6-18(fri) C+音樂
個幾月前睇咗第一集, 前幾日終於一連睇咗之後5集o既"C+音樂"...呢個港台節目其實真係幾好睇, 尤其對於我呢d一向鍾意睇音樂節目o既人 (再尤其係呢排的“勁歌金曲”已經名存實亡…:p)…放o係星期日7點真係o徙咗囉!
謝安琪o個集ok, 官恩娜同孫耀威o個兩集都幾好睇...仲有, 官恩娜唱英文歌真係得過中文歌好多…
官恩娜@C+音樂…
孫耀威@C+音樂...
Oh, 世界盃又開鑼喇…今年兩個免費台完全無得播…所以對於我呢d “非典型球迷” o黎講, 基本上係唔會特登去睇…不過就變咗睇“天地豪情”…由呢個禮拜開始, 我真係有睇喇, 仲要每晚做兩集, 好鬼忙吓! 本身已經公+私事繁忙, 就搞到忙上加忙, 無覺好瞓! 不過呢期劇情已經開始好緊湊…kelvin同家雄身世揭發咗, 仲有“我姨甥係我老公個仔”o個段又開始o黎料…呢段感情其實都寫得幾好…好矛盾咁…又無話邊個啱邊個錯…所以都睇得人好肉緊吓…oh! 6/7月真係無覺好瞓的月份啊…:p
posted by 芒姐 at 11:32 下午
5 Comments:
我最鐘意《天地豪情》kelvin對住大家姐話「家咩姐啫，我姓甘架嘛﹗」…
但唔明點解無線要一點播到三點......叫人點睇呀唔駛瞓咩~
C+音樂 - 孫耀威話佢個歌迷响買禮物俾佢既途中遇上車禍離開左, 真係好慘~ 如果我係孫耀威, 我都好難接受一個fans因為為左買禮物俾自己而離開, 雖然呢個係一個意外~
天地豪情已經進入戲肉...依家晚晚追...好緊張呢!!!
係啦...莫講話個歌迷係响買禮物俾佢途中遇上車禍離開而令人無法接受呀, 就算本身有個咁忠心的歌迷車禍離開都難受啦...世事真係難料...
發佈留言
<< Home