我都好欣賞佢嘅頭腦同膽識，不過唔多欣賞佢嘅手段。佢咁聰明，好應該知道用性感+緋聞+負面新聞雖然可以搏到上位，但係形象就會一落千丈，尤其是會流失女性觀衆緣。我唔係話佢唔應該用手段，而係唔應該用一個用o左之後就好難翻身嘅手段。
佘詩曼同林峰拍過古裝做情侶咩? 邊套?
乜唔係李柏翹咩? 點解資料話陳鍵鋒響《學警出更》個角色叫李柏翹嘅?
monjeh,
點解今日嗰集"甜甜廿四味"會突然由鍾保羅變咗莫少聰做嘅?
第五個留言的匿名人士,
有關「"甜甜廿四味"突然由鍾保羅變咗莫少聰做」一事, 詳情可參考芒姐2006年3月31日那篇日記中第三十一個留言:
http://hejnom.blogspot.com/2006/03/3-31fri-happy90000.html
Sorry, it should be:
http://hejnom.blogspot.com/2006_03_31_archive.html
"甜甜廿四味"之前播咗陳秀雯同林國雄的定情劇"驟雨中的陽光",呢兩套我都係第一次睇,不過林國雄0既角色我就唔多認同,佢窮唔緊要,但睇唔到佢有志氣,又同埋個肥仔朋友做埋d低裝野,真係睇唔到有咩咁值得鍾意。不過"驟雨中的陽光"主題曲真係好好聽,曾路德把聲真係好靚。
"甜甜廿四味"幾好,不過換咗莫少聰真係幾怪,好似突然變樣咁,不過無法啦阿Paul拍唔到,幸好0岩0岩好拍完同文雪兒結婚。我覺得鍾保羅做阿yor好d,可能我都幾鍾意阿Paul,以前好鍾意佢做司儀,幽默靈活得0黎唔低俗,好有技巧,好過什麼曾志偉多多聲,可惜甜甜廿四味裡的人已人事全非了。
仲有阿Paul仲拍過邊d劇?
++,
你講ge都係我心聲,我都好buy sammul,不過一句講晒,佢唔係親生仔,又冇後台,so...
我宜家唔鍾意阿佘,而且唔太靚,不過以前雪山飛狐打後一排都覺得佢好純,我宜家會諗,做咩我以前會鍾意佢,睇番紅衣手記,對比一下,以前同宜家差好遠,以前真係好fresh好純,係我鍾意ge女仔靚樣~
至於葉璇,我欣賞佢ge聰明勝過佢ge缺點,我都好唔明點解佢要咁,可能佢覺得好好醜醜都要出名卦,dun know~
佘與林峰的古裝:《覆雨翻雲》
而家《歲月風雲》都係做情侶,仲要係鬥氣冤家~~
《學警出更》叫李柏翹,係咪因為柏翹認番李sir做老豆呀?呵呵~~
re: "甜甜廿四味"突然由鍾保羅變咗莫少聰做
哥哥響商台親自敍述嘅自傳都有提過鍾保羅拍拍下電視整親隻腳!
re: 甜甜廿四味...
大家都找到答案喇...我唔洗多作解釋啦...
傻姑,
你咁勁o既...連邊個留言有講呢件事你都搵到, 我自己都記得喇...
re: 學警雄心/學警出更...
我諗應該係正如celine咁講, 韋柏翹搵番佢親生老豆, 咁咪跟李sir姓o卦?!
michelle,
不過其實陳鍵鋒前幾年就算被受力捧, 都無其他幾個被捧得咁勁...可能香港地乖仔始終無mk仔market咁大...香港d人仲要d莽撞青年多d!
佘佘以前就靚d, 清純d, 但d戲就係"十月初五"之後我先可以接受..."小胡斐"年代無論佢把聲定d戲, 我都睇見想熄機...因為實在太嬌嗲, 嗲到一個不能接受o既地步...o個時成日學佢叫 "小胡斐"...因為實在太好笑...
葉璇...其實佢初時都好好地...唔知點解佢依家形象會搞成咁...畢竟做明星, 形象真係好緊要o架嘛...觀眾唔知你係咩人, 唯有靠睇報紙o架啦...
Kitty,
"驟雨中的陽光"的陽光隻主題曲真係好好聽, 不過套劇就...永遠都令我提唔起興趣睇, 雖然佢都係one of麗的o既八十年代經典青春劇, 又重播過n次...因為d主角實在無一個我喜歡...同埋d造型真係唔知想點...尤其阿林國雄個look! 陳秀雯同文雪兒可能我認識佢o地o既年代, 佢o地已經係d阿太...所以睇佢o地拍青春劇有d怪!
"甜甜廿四味"其實哥哥同阿paul o個段"兄弟情"都幾好睇...同埋佢兩個都做得幾合拍...所以我都係鍾意睇阿paul多好多 (又加上先入為主啦...睇睇o下換o左人做的確係怪...不過亞視又興咁o架喎!)...同埋我本身都好buy阿paul做司儀, 莊諧並重, 同money姐簡直係最佳拍檔...亦正正係我開始睇電視睇得好投入的小學年代...我記得89年9月1號開完學睇新聞話佢死o左...幾唔開心呀...完全接受唔到!
阿paul仲拍過我最最最鍾意o既"iq成熟時", 同埋我無咁鍾意o既"青春三重奏"呢...
++,
哈哈...其實我諗除o左護士制度有變之外, 卡士太弱都係一個原因...佘佘o個時都叫上o左d位, 但陳鍵鋒真係未有太多人認識, 搵佢做男一號未免太大膽...仲有另外位康小姐就真係不提也罷!
陳鍵鋒係咪有拍過"美麗人生"o架? 我都唔係好記得, 因為我無咩點睇呢套戲, 但後來睇完"律政"好似search過佢o既資料見佢拍過呢套戲, 但唔知算唔算男二or三號喇?! 佢o係呢套戲係咪拍葉璇呢? 咁呢套戲係咪拍先過"紅衣"? 因為我記得係2001年2-3月上, 當時做做o下呢套戲, 係睇到梁成恩單新聞...所以先咁記得係幾時播!
佘佘真係應該拍番d年紀大少少o既男藝員, 拍林峰會顯得佢太老...林峰都係拍番胡杏兒或者楊怡算吧啦...雖然我更buy佢都葉璇...不過我都好認同你講, 如果依家葉璇再拍番林, 可能已經無"再生緣"個效果...
葉璇思想比同年紀o既人成熟百倍不嬲都從佢o既訪問中睇得出...不過其實佢又唔需要走到依家咁o既路...o係tvb佢都應該有發為...即使04奧運佢成日俾人話, 我客觀地睇都覺得佢做得好好喎...起碼佢三個語言都流利(廣東話最唔流利囉), 同埋d人都會肯接受佢訪問, 俾足面佢...作為一個主持, 稱職有餘呀...同埋佢肯搏嘛! 但係負面新聞太多真係會好影響佢o既發展...其實一個咁聰明o既女仔, 我係好欣賞o架喎, 仲要佢做戲亦都真係唔錯! 尤其女扮男裝啦...
natsumi,
oh! 又有葉璇女扮男裝嗎?! 咁又要錄o黎睇o下...但係飛晒其他部份...
shaw_mag,
哈哈哈...我post之前無為意到添...係你o既video更加要大力推介啦...
唔記得架, 我只記得係《芒姐再現》開幕之後一兩月咁上下, 我要逐篇逐篇search, search到之後再慢慢數第幾個留言先搵到架乍... 我都係你一個好忠實嘅讀者, 我之前唔留言之嘛!
re: "甜甜廿四味"突然由鍾保羅變咗莫少聰做
thanks 咁多位！ ＾＾
芒姐
而家下午2點幾播緊《牛郎織女》
溫兆倫同郭羨妮O個套呢＝﹏＝
davis,
我都有睇到節目表呀...但呢套我真係不敢恭維...齋睇佢o地個造型都嚇死我...
傻姑,
哈哈...多謝晒你o既支持!
實在太有心喇, 咁都俾你search到...我有時都唔記得d o野post過o係邊, 唯有靠search google...哈!
re芒姐，
陳鍵鋒好似係有拍過"美麗人生"...不過我都冇睇過呢套戲，所以唔係好清楚...
我頭先search佢嘅資料，先發覺原來我之前講錯o左：
美麗人生 (飾演:郭啟邦) (2000年)
紅衣手記 (飾演:容德基) (2001年)
律政新人王 (飾演:卓偉名) (2002年)
呢個list係根據拍攝時間排嘅，所以陳鍵鋒第一次做戲應該係"美麗人生"，真係sorry晒！俾錯料添！其實我唔係佢fan屎，不過就好欣賞+鍾意佢咁囉。
陳鍵鋒拍過美麗人生，拍檔就係葉璇冇錯
佢兩個都算超齡演出啦
要跟林家棟陳浩民郭可盈等人演同輩
真係難為佢兩個
++,
傻啦...無端端做咩sorry, 人人都會記錯啦, 你估電腦咩...何況你又唔係佢fan屎!
陳鍵鋒拍"律政"前應該仲有拍過其他戲o既, 不過我都無咩留意...可能係做配角之類! 反而佢做dj時我有留意佢喎, 因為個名幾特別 (叫陳恩耀), 同埋年紀同我差唔多...o個時我都有發o下夢做dj o架嘛!
natsumi,
佢兩個原來咁早期已經有一pair...定係葉璇拍林家棟?! 定係做佢個妹定點? 我都真係唔多清楚! 葉璇一向都係拍一d年紀大佢一大截o既人, 一出道"廟街媽兄弟"o既李克勤, 跟住keep住係陳浩民...後尾先搵到佢o個期o既最佳拍檔林峰...可能真係因為佢個樣太成熟! 當年佢18歲選完華姐, 個樣真係似28歲多d囉...後期先後生番d o乍!
葉璇係美麗人生裡同佢兩個都係一 pair
先同林家棟，後來加咗郭可盈跟陳鍵鋒
林就同郭，葉璇就同陳鍵鋒
發佈留言
<< Home