2007年4月17日星期二

4-17(tues) 經典再回顧…I.Q.成熟時+香蕉船

嘩! 今日一睇蘋果…估唔到有超重大發現!!!

居然有好大篇幅講 “I.Q.成熟時” , 仲要有兩位主角鄧藹霖同鄧慧詩o既新訪問…估唔到重播+網上廣泛討論真係有咁大威力…26年後都可以再次見到兩位主角因為重播而聚頭接受有關呢套劇o既訪問…好開心, 個感覺好奇妙! 哈哈…我覺得我o地呢度o既小討論都應記一功囉…hohoho! 就算唔係都當係…





IQ 成 熟 人 面 全 非
那 時 那 地 那 人 : 鄧 藹 霖 痛 惜 鍾 保 羅 、 蔡 楓 華


亞 視 近 日 下 午 重 播 經 典 劇 《 IQ 成 熟 時 》 , 不 僅 勾 起 觀 眾 集 體 回 憶 , 更 令 當 年 有 份 主 演 的 港 台 DJ 鄧 藹 霖 和 鄧 慧 詩 百 般 感 慨 。 這 部 她 們 唯 一 僅 有 的 劇 集 , 當 年 一 推 出 已 贏 得 超 過 五 成 觀 眾 收 看 , 撼 贏 無 , 寫 下 歷 史 性 一 頁 , 更 掀 起 賣 相 熱 潮 。 但 驀 然 回 首 , 鍾 保 羅 、 吳 回 、 良 鳴 和 李 燕 萍 等 多 位 劇 中 演 員 已 相 繼 離 世 , 相 交 多 年 的 蔡 楓 華 也 落 得 今 日 癲 癲 狂 狂 , 最 令 她 們 惋 惜 和 心 痛 。  



港 台 DJ 出 身 的 鄧 藹 霖 , 81 年 在 施 南 生 邀 請 下 參 與 麗 的 ( 亞 視 前 身 ) 劇 集 《 IQ 成 熟 時 》 演 出 , 首 次 拍 劇 便 有 機 會 擔 正 做 主 角 , 跟 同 是 港 台 DJ 出 身 的 鄧 慧 詩 拗 手 瓜 力 爭 鍾 保 羅 , 而 她 這 個 第 一 次 , 更 成 為 麗 的 的 第 一 次 ─ ─ 收 視 超 越 無 綫 。

日 前 記 者 請 來 鄧 藹 霖 和 鄧 慧 詩 在 港 台 錄 音 室 一 起 細 味 她 們 的 威 水 史 , 鄧 藹 霖 說 : 「 啲 人 初 初 唔 係 咁 睇 好 , 因 為 全 部 都 係 新 人 , 點 知 出 街 第 一 個 禮 拜 , 監 製 梁 天 話 要 搞 慶 功 宴 , 原 來 我 o地 收 視 贏 o左 無 綫 o既《 荳 芽 夢 》 , 有 50 幾 點 , 超 過 一 半 觀 眾 ( 即 逾 五 成 觀 眾 收 看 ) , 係 一 個 歷 史 , 以 前 從 未 試 過 ! 之 前 《 大 地 恩 情 》 成 績 雖 然 好 好 , 但 未 至 於 超 過 TVB , 所 以 大 家 都 好 開 心 。 」



拍 劇 險 送 生 命

《 IQ 》 不 但 創 佳 績 , 更 開 創 賣 明 星 相 先 河 。 鄧 藹 霖 透 露 , 當 年 劇 集 大 收 , 連 帶 幾 位 主 角 的 相 片 也 在 旺 角 賣 相 舖 賣 得 成 行 成 市 , 位 列 銷 量 榜 榜 首 。

鄧 藹 霖 拍 完 《 IQ 》 後 未 有 繼 續 幕 前 演 出 , 因 為 她 發 覺 自 己 完 全 不 適 應 日 以 繼 夜 趕 拍 的 日 子 , 更 重 要 的 是 一 次 死 過 翻 生 的 經 歷 。 她 說 : 「 有 場 戲 係 拍 我 同 莊 靜 而 以 及 成 班 人 去 石 澳 燒 o野 食 , 導 演 叫 我 o地 坐 晒 上 去 部 開 篷 Jeep 度 拍 大 wide shot , 我 坐 最 後 角 落 個 位 , 點 知 部 車 轉 彎 時 仲 加 速 , 成 車 人 fing 出 去 。 佢 o地 搵 番 我 時 候 , 我 o係 大 石 隔 籬 昏 迷 , 如 果 再 fing 過 啲 撞 落 大 石 度 , 我 就 死 o左 喇 。當 年 新 聞 報 道 話 我 交 通 意 外 危 殆 , 個 頭 穿 o左 要 縫 針 , o係 瑪 麗 住 o左 成 個 禮 拜 , 莊 靜 而 都 整 損 手 腳 … … 我 第 一 次 拍 劇 就 係 咁 驚 o左。 」

鄧 慧 詩 也 表 示 該 劇 自 開 拍 以 來 意 外 頻 生 , 鍾 保 羅 更 試 過 被 車 輾 過 腳 掌 , 她 說 : 「 鍾 保 羅 腳 掌 壓 到 碎 晒 , 佢 仲 講 笑 咁 話 每 隻 腳 趾 要 用 鐵 o黎 撐 住 , 一 聽 就 好 驚 。 」 問 她 何 以 未 有 繼 續 幕 前 工 作 ? 她 說 : 「 我 仲 讀 緊 書 , o個 幾 個 月 折 磨 得 我 好 緊 要 , 有 啲 導 演 唔 鍾 意 遷 就 你 時 間 , 成 日 畀 說 話 你 聽 , 同 埋 我 始 終 覺 得 電 台 工 作 適 合 啲。 」



懷 念 已 故 友 人

創 收 視 佳 績 、 創 賣 相 銷 量 , 鄧 慧 詩 和 鄧 藹 霖 固 然 回 味 無 窮 , 但 最 懷 念 的 , 還 是 劇 中 多 位 已 先 後 離 世 的 知 己 前 輩 , 鄧 慧 詩 感 慨 地 說 : 「 好 欷 歔 , 有 好 多 位 演 員 已 經 唔 o係 度 , 好 似 鍾 保 羅 咁 ( 還 有 良 鳴 、 吳 回 及 李 燕 萍 等 ) , 蔡 楓 華 狀 態 又 唔 係 幾 好 , 有 啲 又 失 晒 蹤 唔 知 去 o左 邊 ! 」

對 於 鍾 保 羅 和 蔡 楓 華 兩 位 《 IQ 》 男 主 角 的 際 遇 , 鄧 藹 霖 和 鄧 慧 詩 深 感 痛 惜 , 特 別 是 蔡 楓 華 , 鄧 藹 霖 早 在 79 年 已 跟 他 合 作 主 持 《 香 蕉 船 》 , 又 是 多 年 港 台 同 事 , 鄧 藹 霖 說 : 「 以 前 佢 成 日 o係我 隔 籬 o依 o依 哦 哦 , 怨 呢 個 鬧 o個 個 , 我 好 孟 咁 話 佢 : 『 個 個 咁 錫 你 咁 捧 你 , 你 係 天 之 驕 子 , 咁 都 唔 珍 惜 ? 』 佢 話 : 『 o個 個 人 真 係 對 我 唔 好 , 佢 倔 住 我 針 對 我 ! 』 我 話 人 o地 邊 有 倔 住 你 o者, 人 o地 根 本 冇 望 你 ! 不 過 我 好 欣 賞 佢 一 樣 o野, 就 係 佢 好 真 , 由 佢 入 行 一 刻 對 住 你 都 係 講 真 話 , 從 來 唔 會 修 飾 , 所 以 撞 唔 少 板 。 」



望 蔡 楓 華 振 作

當 日 的 白 馬 王 子 , 變 成 今 日 的 「 癲 王 」 , 幸 而 鄧 藹 霖 近 日 從 友 人 口 中 得 知 蔡 楓 華 現 正 接 受 治 療 , 人 已 變 得 清 醒 , 她 謂 希 望 對 方 完 全 康 復 後 更 加 自 愛 自 重 , 重 新 振 作 起 來 。

已 是 兩 子 之 母 的 鄧 藹 霖 , 97 年 離 開 港 台 後 做 全 職 主 婦 , 至 01 年 重 返 港 台 主 持 親 子 節 目 《 訴 心 事 家 庭 》 ; 至 於 早 年 跟 丈 夫 離 婚 的 鄧 慧 詩 , 育 有 一 兒 子 , 現 時 她 除 與 友 人 合 資 開 公 關 公 司 外 , 更 為 港 台 主 持 逢 星 期 二 晚 的 《 恬 淡 情 懷 》 節 目 。



話 你 知 : 星 爺 茄 喱 啡 收 保 護 費

麗 的 劇 集 《 IQ 成 熟 時 》 於 81 年 6 月 播 出 , 雙 生 雙 旦 陣 容 為 鍾 保 羅 、 蔡 楓 華 、 莊 靜 而 和 鄧 藹 霖 , 並 由 梁 天 擔 任 監 製 , 鄭 丹 瑞 任 編 審 , 文 雋 編 劇 , 幕 後 班 底 強 勁 。 原 來 當 年 周 星 馳 也 有 份 演 出 , 於 首 集 中 做 茄 喱 啡 演 壞 學 生 , 在 學 校 門 口 向 鍾 保 羅 和 車 保 羅 等 收 取 100 元 保 護 費 。 短 短 30 秒 片 段 中 , 星 爺 也 有 八 句 對 白 , 認 真 巴 閉 !



蔡 楓 華 唱 主 題 曲

劇 中 , 蔡 楓 華 飾 演 Peter Pan , 鄧 藹 霖 飾 演 朱 仔 , 莊 靜 而 飾 演 花 灑 , 鍾 保 羅 飾 演 阿 Man , 鄧 慧 詩 則 演 細 細 粒 。 劇 情 圍 繞 朱 仔 與 花 灑 就 讀 的 女 校 招 收 男 生 阿 Man 等 人 後 , 朱 仔 與 細 細 粒 因 為 喜 歡 阿 Man 而 掀 爭 奪 戰 , 而 Peter Pan 則 愛 上 表 妹 朱 仔 的 同 學 花 灑 , 但 又 不 敢 表 白 。 該 劇 同 名 主 題 曲 由 蔡 楓 華 主 唱 , 插 曲 《 不 要 問 理 由 》 則 由 鄧 藹 霖 主 唱 。 (芒按: 仲有一隻蔡楓華主唱o既主題曲叫“可知我心有淚”!)

撰 文 : 戴 彩 煥



wowwowwow! 仲o係youtube搵到一段真係好經典o既片段…“香港經典香蕉船第一集第一節 1979”!!!!



嘩! 估唔到真係有機會睇得番呢個節目…聽就聽得多喇, d相都睇過好多, 但係從來都無諗到有機會睇番呢個節目!



蔡楓華哥哥好靚仔, 同埋最鍾意鄧藹琳姐姐呢個look, 佢個髮型真係好得! d小朋友亦都好精靈 (sorry, 應該叫哥哥姐姐先o岩), 居然第一集就識唱晒成首歌, 而且仲好乖巧添…oh! 點解我唔早出世幾年?! 我鍾意睇香蕉姐姐同埋船長哥哥啊…!!!

最估唔到係有淑梅姐做“故事姐姐”, 但係真係好sorry, 年青時候o既佢同依家一樣, 感覺都咁“阿姑”…我到依家都仲係唔明白, 點解阿張文新台長會戀上佢?!


(鄧藹霖auntie, 鄧慧詩auntie同埋車淑梅auntie…咁又真係鄧慧詩keep得最好喎! 有一次聽佢上亞視訪問, 原來佢個仔都over廿歲!!!)



(仲有2001年港台唔知咩周年慶典download回來的珍藏…好鍾意呢!!!)

11 Comments:

Anonymous 匿名 said...

"最估唔到係有淑梅姐做“故事姐姐”, 但係真係好sorry, 年青時候o既佢同依家一樣, 感覺都咁“阿姑”…"

哈哈, 一萬個同意!!

鄧藹琳後生時真係靚好多啊! 點解佢個樣好似越老越兇咁嘅?

班小朋友真係好乖巧, 睇黎以前嘅細路仔真係易教好多!

2:38 上午  
Anonymous 三兜主Santos said...

尋日已剪存該報導,
我要向萍果180度躹躬至敬!!

3:51 下午  
Anonymous 雪人 said...

贊成匿名呀, 鄧藹琳而家個樣好兇咁~

呢篇article 好好睇 :)

10:55 下午  
Anonymous Kitty said...

好鍾意演員n年後重聚話當年,因為可以知道好多幕後鮮為人知/有趣o既事。
見到鄧藹霖同鄧慧詩今時今日一齊講返呢套劇,感覺都幾奇妙,尤其是佢地唔係經常o係幕前出現,其實當年套劇同d演員咁受歡迎,照常理都會食住個勢拍多d劇,但偏偏雙鄧都冇繼續拍,証明佢地都幾清楚自己o既位置,同埋咩野係唔適合自己。

阿花灑同阿姐隻手損成咁原來係呢個原因,朱仔咁嚴重,但劇中一d都睇唔出。

知道蔡楓華肯積極番都係好消息o既,始終佢地果輩藝人有太多唔開心野發生啦!所以大家都唔好俾壓力阿蔡楓華啦!

香蕉船中o既船長哥哥同香蕉姐姐真係非常討好,佢地d造型都一樣咁討好,佢兩個真係又好似幾識氹小朋友喎!至於車淑梅,我覺得佢宜家仲順眼過o個陣時。

79年o既香蕉船我就從來未睇過,但我以前都聽過香蕉船主題曲,而我一直認知中o既香蕉姐姐係梁婉靜,都唔知鄧藹霖做過香蕉姐姐,其實香蕉船播咗幾多年?係唔係都會換主持?抑或係我記錯咗梁婉靜根本冇做過香蕉姐姐呢?

12:27 上午  
Anonymous 匿名 said...

原來麗的有幫I.Q.成熟時出過特集: http://hk.pg.photos.yahoo.com/ph/celicacrx/detail?.dir=a8dascd&.dnm=ba4ascd.jpg&.src=ph
唔知芒姐見過未?

7:52 下午  
Anonymous 匿名 said...

原來麗的有幫I.Q.成熟時出過特集:
唔知芒姐見過未?

7:56 下午  
Blogger 芒姐 said...

匿名,

OH!!! 真係未見過...好珍貴啊!!!

2:51 下午  
Blogger 芒姐 said...

Kitty,

係啦...廿幾年後睇番佢o地話當年, 真係好特別! 尤其係終於解開點解花灑成日要包住集手o既疑團! 朱仔又真係唔似撞親個腦喎...

鄧藹霖同鄧慧雖然一齊o係港台, 但係都好少見佢o地有咩合作, 所以今次重播令佢o地走番埋一齊, 都幾有意思!

其實蔡楓華係咪真係會積極番...我又唔係咁樂觀!

船長哥哥同香蕉姐姐真係好得...可惜我唔係生o係o個個年代...無機會睇佢o地主持o既兒意節目!

梁婉靜有做過香蕉姐姐咩? 我真係唔知...印象中佢又好似無咁早出道...我仲要係遲到"1號皇庭"先識佢...不過佢應該係之前已經出o左道o既...

2:56 下午  
Blogger 芒姐 said...

雪人& 匿名,

um...我都同意佢後生時個感覺好好多...

2:56 下午  
Blogger 芒姐 said...

三兜主Santos,

哈哈...咁激動...不過我今次都要讚蘋果一句: good job!

2:57 下午  
Anonymous 匿名 said...

梁婉靜早在1984年已經出道, 我第一次響電視見到佢, 係許冠傑嘅"最喜歡你"MV!

8:49 下午  

發佈留言

<< Home