10-11(mon) 楓華再現+sa-will戀
改革後的勁歌真係唔同d…食老本呢d嘢啱晒啦…好過每集都搵d英皇歌手或者班超級巨聲o黎撐場…真係觀眾唔悶佢o地自己都悶啦!
嘩! 上個禮拜六o個集終於等到"楓華再現"...特登要睇高清台一個鐘足本添啦! 真係好感動…從前的紅唇皇子啊!!!睇到我都想即刻哼番句: "你那笑臉迷住了我心智(iq成熟時~)"! 睇得出佢真係有put effort…首先係成個人fit咗好多…應該減咗成十幾廿磅…你估真係咁易咩? 要好有恒心 (係塊面[手查]得黑得滯囉)! 同埋唱功亦都好番好多…至少好過2000年"楓華再現演唱會"o個時好多…應該真係有練過吓! 唱"絕對空虛"o個段無咁好, 但係唱"倩影"真係唔錯囉…無唱歌咁耐算係咁啦…直頭同以前有得揮添呀!
蔡楓華 - 倩影 @ 10-10-2010 勁歌金曲…
(題外話…有說佢當年呢首“倩影”係作俾戚美珍…唔知係咪真呢? 但當年個mv又真係搵戚美珍拍o架喎!)
[更正: oh...search到喇...d前輩話應該係陳秀珠先啱! (http://php.craxy.net/ps/dcs2.php?tid=13028143&p=2)]
見佢因為一句說話搞到摺咗廿年, 真係好唔抵...莫講話佢o個句說話其實只係年少氣盛o既佢一時意氣衝口而出, 而未必真係如d人所講係衝著哥哥而來…而就算真係, 現今歌手比佢失言程度高百倍都有啦...點解佢會搞成咁呢?! (雖然後來d人話佢"失言"之後其實仲未立即o係樂壇消失...呢樣我真係唔多肯定, 又只能怪我生遲咗幾年...miss咗香港樂壇最最最光輝的年代!) 查實我覺得佢講o個句說話頂多係o個個場合+o個個moment講有少少inappropriate, 再加上80年代o既藝人比起現在o既藝人講嘢世故同得體好多, 所以聽起上o黎有d"un耳"...但句說話本身…真係無問題喎! “刹那光輝唔代表永恒”…直頭係至理名言添啦! 所以我o地認為其實佢係無運行多於一切...一個人黑起上o黎真係呼吸都係錯o既!
25年後見佢終於有機會出番o黎唱歌…我都同money姐一樣咁感動囉! 同埋我想講, money姐呢d真係真心朋友囉…有情有義…真係要俾個”like”佢!
同埋蔡楓華今次真係正常過正常喎, 講嘢有紋有路, 對答如流...邊忽似癲? 你癲佢都未癲啦! 我開始有d懷疑佢之前係扮癲囉! 最衰無人upload佢o既訪問片段啦! 仲有, 原來佢真係幾"高大威猛"o個隻...ending佢拍埋晒所有歌手一齊再出場, 佢係高過晒全部人一個頭有多囉…難怪佢當年曾經被封為白馬王子!
睇完"楓華再現"之後, 搞到人好想重溫番d勁歌金曲經典片段同埋更經典o既“IQ成熟時”囉囉囉囉囉!!!
芒姐話過…如果ken choi真係開演唱會, 我第一個買飛支持佢囉!
蔡楓華 - 絕對空虛 @ 10-10-2010 勁歌金曲…
另一樣要講o既, 當然係呢期最爆o既娛聞…"蔡卓妍承認與陳偉霆拍拖 3個月"!!! 呢個真係估佢唔到囉...個人認為又係可以列入“一百歲唔死都有新聞”系列之一!
“姊弟戀”我覺得無咩嘢喎…但佢兩個…總之係一句: “估佢唔到”囉! 上次睇"美麗密令"覺得佢o地呢段"姊弟戀"都幾搞笑, 點知居然嚟真! n年前睇"老夫子"又係覺得栢芝同霆鋒勁襯...但心諗一定無可能...因為當時栢芝同緊東東一齊, 檸檬又緊同王菲...點知後來真係一齊咗...原來呢個世界真係無嘢係無可能! 我諗鄭中基同angelababy睇完呢單新聞都o咗嘴! 同埋阿鄭生應該真係會心如刀割囉...你話如果阿sa如之前傳聞所說撘上內地富商都無咁嬲呀...居然係輸俾william, 簡直剷紋身十次都唔夠...要自刎添呀...慘!
我身邊有好多朋友都勁憎william…我就一般佢啦…不過我認同佢真係mk過mk wong! 正如有朋友refer我去睇吓阿sa個微博…話阿sa d fans o既留言超搞笑…好似「SaSa..我還是不敢相信! 為什麼選擇的是他呢? 我希望你幸福..難道真的要逼著我接受他麼」, 「為啥每次都是快要演唱會的時候搞出這種事」, 「好難接受晚安,我最希望可以幸福一輩子的人,祝福的話實在說不出口呀！怎麽辦，我覺得他不能給SA幸福」,「我愛你們整整八年,現在的我卻很迷茫」etc…wahahaha! 呢d真係名副其實o既"忠粉"…真係好好笑…睇得出佢o地真係感到好晴天pig pig囉!
仲要當你諗到原本年頭係傳angelababy介入, 令中基同阿sa分手...點知原來"實情"係剛剛調番轉 (亦都當然, 真相係永遠都唔會有人知…或者佢o地係夾埋一齊谷人氣都唔定呢…世事有咩係無可能?!)! 依家呢四個人忽然玩crossover…洗牌大執位…佢o地應該約埋一齊去開一轉枱啦! 真係七國咁亂…只能夠話"劇情"未色太峰迴路轉…鷹皇應該食住個勢開套戲拍一拍佢啦!
呢段新聞簡直印證咗世事無奇不有, never say never, 世事如棋局局新囉...::p
(後記: 唔知點解尋晚睇完"娛樂頭條"sa-will兩人現場"演繹"之後...成件事反而變得假咗?! hoho! 在場有人叫佢o地嘴o個part簡直笑咗囉...佢o地兩個似未練熟台戲的小朋友多d...:p)
posted by 芒姐 at 11:24 下午
16 Comments:
先唔評論william...
我真係o晒嘴~
阿sa幾個月前先離完婚,話咁快又同william拍拖...
究竟佢同鄭生段感情/婚姻係點o既一回事!?
我o既意思係離婚咁大件事...
點可以話忘記就忘記架,而家咁快又撻著...
佢真係一ｄ都唔傷心／留戀？
話晒一齊咁耐...咁快就放低左!?
當年千fa同鄭生分手都hurt左一輪啦...
何況係離婚!
在電視裡重見芹蔡真的好感觸
希望他努力的生活下去
無良的記者放過人家
給條生路吧
re: 雖然後來d人話佢"失言"之後其實仲未立即o係樂壇消失...
呢樣我認同喎, 失言事件發生於1985年, 而佢去到1987年都仍然有大碟出, 都仍然有得拎金唱片, 1986年0既《絕對空虛》仲有白金唱片tim, 連黎明參加新秀都唱佢首歌, 咁佢又點算「立即o係樂壇消失」呢? 與其話佢因為失言而俾人封殺, 倒不如話佢係俾後浪淘汰, 要知道, 1985-1990年間, 香港樂壇已經係另一番景象, 哥哥、梅姐同譚詠麟早已撐起半邊天, 後起之秀之中, 男的如張學友、呂方、李克勤、黃凱芹、杜德偉, 女的如陳慧嫻、劉美君、林憶蓮、葉倩文, 組合如BEYOND、RAIDAS、太極、草蜢, 全部都來勢洶洶, 連陳百強0既星運都受到威脅, 更何況係蔡楓華?
面對新勢力抬頭, 上一代歌手無可避免會受影響, 有巨星質素的, 會被捧上神台, 質素較次的, 自然會壽終正寢, 呢D係最自然不過0既現象。
問心果句, 即使冇發生過失言事件, 但以蔡楓華的style, 大家認為佢0既紅可以延續到至80年代的後期, 甚至90年代嗎?
http://www.youtube.com/watch?v=c9amyvCl5W4&feature=related
谢霆锋坐在陈冠希和张柏芝中间唱《香水》
2:02 镜头对着王菲拍: 你爱再浓烈也是条抛物线 你再接近 是不过辜负我的感觉, lol
http://paper.wenweipo.com/2010/10/11/EN1010110018.htm
農夫 really so funy, still talk about old news.......lol
娛樂圈第一係運第二係EQ.實力排第三(OR更後).呀KEN好明顯係黑仔,但佢之後唱歌仲有機會(絕對空虛),OR 以佢外形/條件可以有其他出路.可惜佢又唔好好把握.自己超睇唔開.
溫哥華匿名人
http://www.youtube.com/watch?v=aAjZAeS23B8
when that happen
Monjeh妳好！
蔡楓華似乎仍要被搞一輪，唯有繼續祝福。
換個話題：盧海鵬好野！
http://www.youtube.com/watch?v=Y1nHc87PFfg
http://www.youtube.com/watch?v=YQf1ZrrwTAs&feature=related
wt about eason and 千嬅
說認真的，支持蔡楓華的朋友有否想過夾錢幫他出唱片或開演唱會，一圓佢繼續做偶像之夢？
菲比,
夾幾百我相信d人都無咩所謂...但要搞一個演唱會我相信唔止係錢o既問題啦...
Jerome,
哈哈...難得eason同千嬅分咗手仲可以keep到咁好朋友!
i-Joel,
其實蔡楓華最緊要係唔好自己諗埋一邊囉...人生逆境人人都有機會遇到, 最緊要係唔好鑽牛角尖!
溫哥華匿名人+匿名s,
岩o岩睇到呢段...講得好啱! "剎那光輝"時件只係間接令佢消失於娛樂圈...真正的原因可能真係佢太"少年得志", 自視過高, 唔識點處理人生低潮...好警世!
http://www.hkheadline.com/ent/ent_content.asp?track=news&contid=32378&srctype=p
常常都說少年得志是人生7苦之一，蔡楓華一曲《倩影》令他走紅，但後浪推前浪實在推得太快了，蔡楓華一直是那種比較自視的人，對張國榮酸溜溜的發言，雖然多年來被...視為令他由高峰跌入谷底的誘因。其實每個人都有機會講錯說話，但是否就從此永不翻身？也要看當事人是否肯與低潮抗衡，努力發奮和不甘心妥協，在逆境中自強。但蔡楓華似乎愛陶醉在自己的「剎那光輝」，嗟怨命運的時不與我，往後的自暴自棄令人惋惜。
Yuki,
sa-will戀真係愈睇愈爆笑...最新o個個"情侶尖下巴"都好好笑!
芒姐, 我想問點解黃宗澤叫mk wong呢? 我google過係得你咁叫佢咋喎? 同埋近期既"讀心神探"你點睇呢?
見到林保怡做呢d扮深沉既角色, 令我好懷念妙手個playboy呀
eliza
發佈留言
<< Home