2007年3月31日星期六

3-31(sat) 芒姐@蘋果 (3月號之五) + 陀槍師姐

電 視 撈 飯 (2007-03-30)
http://appledaily.atnext.com/template/apple/art_main.cfm?iss_id=20070330&sec_id=462&subsec_id=830&art_id=6953990

《 同 事 三 分 親 》 幽 默 細 膩

無 綫 的 處 境 劇 一 向 甚 少 高 開 , 能 保 持 25 點 收 視 左 右 已 算 還 得 神 落 ; 但 「 3.12 」 變 陣 後 推 出 的 《 同 事 三 分 親 》 , 首 周 已 錄 得 28 點 收 視 , 相 信 往 後 仍 有 機 會 「 步 步 高 陞 」 。 觀 眾 捧 《 同 事 三 分 親 》 場 , 明 顯 是 為 了 久 違 了 的 關 詠 荷 , 「 娥 姐 」 的 魅 力 真 的 不 可 小 覷 。 傳 聞 無 綫 最 初 想 找 毛 舜 筠 演 出 此 劇 , 後 來 因 為 價 錢 談 不 攏 , 改 為 力 邀 關 詠 荷 產 後 復 出 ; 無 綫 這 次 可 謂 塞 翁 失 馬 , 焉 知 非 福 。

觀 眾 餓 了 「 娥 姐 」 多 年 , 現 在 終 可 在 螢 光 幕 再 次 看 到 她 的 精 湛 演 出 , 加 上 之 前 深 宵 重 播 的 《 陀 槍 師 姐 》 造 勢 , 風 頭 可 謂 一 時 無 兩 。 無 可 會 考 慮 安 排 觀 眾 緣 同 樣 爆 燈 的 歐 陽 震 華 加 入 《 同 事 三 分 親 》 , 再 續 「 娥 姐 」 與 「 小 生 」 的 未 了 緣 , 再 創 收 視 新 高 峰?

另 一 位 很 久 沒 有 演 出 無 綫 劇 集 的 江 欣 燕 , 演 起 工 心 計 的 女 強 人 也 不 過 不 失 , 可 惜 角 色 不 大 討 好 , 加 上 面 對 強 勁 對 手 , 少 不 免 會 被 比 下 去 。 還 是 懷 念 當 年 她 在 綜 藝 節 目 的 搞 笑 演 出 , 80 年 代 EYT 的 Maria , 我 們 還 有 機 會 再 見 到 嗎 ?

《 同 事 三 分 親 》 首 兩 周 仍 是 在 鋪 排 人 物 關 係 的 階 段 , 故 事 能 夠 做 得 到 不 太 沉 悶 已 算 不 俗 。 辦 公 室 權 力 鬥 爭 也 拍 出 喜 劇 感 , 偶 爾 能 讓 觀 眾 發 出 會 心 微 笑 ; 金 燕 玲 、 關 詠 荷 與 蔡 淇 俊 之 間 的 婆 媳 / 孫 / 母 子 / 同 事 等 多 種 錯 綜 複 雜 的 感 情 關 係 , 也 描 寫 得 頗 為 細 膩 。 無綫 高 層 曾 勵 珍 親 自 出 山 監 製 此 劇 , 果 然 有 一 定 功 力 。 大 小 角 色 陸 續 出 場 , 比 較 突 出 的 有 志 願 成 為 第 二 個 河 國 榮 的 「 鬼 佬 」 布 韋 傑 、 江 欣 燕 身 旁 的 「 馬 屁 精 」 徐 榮 及 飾 演 樓 華 的 「 變 聲 王 」 王 祖 藍 。 處 境 劇 的 好 處 是 夠 入 屋 , 每 日 半 個 鐘 慢 慢 浸 , 看 《 真 情 》 捧 紅 了 多 少 人 便 可 知 一 、 二 。



《 亂 世 佳 人 》 七 國 咁 亂

8 點 半 的 《 亂 世 佳 人 》 , 真 如 劇 名 般 七 國 咁 亂 , 慘 情 有 餘 , 感 染 力 卻 不 足 。 終 日 喊 苦 喊 忽 , 喊 走 一 家 大 細 , 白 白 浪 費 陳 錦 鴻 的 好 演 技 。 黃 金 時 段 太 多 苦 情 戲 送 飯 , 觀 眾 又 怎 能 吃 得 開 懷 ? 幸 好 9 點 半 的 《 寫 意 人 生 》 尚 算 輕 鬆 勵 志 , 但 卻 毫 不 突 出 。 可 是 接 《 寫 意 人 生 》 棒 推 出 的 《 溏 心 風 暴 》 , 又 是 典 型 的 家 族 情 仇 豪 門 恩 怨 劇 , 一 連 兩 線 的 爾 虞 我 詐 大 鬥 法 , 觀 眾 怎 可 吃 得 消 ?

撰 文 : 芒 姐


**************************************************************

終於有機會一氣過煲o左廿集"陀槍師姐" (當然係fast forward咁睇, 飛o左自己唔鍾意睇o既部份, 慳番d時間)…對比起“同事三分親”, 關詠荷個樣真係老o左好多, 不過40幾可以keep成咁都算幾好o下! 其實我覺得佢最走樣o既時期, 係2000年左右, 拍完陀槍1,2 之後, 有一段時期過番亞視客串"俠骨仁心"o個期…嘩! 個樣係忽然顯住地老o左好多, 今年出番o黎又好似keep得好番d喎! 睇報紙有將相係張家輝抱住個女去探佢, 佢個女個女真係好似佢個樣…不過睇真d更似張家輝!

記得當年好鍾意睇呢套劇…最主要反而係鍾意三元同程峰, 唔係大眾鍾意睇o既娥姐同小生 (雖然佢兩個都幾好笑o下)! 尤其o個時o岩o岩考完a-level, 暑假好鬼長, 又輕輕鬆鬆, 睇電視都睇得特別高興!

好buy o個時o既滕麗明(名), 幾fresh, 幾靚, 幾自然…依家個樣同埋成個感覺都唔同晒…好多女星都係出道時最天然個樣係最好o既, 好似“刑偵”o既“車匙”咁! 加上滕麗明o個時作為新人, 都真係算演得唔錯, 而呢個“檸檬頭+男仔身”角色, 亦真係設計得幾好! 個感覺同另一個我亦都好buy o既角色-“真情”o既阿雪幾似…佢都係最適合做呢類型爽朗角色! 有無睇過“四個32A”裡面, 佢做江麗娜 (唐寧) 暗戀o個個TB? 又係做得唔錯…o個期佢其實上位上得幾快o架!

今次睇睇o下發現原來又係莫可欣做滕麗明個情敵…點解又係佢? 大家仲記得“真情”o既banana (rebecca) 嗎? 當年佢vs阿雪vs立生o個段都好經典…當然仲有後來加入o既阿靜彭芷晴啦…o個時仲有個“滙應窿”投票, 問立生應該揀阿雪定阿靜…但係點知, 佢最終係揀o左阿靜, 激死人!…oh, 又係those were the days喇! 今次睇番佢兩個個角色同埋d場口…都有一種好似曾相識o既感覺囉!

仲有阿魏駿傑…佢o個時都幾型o下! 記得十幾年前佢一出道忽然擔正, 套戲叫"老襯喜相逢", 戴住個眼鏡斯斯文文 (點知後來居然變o左個筋肉人), 完全唔知佢係邊個, 只係好似話演藝學院出o黎, 一下就俾佢擔正…大家仲記唔記得呢套戲呢?!



至於d配角, 其實都唔錯o架…做“軍佬”o既馬德鐘, 差d唔記得o左佢都有做呢套劇, 仲要係做三元同程峰身邊o既同事…但係依家o既佢反而紅過佢兩個好多, 世事o既o野好多你都估佢唔到! 記得佢有一次訪問話好唔鍾意一個女藝人, 因為佢當初開始有得做男主角時, 個女藝人同佢拍檔但勁睇唔起佢…大家當時估o個個係滕麗名, 依家咁睇都似喇…尤其係佢未紅時係拍過當紥o既滕…但係依家反而風水輪流轉 (雖然馬德鐘呢期o既形象都唔好得去邊, 但總算有得拍中港合作賀回歸巨獻“歲月風雲”)…

仲有, 分別做“四喜”同埋“五福”o既兩位98年好紅o既“電波少女”姚樂怡同梁雪湄, 究竟依家去o左邊呢?!

最正o個個當然係每年o既“卡拉之星”王俊棠做o個個“聶世官”啦…好o岩佢做!

17 Comments:

Anonymous 匿名 said...

芒姐唔好嚇我呀, 原來關詠荷已經40幾架喇, 咁佢咪即係40打後先生第一胎? 我以為佢30到尾o乍, 咁佢真係keep得好好喎!

2:28 下午  
Anonymous 匿名 said...

哈,芒姐,其實我幾鍾意滕麗明架。我覺得佢幾靚架,不過而家長頭髮就反而普通d(但其實如果佢而家仲留短頭髮又係怪既,話哂個樣都成熟左唔多襯)。佢第一套拍既戲係咪【天降財神】?因為佢初時好似係戴假髮咁架,個角色又好似幾陰沉(但唔記得佢做咩角色),所以覺得呢個生面口既女仔有點怪。不過去到套戲既後期,佢又無啦啦出現返,但好似除左個假髮變返短頭髮,覺得呢個女仔都幾靚。唔知點解我果時覺得佢個feel有點似袁靚靚架,哈哈。之後佢做【真情】既阿雪就開始紅,我記得有一期yes搵佢做訪問。因為我果時覺得佢既短髮實在太靚喇,我竟然拎住本yes去髮型店叫人跟住咁剪囉!!!(咁其實本身我細個時都係短頭髮既,哈哈,唔係由長髮變短髮)哈哈,諗返都覺得幾騎呢幾搞笑,哈哈。btw,有期佢咪唱【咕嚕咕嚕魔法陣】首歌既,以前好鍾意架,哈哈。

至於魏駿傑,你講起先記得果套【老襯喜相逢】,好勁呀芒姐,哈哈。其實我唔記得套戲既名,淨記得佢初時無啦啦一出道就有套戲擔正。我記得初時佢同滕麗明一齊時,佢個前女友0係報紙狂數魏駿傑,好似話佢需索很大呀等等,之後滕麗明就當然力撐男友話對佢絕對信任咁啦。同埋呢,我早排睇返【陀槍】,真係覺得佢扮得好似警察(其實我唔識警察,不過係我心目中既警察,哈哈)。同埋呢,我發現通常無記d警察角色,平日通常著件白色圓頂tee係入面,出面著件短袖恤衫囉。果時【學警雄心】既三哥都係咁上下既look,哈哈。

仲有見到有個newsgroup列哂無記開台以來既所有劇集和年份,勁有參考價值。雖然可能芒姐同其他網友都睇過,不過都post下出來俾大家睇下 :)

http://www8.discuss.com.hk/viewthread.php?tid=1211486&extra=page%3D1

3:24 下午  
Anonymous 匿名 said...

關詠荷個女簡直同張家輝餅印咁樣!

我都鍾意睇三元同程峰ga!雖然另外一對我都鍾意...第一次見滕麗明係"真情",其它唔記得啦,最記得阿雪話唔知邊個有"老人除"(阿家or上等人or?)。"咕嚕咕嚕魔法陣"首歌我都鍾意,哈哈。

11:43 上午  
Blogger m@linxism said...

老襯喜相逢係93年賀歲劇, 主題曲係 canti lau 先生既 moshi moshi moshi 好經典!

記得女主角有吳詠虹

4:08 下午  
Blogger 芒姐 said...

m@linxism,

係咪仲有梁佩(藝)玲?!

6:08 下午  
Blogger 芒姐 said...

++,

作為頭幾套戲, 滕麗明做阿雪真係做得幾好...o個時好鍾意睇佢同立生, d雜誌仲一日到晚話佢o地戲假情真添!

6:09 下午  
Blogger 芒姐 said...

紙巾,

你條link好有用呀...雖然以前o係內地網站都有見過好多次亦print左出o黎睇, 不過始終簡體字無咁方便!

如果我無記錯, 魏駿傑被爆同滕麗明一齊時,係未同個女友分手 (或者未宣佈啦), 初時佢兩個仲死口唔肯認..."需索很大"呢一part好記得...咁都拿出o黎講...佢真係每次同人分手都有d肉酸 (e.g.何婉盈)...

滕麗明...我都曾經好鍾意佢o架! 短頭髮短得靚/型, 係好難得...其實當年好勝gigi個短髮都好得...我幾得o個期報紙曾經話過滕麗明+梁詠琪+96年亞煒哥陳煒好似樣...which我好認同!

真係實不相瞞 (其實無相瞞, 我仲好似曾經o係呢度講過), o個期短髮真係大熱, 連我都學人去剪o左個短髮 (除o左小幼稚園年代, 我直至目前為止只係短過兩次髮, o個次係第一次...真係難搞過長髮好多, 仲要係好蝦人剪...所以短得靚o個d, 真係好得...滕係其中一個)...!

咁我都認同, 佢如果依家都仲係個爽朗短髮又未免係唔適合, 但係留長髮, 佢就唔夠其他人靚, 亦都differentiate唔到自己!

係呀, 佢第一套劇係"天降財神"...有歐陽bobby o架嘛! 仲有海俊傑食金湯丸哽死...呢一幕好深刻, 因為o個時成日笑個同學仔好鍾意海俊傑! 我都記得佢o個時個假髮超肉酸...其實佢o係呢套戲忽然飄出o黎我都有留意佢, 因為我認得佢95年同楊千嬅+陳eason一齊參加新秀, o個時我仲覺得點解千嬅同sammi咁似樣, 寫信去香港電視問佢o地係咪有咩關係?!

"咕嚕咕嚕魔法陣"我都鍾意聽, 仲有同期古巨基o個首"我愛毛查查"個style都幾鬼相似! 其實o個時已經係學校裡面o既大姐姐, 唔知點解忽然反老還童成日睇兒童節目, 仲會錄d兒歌...佢仲有一首兒歌叫"陽光不斷照"我都覺得好好聽...不過應該無咩人識喇...

6:31 下午  
Blogger 芒姐 said...

匿名,

我o係八十年代尾已經o係亞視見到好多關詠荷o既演出, 相信佢o個時都廿幾喇...同埋如果我無記錯, 我曾經好似睇過報導話佢係大過張家輝o架, 而張都應該有40啦...再加上後關詠荷一期o既花旦好似宣萱, 張可頤, 郭可盈都36/37喇, 所以我相信佢都必過40...算keep得幾好! 不過依家娛樂圈好多過o左40都keep得唔錯o架!

6:34 下午  
Anonymous 匿名 said...

我是無線精,甚少睇亞視,但認識關詠荷,係佢o係亞視初記拍o左套"妙棎出租",一套抄"孟波" (City Hunter)的電視劇,關詠荷當然演"惠香",而演孟波o既,係當時仍然叫"連偉健"o既"連晉"~!

另,"老襯喜相逢"o既主題曲係咪劉錫明o既"Mochi Mochi Mochi"?

8:31 下午  
Blogger m@linxism said...

芒姐, 好似有梁藝齡~

當年和唱 MOSHI MOSHI MOSHI 果個入境處處長個女梁思瀚響加拿大意外死左~

另, 第一套在亞記睇到的娥姐應係89年的Q表姐囉! monjeh 都知, 個角色勁影射陳慧嫻嘛~ 都18年前囉~

11:04 下午  
Anonymous 匿名 said...

關詠荷好似係64年出生,所以過40啦!

我第一次睇滕麗明應該是真情,0個時佢係新人,好似當年k100介紹過佢,佢好似係唱歌入行。
後來我都鍾意佢陀槍1飾演0既三元,不過之後幾輯三元太女人味,唔夠爽朗,加上劇情對三元太差啦。我覺得無線冇重視佢,同埋我覺得無線鍾意捧紅選美出身0既女仔多d。

滕麗明唱《咕嚕咕嚕魔法陣》有片頭同片尾曲,個人認為片尾曲更好聽。其實佢唱歌都唔差。

11:42 下午  
Blogger 芒姐 said...

Kitty,

你講得o岩o既…無線捧o左佢d港姐先都合理o既, 如果唔係點吸引人選港姐呀? 新秀同唱片公司合辦, 梗係由唱片公司捧啦…

滕麗明如果作為藝人唱歌係唔差o架, 但係參加新秀就"mun"d…我記得佢當年唱王菲隻"愛與痛的邊緣", 都幾唔得o下…後來唱兒歌好o左好多!

12:03 上午  
Anonymous 匿名 said...

回 m@linxism

係呀!MOSHI MOSHI MOSHI當年都算幾hit,後來入境處處長個女被人用箭謀殺,呢單野都幾轟動,跟往d報紙就話原來佢就係首歌0個把女人聲,仲話佢原本想回港打算入歌壇。首歌其實幾好聽幾輕快,但現在我每次聽到呢首歌都覺得有d心0翕!

《Q表姐》應該係90年拍0既,個人認為關詠荷個角色同套劇唔係好夾,同埋佢0個part0既劇情好似無咁攪笑。

12:05 上午  
Blogger 芒姐 said...

m@linxism,

93年華納一共死o左三個歌手…家駒, danny同埋梁思瀚! 當時有本周刊係佢三個, 仲話好鬼邪!

"Q表姐"好似係90年暑期播o既 (都好耐之前囉…戴夢夢都咁大個咯!), 之前都好似有o係亞視見過關詠荷…但o翕唔出係咩戲喇…!

12:09 上午  
Blogger 芒姐 said...

joanna,

孟波o個套有d印"像", 但係唔知邊個係連偉健添…

12:12 上午  
Anonymous 匿名 said...

**copy from wikipedida

連偉健,香港演員,現為映藝娛樂公司旗下藝人。

連偉健參加1981年第十期無綫電視藝員訓練班入行,與劉德華為同班同學,畢業後成為無綫電視藝員,其後轉投亞洲電視,成為一線主角,及後因亞洲電視減產而轉往中國內地發展,並改藝名為連晉。

繼客串由劉德華投資的電影《全職殺手》後,連偉健於2006年再次參演由劉德華投資的普通話電影《瘋狂的石頭》,並以廣東話說出的對白如「頂你個肺」、「你個奸商吖」而成為內地市民的口頭禪。

相片link:
http://big5.xinhuanet.com/gate/big5/news.xinhuanet.com/ent/2006-06/30/content_4770441_8.htm

有無印象?

6:52 下午  
Blogger 芒姐 said...

joanna,

oh, 有d印象喎...但係估唔到佢會係劉華同班同學...感覺好似唔同年代咁...更加估唔到佢會有得做孟波!!!

11:23 上午  

發佈留言

<< Home