2007年3月8日星期四

3-8(thurs) 芒姐@蘋果 (3月號之一) + 英女皇

轉貼埋芒姐@蘋果 (3月號之一)先…深夜o既“陀槍師姐”, 真係好精彩o下…雖然我都只係larp o左少少, 因為依家唔敢太夜[目訓], 唯有錄起佢一次過睇十集…但係有日唔覺意睇o左d, 都覺得真係唔錯! o個時o既關詠荷都仲幾靚…係到2000年以後就真係老o左好多…不過依家復出又好似好番d喎! 仲有仍然有“真情”阿雪影子o既短髮爽朗型滕麗明(名), 都係我喜愛o既!

電 視 撈 飯 (2007-03-02)
http://appledaily.atnext.com/template/apple/art_main.cfm?iss_id=20070302&sec_id=462&subsec_id=830&art_id=6863094

《 陀 槍 》 越 夜 越 精 采

無 綫 黃 金 時 段 悶 局 連 連 , 相 反 進 入 深 宵 時 段 卻 越 夜 越 精 采 。 《 隔 世 追 兇 》 後 換 上 戲 味 更 濃 的 《 陀 槍 師 姐 》 , 90 年 代 其 中 一 個 經 典 系 列 , 娥 姐 、 小 生 、 三 元 、 程 峰 重 現 眼 前 。 一 連 四 輯 合 共 過 百 集 , 一 播 可 播 足 半 年 。 看 宣 傳 片 暫 時 只 播 由 娥 姐 孭 飛 的 頭 兩 輯 , 明 顯 是 為 關 詠 荷 回 巢 造 勢 。 其 實 去 年 播 畢 《 難 兄 難 弟 》 後 , 原 本 也 安 排 重 播 此 劇 , 可 惜 最 後 讓 觀 眾 空 歡 喜 一 場 。 這 次 多 得 關 詠 荷 產 後 首 次 復 出 拍 劇 , 當 然 要 在 這 關 鍵 時 刻 重 播 她 的 最 經 典 劇 集 , 喚 起 觀 眾 對 她 的 回 憶 。

歐 陽 震 華 與 關 詠 荷 向 來 是 無 綫 的 收 視 福 將 , 兩 人 擔 演 的 劇 集 如 《 醉 打 金 枝 》 、 《 美 味 天 王 》 等 深 得 觀 眾 喜 愛 。 無 這 次 先 安 排 重 播 由 他 倆 合 演 的 《 陀 槍 師 姐 》 第 一 、 二 輯 , 試 試 反 應 再 排 陣 , 實 屬 明 智 之 舉 。



《 問 題 娛 樂 圈 》 低 能

另 一 好 消 息 是 穩 守 黃 金 時 段 最 後 一 線 的 《 問 題 娛 樂 圈 》 上 星 期 壽 終 正 寢 。 其 實 這 節 目 早 應 見 好 即 收 , 即 使 從 未 見 好 , 也 應 該 盡 早 收 場 。 每 晚 準 時 製 造 大 量 噪 音 , 再 加 上 一 系 列 連 6 歲 小 朋 友 也 嫌 低 能 的 動 作 , 讓 我 以 為 自 己 正 在 上 幼 稚 園 唱 遊 堂 ! 究 竟 是 誰 想 出 這 些 肉 麻 當 有 趣 的 口 號 , 更 要 配 以 極 度 礙 眼 的 「 打 八 圈 」 動 作 ? 真 的 看 得 人 毛 管 直 豎 。 這 還 不 夠 , 每 集 更 附 上 三 位 嘉 賓 與 他 們 的 娛 樂 跟 班 自 創 的 「 蝦 仔 爹 o地」 式 押 韻 口 號 及 生 硬 動 作 , 務 求 挑 戰 觀 眾 的 容 忍 極 限 。

節 目 內 容 亦 無 聊 得 很 , 「 堅 料 / 流 料 」 環 節 的 問 題 , 無 趣 味 兼 雞 毛 蒜 皮 , 根 本 考 不 到 參 賽 者 的 娛 樂 知 識 。 早 期 的 「 看 圖 作 料 題 」 , 要 參 賽 者 在 兩 張 圖 片 中 找 出 不 同 之 處 , 像 極 小 學 生 的 測 驗 題 目 ; 還 要 聽 三 組 嘉 賓 逐 一 說 出 大 同 小 異 的 答 案 , 既 冗 長 又 乏 味 。 後 期 的 「 鬥 大 細 」 算 是 多 了 點 新 意 , 但 也 要 看 當 日 的 嘉 賓 質 素 。 遇 到 一 些 有 急 才 、 有 創 意 的 嘉 賓 , 也 偶 有 佳 作 ; 像 其 中 一 集 的 胡 定 欣 , 及 總 決 賽 的 家 燕 姐 與 三 哥 苗 僑 偉 , 便 成 功 帶 來 一 些 驚 喜 。

其 實 《 問 題 娛 樂 圈 》 本 身 的 意 念 不 俗 , 以 娛 樂 圈 新 舊 秘 聞 為 題 材 , 應 可 包 裝 得 有 趣 些 , 再 配 上 無 綫 多 年 的 經 典 舊 片 段 , 至 少 可 讓 視 迷 懷 懷 舊 , 今 次 無 綫 真 的 是 「 捉 到 鹿 唔 識 脫 角 」 !

撰 文 : 芒 姐


**************************************************************

最後o個集“問題娛樂圈”, 真係居然出奇地好笑…係咁多集以來最好睇o既…原來真係好睇邊個嘉賓, 三哥係醒o個批, 又有運行, 最後一個tip屎就估中o左, 家燕姐亦都真係幾funny, 講o野幾抵死! 呢集d環節其實依然係咁沉悶, 但係d嘉賓講o野真係笑死我!

之後呢兩個禮拜pending3月12日變陣, 無啦啦整o左個講日本o既節目“雪映移城”…又有王翠玲喎…做咩?! 佢係咪回歸香港電視圈? 究竟點解忽然間tvb會搵番佢呢? 同埋當初點解佢o係香港做做o下歌星會走o左去馬來西亞呢?! 上星期一娛樂直播訪問佢同裕美, 其實佢都解釋o左少少佢o既經歷, 但又無解開我以上o既疑團喎! 有無人可以話我知呀?

唔知點解, 我覺得佢有d似張可頤, 當然係無佢咁靚啦…個樣有少少似, 把聲同語氣都有d似! 聽佢講o野其實都係幾醒, 幾牙尖嘴俐o個隻…咁佢又的確係適合做主持o既!

呢排去k, 都真係有特登搵番佢隻 "簡簡單單"o黎唱o架…

下個禮拜就會做“向世界出發2”…呢個節目係四線新節目中最值得期待o既一個!



呢排仲罕有地睇o左一套電影“英女皇”…as expected, 都幾好睇喎! 大家都知我一向specialized in睇電視+演唱會, 唔係特別好電影, 西片就更加唔好…英文又唔係我o既mother tongue, 更加唔係我“father tongue”…我o地呢d英文差呀嘛…洋人o係我眼中就個個都差唔多樣, 都唔知邊個打邊個…不過呢套戲又真係吸引到我入去睇…!

第一, 個英女皇又真係幾鬼神似, 佢個皇夫都有d似, 但係其他就唔多似, 尤其係查理斯皇子 (btw, 我幾年前o係英國有日搭巴士, 見到街上有個人好似戴安娜皇妃…仲幾驚自己日光日白見鬼…原來其實好多人都同名人好相似o架…應該cast佢去做princess diana啦!)…第二就係佢講d所謂“內幕”都幾有趣! 畢竟香港都曾經係英國o既殖民地, 我o地呢代亦都係成長於呢個殖民地年代, 好受英國o既文化同埋人/事所影響…尤其係呢套電影主力講番o既戴妃車禍身亡事件…個感覺都好切身, 好熟悉囉!

好記得當日好似係禮拜日, 9月開學日的前夕, 開收音機聽到話“皇妃”車禍身亡, 我仲以為係講緊 “王菲”添…因為通常d人係叫princess diana做戴妃, 好少就咁叫佢皇妃o架嘛, 同埋o個時王菲好紅, 去到邊都聽到關於佢d o野…嚇到我呀! 當然, 發現係呢個“皇妃”o既時候, 依然係嚇到我呀…之後日日香港o既新聞都係講呢單消息! 我仲記得之後o個個禮拜六去o左唱k, 點知一停o左d歌個電視畫面, 就係播緊戴妃出殯o既情況, 見到佢兩個仔o係佢棺木後面行…唔知點解呢個畫面好深刻…今次o係電影都有播番!

睇番套電影又記番起當時d英國國民, 甚至係全世界o既人o個種震撼同埋傷心…香港市民o既傷痛亦都唔會比英國國民少…畢竟佢真係一個“人民皇妃”…英國人鍾意佢, 香港人鍾意佢, 全世界人都鍾意佢…真係影響好深遠! 你睇香港幾間電視台當時都人造衛星直播佢個喪禮就知啦…所以英女皇o係戴妃死o左之後仲要同佢劃清界線, 唔出o黎做番d o野, 簡直係同自己過唔去, 搵自己o既民望o黎“教飛”!

不過睇完成套戲, 我又覺得套戲應該係想幫英女皇平反, 講佢生活有幾咁慘, 幾咁身不由己…多過係爆佢內幕囉!

9 Comments:

Anonymous 雙面伊人 said...

恭喜晒呀,Monjeh!你〈電視評論〉真係越嚟越好睇,一定可以吸引更多讀者!我每個禮拜五一返到office開電腦就係睇咗你篇嘢先,老細啲email就行埋一便!希望TVB真係好似你今日篇嘢個標題咁,可以「革新破悶局」。對關詠荷有一定期望,因為佢不嬲做戲都好好,特別係過咗TVB之後更好,今次仲有金燕鈴同江欣燕,相信會有好多火花。另外更吸引人係《向世界出發》,呢個結合咗旅遊+藝人私檔案呢兩個香港人最鐘意賣座元素節目,可以話係一如所料地大賣。今輯藝人同目的地吸引力同上集比較可以話係有過之而無不及,睇唔切都要錄,錄唔到都要買返VCD。

9:52 上午  
Anonymous ++ said...

陀槍第一輯永遠係最好睇嘅,經典之作!之後果d......第三輯反而仲好過第二輯(我覺得)。第四輯開始我就冇睇lu!陀槍情結已經用到盡了。

1:22 下午  
Anonymous shaw_mag said...

Mon Jeh,

TVB's Ho Kwok Wing a.k.a. Gregory Rivers is gonna have his debut stage drama next weekend. Are you interested to watch it?

http://hokwokwing.hk/archives/200703/almost_there.html

3:42 下午  
Blogger 芒姐 said...

shaw_mag,

我今日o係蘋果都有睇到關於河國榮搞舞台劇o既新聞...不過佢o既舞台劇...我又真係興趣不太大! 反而尋晚睇o左個幾好睇o既叫"喝采"!

4:01 下午  
Blogger 芒姐 said...

++,

完全同意...其實我淨係鍾意睇第一輯, 所以依家好似話唔播第二輯lu喎...我都覺得無咩所謂!

4:02 下午  
Blogger 芒姐 said...

雙面伊人,

多謝你啦...抵送三個簽名俾你!

老細的email當然係行埋一邊啦...呢d係所有打工仔應抱o既態度...尤其你呢d高官!

雖然你講o既o野係好有point(哈哈哈...), 但"欣"住人o地以為你收o左我或者無記錢, 搵icac查你呀...到時一個屈尾十o係o個度見到你個friend星星星就唔好啦...

仲有, 究竟幾時食開年飯...你係咪要約到easter?! 你d咁o既效率我會搵行政長官投訴, 或者o係下星期個答問大會raise出o黎...

4:07 下午  
Blogger m@linxism said...

shaw, 河國榮之前曾演'香水', so not debut stage drama, it's debut musical.

monjeh, 你有無睇我個 blog. 我都有睇'喝彩', 我好鍾意 angus~~~

12:48 上午  
Anonymous shaw_mag said...

m, you are right. It is his musical debut.

12:03 下午  
Blogger 芒姐 said...

m@linxism,

angus係咪做danny o個個呀? 係呀, 佢都做得幾好...

1:17 下午  

發佈留言

<< Home