7-14(wed) 尖尖尖~~~

其實呢段想post好耐喇…之前兩個禮拜已經成日有朋友send俾我…好無聊, 但好好笑! 前兩日仲尖到上埋報紙添呀…:p

我相信近期都無咩朋友無睇/聽過呢個廣告….本身個廣告已經夠攞膽...呢個被喻為“浪費你人生中的十分鐘”o既洗腦版“尖尖尖 x10min”就更加抵死...笑爆嘴...依家d人真係好有創意...老鼠安仲要俾佢o地惡搞到10分鐘係咁自轉…真係好頂癮! 連fb個"許志安 ♪ 尖尖尖"page都就快突破一萬人…真係世事無奇不有...網友又真係創意無限!



跟住仲有呢個可以跟住歌詞唱o既卡接ok版""尖尖尖~知椅意儀驗~~~""...都係o個句, 好白癡, 但好好笑~~~:p



“天地豪情”終於做完咗, 一切又復歸平靜! “施公奇案2”本來都可以睇吓, 不過前日larp咗少少都係一般啦, 唔係特別吸引到我…wahahaha! 跟住9:30 o個套 “情越雙白線”, 有聽過人話幾好睇…但obviously唔係我杯茶, 同埋真係無一個演員我係特別buy, 而有幾個我係幾唔buy添…尤其係郭羨妮…雖然佢依家已經唔係話當年咁“狐妮”feel…但就算佢未“狐妮”之前, 我都真係好怕睇佢做戲, 亦從來無buy過佢 (除咗佢當選o個日我係認同佢幾靚同埋實至名歸…但唔知點解無幾耐已經跌watt跌得好勁)…所以, 呢一套我係坐o係電視機前都吸引唔到我睇…真係無緣喇! 反而深夜o個套個個演員都演得好爛o既亞視陳年劇“中環英雄”…我又真係鍾意睇喎! 喜好呢d o野真係無得講…人唔鍾意我又偏鍾意!



真係唔好講笑…你都唔好話“超級巨聲”流, 俾佢係咁谷一谷, 羅敏莊呢首十五年前o既滄海遺珠”挑戰者”, 居然上咗卡拉ok本週熱唱榜第16位, 真係95年plug時都無咁勁呀! 雖然我d朋友講笑話可能好多人係因為睇咗我o地呢度而一齊走去唱起佢…但我唔相信我有咁大影響力囉...哈哈! 不過我依然會o係呢度呼籲大家繼續去唱番起呢首15年前o既好歌!!!