2010年6月25日星期五

6-25(fri) 談情說案大結局

嘩…呢期真係所有o野都好忙…當然包括追劇啦!

睇番十集“蒲松齡”…呢d古裝劇就真係從來都唔係我杯茶, 但得閒睇吓都算ok o既…不過我想講呢, 法拉真係靚過鍾嘉欣好多…我係女性都覺得佢索, 難怪咁多男性視佢為女神! 鍾嘉欣個樣就其實不嬲都唔算特別靚o架喇, 不過可能形象楚楚可憐d啦, 所以反而仲紅過法拉…不過呢套劇一對比個樣真係差好遠…可能正如佢自己講話拍呢套劇一直失眠…所以比平時再差o左d!

仲有“談情說案”o既李亞男, 其實又真係麻麻o地得咋喎, 有咩可能算華裔小姐會贏到法拉? 同埋佢o係“談情”個角色又駛唔駛克人憎成咁…我知個劇情係要“突”(唔識打) 顯佢同楊怡個角色o既對比…但都唔駛咁克人憎! 呢方面佢做得好好, 仲有趙靜儀都好得…佢d嘴臉真係呢…! 仲有趙靜儀個樣又再進一步地怪咗…佢究竟搞咗d咩?!

上次有朋友留言話飾演趙靜儀個friend的演員好似80年代亞視花旦區凱鈴…我睇番都覺得似囉…不過我又真係唔肯定係咪!

好搞笑…呢個o係“談情說案”的討論區睇到…千奇百趣香港地之“新細明體牌匾”…hohoho…


仲有呢期深夜套“天地豪情”進入戲肉, 每晚睇到兩點幾…好鬼忙囉! 呢排“我姨甥係我老公個仔”o個段搞到好混亂…睇得人好肉緊呢!

Hohoho! 仲有我好鍾意睇o既“荃加福祿壽”呢個禮拜最後一集! 上個禮拜陳山聰+胡諾言佢o地扮番十幾年前o既自己都幾好笑…睇番初出道o既陳山聰, 其實有d同期 (但早一兩年) 出道 o既陸家俊feel囉!

陳山聰 - ABCD & 胡諾言 - 一個諾言@19-6-2010 荃加福祿壽



仲有呢段李思捷扮許文強“聞歌起舞”片段都係好得…



仲有仲有…朝早又重播“同居三人組”喇…oh!

9 Comments:

Blogger Unknown said...

呢期荃加福祿壽唔係最後一集,係最後三集。睇錄影已經好正,仲有好多係佢地錄定o既絕密片段......

9:30 下午  
Anonymous 初級電視迷 said...

依家“蒲松齡”入面我只看法拉d戲~~~

法拉真係好正!!!而且,比起鍾嘉欣,法拉進步左好多!!!可能嘉欣個排狀態不好吧~

2:14 下午  
Anonymous 初級電視迷 said...

依家“蒲松齡”入面我只看法拉d戲~~~

法拉真係好正!!!而且,比起鍾嘉欣,法拉進步左好多!!!可能鍾嘉欣個排狀態不好吧~

2:16 下午  
Anonymous 匿名 said...

李亞男話佢細細個已經有好多人叫佢選美喎!

7:14 下午  
Anonymous 匿名 said...

李亞男最難頂係佢d廣東話...
不過呀犀利妹真係好人得滯,有時睇到人好忟,覺得:你咁好人搏咩者?
eliza

11:53 下午  
Anonymous 匿名 said...

陳法拉 1982年出生
鐘嘉欣 1984年出生

法拉大嘉欣兩年
但望落法拉仲細個d

11:55 上午  
Blogger 芒姐 said...

哈哈...其實個樣後唔後生同年齡無太(留意係太...唔係話完全無o既) 直接o既關係o既...好多四十歲過外都keep得好好!

4:51 下午  
Blogger 芒姐 said...

"談情說案"裡面prof king同犀利妹o個段情...其實我覺得如果o係現實生活裡面...真係好難會work, 好做戲咁做feel...同埋如果你係犀利妹, 俾人咁話因為計錯數忽然飛咗你, 到後來忽然話要同你結婚...你真係會唔會接受番佢呢? 你話係pro生都係咁話....:p

4:54 下午  
Blogger 芒姐 said...

法拉真係進步咗...同埋形象討好咗!

5:07 下午  

發佈留言

<< Home