2-14(wed) happy300000…六白金+紅衣手記

要特別多謝讀者polly, 為我cap低o左“芒姐再現”衝破六白金的歷史性時刻…我本人完全miss o左…真係要好多謝各位熱心o既朋友…萬分感激!

估唔到呢度o係豬年來臨前已經達到happy300000數字…記得o係舊年2月25日正式遷入呢度o既時候, 仲未衝破100000萬大關…估唔到唔夠一年, 就經多o左200000…可惜唔係我個銀包啦…哈哈! 講笑o者, 錢又點及得大家對芒姐o既厚愛呢…!



亦都一如以往, for my own record, 點都要o黎一個芒姐六白金全紀錄o既…


2006-12-13(wed) 全台藝員騎呢之星大唱遊2006(下)+ happy250000…五白金!!!


2006-10-21(sat) happy200000…四白金+地球大合唱


2006-8-19(sat) happy 150000…三白金喇!!!


2006-4-23(sun) happy100000...雙白金!!!


2006-3-10(fri) happy77777+fing下fing下


2006-1-29(sun) 合皮猜列時扭耳+合皮60000


2005-12-25(sun) Happy 50000之白金唱片 + 2005芒姐十大


2005-11-4(fri) happy40000+商天娥


2005-8-13(sat) happy 30000


2005-7-13(wed) 金唱片


2005-6-24(fri) 20000


2004-11-4(thurs) 成千上萬


2004-8-28(sat) HAPPY 8000


2004-5-13(thurs) Happy 5000

呢個禮拜又有兩套新劇上…都係胡胡閙閙o個d新年戲, 不過都ok o既…新年流流, 輕輕鬆鬆鄧梓峰總好過死得人多o既“突圍行動”o既! 係唔明點解拍o左三年o個套倉底“十兄弟”無啦啦會被無線賞識安排做賀歲劇囉?! 不過睇多幾集先講啦, 或者睇落幾好睇呢…?!

反而深宵d重播劇或者“翡翠首映”幾得喎…上個禮拜貪得意錄o左套陳年舊劇“紅衣手記”o黎睇…好明顯真係拍o左好多年, 佘詩曼個樣仲好後生…好“祝君好”年代個樣, 有d baby fat, 只係d頭髮長o左少少! 估唔到幾年間佢個樣會成熟o左咁多, 唔睇番呢套劇都唔覺…哎, 女人點解會咁唔kum老…真係太唔公平!!! 一過三十歲就呃唔到人, sammi又係咁, 千嬅又係咁…但男人過o左三十歲個樣仲好young…實在係太唔公平喇!

佘佘o個時拍埋細佢幾年o既陳鍵鋒度, 都仲ok襯…依家成日要佢拍再細d o既林峰, 個感覺實在太姊弟喇…佢都係拍番初哥哥適合d, 馬德鐘都ok o既!

套劇就普通啦, 不過齋講護士o既故事都幾新鮮, 由入護士學校到畢業出o黎做護士, 即係好似“學警雄心”o個隻, 不過係護士版…但我絕對明白點解佢會入倉底…因為個cast實在太弱!

陳鍵鋒係唔錯, 靚仔, 形象討好, 演技都唔差…但呢套戲好似係01年拍, o個時佢仲係一個無咩人識o既無線新丁, 要佢擔晒成套戲有d危險…even 03年o既“律政新人王”佢都係同林峰做雙男主角, 仲要林峰係主d o個個添!

咁都唔緊要…最唔得o個樣當然係兩個女主之中, 除o左佘佘…居然有一個係康子妮!!!!!!!!!!!!

如果大家唔知佢係邊個, 可以click入“紅衣手記”個網頁睇o下…連呢位姐仔都可以做女主角, 真係唔怪得知套劇無得o係黃金時間播! 劇裡面仲要話陳鍵鋒暗戀佢, 當佢係夢中情人…真係完全無說服力! 01年應該未發生佢做第三者介入林曉峰同o個位拍拖十年毁容女友o既戀情o個單新聞, 佢形象都尚算ok…但佢d演技就真係生硬o左d (objectively, 作為一個新人係可以接受o既…但我睇呢套戲時已經係07年, 已經知道o左o個單新聞好耐, 無可否認對佢印象真係唔多好!), 同埋佢個樣做主持係ok o既, 但係拍戲就真係mun d! 仲要係女主角應該需要靚少少…因為主持唔洗點close up嘛! 揀佢做呢套戲o個位監製…都真係幾有勇氣! 佢好似o係呢套戲之後, 都無擔過咩戲…最有印象應該係舊年o係“天幕下的戀人”做周麗淇個夾帶私逃表姐…係咁多, 無喇!

而最有驚喜當然係o係呢套戲見到邵美琪同曹永廉出現, 仲要係做番“妙手仁心”裡面o既向眾仁同萬安生醫生…呢個構思都唔錯! 但更搞笑o既係呢套戲又有o係“妙手3”做doctor hunter做得好出位o既姚嘉妮…仲要劇情都係話佢入o黎讀護士都係想識有錢醫生, 仲要又係睇中o左向眾仁添…不過就應該無真係去hunt o既! 可惜佢唔係做番同“妙手3”同一個角色, 如果唔係咁樣link落去仲搞笑…同埋佢做呢d角色真係好適合, 做得好好! 仲有, 佢個樣真係六年都無咩點變…keep得好好!

其實姚嘉妮真係幾得o架喎…唔知點解佢會紅唔起?! 樣靚, 身材好, 英文唔差 (呢樣應該唔關事o既, 不過我prefer o者), 演技都唔錯…近年o係“妙手3”,“天幕下”,“肥田”幾套戲都做得幾好, 個樣分分鐘靚過d女主角…偏偏上唔到位!

下個禮拜上o個套“一網情深” , 有葉璇喎…仲有佢個舊愛陳浩民…都可以一睇! 兩個禮拜就做完一套, 都真係好快手!