8-1(sun) Miss HK Pigeon 2010
Ok…話咁快又到一年一度的miss hk pigeon…今年終於無咗amigo, 換上福祿壽…而基本上係有少少以福祿壽做膽添! 不過今年真係選咗都幾乎無人知…點解會搞成咁? 以前一年一度o既大show居然淪落到咁…好可惜! 查實今年d佳麗o既質素算係有大躍進, 只係個show已經做極都做唔起!
同近幾年一樣, 全晚最好睇o既“居然”係歷屆港姐出場o個part...d年過四十o既姐姐, 靚過晒呢d十零廿o既妹妹仔! 陳法容真係keep得好好, 佢選o個時反而唔覺得佢特別靚, 但廿年後佢keep到一模一樣的樣貌身材…都真係想唔話佢正都唔得! 44歲可以keep到咁你真係仲想點?! 反而遲佢一年參選o既梁小冰…雖然話生完仔啫, 都應該要keep吓…畢竟佢都曾經係tbb當家花旦嘛! 其餘的歷屆港姐個個都keep得錯! 近年o個d除咗葉翠翠個個都ok…佢個胸會唔會假咗d呢?!
阿楊思琦都罕有地靚呀, 同埋佢條裙好靚囉我覺得…我好鍾意! 陳法蓉o個條都係…其實d衫係咪自己揀o既呢? 定係有人sponsor? 仲有陳茵媺, 曹敏莉, 李詩韻都好得…同埋大家一致認為佢同“拍七”分手係做得好o岩, 因為真係o徙咗佢! Hoho! 仲有阿名模歐陽妙芝講o野都未免太似背書囉…:p
而我曾經好buy o既鄭視帝…sorry都要講佢, 佢唱o個隻“yei yei yei”真係唱得幾難聽吓…哎…佢仲要曾經係歌星…黃浩然都唱得同佢差唔多! 同埋我想講, 黃浩然上咗位喎…有得做港姐表演嘉賓!
至於另一段嘉賓表演…直頭係將林峯個唱照搬過去…之前我o地先話相信今年台慶好有可能會將呢part照dup一次搬上台...點知原來唔駛等台慶...港姐決賽已經即刻用左! hoho! 林峯染番呢個頭髮反而正常番, 我個人覺得好睇過個唱個黑白頭! 阿唱k又係慘, 呢個表演佢完全有redundant的感覺, 淪為大配角, 成part唔知做咩…話說04年徐子珊當選o個屆佢o地幾個仲一齊做“奧運6星”表演, 跟住佢就“別怪她”紅咗一陣子…點知近年dup到呢…哎!
仲有, 估唔到法拉有份做評判添…唔係話佢唔好, 但又好似未到呢個level…tbb真係用晒所有藝員做唔同崗位…用得唔好o徙! 不過佢o地連評判熊黛琳都玩真係有d賤 (雖然好好笑!)…佢坐咗o係度無得反擊又無得走都有d慘! 不過李思捷扮城城呢part真係笑死…:p
好啦, 講咗咁多“題外話”, 講番今屆港姐…我都真係今晚先真正留意佢o地! 其實質素真係ok喎, 但反而選出o黎入8強/4強/三甲o個幾個就係最唔得o個幾個…真係神奇! 同埋你選完8強之後, 一個比賽環節都無又選4強, 跟住又係連d無聊問答環節都無又宣佈三甲…咁點解唔立即宣佈三甲呢? 擺明係一早選咗o架喇…但如果你係要for the sake of foul d人…咁你中間都扮加插兩個無聊對答環節都無咁肉酸嘛! 好似以前5強做o下d九唔撘八搶答“海底隧道收費幾多錢”呀, “會考滿分幾多分”呀等完全無啦間的問題都好呀! 又或者好似94年李綺虹o個屆最尾的笑爆嘴互相遊說環節都唔錯!
至於d佳麗…1號黃安琪真係選完都唔記得咗佢, 太普通! 2號張莉莎…sorry, 容我講句, 個樣都ok假! 3號張藝婷又真係未免太女生男相!
5號莊思敏個妹莊思明居然攞到季軍…好o野! 其實佢個感覺係好過佢家姐好多 (起碼無咁bitchy)…但個樣未免太似黃佩霞, 仲要係醜版黃佩霞, 同埋個髮型真係好驚…tbb點解要咁玩佢?! 佢談吐亦都算係幾ok…但靚過佢對答又ok過佢o既大有人在…所以我都同大家一樣“十萬個為什麼”!
亞軍o既張秀文…其實都幾ok, 個樣幾sweet, 對答亦都好流利…如果係前幾屆就入硬三甲! 今屆佢入三甲我都無異議o既, 但同時亦都覺得仲有好多個係幾得o既! 其實我幾buy佢隔離o個個14號李俍燕, 身型+台型幾好, 對答亦好ok呀…整體感覺唔錯…仲要個感覺幾exotic…有少少似朱慧敏! 之前睇報紙話佢o係加拿大選美攞過唔知亞軍定季軍…點知返到o黎8強都唔入…會唔會誇咗d呀?
其實我覺得11至15號呢一group係質素比較高o既一group…個個都幾平均吓…除咗12號湯寶珍…佢一開口真係嚇死, 佢把聲同佢講o野個格都…噢賣葛! 至於一開始o既頂頭大熱11號李文煊…話係咩翻版湯唯…明明係少年路家敏…點似湯唯呀? 咁佢又唔係話差, 但真係唔係特別好! 問答時不停講好鍾意兒歌環節感覺有d白痴, 而件泳衣亦顯得佢好無身材, 同埋佢最大問題係感覺有d娘…所以佢入唔到三甲我唔覺得出奇…況且通常呢d一開始話係頂頭大熱o既最後都會輸到離行離列…但我又覺得佢唔係差到8強都入唔到呀嘛?!
至於個冠軍13陳庭欣…其實我一路都無留意過佢, 真係sorry! um…決賽表現都四平八穩o既…但你話特別突出又唔覺得係…不過佢攞我都覺得ok! 某d角度睇有少少似周慧敏+周海媚的混合體…不過當然無咁靚啦, 同埋個嘴有d怪!
而最上鏡小姐9號李雪瑩亦都真係好一般吓…個樣好老…既然今年有咁多高質佳麗, 請問有咩可能佢會攞最上鏡?
至於最高o個位10號佳麗馬鈞怡…之前睇d特輯覺得佢個樣好怪…但呢排睇睇吓又順眼咗…報紙講到佢係大熱, 而佢身型+對答都ok…我仲以為佢會入到4強添…真係估佢唔到!
最後…上屆o既冠亞軍頒獎時o個件衫想點? 劉倩婷o個件就中間好似加咗個水泡咁…李姿敏o個件仲肉酸…心口有執毛…想點呢?!
為免我過一年會唔記得晒d賽果…都係link to蘋果: 傳內定冠軍 11號李文煊八強不入, 13號陳庭欣爆冷膺三料港姐
又到一年一度香港小姐回顧@芒姐再現:
Miss HK Pigeon 2009
2008香港小姐
港姐回顧
2007年度香港小姐
2006香港小姐
2005港姐謝師宴
2004香港小姐
2003給香港小姐
1994年度香港小姐選舉
1993年香港小姐
1991香港小姐選舉
posted by 芒姐 at 11:05 下午
18 Comments:
I like Toby, she's very mature for her age; By the way she's a good communicator, I agree that she looks like Vivian. No. 14 the nursery school teacher. She doesn't have a bachelor degree. I think that might have hurt her chances. She looks like Elsie Chan.
原本唔係黃浩然, 係馬國明架!
莊思明... 佢整起d頭髮好似周啟邦個仔呀!
李雪瑩
http://www.friendster.com/viewphotos.php?uid=2592813&a=0
TVB so good at makeup!
咁點解要換走馬國明呀？我勁憎黃浩然，佢好樣衰！
芒姐你今年有沒有睇林峯個唱呢？演唱會呢part仲好睇過港姐果晚添呀！不過，林峯變番黑色頭髮，靚仔咗好多！
同埋，你覺唔覺上次又係林峯+徐子珊又唱又跳做港姐表演嘉賓？
我記得以前請d表演嘉賓，係同候選港姐一齊，邊跳舞邊拖住佢地嘅手介紹港姐嘅啵~點解依家好似冇咗呢樣野嘅？
其實唱k自從"巾幗", "巴爸"同"女王辦公室"之後已經慢慢起返, 至少對佢反感既人有d開始改觀。一兩年前個種dup法直頭係消失左咁!
eliza
係咪馬明冇期? 點解最後冇得做表演嘉賓呢?
嘩, 英雄所見略同, 芒姐你既港姐review有九成同我意見一樣, 好感動呀, 有人認同! 封你做偶像!
以下係小弟既review
http://missmuthongkong.blogspot.com/2010/08/review-funexpert-1funfun201008cherryfun.html
原本係馬明同鄭嘉穎做o個part o既表演嘉賓, 但是"女拳"唔肯放人. 加上法拉已經做o左"最上鏡"評判, 而o個日Bosco亦有其他活動, 所以只可以拍馬明o的戲份.
O(∩_∩)O哈哈~芒姐最後都喺睇咗......
其實我咁鍾意你個blog...真喺好大原因喺你成日可以講倒D同我一樣嘅睇法.....
不過全晚最得嘅8號Phoebe竟然冇提及...好好奇你對佢嘅睇法....
我就覺得全晚最好睇喺祖藍阿珍....笑爆嘴....但"好爆切"個賽果"我接受唔倒囖"!
唔明白慧妍雅集嗰part點解要整部勞斯萊斯?代表矜貴??~!我就覺得好阻定...搞到D港姐都冇位企.....
00嗰批陳茵媺,何傲兒;90嗰批楊思琦;80嗰批陳法蓉....掂啊~!
陳法蓉嗰句"一日港姐,終生港姐,嗰種感覺,好正!".....
匿名,
哈哈...係咩我無提咩...你唔point out我都無為意, 原來我真係無睇過...
8號彭慧中...我覺得佢好ok喎, 姣就係姣d, "單眼"o個part o係港姐show有d inappropriate...不過整體感覺幾好, 樣靚, 身材正, 仲好sex appealing...不過絕對唔似會得冠軍o個隻...頂多季軍囉!
阿珍同城城都好睇...不過佢o地的確搶晒d港姐鏡...同佢o地一齊出場o個幾位港姐完全無得發揮...:p
陳法蓉係真係好神奇...佢選o個陣真係唔覺得佢特別靚 (可能太細個唔識睇, 同埋小朋友係鍾意長頭髮姐姐o架嘛...不過當年我又係支持佢攞冠軍而唔係另一位大熱翁慧德...真係奇怪)...但過咗20年反而仲靚咗...情況同佢個"前情敵"玉女掌門人周慧敏一樣~
噢...原來原本係馬明做嘉賓...咁黃浩然我覺得都ok o既...唔算太差!
TT,
哈哈..."偶像"我唔敢當...你o地係真正的pageant fans...寫的評論詳盡過我好多...o個個"blogger's choice"好得呀...下年可唔可以預埋我一齊玩? hoho!
匿名,
唱k大勢已去...都怪tbb當年"別怪她"捧佢時操之過急...呢個係tbb每次捧人都出現的通病...愛佢變成害佢!
唱k依家唯有專注拍戲, 默默耕耘啦...!
++,
係, 染番個頭好睇好多...! 根本依家d嘉賓就唔係同港姐interact, 只係表演一part項目...港姐呢個大show, 已無人重視...d藝人邊得閒去同佢o地排一part表演...今時唔同往日啦...
匿名,
嘩...李雪瑩friendster d相真係好普通一個mk小妹妹咁咋喎...化妝的確係神奇...但點解反而整到莊思明咁醜...同佢有仇乎?!
Mic,
莊思明個花師奶髮型真係令到佢同周國豐孖生一樣...個髮型師唔知點解要咁玩佢? 其實佢放番d頭髮落o黎都唔係太差...同埋我好欣賞佢面對評擊的應對...好得體...加咗分!
匿名,
但14號點都無理由入唔到8 (or even 4)強...真係令人費解...!
who is elsie chan?
發佈留言
<< Home