2007年2月3日星期六

2-3(sat) 草蜢forever grasshopper in concert (part 2)

兩年半內, 第三次去睇草蜢o既演唱會, 以一個唔係佢o地fan屎 o既人o黎講, 真係有d匪夷所思! 即使係我好欣賞o既hocc前兩個禮拜開佢十月個演唱會o既part 2, 我都無去睇多次, 但我居然忍唔住要o係咁短時間內睇多一次草蜢, 可見佢o地o既演唱會真係有一定可觀性!

少不免又要再refer番大家去我之前兩次寫草蜢演唱會o既entries, 費事我由頭講多次令到之前睇過o既讀者會悶爆…所以都係請無睇過o既讀者入去望一望先啦…


2005-10-20(thurs) 草蜢-我們的演唱會(上)



2005-10-21(fri) 草蜢-我們的演唱會(中)



2005-10-22(sat) 草蜢-我們的演唱會(下)



2006-9-5(tues) 草蜢2006演唱會



(part 1+part 2)

其實將呢個演唱會同之前兩次比較, 又唔係咁公平o既…事關第一次總係最有新鮮感, 最好睇o架啦…加上大家餓o左咁耐, 感情分都高d! 同埋今次其實只係上年九月o既延續篇, 所以新鮮感就欠奉o架喇, 不過就算係重覆睇多次…都依然係咁精彩! 尤其係個氣氛, 真係無一個演唱會可以及得佢! 連我d咁冷漠o既人, 都會一齊起身揮動棒棒! 仲要我呢期一路都係暈得一陣陣咁, 但係一邊wing, 一邊都要起身一齊跳…

草蜢d fans真係好勁, 全部應該最少都年過三十, 但係熱情無減退不特止仲比年輕時更勁! 我後面有幾個sly (全無貶意…只係想更準繩地形容o個幾位女士) 都唔知幾投入, 仲差不多隻隻歌都識唱…不過我都幾乎隻隻歌都識唱喇, 事關草蜢d歌的確係陪伴我o地個年代o既小朋友成長, 就算唔係佢o地fan屎, 都一定成日聽佢o地d歌! 同埋即使唔識唱o既歌, 經歷呢三次演唱會o既洗禮, 我依家都識晒喇!

o係encore部份佢o地唱o左一隻陳年快歌…隔離d人都好似唔多識咁, 但係因為我睇完05年演唱會返屋企check過, 所以我知隻歌好似叫“兒童不宜”…成日o係度咩“代客泊車”又“挑戰者”…其實“挑戰者汔車美容”好應該搵呢隻歌仲佢o地主題曲囉!

今次好似無唱“心中的歌”…我好鍾意o架嘛! 不過算啦, 次次唱我又會話悶! 最悶都係“失落園”…係就係好聽, 係就係好hit, 但真係已經唱到爛o左, 毫無驚喜! 蔡一傑一自己一個出o黎, 你就知佢要唱“失落園”…不過佢又真係唱得比較有水準o既, 蘇老闆呢十幾年o黎都進步o左好多, 反而唔知點解阿智solo o既時候狂flat囉!



唔知點解, 好多以前細個覺得唔算太好聽 (雖然都係有大hit過o既, 係我本人無咁鍾意o者!) o既歌, 十幾年後聽多幾次之後, 又覺得都幾好聽喎…唔通真係回憶永遠都是美好的? 舊歌經過歲月洗禮之後, 一定會加o左分?! 我講緊o既係當年日播夜播o既“永遠愛著你”同埋“lonely”…唔知點解, 呢d歌依家一聽到已經令人興奮!

o個時覺得一日十九幾萬次o既“勁歌推介”, 每次開場都聽到佢o係度o翕“我唔知道點解你要咁對我, 我只係知道無論你點樣對我, 我都係咁愛你…或者你根本無愛過我, 甚至恨我, 但係我仍然永遠永遠愛你…”好鬼死煩, 但係佢o地今次拿呢段開場白o係換衫位播再tag歌, 個idea又幾唔錯…唔知係咪林珊珊諗o既呢? 總覺得佢幾有腦, 比阿jan更有腦, 係三姐弟中最掂o個個…你睇自從草蜢簽o左佢做經理人, 成個packaging都好掂囉…呢幾次演唱會, 無o左林珊珊根本就唔會咁成功!

o個段咁o既“我唔知道…”雖然大部份都o翕得幾悶, 你o翕呢d至於都抽個韻呀…原來好多artists真係可以好yim悶, 一d創意都無! 比較欣賞阿jan o個句“我唔知道草蜢點解會去港台頒獎, 我只係知道軟硬o係商台[手羅]o左金獎!”…幾精警! 其他o個d artists o翕o既句子真係好屎…你求其都整句“我唔知道我坐o個個係咪靚位, 我只係知道草蜢o既演唱會, 無論坐邊度都咁好睇”…哈哈哈…都好爛呀o可?!



之前o個兩次演唱會都無嘉賓, 今次反而就嘉賓一籮籮喎…咁都好, 對我o地呢d睇o左兩次o既朋友, 都有d新鮮感呀!

我睇尾場, 依舊有軟硬, 關淑怡…不過無o左twins, 換o黎許志安! 呢個安排非常好…唔係話唔鍾意twins, 只係佢o地同草蜢確係不同年代, 無o個種共同回憶呀!

雖然[火羅]安呢期[火羅]到暈, 但你真係不得不承認佢唱歌確係好動聽! 如果佢唔講咁多o野, 效果會更加好…即係佢必須要明白, 當佢個人唔受歡迎o既時候, 做咩d人都會覺得唔順超…感覺呢d o野, 從來都好subjective! 以佢呢期o既人氣, D觀眾已經算幾俾面佢, 都拍o左幾下手掌…但當佢仲想講多幾番偉論o既時候, 大家已經顯得不耐煩, 但佢依然繼續講…呢d咪叫唔識時務囉! 做番你最拿手o既o野, 唱番首好歌就大家高興啦!

不過作為一個曾經攀上“最受歡迎男歌手”地位o既歌星, 咁樣跌法又真係幾慘o既…成日有人問我佢究竟做錯咩事跌成咁? 我諗唔係一朝一夕o既…本身個個歌星都無可能紅一世, 佢人氣開始跌, 再爆話同sammi分手, 人o地女仔人家一句都無講過, 佢就一出碟即刻日日拿晒出o黎講, 咩分都扣晒啦!

話雖如此, 佢唔唱歌, 又真係o徙o左佢o既…佢把聲確係好動人, 同埋佢唱歌捉感情捉得好準, 比起我好喜愛o既克勤有過之而無不及! 仲有, 佢o係華星年代d歌…真係好好聽! 過o左正東o個d都ok o既, 不過始終係愈舊o個d愈好聽…“喜歡你是你”呀, “雨後陽光”呀, “心血”呀, “男人最痛”呀, “徹夜纏綿”呀…實在太多太多! 我記得陪伴我度過整個會考歲月o既…正正係佢o個時推出o個隻精選碟…好似叫咩“驚喜交集17首”…真係好好好聽囉! 佢今次揀o左佢第一首歌“戀愛片段”o黎唱, 又確係揀得好…我o係去睇呢個演唱會之前, mp3正正係聽緊呢首歌!


(oh…我好鍾意睇o既1991勁歌現場版“Stand By Me”by梅姐+草蜢+譚耀文…點解今次唔唱埋“Stand By Me”呀? 反正又有許志安o係度…梅姐同佢d徒弟最常表演o個隻歌, 都應該係“Stand By Me”啦!

另一位嘉賓關淑怡…我唔明佢點解一場o黎到只係唱半首歌咁少? 隻“so sad”都真係唔多好聽…你唱完呢隻至少都唱番隻“難得有情人”呀嘛?

至於軟硬…真係揀得最o岩o既嘉賓! 由佢o地去搞氣氛, 真係不作他人選! 草蜢一講o野, 真係有d悶 + 爛位o架…但係軟硬就真係唔搵佢o地講, 都唔知搵邊個講好?喇! 佢o地兩個組合, 真係可以互補不足, 同埋佢o地係屬於同一個年代…perfect晒! 上次軟硬個“long time no see”演唱會, 我睇o個場唔係草蜢做嘉賓, 實在太可惜!

軟硬講o野就可以掀起全場高潮, 同樣地, 草蜢o既勁歌熱舞亦都係絕無冷場…配合得天衣無縫呀! 嘩! 佢o地d快歌medley, 真係好正好正好正…全場氣氛高漲, 血脈沸騰…40幾歲人可以幾十分鐘無停過係咁跳, 仲要跳得咁好咁齊…真係好得囉! 最鍾意佢o地d typical八十年代舞步…左右踢o下腿咁…成日唱k都最鍾意扮佢o地!

仲有, 阿soboss無啦啦都有提起話唔知點解佢成日都係食皺紙o個個? 哈! 唔知佢係咪睇o左我上次post呢段失傳多年o既“蘇老闆在勁歌吃皺紙之謎”片段呢?!



因為我睇o個晚係尾場, 又係星期六, 所以大家expect佢encore完 (唔係指official o個次encore) 應該再有得encore…所以到佢著燈時大家都仲以為可以encore多次, 係咁賴死唔走, 仲有好多人dum地大叫, 我後面有個哥仔仲以招魂時哎“返來啦”o既語氣係咁大叫話:“出o黎呀…你o地唔出o黎我o地唔會走o架…”…點知最後, 佢o地都係無出到o黎…

連報紙都有報導: “整 個 演 唱 會 在 兩 度 安 歌 後 結 束 , 場 館 著 燈 兼 廣 播 請 觀 眾 離 場 達 五 次 , 觀 眾 仍 叫 安 歌 不 肯 離 開 , 最 後 在 工 作 人 員 勸 喻 後 才 陸 續 散 場 , 尾 場 超 時 被 罰 6 萬 多 元 。”

9 Comments:

Anonymous 匿名 said...

其實有一段時間,班裡既同學都好鍾意許志安。果時佢隻"優先擁抱"大碟(在衣櫃前著衫果隻)真係大hit,個個都好鍾意果幾隻咩"借個耳朵說我愛你"、"會過去的"等。其實我唔exactly記得d時間啦,但果期佢既人氣真係爆旺,好似又開演唱會,又有什麼廚房宣言,走哂好男人/成熟男人路線,冧倒不少女仔。但唱到"爛泥"同"昨遲人"已經好似後勁不斷咁,好似唔多見左人咁。或者果期又sell唱功既李克勤又開始hit返啦?

其實我一直都冇話特別鍾意許志安,也冇話特別唔鍾意佢。不過見到佢呢幾年人氣急跌,都覺得有點可惜,不明所以。但早幾日睇完呢篇報導,又好似突然明白哂:

許志安讀錯長者名自嘲進修中文
http://hk.news.yahoo.com/070201/12/212t6.html

笑言︰「我真的要回去進修中文,如果寫英文名就無事啦!」

安仔直認不諱,說自己唱歌多年,知娛樂圈遊戲規則也不會遵從,有時說話又太直得罪人也不知。他說︰「這是我性格,不會改。我很幸福,只靠把聲唱歌至今也未被淘汰,而且我本來是想當警察,現在順天意當了歌手,故不會改變性格。」

其實笑笑口話自己去進修中文咪算囉,何必又話寫英文名就無事呢。難道寫英文名佢又真係唔會讀錯?那幾個中文字已經好common啦,英文唔係佢母語咪仲易讀錯。仲有唔通要d老人家改個名做peter mary或者chan tai man咩。雖然佢應該係講下笑,但感覺好似死雞撐飯蓋,真係有點「火農」。

第二段說話,都唔知話佢天真/有性格丫,定係stubborn兼戇居。明知這樣的性格對自己發展有礙,點解都唔肯改呢? 仲有佢應該知道,做歌手得把聲係唔夠架,同傳媒和其他人既關係都要好架嘛。佢唔係覺得「未被淘汰」就夠呀嘛? 仲有講咩順天意做左歌手,同改變性格又有咩關係?改變性格上既缺點其實並不是壞事,而家知錯唔改仲要死撐,才是大問題啊。李克勤少爺仔性格都肯認低威肯改啦。

唔知點解我覺得佢同gigi真係一個好好的反面教材。我記得果時芒姐你個reply話過(關於gigi果個),一個人既attitude好重要,其實我都銘記於心。之後,你講馬國明在台慶拎獎既情況,我又記住。因為我都覺得,出來工作,待人處事手法真的很重要,好影響晉升和際遇。哈哈哈。

所以其實芒姐你個blog除了informative加entertaining,仲係十分inspiring架,嘩哈哈。(中英夾雜因為要作強調之用)希望你身體健健康康丫 :)

11:36 下午  
Anonymous 匿名 said...

唔好意思...打錯字添:

「火農」--> 「火羅」
inspiring --> inspirational

嘩哈哈!!! (以笑遮醜中!! 哈哈)

9:13 上午  
Anonymous 匿名 said...

芒姐, 好羨慕你, 可以睇阿蜢個part 2 演唱會! 唉!! 我因為某d 事, 無一日去到, 好唔開心, 我真係愧為人o地o既fans!!

芒姐身體無事嘛? 我都試過耳水不平衡, 誘因多數都係唔夠「目訓」或者感冒未清, 我諗你真係可能太忙太大壓力o者, 試o下唔好咁夜「目訓」啦, 應該會有d幫助, 不過我都係夜鬼, 都明白唔可以一下子改變呢個壞習慣, 慢慢o黎啦, 同埋真係唔好俾太多壓力自己!

我都有一段時間無o黎你呢度, 因為本身有d煩惱未解決, 都好惆悵o下... 好想好似以前細個咁無憂無慮, 好懷念從前o既日子啊, 有d掛住阿蜢o添!

8:51 下午  
Blogger Esaltato said...

我尷尬。我都鐘意許志安同梁詠琪的歌。到而家都覺得佢地係有進步, 比起楊千嬅0個d真係好好多。不過大家都識講,2個都衰在格衰。許志安唔止淨係爆分手單野啦,佢事無大少都係博宣傳。真係人地sammi女兒家都冇佢咁八婆。不過佢"火羅"咁耐都仲有其他原因。你睇,而家個個都話識得玩返幾種樂器,又識作曲又識填詞又識監下制。你睇許志安...真係識佢老鼠,佢唔賣肉真係會被人淘汰。而阿gigi呢...唉..又唔親民又串。我有個朋友做空姐,佢話有次見到佢,咁有一個新黎空姐就好雀躍咁問:gigi,可唔可以同我影張相呀? 咁gigi就一句: 唔該你叫返我做梁小姐。 嘩...咁仲夠膽影相咩,點知阿gigi姐仲唔罷休,仲要投訴0個個空姐,之後比人照肺。而家d空姐都"black list"左佢架喇...又狐狸精又串,想紅返都難。

講開衰格,上次睇"最緊要正字"都見到有個人死雞撐飯蓋。咪就係泳兒囉。人地問佢一個成語點寫,佢當然寫錯啦,之後就死撐話佢只係識得簡體0個個字, 唔識呢個未見過既繁體字喎,所以唔識。言下之意,即係應該可以用簡體黎寫埋隻字啦。但事實佢又寫唔岩喎,真係奇怪,唔知佢撐乜。我都有一個人想講,好多嘮so呀我。話說我睇叱吒903個頒獎禮,頒到我最喜歡男歌手,eason得左啦。之後佢就講話好多謝個個都對佢好好,尤其係呢班坐係最前呢幾排既所謂歌手,音樂人。 我心都打個突,咩叫呢班"所謂"歌手音樂人呀? 我覺得佢即時得惡哂所有人。心諗,冇你所講既"所謂"歌手音樂人,佢紅得起咩? 我知佢不嬲都自命不凡架喇,不過佢又識幾多音樂呀?咁巴閉咪衝出亞洲囉。又要食香港歌壇既人間煙火續命,又要批評唔好食。我覺得eason同基仔06年大熱,都係時勢做英雄。我姑且睇下佢地下年有冇咁巴閉,反觀就算唔計張敬軒王菀之泳兒d樂器,音樂造藝, 齋唱都未必比佢地差。

講開又講,唔知sammi會幾時出碟。好想佢真係用心造一隻碟囉。養尊處優左2年,唔想比人話佢冇料到。聽聞係唔係會出single呀? 希望佢貴精不貴多啦。同埋希望d傳媒唔好再拉埋阿千嬅姐黎同佢比較喇。千嬅有幾愈黎愈喪大家有眼睇啦,真係笑到佢走火入魔。好似又係903頒獎,都真係好明顯因為佢同商台關係好先比個獎佢,之後仲要show埋佢個看家本領拐傻喪笑又喪喊。佢呢d表情睇到好悶。既然話自己已經步入"資深"(乜係咩?!),何不好似sammi上次咁瀟瀟灑灑再潤多商台2句。真係...sammi真係好型。

明顯我係bias sammi架喇。不過如果有得罪各位其他歌手既fans,我講句sorry先。

9:00 下午  
Anonymous 匿名 said...

一向都好討厭楊千嬅!

12:22 上午  
Blogger 芒姐 said...

Esaltato & 匿名,

um...大家都知道, sammi同千嬅都曾經係我好喜歡o既女歌手...不過我認同, 千fa近三五七年真係喪到我都覺得有d over左...其實以前我好欣賞佢答問題, 唔會得失人得o黎, 又有d point, 同埋佢係有sense o既...但唔知佢之後點解要癲到咁...笑係好, 但唔係唔理三七廿一亂咁喪笑...笑到我覺得佢其實內心真係好痛苦, 要掩飾d咩咁!

eason其實有一期都係懶巴閉咁, 記者問佢問題佢就亂咁寸, 寸到有d位我覺得你實在太無禮貌!

其實個個artists都有佢o地o既陰暗面, 只係睇你道行同埋修養, 可以遮到幾多唔俾人睇! 好勝gigi就真係算吧啦...我諗佢連基本同人相處o既技巧都要由頭學起...咁多人, esp. 成日同佢接觸o既傳媒朋友都咁憎佢, 一定有佢o既原因o既...所以就算劉華唱歌真係唔好聽, 我都好欣賞佢...因為佢待人接物, 真係有番兩度!

10:20 上午  
Blogger 芒姐 said...

Sandy,

太可惜喇...我以為你作為die hard fan屎, 一定去o左睇, 諗住睇o下你有咩觀後感添...

我都好懷念細個的日子, 無憂無慮...年紀大o左, 咩問題都出晒o黎! 原來最簡單o既一句"身體健康", 已經係最大o既祝福...以前係明白, 但無咁深切o既體會! 依家有時上落力做o下o野 (一星期可能都無兩日), 但居然見頭暈, 咩都做唔到...真係炆到爆!

你講得o岩, 夠[目訓]o個日的確係會好番d o既...但我又真係好享受夜晚的寧靜...哎...真節墮!

至於壓力呢d o野, 又真係控制唔到, 我從來都以為我係天跌落o黎當被kum o個批...近一年先發現...原來暗啞底我都有d責任感, 又或者去到某個位, 你想無責任感都唔得...原來我俾自己的壓力, 係大到我自己都唔知...

10:26 上午  
Blogger 芒姐 said...

紙巾,

睇完你呢個留言好感動...係我收過最感動的留言...

估唔到我能夠o係呢個blog以生命影響生命, 你仲會記得我每次講過d咩...比起我平時最喜歡人讚我叻呀, 鬼馬呀, 抵死呀, 轉數快呀...更令我感到欣慰!

無錯, 我真係覺得一個人o既attitude係好重要, 你幾叻都好, 唔受人歡迎你做咩都會事倍功半...其實我都係學習中, 費事講到自己好似好吃得開咁...尤其出o黎做o野, 更加要學多一招半式旁身...

10:35 上午  
Anonymous 匿名 said...

芒姐:

我覺得許志安咁至有性格喎!真係唔駛改。

佢將同Sammi分手件事講出嚟,未必唔係好事,總好過重現奪面雙琪吖?

Sammi宣傳長恨歌上有線節目,都有提許志安啦!唔係記者鍾意問,鍾意寫,許生會自動提咩?呢d嘢,你無理由唔明嘅!

我都有去睇草蜢,雖然我唔係佢哋嘅fans,但係都睇到好high,跳足全場,好正。

12:07 上午  

發佈留言

<< Home