5-25(tues) 談情說案首播喇~~~
嘩! “飛女正傳”話咁快就做完…本來d演員我幾ok, 但睇極都唔係太有興趣…可能真係胡鬧得滯, 唔係我杯茶! 今個禮拜上o既“談情說案”…由開拍已經想睇啦…事關…哈哈…大家都知點解啦~~~! 除咗林峯, 仲要另外三位主角楊怡, 馬明同廖碧兒我都幾buy, 好難得有一套劇可以所有主角我都咁鍾意睇, 仲要係比較青春o個一班…對上一次…可能已經係2003年o既“律政新人王”o個4個主角囉!
跟住夜晚重播“天地豪情”…應該又可以繼05年“創世紀”之後又掀起一個深夜追劇熱潮! 不過頭十幾集我覺得唔算吸引...我當年都係到十幾集先開始力追...oh, “家咩姐~我姓甘o架~~~”當然深刻, 仲有“我姨甥係我老公個仔~”…真係噢賣吉! 同埋陳錦鴻o個時個樣原來真係幾“o靚仔”! 6月仲話會連播兩個鐘, 跟住兩點幾又要轉去亞視睇“還看今朝”…請問我係咪唔駛瞓?! t
8點幾套“掌上明珠”…雖然話唔係特別buy, 但都算ok好睇, 又係o個d老老套套勾心鬥角囉…但係個班底好“壹號皇庭”…所以我buy…hoho! 仲有must watch o既“女王辦公室”…不過好快就播完…後段反而無一開始咁好笑…同埋music忽然鍾意o左leven (雖然佢話係有舖排…但我又唔係太睇到)…但leven又唔係特別鍾意佢呢段…我以為會舖排得多d添…之後o個套處境劇“天天天晴”, 又有社長同老總喇….仲有李司棋添…令人諗起前幾個月朝早6點幾重播o個套“茶煲世家”! oh, 仲有我好buy o既李思捷…同埋田蕊妮都幾ok! 呢套都有少少期待!
仲有…超級巨聲班人…本來我都ok, 但再咁落去咩節目都見到佢o地, 連獎門人都上埋, 真係會睇到嘔囉!
posted by 芒姐 at 11:09 下午
15 Comments:
我聽人講"飛"劇係一套好戲,有message想表達,唔止講港女,仲會笑下d電視拍攝手法(如:探病d人一定唔會圍住張床,壞車一定要打開車頭蓋但唔識整,傾野一定要行出車外...),有cult味....云云.我do 係後知後覺,所以即刻補睇番個大結局.
談情說案好睇呀!
hello
今集談情說案出現芒姐好喜歡果句「輕輕鬆鬆鄧梓峰」，笑左！
其實有樣野想問好耐...
我明明記得張家輝係講"家咩姐jak?我姓甘架!", 但次次芒姐quote都冇左個"jak"字, 攪到我好疑惑!
講起"壹號皇庭"底去拍套勾心鬥角既古裝..呢樣野真係令人感慨!大勇d火車軌同魚尾紋做咩出哂黎?明明林保怡都仲ok keep到架!
eliza
睇緊談情說案，呢兩個組合好得!!!! 另外想講下樓上moon講飛女，其實飛女係幾好笑，只係有些位太過胡鬧，浪費哂! 最過癮都係 : 壞車一定要打開車頭蓋但唔識整 ，呢幾句都好爆!
"談"劇抄得太犀利，案情分析又牽強，好似個3歲細路見到五顏六色嘅光就以為自己見到死去嘅媽咪同家姐果個point，根本完全唔合理！莫講3歲小朋友，就算1歲BB都已經識認人，人還人，光還光，就算五顏六色嘅光真係喚起佢對媽咪家姐同佢玩時果段回憶+佢對媽咪家姐的記憶，佢都冇理由對住D光嗌媽咪同家姐，對住張相就或者會嘅，個assoication實在太遙遠喇！
飛女仲有好多都好笑架.不過可能有d真係要俾d心機落去留意先會發覺~好似有個演員話點解d人要覺得好似吳啟華咁既樣先係醫生.笑死我!同埋佢d配樂都有意思地set過.反而"談"我都係覺得有d野夾硬黎左d.好似尋破案都唔係因為d物理野.只係用物理野解釋點解個細路見到家人(???)而個結果樓上都講左啦.勁牽強~希望後段好睇d啦.我鍾意睇楊怡~
田园树
你搵錯地方同對象喇
芒姐從來都唔論政架
到這裡來的
基本上都是電視精
芒姐,
飛女真係有好多好正既對白架~ 例如大結局:
(佢地o係警局嘈起上黎)
警察: 呢度差館黎架!你地當呢度係街市呀?
余子明:拿係咪呢!係要人地講呢句對白先識收聲!
wow!! 我就係聽見好多人講過你地所講"飛"劇白,我至後知後覺上網睇番個大結局.之前我冇用心睇,睇呢集大結局時就用心睇喇~果集睇到呢度"係要人地講呢句對白先識收聲!",我do有笑.
我e+直頭係好想由頭睇過飛女,想睇下自己捉到幾多.
"飛女正傳"我覺得初時幾好睇囉，不過中間去到性格分裂咁，有d得人驚，所以開始冇追落去。不過我都好認同其他網友咁講，套戲d對白真係好精警，我最記得第一集呢句："你唔好以為你生個仔有屎忽就安樂晒,鬼唔望你個仔大過成世追住男人個屎忽!"嘩，呢鬼真係絕到不得了，我冇諗過竟然有句說話可以仲絕過咒人"生仔冇屎忽"!!! 我覺得呢句真係經典，賤得來又真係好啜核，以後鬧人有可以再高一個層次!
同埋想借呢到問下其他網友，"飛女正傳"黃德斌周家怡出場時好似成日都有首配樂，知唔知叫咩名？thx!
另外，我都覺得"談情說案"好睇啊，真係好耐冇試過咁期待一套戲。四個主角都鍾意，同埋比較年輕，仲有最好的係應該冇三角戀，唔駛睇到咁煩，哈。不過林峯呢個角色好似太gentleman，星期五果集去行山飲水，竟然將d水倒落個樽蓋到先飲，真係O左咀!
噢...我仲有好多集"飛女"未睇添...:p
eliza...你o岩..."家咩姐"應該有"啫"係後面...我寫得唔夠準確...sor!
大勇跌咗watt好耐...佢03年重返無線時已經變咗個叔父樣...o係"青出於藍"同"心花放"見番大勇同車匙o既組合, 但兩個都變晒樣...真係令人好感慨!
咁都俾你記得我好喜歡「輕輕鬆鬆鄧梓峰」...仲要留意到...讚!
發佈留言
<< Home