4-23(fri) 關公大戰外星人vs志明與春嬌

新o個套“飛女正傳”我一集都未睇添…d人我其實幾ok吓…不過唔知會唔會係d比較胡鬧o既劇呢?! 報紙話“外界反應不錯, 討論區熱烈討論, 而且引發了網民探討港男港女的問題”喎…咁趣怪?! 等我呢個weekend都追番先…!

至於“搜下留情”…依然只係睇羅仲謙同黃志雯o個段…至於主角馬德鐘同陳慧珊o個段就係飛o黎睇! 上個禮拜去唱k特登點番陳慧珊隻“衝上雲霄”插曲“我不愛你”o黎唱…嘩! 睇番d片段…真係勁正! Vincent同阿bel都好型呀! 好懷念o個個年代+造型的陳慧珊…



今日睇蘋果話…

被譽為 cult片之王、傳聞中的台灣電影《關公大戰外星人》，一直只聞其名，連網絡界這個著名人肉搜尋器，亦未能找到電影的任何片段，只有幾張黑白劇照流傳於網絡世界。正當各人以為這部電影已經湮沒於人間之際，原來導演彭浩翔幾經辛苦，找來原裝孤本。目前正在進行數碼復修，更有意找來近日大熱電影《志明與春嬌》的主角楊千嬅及余文樂配音，實行互 cult一番。

被網友統稱為《關公大戰外星人》的台灣電影，其實在台灣上映時片名叫《戰神》，在香港則改為《香港大災難》，是台灣導演陳洪民 76年的作品，林建岳前妻謝玲玲亦有份領銜主演。《關》在網民界中有着神級的地位，除了夠 cult之外，還因為電影一直只有相關劇照流傳，從照片中得知故事講述外星人在港九大肆破壞，連尖沙嘴鐘樓亦被連根拔起，最後要關公現身打救港人。但就沒有相關片段流傳，令網民對之更加趨之若鶩。

《關》片之所以被網民奉若經典，彭浩翔表示除了因為一直只聞其名外，電影能夠將風馬牛不相及的外星人跟關公拉上關係，亦是電影成功的地方。據知，由於彭浩翔跟楊千嬅及余文樂合作電影《志明與春嬌》時非常投契，所以復修版的《關》片會找《志》片班底為電影配音。
此外，《志明與春嬌》由原先贏口碑輸票房，到前日票房達到 500萬。兩位男女主角楊千嬅與余文樂前晚就在銅鑼灣出席此套三級電影的慰勞宴。電影公司原本想為影期一再延長慶祝，但因前日是內地為青海災民哀悼日，故電影公司不願稱為慶功宴。

千嬅透露稍後會與彭浩翔再合作，她說：「遲啲又有套愛情片，但未定實唔講得。」她表示知道彭浩翔將台灣 70年代部《關公大戰外星人》版權買下，問她想聲演關公抑或外星人時，千嬅說：「想做外星人多啲。」她笑謂拍愛情片的話，很想彭浩翔自己做男主角，但彭太不答應。余文樂接受電話訪問時自言對聲演已有相當經驗，很期待跟彭導演有再合作機會。…

…好似好吸引咁喎…仲要有志明同春嬌配音!

btw…我居然癲到去o左睇第二次“志明與春嬌” (雖然我身邊有好多朋友都睇咗兩次...但對於唔多睇戲o既我o黎講, 可以話係好破格!!! 本來都無諗住咁瘋癲...上次因為miss o左頭10分鐘而睇多次"72家"都夠癲o架喇...但今次仲瘋狂...我都覺得有d out of character~)...再睇多一次依然覺得好好睇, 每次睇都有唔同感覺…同埋除咗好笑之外 (今次睇覺得“行騙不遂”o個段都幾好笑吓~), 其實有好多位都寫得好到肉...但今次最好笑o既位居然唔係套戲本身...而係上字幕之後, 戲院個哥仔好緊張咁warn大家: "未做完o架, 片尾仲有o野睇~"...到做完"倒乾冰入廁所"o個part, 佢又再好緊張咁話: "大家留意, 仲未完o架, 仲有一part~"...真係從未見過帶位員咁落力 (去"sell"一部戲)...好明顯...佢都係fan屎...haha!

除o左一個禮拜睇o左兩次"志明與春嬌", 居然仲唱o左兩次"最後的玫瑰"囉..."問這快樂為何來去如飛~像那天上白雲乍離乍聚~是那深深關注尤似不經意~信可伸向永恆誰知有盡時~~~~"…:p



真係中o左毒…好多朋友仲話要相約一齊"倒乾冰落屎坑"…我仲企圖去gmail reg吓"armchannel@gmail.com"添呀…可惜已俾人reg咗...無聊到呢…但好好笑! wahahaahaha!

仲有, o係網上睇到話…"朋友在網絡間好幾日也在熱烈討論著UFO的出現。將提示告訴有些朋友，但對方依然找不著。終於明白UFO在戲中的作用，原來想帶出的意思是，許多人根本沒有留意身邊擦過的人和事，輕易讓愛情溜走，就好像UFO曾經飛過也看不到一樣。對我而言，UFO出現那幕是很明顯，它在上空盤旋好一回才飄走。看了三次UFO，是否身邊人已找著呢？"

…我想問…佢意思唔係套戲曾經出現ufo一幕呀嘛? 點解我完全睇唔到...?! 有無人睇到呢?!

另外, 尋日睇“娛樂頭條”見到鍾鎮濤個女鍾懿唱“閃閃星辰”俾妹妹聽…上次已經想講o架喇…佢唱得真係好好, 同埋佢真係好得意囉! 係近年d藝人下一代比較討好同埋有童真o既一個!