3-12(mon) 芒姐@蘋果 (3月號之二) + 雪映移城

為方便起見, 以後芒姐@蘋果亦會上載於"芒姐再現之... 芒姐@蘋果.COM"
http://hejnom2.blogspot.com/


電 視 撈 飯 (2007-03-09)
http://appledaily.atnext.com/template/apple/art_main.cfm?iss_id=20070309&sec_id=462&subsec_id=830&art_id=6884383

無 綫 革 新 破 悶

下 星 期 ， 電 視 台 將 有 一 番 新 氣 象 ， 第 一 線 的 處 境 劇 換 上 了 《 同 事 三 分 親 》 ， 由 變 身 媽 咪 級 後 首 次 亮 相 螢 光 幕 的 關 詠 荷 ， 及 剛 完 成 《 問 題 娛 樂 圈 》 、 很 久 沒 有 為 無 綫 拍 劇 的 江 欣 燕 孭 飛 。 觀 眾 終 可 與 陪 伴 了 大 家 一 整 年 的 高 家 說 再 見 。

第 二 線 上 演 的 是 可 歸 類 為 「 史 詩 式 巨 獻 」 的 《 亂 世 佳 人 》 ， 由 近 年 最 多 產 的 女 主 角 胡 杏 兒 ， 夥 拍 因 緋 聞 纏 身 而 人 氣 下 滑 的 小 生 吳 卓 羲 。 此 劇 已 拍 竣 好 一 段 時 間 ， 留 待 這 個 變 陣 的 重 要 時 刻 才 推 出 ， 可 見 無 綫 高 層 對 此 劇 寄 望 甚 殷 ， 且 看 它 能 否 打 破 近 期 的 收 視 悶 局 。 由 吳 卓 羲 與 胡 杏 兒 飾 演 三 、 四 十 年 代 亂 世 兒 女 的 角 色 ， 確 實 具 有 一 定 新 鮮 感 ， 不 過 兩 人 的 外 形 卻 太 富 時 代 感 ， 要 衝 破 這 個 框 框 有 一 定 難 度 。 30 集 說 長 不 長 ， 說 短 也 不 短 ； 若 頭 5 集 能 成 功 引 起 觀 眾 的 興 趣 ， 要 把 他 們 留 住 六 個 星 期 應 不 會 太 難 。



第 三 線 是 由 無 綫「 親 生 仔 」 鄭 嘉 穎 ， 與 「 玉 瑩 小 主 」 黎 姿 主 演 的 《 寫 意 人 生 》 ， 再 加 上 十 多 年 來 演 過 的 劇 集 以 十 隻 手 指 可 以 數 清 的 陳 芷 菁 ， 及 演 技 素 有 保 證 的 秦 沛 … … 反 有 捧 場 客 ， 不 過 論 吸 引 程 度 ， 這 種 輕 鬆 勵 志 劇 始 終 不 大 。

期 待 《 向 世 界 出 發 2 》

最 令 人 期 待 的 ， 反 而 是 為 黃 金 時 段 守 尾 門 的 《 向 世 界 出 發 2 》 。 去 年 推 出 的 第 一 輯 叫 好 叫 座 ， 無 綫 火 速 推 出 DVD 賺 番 筆 ； 再 於 今 年 打 鐵 趁 熱 拍 攝 第 二 輯 ， 找 來 更 具 話 題 性 的 嘉 賓 ， 遠 赴 更 具 爭 議 性 的 地 區 ， 探 討 更 有 深 度 的 話 題 。

很 期 待 搞 笑 得 、 感 性 更 得 的 曾 志 偉 ， 繼 《 志 雲 飯 局 》 後 又 有 甚 麼 更 感 人 的 心 底 話 可 跟 觀 眾 分 享 ； 亦 期 待 細 聽 忽 為 人 夫 / 父 的 叛 逆 小 子 謝 霆 鋒 ， 訴 說 與 張 栢 芝 婚 後 的 改 變 ， 以 及 其 反 叛 性 格 背 後 的 原 因 ； 還 有 既 好 勝 又 愛 哭 的 梁 詠 琪 ， 跑 到 雲 南 女 兒 國 ， 與 觀 眾 分 享 她 經 歷 多 段 刻 骨 銘 心 愛 情 後 的 戀 愛 態 度 ； 亦 很 有 興 趣 跟 隨 虔 誠 基 督 教 徒 蔡 少 芬 ， 冒 著 戰 火 的 危 險 深 入 以 色 列 耶 路 撒 冷 這 個 聖 城 … … 單 是 看 宣 傳 片 已 覺 十 分 吸 引 。 這 個 集 《 志 雲 飯 局 》 、 《 鏗 鏘 集 》 與 《 寰 宇 風 情 》 於 一 身 的 節 目 ， 是 3 月 必 看 之 選 。

撰 文 ： 芒 姐

**************************************************************

今晚tvb將會上映一連四線新節目, 最睇好o既當然係“向世界出發2”啦…不過大家o既寄望太大, 反而驚會無想像中咁好睇!

“寫意人生”雖然有我喜愛o既鄭嘉穎, 但係佢拍黎姿我又唔係特別喜歡, 仲要係懶勵志o個隻 ,我驚會有d攞膽! 反而想睇o下話好似黎姿o個個“少女版黎姿”袁家怡, 即係有份參加美少女廚神o個位英皇新小花…好似話真係好似, 我都想睇o下有幾咁似!

至於“亂世佳人” …大製作都應該有d睇頭 (雖然我一向都唔buy大製作), 不過又係o個d亂世兒女/喊苦喴忽/好鬼死慘o個隻戲, 個人就不太喜歡喇!

仲有o個套 "同事三分親"…無睇關詠荷咁耐, 都有d期待o既! 不過第一晚o係酒樓睇ｏ左少少, 都頗悶又頗無聊, 希望開o左頭一個星期介紹晒d角色之後會好d啦…!

至於之前兩個星期十點半做o個個日本節目"雪映移城"…d景真係幾靚o下, 但係d主持就真係笑爆嘴! 黃翠玲一把年紀要扮可愛扮驚喜搵 "雪中蘋果"…真係戥佢有d難受! 但係都唔夠裕美難受…佢去到邊都帶住條玩具狗, 仲要o係個袋度"gut"佢個頭出o黎, 再不停好似自閉仔咁對住條狗自言自語…真係唔知想點?! 我知佢係好年輕, 係kawaii得起…但都未免太kawaii喇! Over左少少! SORRY晒!

o係d discussion forum見到呢個扮佢o地口脗o既"雪映移城 (特別版)"…超騎呢, 超抵死…

"攝制隊離開佐敦乘搭JR山手線列車到灣仔, 都係為左一睹當地特產"無骨蘋果", 灣仔位於港島北面, 即係加德治地圖王第30頁, 離開左列車, 步出地面, 攝制隊發覺當地人非常友善, 一隻二隻都彬彬有禮, 由於時間尚早, 攝制隊一行4人惠顧當地最有名既食店---大帶活, 橙色既牆身再加上橙色既吊燈, 浪漫氣氛籠罩左整間餐廳, 為左迎合當地人文化, 叫橙汁應該係無死錯人既, 從售票員既眼神, 我地感覺到我地係佢心入面既位置, 出乎意料, 橙汁並沒有發售, 我地叫左另一個皇牌---吉列豬扒飯, 吉列豬扒係切得開既, 而且仲多左d粉紅色, 未熟可能係當地文化既一種, 而4個人食一碟飯又係我地既文化.

攝制隊離開大帶活, 轉行六本木山, 經過灣仔188時, 其中一位工作人員死都要買老翻, 幸好其他人及時阻止佢咁做, 如果唔係真係醜死鬼, 為左唔好延誤行程, 其他2位工作人員夾手夾腳cool住佢, 由我帶頭, 到達目的地灣仔街市, 找尋一位叫木村既婆婆, 人海茫茫, 應該點搵呢? 我地長途跋涉黎到, 會唔會空手而回呢? 迷茫困擾左我地一陣間, 被夾住既成員突然之間嘔白泡, 巡經既警員走過黎問我地發生咩事, 我地都一五一十答番佢, 警察都笑左一下, 話俾我地知木村太太已經將無骨蘋果特許經營權賣左俾百拉超級市場獨加發售, 仲叫我地睇多d娛樂版, 逢星期五都會大大版登廣告, $9.9係有4個架, 我地知道呢個消息當然係唔開心啦, 不過都會去百拉一趟, 入到去真係俾我地發現到無骨蘋果呀, 我地好開心即刻買4個出去食, 當我咬第一啖時, 真係發覺裡面係無骨架! 原來傳說中既無骨蘋果係真架! 不單止無魚骨, 無雞骨, 無豬骨, 仲要係無牛骨架, 食完無骨蘋果, 嘔白泡既都好番, 我地心中有個信念, 只要我地有一顆想食野既心, 秦始皇都唔會俾我地碌親.

離開左灣仔, 攝制隊又要返去佐敦喇, 真係好唔捨得, 希望將來再有機會黎灣仔啦."

芒: Hohohohohohohoho!!!