5-8(sat) 還看今朝
嘩…前兩日深夜開電視無啦啦見到亞視重播“還看今朝”…仲要咁o岩俾我睇到第一集! 當年首播引起好大迴響…不過我當時未識欣賞! d演員都幾吸引…黃日華, 任達華, 米雪, 吳啟華, 翁虹, 伍詠薇...值得睇呀!
仲有施明對孖仔李泳豪同李泳漢佢o地細個時o既演技真係幾好, 唔知點解大o左反而平平無奇…當年話同阿嬌有宿世姻緣 (勁驚~~~:p) o既大孖泳漢細個其實幾靚仔, 至於80年尾./90年代初其中一個最紅o既童星細孖泳豪…佢d戲其實真係幾好…點解大o左反而要做“茄喱啡”?! 命運呢d o野有時真係好作弄人!
呢期tbb套新劇“掌上明珠”我只係larp過少少…其實應該都ok o既, 不過唔係我鍾意o既劇種…有d似“姻脂水粉”o個隻…但d演員其實我係想睇o既! 至於蔡少芬套“飛女正傳”…真係胡鬧o左少少…我有企圖去睇吓, 但唔係十分吸引到我…只能夠係咁飛o黎睇!
嘩…睇節目表下星期四凌晨12點檔開始重播“天地豪情”…oh, “家咩姐?!??!! 我姓甘o架~~~!”
posted by 芒姐 at 11:25 下午
12 Comments:
我也間中有看此[還看今朝]劇集,當年首播時未有全部睇過,現在重播真好,可觀性甚高!好過現時的各個劇集!任達華的演技值得一讚,此劇集大概有十幾年前,因為翁虹及伍詠薇都是1989年的亞姐-分別是冠軍及上鏡小姐,那麼應該是1990年或以後所拍的劇集!
《還看今朝》既女主角係戚美珍，戚美珍當年真係好靚，我覺得佢先至係靚絶五台山既女明星！
如果ATV可以重播埋《天地無情》就更好啦，因為男女主角係我非常鍾意既黃日華同羅霖！
但你地唔覺得戚美珍(指她仍風華正茂之時)方型面同對眼生得好開咩？我覺得景黛音同廖安樂都比佢靚，尤其係建寧公主景黛音，好標緻！
呢套戲正,當年反應好好架
任達華同米雪演的幾集
我當年睇時喊到收唔到聲
諗唔到香港的編劇及監製都可以駕馭到文化大革命呢個題材
唉,不堪回首的十年
值得中國人深刻反思
[還看今朝]都出了，隔離台幾時重播[燃燒歲月]？同樣講文革，as a reaction of 6.4.89 哦。
"燃燒歲月"真係經典中嘅經典.當年個睇電視PROMO以為係普通民初劇,點知原來不得了.可惜呢個劇真係太SENSITIVE,無記冇點宣傳.播完之後直情好似唔敢提.攪到MISS咗嘅人冇得睇番.當年係暑假播.我有個FRIEND咁啱去咗旅行,佢竟然完全唔知有呢個劇存在過!
溫哥華匿名人
請問燃燒歲月係咪鄭e健/fit佬/羅胃娟...有份做?蔡國權唱主題曲? 如是,呢套戲真係好睇,我當年咁細個,都俾呢套戲吸引.但...學你地話齋....真係太敏感喇~ 點會重播丫~ 蔡國權首歌,我有時會哼開頭一兩句(只記得果一兩句d音:bbb )
燃燒歲月前排係星河頻道重播過，去搜索一下，可以下載or在線睇返
芒姐 提到...
"還看今朝"同"燃燒歲月"都應該係因為6.4事件而拍o既...亞視基本上隔幾年就會o係6.4前後重播"還看今朝"...當年首播好似話曾經過50%收視添...勁!
嘩, 還看今朝!!!這套劇我全家人當年真的由頭追到落尾, 真係好好好好睇!!(仲因為套戲識得「攝灶罅」這個term(戚美珍的對白))
不過開頭的部份印像已經不多,反而是黃日華同戚美珍的部份印像頗深, 個結局喊得我好慘~~ 但係到而家我都係唔明翁虹點解同同黃日華分左手會忽然同左吳啟華一齊?同病相憐?
(仲有另一套當年我最愛的亞視劇是萬綺雯加當年佢男友的(忘記名字)，萬綺雯的角色暗地裡是個殺手。雖然當年已經覺得有些無聊, 不過又係好好好好睇，全家一齊由頭追到落尾!)
我係桃桃
Crystal,
哎...雖然話要早瞓, 尋晚我都睇o左一集...死未?
戚美珍又真係幾靚吓! 不過我又係睇吓唔睇吓...點解黃日華同戚美珍個妹翁虹拍拖, 戚會唔知o既?
萬綺雯同呂頌賢合作做情侶o既, 我淨係諗到大提琴與點三八咋喎!
殺手個套好似叫『槍神』咁上下！
發佈留言
<< Home