1-24(wed) 突圍行動
TVB九點半線o個套“突圍行動”上o左兩個禮拜, 我都睇o左幾集…其實都唔差 o既, 個故事都幾緊湊, 節奏超明快, 直頭有d快得滯添…過o左十集已經講o左好多o野, 仲死o左好多人!
估唔到夏雨, 馬明全部咁快死晒…我以為佢o地係主角o黎o既添…出幾集咁快就死o左! 徐子珊呢個禮拜就已經會俾人姦…個故事去得咁快…究竟total有幾多集? 同埋套劇未免係死得人太多, d人太克人憎…米雪好鬼奸, 睇得人太嬲喇! 呢d咁heavy o既劇, 真係唔係太係我杯茶!!!
嘩! 唔睇呢套劇都無咁驚, 一睇之下見04年港姐冠軍阿徐子珊小姐真係嚇到我呀…都係o個句, 佢除o左選o個日, 真係無一日係靚o架…但都唔係咁o既樣呀嘛?! 佢個嘴真係好似唐老鴨 (真係sorry呀, donald duck!)…仲要個髮型真係好娘…點解要搞到成個村姑咁?! 最大得益者相信係另一位港姐冠軍一級豬楊思琦小姐…佢一拍埋徐子珊度, 即刻覺得佢靚o左好多!
仲有前幾個月o個對suspected手機偷伯男女蔡淇浚+陳自瑤…兩個個角色都勁克人憎…不過又好o岩佢o地做喎! 原來佢o地係因為呢套劇搭上o左, 初時仲以為係“四葉草2”添…發生o個單案件時都應該係拍緊呢套戲o既時候!
Oh, 尋晚深夜12點幾開始重播“隔世追兇”…04年首播時都好鬼死鍾意睇呢套劇…拍得幾好睇! 雖然話抄西片又呢樣o個樣…不過天下文章從來都係一大抄, 抄得好睇咪得囉! 呢d咁o既時空交錯戲, 實係好多位唔make sense o架喇…但係佢o係唔make sense之中都算make sense…都寫得唔錯o架喇! 費事重覆…quote番當年篇日記算喇…
2004-06-26:
尤其係“隔世追兇”…簡直要極力推介呀! 好精彩, 好緊湊, 好引人入勝…劇種好吸引, 劇情亦都唔錯, 演員更加演得入木三分! 郭晉安真係掂, 演技掂不在話下, 原來身手都唔錯, 個樣仲要廿年不變! 廿年前商天娥可能同佢做情侶, 依家居然要做佢呀媽!
呢套劇不停咁講番1984年, 1984年o既郭晉安已經差唔多開始參演“城市故事”, 但佢依家個樣居然可以無咩點老到…真係唔到你唔服!
仲有個劇情講番話佢要證明俾佢老豆許紹雄知佢係2004年o既人, 就話佢聽1984港姐冠軍係高麗虹, 跟住仲話一選完港姐全香港就會大停電, 然後到10點先會恢復供電!
仲有, 有一晚深夜3點幾無啦啦見到播王喜套“鄭板橋”…嘩, 呢套又係“翡翠首映”o黎o架喎! 都幾搞笑,好似2002年拍完一路都無播過…仲有未成為當家花旦o既胡杏兒添! 呢期d翡翠首映都幾有趣呀!
鄭板橋
http://tvcity.tvb.com/drama/doomed_to_oblivion/story/index.html
posted by 芒姐 at 6:17 下午
27 Comments:
加上除子珊用左胡杏兒0個種肥田演繹方式, 簡直想佢一黎就比人姦殺,永無出場之日。
You are really a tv-acholic, mon jeh. You even watch the 3:15 am shows!
FYI, now TxB is airing 《蕭十一郎》， premiere, for the time slot. But, I think you will skip classical series, right?
但0係千鈞一髮之際, 吳唱K折返, 救左徐小姐, 所以最終佢並無俾人姦!
徐小姐唔只樣衰(依家睇睇0下, 甚至覺得湯寶如都靚過佢), 佢0既演技真係比佢個look更加駭人, 做左咁耐D戲仍然咁屎, 即是話佢真係好無天份, 其實真係可以放棄架喇!
陳自瑤又係好面目可憎, 日日都miu咀miu舌咁, 確係做八婆0既最佳人選!
嘩嘩嘩!!! 芒姐，我睇完第十四集，就立即打呢個msg俾你喇。套戲玩到好大喎!! 大伯強姦個弟婦，仲要生埋個仔，姪仔原來係親生仔。仲要在二叔生日果日當住咁多人面前揭發。咁都俾個編劇諗到!?? 一個字，絶。雖然係好有劇力咁（至少我明明話唔追都被佢吸左到電視前)，不過正如你咁講，真係太heavy喇~~
btw，可能因為早排睇左"友緣相聚"~對岳華很有興趣~唔知果集你有冇睇喇?我覺得佢同佢老婆恬妮好sweet(唔知點解,我覺得佢地好似靖哥哥同黃蓉，哈）。可能果時佢地在加拿大過d平常人生活啦~大家都好樸素～所以覺得佢地真係好襯~~但睇呢套戲~可能燈光或者打扮啦～岳華好似後生左好多～諗返好似後生過佢老婆（可能因為有白頭髮）。有興趣你都可以睇下既。(哈哈，如果你冇睇過那集，就不用理會，因為呢d真係唔我地年代既人，嘻嘻)
http://ol.mingpao.com/cfm/Star5.cfm?File=20061208/saa01/maa2.txt
唉，不禁慨嘆女人真係冇咁噤老（一面想起【隔世追兇】商天娥做郭晉安阿媽，正如你當年blog entry咁講）。
"岳華同佢老婆恬妮好sweet(唔知點解,我覺得佢地好似靖哥哥同黃蓉"...??? @.@ 唔係fa?!! 人人都知岳華打老婆, 仲唔只一次添! 點會似靖哥哥同黃蓉呀? 真係風馬牛不相及, 無忽似喎!
最近超忙呢~學期頭已經好多野做~
加拿大呢邊播緊胭脂水粉我都無乜時間追
(起初香港播時﹐我對呢套劇一D興趣都唔﹐因為TITLE唔INTERESTING~不過而家食飯時睇下﹐又覺得OK o窩~)
突圍行動..芒姐介紹得既實唔差啦﹐等我又睇下先~
不過劇情太OVER了吧~
倫理大悲劇o甘~
SIGHS~所以話呢﹐講姐既質數真係越黎越差~
我最後一次有留意港姐就係郭羨妮o個屆囉。唔記得邊年喇﹐總之係好耐以前~
打後o個D﹐都無港姐應有既高貴大方~
樣唔需要好標青﹐但一定要得體~
睇返徐小姐﹐樣又無﹐呢種女仔o係旺角街度求其都找到幾十個啦 (分分鐘仲好戲過拒~)
講做戲﹐我睇女人唔易做時﹐真係戥HILDA姐辛苦﹐同件o甘既野做對手戲~
D戲屎到見到拒個樣就想扯拒幾巴~
至於一級豬﹐聽到拒把聲就煩喇~最近呢邊播隨時候命﹐晚晚都聽到拒把聲﹐簡直想死~
我無睇到拒o個屆既港姐~所以當你地狂踩拒係豬時﹐我都唔係好信~心諗﹕港姐黎架o窩﹐唔係蠢成o甘啊﹖
跟住睇完15/16之後﹐我決定...要再踩多幾腳~ 聽完拒講野﹐我塊面都多左三條線
-_-|||
大佬啊﹐諗唔到野講就唔好講啦﹐個人真係豬兜到無話可說~
人人都知岳華打老婆, 仲唔只一次添!
噢~我真的不知道啊~我只是睇到個一個鐘定半個鐘的"友緣相聚"有呢個感覺0者~咁佢地d野我真係唔太知～其實我本身都唔太識呢兩個人~其實我只係覺得恬妮好得意0者～岳華對恬妮又好似好包容~十分模範夫妻咁~所以我先咁講0者~但如果事實係如"匿名"咁講~就只好講句人不可貌相啦~
我真係從來都無聽過岳華打老婆喎。拍武俠片就話有者。而且聽講恬妮都係一個烈女黎架喎。俾個老公打仲同佢一齊咁多年﹖
個陣d影星我淨係有印像曾江有躁狂症之類﹐有打過焦姣咋。唔100% sure。
芒姐 !!
唔知你睇過未 不過有殺錯無放過啦，
陳綿鴻既國語真係聽到你呆一呆，超搞笑哈哈哈，同埋呀胡杏兒又的確真係幾有語言天份喎，係班藝人當中黎講國語講得都算係幾好喇
http://www.youtube.com/watch?v=5U52p1sXQmA
出左幾個先到陳生，等兩分鐘到啦
加油呀返工個邊，律師偉大神聖 ! 老老土土都係個句 you can if you think you can !
紙巾 & 小夜,
你地一定係好年青, 甚至只係少年人...
岳華打恬妮單野的確上過報紙, 事實上, 佢地響"友緣相聚"個節目度都有提過並承認確有其事... 咁當然, 成件事唔會話一個人錯晒o既, 根據佢地響節目所講, 當時岳華正在駕車, 旁邊o既恬妮已經飲酒飲到醉醺醺, 然後唔知發咩癲搞住岳華, 岳華一時火遮眼先會打佢, 兩人仲為此上左差館... 你地睇番"友緣相聚"d 片段(如果有錄or 有access 的話)就會知!
另外, 以前有娛樂版同周刊爆過, 話有一次岳華同恬妮半夜[目訓][目訓]覺時又唔知為咩打交, 仲話恬妮俾岳華打到豬頭咁, 不過成件事係點, 佢兩夫婦就好似無公開交代過喇!
"而且聽講恬妮都係一個烈女黎架喎。俾個老公打仲同佢一齊咁多年﹖"
係呀, 恬妮真係幾剛烈架, 仲非常自我中心, 所以後生時又拍過艷情片又做過第三者... 佢話佢去左加拿大後信左佛, 性情有好大改變, 漸漸學識包容。
點解俾個老公打仲同佢一齊咁多年﹖我諗唔係淨係佢俾人打, 相信佢都有打人... 而且佢地仲有左個女呢! 上一代o既女性同而家o既女性係有d 唔同o既!
我覺得有d時候,兩公婆既時唔係外人可以理解既,如果互相打黎打去都可以keep度咁多年,呢d可能係佢地既生活情趣呢....
雖然突圍行動既徐子珊做得唔好,但係我覺得上次女人佢做得ok喎(以新人黎講),不過佢個樣..........................
仲有,夜晚果套隔世追兇真係好好睇!!!!之前播孫悟空我一集都冇睇,而家就要捱眼訓了~~
Jade,
隔世追兇真好鬼死吸引...本來我諗住無幾耐先睇完, 唔好再睇慳番d時間, 點知前兩日又唔覺意睇到, 忍唔住坐o左o係度係咁睇, 欲罷不能添...
老餅, 子君, 小夜,
坦白講, 其實我都唔知岳華打老婆事件喎...不過家家有本難唸的經, 前因後果我都唔知, 所以唔評論喇...但係無論咩原因, 打女人都係唔o岩o既!
我有睇佢o地o個集, 不過無好concentrate咁睇...但係恬妮個樣真係變o左好多喎...睇番佢以前d片真係好前衛o個隻, 行為亦係我行我素, 真係十分烈女...但係依家個樣完全係另一個人, 肥o左又有福氣o左好多, 仲幾慈祥添! 同恬妞個look似o左d添!
SODI,
睇o左你條link, 陳錦鴻d國語又真係幾entertaining...仲有永遠都有趣o既吳唱k...胡杏兒係幾聰明幾醒又幾有語言天份o既, 仲有林峰呢...哈哈!
oLi,
突圍行動我都無咩點睇喇...太heavy我頂唔順o架!
講真, 真係靚又大方高貴o既女仔, 又點會走去參加港姐呀! 係發明星夢o個d先會o者! 今次呢套戲o個兩位港姐冠軍, 真係嚇死人!
匿名s,
徐子珊同陳自瑤都好可怕, 加上一級豬楊思琦小姐...呢套劇d女角真係令人唔開胃, 唯獨廖碧兒比較可觀!
shaw_mag,
我都係咁o岩o係禮拜五睇o左一集, 平時都無錄o黎睇, 真係無時間! 今個禮拜五都睇o左少少你提議o既"蕭十一郎"...都幾ok, 劇情都幾吸引...邵美琪o係呢套戲都幾好樣, 向海都拍得幾靚! 但係呢套劇幾時拍o架?! 我總係覺得佢有播過咁o既!
睇劇情介紹好似仲有吳岱融...加上邵美琪, 令我諗起當年好鍾意睇o既"奇幻人間世"!
Esaltato,
徐小姐呢d都唔知係咪叫肥田式演繹, 佢依家連接受訪問都用d cutie卡通聲...好可怕!
出戯我無點睇，有一次larp左下發覺.....米雪老左好多！學警雄心嗰排仲幾好架，點解呢出戯老成o甘？
吳唱K做成點啊？聽講佢呢次變斯文變有錢仔wor（雖然酒店風雲佢都做過有錢仔）。好好奇佢d演技有沒有進步。
kk,
我都覺得米雪o係呢套戲老o左d, 唔知係咪個角色太猙獰? 不過以佢咁o既年紀都真係keep得好好o架喇!
吳唱K其實d戲都唔太差o既, 最怕就係佢做古裝書生o者, 時裝係ok o既, 尤其係d衝動少年! 不過唔知點解, 我硬係覺得佢個樣幾奸, 雖然佢今次個角色應該係討好o個隻, 但我成日都覺得佢似係奸角咁!
“不過唔知點解, 我硬係覺得佢個樣幾奸, 雖然佢今次個角色應該係討好o個隻, 但我成日都覺得佢似係奸角咁!”
呢段話非常有同感，不過係對姜大衛而言。唔知點解，我每次見親佢，都“營”住佢係奸人！雖然我知佢以前都係做正義大俠多。
吳唱K之前下下都做衝動少年，非常令人討厭（d角色）。尤其是酒店風雲裏面的王啓傑，點解會有人中意.....
mon jeh,
"蕭十一郎" is released overseas in 2002.
"奇幻人間世" is 1990. 吳岱融 and 2 Maggies: Maggie Shiu and Maggie Chan.
How come you like 古裝劇？
shaw_mag,
well, i don't prefer 古裝劇, but these two are ok...and i do love a few 古裝劇s, remember i like 林峰& 葉璇's "再生緣" a lot!
and in fact i like "奇幻人間世" a lot...i remember at that time I was in primary 6, and i was so addicted to it...and I watched it again when it was reshown in around 2000..at that time I was in university, and I still enjoy it as much! the story is pretty interesting and the song is nice as well!
ha..ha..., mon jeh. I know you like 林峰& 葉璇.
I like "奇幻人間世"'s song as well. It is Andy Lau and Wu Wun Fong's "秋意中等我", isn't it?
shaw_mag,
yes, it's "秋意中等我"...
發佈留言
<< Home