10-14(thurs) Ladies and Gentlemen楊千嬅世界巡迴演唱會2010+”紙扎相機 (Skea 紙扎單鏡反光相機)”

楊千嬅開演唱會…我當然點都會去睇吓啦…畢竟"少女"時期的芒姐, 都曾經係"少女"時期千fa的超級fans...幾乎買齊佢早年的cd咁滯o架! 不過好問心o個句, 千fa演唱會你又唔會expect話超級好睇, 但對我o黎講絕對不能不睇! 所以話去睇楊千嬅主要係情意結多於一切!!! 好彩佢都好識do唱好多舊歌...畢竟佢呢15年o既金曲, 真係見證咗我哋個年代o既"少女"的黃金15年o架嘛...hohoho! 難怪我發現有好幾group我無咩諗過o既朋友都話去咗睇楊千fa...原來佢d歌真係好入屋!

不過如果你要我比較上次07年“楊千嬅all about love演唱會2007”…我又覺得上次有驚喜d…因為上次已經諗住佢一定唱得好差, 點知反而有驚喜! 今次就as expected la…不過可以聽番咁多”少女時代”的歌曲…都真係令人好感動o既!



嘩…多謝朋友提供…呢個真係笑爆嘴…簡直係妙問妙答!!! 所以我成日都話d網友係創意無限...d人覺得佢o地無聊, 我反而覺得係有腦都爆囉...咁o既問題都諗到, 仲要係好make sense o架喎...而個賣家又係得, 最頂癮係佢真係十級認真地回答, EQ超高...超讚! 芒姐都要俾10個得佢o地…簡直拍得住當年軟硬玩電話…hohoho!


"Yahoo! 拍賣: 紙扎相機 (Skea 紙扎單鏡反光相機)"
*************************************

問題 1: max_yeung2****** (-1) : 跟幾多GB既記憶卡架, 可以跟埋腳架嗎?
答覆: tim0013tim ( 76 ) : 可以加送一張紙扎記憶卡 , 不過紙扎脚架暫時未有提供 , 謝謝提問

問題 2: max_yeung2****** (-1) : 行貨定水貨?
答覆: tim0013tim ( 76 ) : 原裝 Skea行貨

問題 3: dgt***** (0) : 請問kit鏡有冇防震?
答覆: tim0013tim ( 76 ) : 紙扎相機暫時未有提供防震 , Sorry .

問題 4: jackychong20042****** (2) : 請問有冇跟定焦鏡? 用咩mount?
答覆: tim0013tim ( 76 ) : 冇 , 以及此相機為紙扎品 , 並沒有註明使用什麼 mount , 謝謝提問 .

問題 5: naputa***** (12) : Skea行貨有冇保養? 如果懷左可以去邊到修理?
答覆: tim0013tim ( 76 ) : 由Skea天堂總部作保養

問題 6: rt4***** (16) : 我想要一部自用，但係唔夠錢，可以用冥通銀行信用卡做12世免息分期嗎？
答覆: tim0013tim ( 76 ) : 對不起 , 我們只收港幣 , 以及暫不接受分期付款 , 多謝提問 .

問題 9: cssammy_***** (17) : 最平幾錢?
答覆: tim0013tim ( 76 ) : $1800 , 紙扎產品不設議價 , 謝謝 .

問題 10: oosh_***** (78) : 有冇得送保護貼?
答覆: tim0013tim ( 76 ) : 因為Skea產品不會採用塑膠料制作 ,主要採用 99％ 的紙張及少量的布料與木頭制作產品 , 而客人想加保護貼為膠料 , 燃燒後會有黑煙及臭味等問題 , 所以我們不會附送保護貼 , 多謝提問 .

問題 11: oosh_***** (78) : Thanks~~ 咁要埋遮光罩加幾多錢?
答覆: tim0013tim ( 76 ) : 可以加送一個紙扎遮光罩 , 多謝提問 .

問題 12: icefire**** (33) : 請問支kit鏡係幾多mm? f 幾?
答覆: tim0013tim ( 76 ) : 24-120mm F3.5-5.6 ,多謝提問 .

問題 13: andyfreem***** (2) : 防水乎？
答覆: tim0013tim ( 76 ) : 紙扎產品不防水 , 抱歉 .

問題 14: andrewleun**** (11) : 請問是什麼相機型號? 可以係冥界用ISO64000嗎? 有無中文說明書?有無相機帶跟呢? 鏡頭是什麼焦段呢? 可以用收貨人付款嗎? 謝謝!
答覆: tim0013tim ( 76 ) : 這支24-120mm F3.5-5.6紙扎鏡頭 , 多謝提問 .

問題 15: ivany****** (97) : 我想買來送給一位落了地獄的朋友，請問Skea在地獄有冇維修保養中心.?
答覆: tim0013tim ( 76 ) : 所有給予先人的Skea產品 , 均由Skea天堂總部作保養 , 致於其他地方, Skea暫時沒有總部為先人服務 ,抱歉 .

問題 16: steste0****** (20) : 鏡換小黑六要加幾錢 ??
答覆: tim0013tim ( 76 ) : 暫時只有這支24-120mm F3.5-5.6紙扎鏡頭 , 多謝提問 .

問題 17: moochide***** (無) : 「由Skea天堂總部作保養」我有理由相信我個 friend 落左地獄, 你知唔知Skea有冇地獄總部 ??答覆: tim0013tim ( 76 ) : Skea暫時只有天堂總部為先人服務 ,抱歉 .

問題 18: lantis_0***** (2) : 如運送過程中出現問題或發生意外，例如不能完全燃燒或燒唔著，有冇保險包埋？另外是否可提供代客送貨服務？如可簽收更佳！
答覆: tim0013tim ( 76 ) : 我們從來沒有客人有''不能完全燃燒或燒唔著''的問題 ,以及Skea紙扎品是沒有包保險 , 不過我們可以代客送致各大殯儀館或火葬場

問題 19: schwarz_kello**** (26) : 有冇盒同說明書？連唔連UV filter？有冇相機o既Spec同MTF chart？
答覆: tim0013tim ( 76 ) : Skea產品會以禮盒包裝 不含說明書/ UV Spec / MTF Chart暫時未有, 抱歉 .


(超級巨聲 2 畢業演唱會 吳業坤 周秀娜 Chrissie - 小酒窩)

仲有仲有…呢個真係必睇…成個巨聲2畢業演唱會高潮所在!!! 坤哥見到女神o既反應真係好好笑...睇得人好開心o既一part! 除咗坤哥本人, 現場d觀眾, even d評判都睇得好開心…起晒哄! 我都一邊睇一邊笑...呢段好得! 娜姐真係幾吸引...個眼神真係電死人...坤哥直頭俾女神電到暈晒浪唔敢正視佢! 娜姐呢d有身材又有腦o既真係唔止男人buy佢, 我都真心覺得佢掂! 仲有youtube d comments亦都一貫地好好笑…must read!

哈哈…仲有呢段…又係"一次過滿足兩個願望"...有我哋一向好buy的趙增熹+呢期睇完"巨聲同學會"發現佢講嘢超抵死而好buy佢o既胡鴻鈞...唔係唔like呀?!


(胡鴻鈞 - 唯獨你是不可取替 @ 超級巨聲2畢業演唱會)