6-2(wed) 談情說案
“談情說案”做o左個幾禮拜, 我都睇到第5集o架喇…算係咁…追得好辛苦o架~~! 但係“飛女正傳”同“掌上明珠”我仲有好多好多集未睇…不過點都要睇咗“談情說案”先…事關會同大家無話題! Even公司同事即使唔係同我討論林峰, 都會同我討論“劇情”…因為某d case居然同我o地做緊o既好相似…好神奇!
基本上, 劇情-wise就一般啦…你話係咪抄“伽利略”…唔駛拗啦吓嘛?! 好明顯! 但你走去問d演員見解又真係幾無謂, 個劇本同故事又唔係佢o地寫o既…同埋你叫人點答呢?! 唔通佢o地話係咩?! 想唔撈呀?! 但整體o黎講, 作為一個劇佢係幾好睇喎, 尤其d演員全部都ok呢樣最重要…佢o地4個主角算比較有青春氣息…同埋個個都幾吸引! 上次都講過…真係好難得四個主角我都buy囉…所以呢套必追!
但話實…我覺得馬明個角色真係吸引過林峰個professor kingsley king (呢個名好笑…:p)角色好多...從來d正直斯文靚仔都唔及d壞壞o地o既花弗男吸引o架啦...我同十個人講居然真係十個都認同囉…哈哈!
馬明同d女o個段又真係吸引過楊怡同林峯談情o個段好多! 馬明呢期成日都派到呢d“kwai kwai”o地o既角色做, 真係有運行! 不過佢都演得唔錯…仲要bearing mind mind佢現實生活中係超級乖乖仔 (至少我從各方睇/聽到都係咁講)…咁佢算好突破o架喇! 其實我o地話應該叫馬明同林峰試吓調換角色演呀…tbb應該拋開呢d包袱, 唔好因為林峰係一線小生就成日俾d正氣乖仔角色佢做…從來奸角都出位過乖乖仔o架嘛 (你睇“天地男兒”徐嘉立同埋“天地豪情”“家咩姐啫~”就知啦)…同埋都唔係話要佢做奸角, 只係邪邪o地o既角色應該吸引d囉…hoho! 同埋唔知點解, 楊怡真係自上次“宮心計”之後, d廣東話好似唔正咗好多咁o既?! Oh why~~~?!
posted by 芒姐 at 11:36 下午
27 Comments:
下？某些case同你做緊果D好相似？芒姐，你打刑事case架咩？我一直都以為你係soli‧‧‧
下？某些case同你做緊果D好相似？芒姐，你打刑事case架咩？我一直都以為你係soli‧‧‧
講真...就算係抄都抄得唔似! 我睇"談情"都係因為睇那四位主角! 暫時睇到第七集仍然唔錯，未有悶場!
馬明同廖碧兒那part幾好睇，不過暫時碧兒出場集數還是很少，睇下後面會唔會講多D!
至於楊怡講野唔正呢個問題，我都留意左一段日子，其實佢係一時時的，好似佢套"碧血鹽梟"同"鐵馬尋橋"都講得好正! "鐵馬"係"宮心計"之後拍的，至於"談情"確係有小小癡!!! 佢令我諗起佢係"賭場風雲"入面的癡利根妹角色 (唔知芒姐記唔記得呢)
而"談情"又唔係成日癡!!! 好奇怪!!!!!! 我估計係因為拍到太支力，睇佢個樣都殘左好多!
先不談論抄襲或借鑑的問題，有人說《談情說案》說的情比《神探伽利略》更多，我想是因為很多人只看過日劇的問題。
《神探伽利略》是日本作家東野圭吾的作品改篇，而就算是日劇，也橫誇了《偵探伽利略》，《預知夢》及《伽利略的苦惱》這三本作品，當中東野圭吾以談討「情」為副線，讓湯川學這個角色慢慢了解到何謂「情」。
再到《嫌疑犯X的獻身》及《聖女的救濟》更談論了愛情的極致與憎恨，《談情說案》的情未免太兒戲了吧。
東野圭吾這部作品，不像《談情說案》那樣淺白，把情只著重在表面上看到的。東野圭吾把湯川學滲入不同的案件中，看見親情的連繫，親情的束縛，愛情的極致，愛情的憎恨。這些《談情說案》完全做不到，只是把那些第三者，離離合合的原素加進去，就叫做有「情」？那麼東野圭吾五部湯川學系列的情未免太深刻了。
至於所謂的巧合等，老實說無線只要說一句借鏡我想不會有那麼多人炮轟。好的劇集常常也有人會翻拍或借鏡，正如樓上所說，東野圭吾的另一部作品《白夜行》，韓國翻拍電影，日本又再重拍電影。就算當初的《妙手仁心》，《法證先鋒》被評說借鏡《ER》及《CSI》，但當中無線的確加重了自己的元素進去，反觀這套《談情說案》卻一味把別人作品的案件重複，降低物理的難度，加進什麼食環處的洗街車就當成一部新的作品，這未免太令人無奈。
香港不是沒有好的作品，正如《無間道》也被看出翻拍，只是我們可以看到其餘的國家出錢去購買版權，甚至承認借鏡部份劇集來拍攝，不像無線那樣一味說自己是原創。
現在連內地也開始重視版權，拍攝某部份劇集或綜藝時也購入版權，反觀香港卻還停留在這部份的碎嘴上，拿一些極微量的原素當成自己自創。哪怕之後又會跑出來說日劇沒有城市大學，沒有九龍塘，沒有香港人的出現，就說這是100%的原創了。
唔好意思，off topic，想問下"女王辦公室"的劇情啊。其實我只係間中追幾集，但成日見到queen姐同susan都好似好曖昧咁？編劇想點啊？阿姐同張國強年紀都差一大截喎～
仲有想講下"談情說案"中，prof king個助手－xiao guo（小郭）。我覺得佢個樣pro過prof king喎，哈哈，可能佢年紀大d同埋戴返副眼鏡看來穩重d（btw，驟眼睇佢做實驗個樣，我覺得有d似鄭嘉穎）。我覺得無記呢次既角色設定幾好，搵個內地演員做大學研究員，幾寫實咁，哈哈，真係諗起以前讀書年代d TA。
同埋想講多句無聊野啊，prof king回應小郭，解釋點解唔推薦佢去普林斯頓到做講師，係因為以為佢鍾意做研究，所以來香港會適合。唔知點解聽到呢個硬係覺得有點"un"耳? 明知佢鍾意做科研，仲帶佢來香港，唔怪得小郭要報復啦，哈哈哈。sor，真係好無聊～
你...你...你...竟然話個大陸叔似鄭嘉穎? 實在係太侮辱喇! 鄭嘉穎咁靚仔又有型, 點可能同個老土大陸叔扯上關係? 天呀呀呀呀呀呀呀呀呀呀呀呀呀呀呀呀呀呀呀呀呀呀呀呀!!!
同意啊...! 不過無線就係咁鐘意幫o的演員定位, 限制哂o的發揮...
errrrrrrrrr，估唔到引起大家咁不安，咁我收返啦，哈哈。不過硬係覺得個助手個樣有點面善咁囉～
呀Professor Kingsley King 一開口第一句就講"痾fee時".老毛病又嚟。唔明林公子平時講英文都OK似模似樣,但係都講唔正"office"呢個字。一般香港人都講到無問題喎。
楊怡Ｄ廣東話時正時唔正。其實林公子Ｄ廣東話有時都好似怪怪地。同埋覺唔覺佢兩個都係一講得快就有Ｄ痴痢根？
溫哥華匿名人
鄉音？
其實楊怡講野怪怪地我都留意左好耐, 特別係d尾音, 同個"架"字。我頭先睇睇下伽俐略, 突然諗到呢個會唔會係楊怡為左突出一個角色出身低下既表現呢?!
不過楊怡又好少做d出身高貴既角色, 好難驗證呢....
eliza
唔係fa? 牽唔牽強d呀?
OMG! PROF. KING 將 "METHOD" 讀成 "MED-THOUGHT" 嘅! 咁佢同吳唱K有咩分別? 佢嘅英文發音又再次出賣佢喇, 都唔似PAUL BOYS 仔嘅! 失望-ING!
甘讀名校英文唔一定好既, 但林峰用英文講留言個段就幾好聽.
馬國明喺加拿大讀到大學畢業, 佢D accent 都好港式.
楊怡有時講野出咗d 鄉音, 以前明明冇, 好奇怪.
馬國明唔止ACCENT港式, 佢直頭讀錯音, "PAY" 變成 "PRAY", 拍得住陳克勤的 "BEST VS BREAST", 嚇得我!
仲有'Janet'唔係讀'Ja-NET'，係讀'JAN-net'！
我都聽到prof king 講met-thought. 我仲以為自己聽錯,無預過佢讀錯呢個字, 事關我對佢有一定期望.
paul boys又點? 已經唔係乜野勁野啦,band 1 中都可能比多佢.
同埋 "Cambridge" 應該讀 "CAME-bridge", 唔係 "CAM-bridge" 呀!
本來我都buy楊怡,但佢去到依個年紀or演戲階段,真係唔適合再演依類開朗少女,見到佢扮初戀feel講"十扑",真係有少少頂唔順
雖然阿蛇舊年套三水妹都係比較年輕一點角色,但三水妹話哂比較殘雞惡死有少少缺點存在,唔似得犀利妹接近完美得超乎現實,犀利妹依類角色,留番比陳茵薇,唐詩詠等新d/外表young d既姐仔接把啦
其實唔止犀利妹,就算係林峰同馬明既角色塑造都好平凡好表面,幾位演員都冇發揮位,睇完鐵馬再睇談情,真係覺得添哥高班好多
QEEZY,
我都有睇原版伽利略,真係冇得比,記得當初日劇播時,有人話伽利略懸疑性不足,不及金田一般令人估到誰是兇手般吸引,但5利略一早已經跳出依類懸疑片框框,著重案件冑後既情同社會問題
好似有集父親假裝被殺呃保險金,女兒到父親死了後才原諒他,仲有深田恭子果集,一直只係為錢利用老公,甚至利用佢去殺人,都睇到個心un住un住, 談情說案既所謂case都有少少道理所講但真係畫公仔畫出腸,完全冇feel可言,比起以前自家製作如刑偵差得遠,刑偵都話有時會睇到令人同情個兇手or死者,談情d case破案過程求其都算,連依種"情"都做不到
至於2條感情線就更加算數吧,林峰果條典型台劇灰姑娘愛情橋脫離現實,唔0岩我依類中女睇
馬明果條promote時好似好吸引,但佢同碧兒段關係欠刻劃,就連馬明個角色都有點矛盾,明明佢好care碧兒次次人地返香港都放假陪人但又成日扑女,而且d"愛情戲"全部係動作戲連比佢開口扮playboy撩女既劇情都冇(又或者lo sir只係鍾意上床既性奴連撩女玩女既愛情手段都慳番),難為仲有人話因為咁覺得馬明唔似佢地心目中既playboy,真係好冤枉
"睇完鐵馬再睇談情,真係覺得添哥高班好多"
好同意! 唔講message, 淨講劇情, 鐵馬同談情已經完全冇得比, 鐵馬可以令你好投入好感動, 談情就完全冇果種感染力, 不過有時都幾好笑嘅, 點都值得睇過"掌上明珠"!
其實solic都會打刑事, 所有案件都要經solic先可以轉介俾bar o架嘛...不過我唔係...而劇中其實有牽涉到唔係刑事案o既...好啦...我o既"副業"o係呢度不宜多談...hehe!
楊怡o既鄉音唔知點解o係近呢兩年忽然飄番出o黎...之前真係無o架...我以前仲好懷疑點解佢家姐楊卓娜講o野有鄉音而佢無, 唔通佢o地o係兩個唔同地方長大...但呢幾套戲忽然好明顯...
至於林峯d英文...其實之前溏心同家好大家都討論過...明o架喇!
至於"Cambridge" 應該讀"CAME-bridge"唔係"CAM-bridge" ...我發覺呢樣好多人都唔知...:p
劇情-wise絕對係鐵馬好睇d...呢套我係睇人咋...但林峯呢個太斯文大好人角色真係唔太得, 寫得唔夠立體...同埋masha話楊怡呢個階段已經唔再適合演呢d少女情懷角色我同意...辛苦+浪費咗佢!
我反而同你地觀點完全相反喎！！我覺得談情說案好好睇，至少已經系近期睇得落嘅戲，仲要系我晚晚都追添！！
我覺得林峰同楊怡條線先啱啱開始，好sweet呀！劇中亦有具體描述兩家人的身份問題，我覺得都講得好寫實，不是什麽台劇灰姑娘...
我覺得楊怡做得幾好呀，少女情懷都做得唔錯；至於林峰，簡直度身而設，佢做得好切合角色，人地就系咁官仔骨骨斯文有禮嘛！我覺得呢個角色設計得好好，完全唔覺得lo sir會吸引過king sir~特別是拍拖之後嘅king sir，真系霖死人！好中意呢個角色！！
咁呢d野不嬲都係好主觀ge, 不必太認真
發佈留言
<< Home