5-1(sat) 荃加福祿壽
一連睇番幾集“荃加福祿壽”…雖然幾無聊, 但有d位都算幾好笑, 有當年eyt的影子! 王祖藍同李思捷扮o野真係好得…尤其係李思捷, 呢個generation真係無人能及…阮兆祥唔係差, 但拍埋佢兩個度有少少被比下去…!
王祖藍扮女人確係好出色, 某程度上靚過佢做番男人o既時候 (情況同蓋鳴輝一樣)…d手/腳/五官分分鐘靚過晒d真正女人! 嘩哈哈哈…佢扮阿童顏巨乳瑤瑤又真係幾得…
仲有扮sammi又係掂…唔怪得連sammi都要send sms讚佢…
當然, 我最impressed係佢o地上幾個禮拜扮鄭中基同阿sa個離婚記者會…無論係造型, 神態, 講o野語氣, 聲調同停頓位都做得好好! 尤其當sa基其實都無咩太大特色, 基本上係好難扮…王祖藍扁起個嘴o個度好似, 更高難度o既係李思捷扮鄭中基, 講o野把聲扮得幾似添!
d人話佢o地攞sa基o黎開玩笑係挖苦佢o地…其實我又唔覺有咩惡意, 可能大家睇得太認真… 呢個節目係eyt類型, 諷刺娛樂圈o既扮o野節目…都係得啖笑o者...同埋佢o地真係做得幾有心機…
仲有今集李思捷扮“鐵馬尋橋”入面o既榮德又真係好得…估唔到林嘉華佢都扮到…把聲真係幾似…仲有講o野o既語氣…救命…
當然唔少得祖藍o既四奶奶…首歌o既歌詞都填得唔錯…仲要唱得好好添…第一次覺得“巾幗梟雄”首主題曲咁好聽...:p
posted by 芒姐 at 11:43 下午
20 Comments:
李思捷扮榮德真係好好好好得! 佢上次扮丁蟹, 我已經覺得好似, 估唔到佢今次扮榮德仲似, 唔止阮兆祥同王祖藍, 甚至扮野鼻祖盧海鵬同阿燦連都被比下去, 李思捷扮野天份真係高得神奇!
我又一向都覺得首主題曲幾好聽喎, 同埋好有意境, 好配合套劇, 情形就好似首一樣, 好好聽!
李思捷扮榮德真係好好好好得! 佢上次扮丁蟹, 我已經覺得好似, 估唔到佢今次扮榮德仲似, 唔止阮兆祥同王祖藍, 甚至扮野鼻祖盧海鵬同阿燦連都被比下去, 李思捷扮野天份真係高得神奇!
我又一向都覺得首主題曲幾好聽喎, 同埋好有意境, 好配合套劇, 情形就好似首一樣, 好好聽!
點解duplicate個留意又食左某D字嘅? 我本來想講:
我又一向都覺得"巾幗梟雄"首主題曲幾好聽喎, 同埋好有意境, 好配合套劇, 情形就好似"鐵馬尋橋"首"雪下思"一樣, 好好聽!
思捷係扮得似,不過有時我覺得會唔會係佢扮得太似,完全無個人風格,所以反而無咁出...佢地三個其實真係好夾,扮得似有思捷,佢真係似對同真無乜分別,amazing!好有即興feel既有祥仔,祖藍就扮女仔一絕,同埋扮其它角色都可以揸住小小特色放大.
講返四奶奶,覺得祖藍真係唱得好好聽,同芒姐你一樣,我都係第一次覺得“巾幗梟雄”首主題曲咁好聽,再加埋o的詞,正爆同笑爆!佢點可以用咁正經咁深情既聲去唱咁搞笑既詞!最估唔到係o的咁扺死既詞係祖藍自己填,填得真係好ok喎.真係睇佢唔出囉.
又未至於睇唔出嘅, 王祖藍話晒都一級榮譽畢業, 梗有D野嘅! 不過佢今次真係填得好好, 好開心見到娛樂圈終於出番D有料嘅人喇!
我知祖藍係1st hon,但係以為佢係唱歌做戲叻啫.估唔到填詞都得嘛...
之前睇王祖藍都睇到有d滯左,但呢期係荃家福祿壽見到佢既表現,又好鬼鍾意佢!!
特別係Sat in the City裡面,佢真係好鬼嬌悄,同埋d語氣真係好惹笑。但點解d語氣好似好熟口面咁既???佢係咪扮緊某一個人架??
同埋岩岩最近果集,佢地話好溝得既男人裡面,有李思捷,睇落係佢同阮兆祥夾埋整蠱佢架喎!!係唔係呢?? 果度我真係笑爆左!!
仲有佢地扮Lisa S同吳彥祖果度,我又係笑死!!真係一絕!! :D
茵
仲有我想話汪阿姐係套野度好似冇乜作為....我唔係集集睇,但岩岩最新果集見到佢既時候...特別係以粵曲腔(定係走音腔)唱《給自己的情書》既時候,完全唔知佢想點,又唔似係搞笑,但認真咩佢又走晒音....我直頭係mute左部電視,頂唔順。
茵
阿姐的唱功自幾十年前起已為人所詬病。
自從阿姐聲帶做完手術, 佢唱歌已經差左好多.....
我每次睇妖妖, 都笑死, 最岩響公司悶悶地時睇, 爆笑果part係佢答阿姐條問題, 一輪咀高音之後豎起手指公果下真係好似, 笑死咗!
其實阿姐係呢個節目既負資產, 我個blog都寫過, 如果換係江欣燕做會唔會好d呢下?
李思捷真係非常唔錯！扮邊個似邊個…特別係榮德，仲搵埋“兩個女”客串下，好好笑！
祥仔呢，佢成日都忍唔到笑，但反而咁樣仲好笑左！哈哈哈哈哈！另外王祖藍呢，我對佢無乜好感，不過佢扮妖妖又真係幾好笑！！
另外，有網友講起江欣燕，我都幾鍾意佢！不過近期佢做“獎門人”既獎老，我又真係覺得佢無乜用咁喎，一集都講唔到幾句乜劑，令人幾失望！不如去褔祿壽做嘉賓，扮下梅姐啦…咁樣反而仲好喎我覺得！
"巾幗"同"鐵馬"兩首主題曲本身旋律同意境係好配合到套劇, 但兩位原唱者唱唔出神髓...估唔到反而扮o野節目惡搞o既版本仲得o左喎!
吓?! d詞係祖藍自己填o既名...?! 又真係估唔到喎! 唔係估唔到佢可以填到呢d詞, 而係估唔到佢o地會做埋呢個位...
係, 上集佢o地扮Lisa S同吳彥祖o個part又係好得...祖藍扮女人又真係一絕! 同意之前台慶連續3年睇"福祿壽"有d膩...但今次呢個節目又出奇地得! 每集都有d笑位...
with respect, 阿姐的唱功真係咁多年都無得過...但佢做戲其實幾得...佢應該做番戲!
坦白講, 阿姐個位其實有少少redundant o既, 搵邊個做都無咩所謂...江欣燕都係一個唔錯o既選擇o既...佢當年扮梅姐亦係唔錯!
芒姐,雖然我知王祖藍識填詞,早排睇過佢填詞既舞台劇"我愛你,你咪理,死咪",D詞填得真係好抵死,不過我估唔到祖藍連節目既填詞都撈埋啫.係之前睇報紙,有人問阿姐有好人投訴祖藍扮女人之類,阿姐話祖藍好有才華,裹面好多改詞都係佢改.之後編劇仲話:填詞係祖藍既興趣...
琴日佢首the king sir of the opera都好正,好想睇佢做舞台劇,應該好睇...
知道了知道了
匿名,
haha, that's my point! 我絕對相信王祖藍識填詞, 但我都估唔到佢連節目o既填詞都會填埋..."the king sir of the opera"真係好得...要讚!
發佈留言
<< Home