2007年3月28日星期三

3-28(wed) 芒姐@蘋果 (3月號之四)

電 視 撈 飯 (2007-03-23)
http://appledaily.atnext.com/template/apple/art_main.cfm?iss_id=20070323&sec_id=462&subsec_id=830&art_id=6929867

霆 鋒 《 向 世 界 》 博 同 情

無 綫《 向 世 界 出 發 2 》 在 萬 眾 期 待 下 終 於 出 發 了 , 由 觀 眾 緣 麻 麻 的 謝 霆 鋒 打 頭 炮 。 或 許 因 為 觀 眾 一 直 抱 太 大 期 望 , 反 而 有 些 少 失 望 , 反 應 不 像 預 期 般 理 想 ; 也 因 為 背 負 著上 輯 叫 好 叫 座 的 包 袱 , 明 顯 地 太 想 超 越 其 口 碑 , 要 令 內 容 更 爆 、 更 煽 情 , 可 惜 卻 弄 巧 反 拙 , 失 去 了 上 輯 的 自 然 、 務 實 感 覺 。

藝 人 的 私 人 感 情 剖 白 , 篇 幅 遠 超 於 探 討 各 地 風 土 人 情 , 失 去 上 輯 恰 到 好 處 的 平 衡 , 有 點 本 末 倒 置 , 忘 記 了 節 目 本 身 叫 《 向 世 界 出 發 》 ! 尤 以 首 集 的 嘉 賓 謝 霆 鋒 , 太 刻 意 要 以 深 情 去 取 悅 觀 眾 , 意 圖 擺 脫 其 叛 逆 小 子 形 象 , 博 取 同 情 分 來 一 個 谷 底 反 彈 ; 可 惜 略 嫌 太 over 了 , 加 上 多 年 來 累 積 的 負 面 形 象 太 過 深 入 民 心 , 並 不 是 一 朝 一 夕 可 以 洗 脫 的 , 坊 間 評 論 也 彈 多 於 讚 … … 還 望 往 後 的 嘉 賓 可 以 帶 來 一 番 新 景 象 ! 當 然 , 全 個 節 目 的 真 正 焦 點 , 可 能 並 不 是 藝 人 的 真 情 剖 白 、 也 不 是 各 地 的 風 土 民 情 , 而 是 志 雲 總 經 理 再 次 以 「 韋 家 晴 」 的 動 人 聲 音 去 打 動 你 的 心 靈 。 ( 編 按 : 早 年 陳 志 雲 以 藝 名 韋 家 晴 主 持 電 台 節 目 及 為 電 視 節 目 配 音 )

這 兩 個 多 星 期 , 除 了 陳 總 經 理 的 個 人 表 演 , 電 視 上 看 到 最 精 采 的 , 莫 過 於 煲 呔 與 袋 巾 的 真 人 騷 。 這 類 答 問 大 會 可 說 在 電 視 少 見 , 特 首 候 選 人 的 現 場 直 播 式 辯 論 , 更 是 開 埠 以 來 第 一 次 , 好 睇 過 好 多 電 視 節 目 。



《 光 影 流 情 》 精 采

無 綫3 月 的 多 線 改 革 中 , 個 人 認 為 最 好 看 的 , 反 而 是 被 忽 略 了 的 11 點 線 , 逢 星 期 一 晚 推 出 的 《 光 影 流 情 》 。

香 港 人 近 年 最 愛 懷 舊 , 「 集 體 回 憶 」 成 了 最 潮 的 用 語 , 無 綫 也 乘 勢 製 作 這 個 包 含 香 港 人 多 年 來 集 體 記 憶 的 節 目 , 帶 你 和 我 回 到 童 年 時 代 。 到 啟 德 遊 樂 場 或 荔 園 遊 玩 、 玩 碰 碰 車 、 餵 大 笨 象 、 追 火 車 、 迫 巴 士 等 舊 片 段 , 再 次 重 現 眼 前 。 半 小 時 的 節 目 , 還 穿 插 了 很 多 粵 語 長 片 及 70 年 代 電 視 劇 的 珍 貴 片 段 , 來 個 今 昔 大 對 比 , 有 趣 得 很 ! 無 綫 這 次 終 於 懂 得 運 用 其 龐 大 的 資 料 庫 , 炮 製 這 個 「 無 本 生 利 」 卻 精 采 萬 分 的 節 目 , 實 在 要 讚 一 讚 ! 每 集 更 找 來 配 合 主 題 的 不 同 主 持 人 , 帶 你 回 到 昔 日 的 美 好 時 光 , 更 讓 新 一 代 了 解 到 香 港 的 舊 日 情 懷 , 實 在 是 最 適 合 一 家 大 細 收 看 的 節 目 , 放 在 11 點 線 , 會 否 夜 了 點 ?

撰 文 : 芒 姐


**************************************************************

再睇多o左幾集“同事三分親”, 又真係幾好睇喎! 辦公室d戲寫得幾抵死, 至於關詠荷同金燕鈴段婆媳關係同埋佢同蔡淇俊段母子+同事關係都寫得唔錯…抵佢咁多人睇!

"亂世佳人"同"寫意人生"已經放棄o左, 因為真係點逼自己都唔多有興趣睇!

至於對"向世界出發2"o既感覺…其實o係蘋果都已經寫o左出o黎…第二個星期, 檸檬玩完煽情, 到曾志偉講慾望…全個星期keep住三句唔埋兩句就慾望…真係可能我希望愈大, 失望愈大啦…even曾志偉去汶萊呢一輯, 都無我想像咁好! 我以為佢會講得in-depth d, 但係今次佢講o既內容, 我個人覺得有d表面, 仲要一路不停係咁: "嘩! 嘩! 唔係呀嘩? 咁靚都得?"…最弊係佢o個間所謂皇帝酒店又唔係真係咁靚嘛 (個感覺仲幾娘添)! 我頂多可以認同佢係大, 但係靚就真係講唔上喇…所以令到個感覺就更加浮誇…影帝o既演技其實應該不止於此, 可能佢都不屑去扮, 因為我相信佢住過大把更靚o既酒店!

哎…今輯真係無上一輯咁自然同埋務實! 就算係簡簡單單叫阿周汶錡去講o下長頸族, 胡杏兒去意大利講o下咩係開心…反而來得自然, 無咁刻意懶係要deliver個message出o黎, 真係over左!


2006-5-18(thurs) 向世界出發


weekend又睇多幾集"天下第一", 其中一集聽到郭晉安話: "你做咩bear住我?!"…簡直同另一古裝劇"十兄弟"裡面駱應鈞話: "咁遲先call我?!" 有異曲同功之妙…! 呵呵呵!!!


(咁遲先call我@"十兄弟")

有日睇“東張西望”, 介紹tvb有個專門店賣自己d產品, 應該係o係朗豪坊…依家仲有隻“吉祥物”形物體叫“Tvb buddy” (定係“Tv buddy”?!)…我覺得我好應該去買番隻, 好代表到我呢d tvb fan屎!

15 Comments:

Anonymous jj said...

天下第一既郭晉安好似以前王晶d劇既張衛健一樣,勁多現代gag,好似好好笑咁囉(雖然我覺得佢做喜劇其實唔係太好睇,得阿旺系列係ok),小寶與康熙連「金庸」都出埋,所以唔算太兀突
「做乜call我」未算經典,朱茵射鵰「bb仔」同陳豪帝女花「幫朕check下」(呢個網上講架構)咪仲搞笑.......正經古裝戲整句英文的殺傷力大d!

8:24 上午  
Anonymous 金美 said...

呢篇寫得好! 我尤其鐘意你個標題! :)

9:55 上午  
Anonymous 鄧塔 said...

係啦,其實我都覺得《世2》無第一輯咁好睇,啫其實佢想以阿謝生來講家庭都唔係唔得,咁佢一家又真係幾經典的~幣就幣在佢又唔係真係講得好入肉,仲要唔入肉得來又實日懶煽情,咁真係唔係好work噃~~曾志偉嗰集衰在真係三句唔埋兩句就"慾望...""慾望..."好煩~~
我覺得《世》最好睇在於,either開開心心講下風土人情明星感受,or真係講得深入d,or至少,真誠d~~囉

1:30 下午  
Anonymous ++ said...

咁檸檬想洗底又真係幾難嘅...無論佢做乜,甚至咩都冇做,d人一樣有憎佢嘅理由。所有藝人都要記住佢呢個教訓!千萬唔好行錯一步!(不過佢係行錯好多步=.=)行錯再補救就難喇!

5:07 下午  
Blogger Tommy said...

世2係over左...

仲要係over左好多好多.....

去咩地方反而變左次要

嘉賓係咁講自己睇法

咁駛乜去到咁遠o者....

even以前周汶琦o個集

睇住佢唔識講野都覺得自然過呢集好多

5:34 下午  
Anonymous 匿名 said...

「「做乜call我」未算經典,朱茵射鵰「bb仔」同陳豪帝女花「幫朕check下」(呢個網上講架構)咪仲搞笑.......」<-- 咁得人驚? 當年又無留意到喎, 有無片刻睇o下?

謝檸檬講旁白實在太lur脷, 完全聽唔到佢講乜, 加上佢個賤到無可再賤嘅形象, 觀眾真係毫無興趣睇落去!

6:28 下午  
Anonymous  said...

下? 我覺得"同事三分親"一d都唔吸引喎, 同"公司三文治", "開心華之里"同"卡拉屋企"完全無得比(不過可能會好過"我愛玫瑰園"嘅), 我寧願睇番"高朋滿座"喇!

8:33 下午  
Blogger 芒姐 said...

牛,

哈哈, 我真係覺得幾好睇喎...咁當然就無"公司三文治"/"開心華之里"/"卡拉屋企"咁好睇, 但係絕對有內容過"高朋滿座"...不過每人喜好唔同, 如果唔係都唔會連"愛生事家庭"呢d處境劇都可以survive到喇...

12:22 下午  
Blogger 芒姐 said...

匿名,

以前都無覺得謝檸檬講o野咁口齒不清...lur到直頭唔睇字幕都唔係好知佢講咩...可能做戲可以睇樣睇表情睇動作distract o左!

12:23 下午  
Blogger 芒姐 said...

Tommy,

今集真係幾令人失望...可能真係希望愈大, 失望愈大啦...上一輯淡淡然咁幾好睇, 嗒落有味嘛!

12:24 下午  
Blogger 芒姐 said...

++,

無o架喇, 做藝人形象最緊要, 佢要走叛逆都唔係唔得, 但就要貫徹始終d...一唔掂又忽然走o黎扮親民, d記者都唔so佢, 只會寫衰佢! 所以話attitude同埋人際關係真係要掌握得好, 做事先會事半功倍...最佳例子當然又係講o左幾十次o既梁gigi啦!

12:27 下午  
Blogger 芒姐 said...

鄧塔,

謝生o個集其實無咩太大期望, 所以都係expected的浮誇, 但係曾志偉o個集我以為會講得到肉d, 點知仲表面過檸檬o個集...不過蔡少芬o個集幾好睇, 至少以色列呢個充滿歷史o既地方本身, 已經夠吸引! 莫過話加埋蔡小姐的經歷...

12:30 下午  
Blogger 芒姐 said...

金美姐姐,

哈哈...你好少讚我, 多謝晒! 但係babe...標題係編輯作o架, 記者一向只係負責寫稿... :(

12:31 下午  
Blogger 芒姐 said...

jj,

我都認同郭晉安搞笑都係"mun"d, 每次走搞笑路線都頂多係做到有d似阿旺, 但係d punch line係捉唔到!

oh..."幫朕check下"我好似有聽人提過, 但我無睇過添...其實o係古裝劇唔覺意講o左英文我覺得都不足為奇, 畢竟香港人講o野一向慣o左中英夾雜, 又真係好容易就唔覺意講o左句英文出o黎都無為意!

12:35 下午  
Anonymous 匿名 said...

《世2》is not as good as the first one, perhaps because the editor is not the same person and has nothing to do with the stars who are telling the stories....? Perhaps the stars have a lot more to say but were all cut out in the cutting room?

9:16 上午  

發佈留言

<< Home