10-20(wed) 嗶嗶嗶+情場如戰場

真係又恕我孤陋寡聞...我知呢首歌已經hit咗成個月, 但我真係呢幾日先第一次聽! 好唔好聽見仁見智(我個人認為其實幾ok o架)...但佢係咁"嗶嗶嗶嗶嗶~~~"的確好入腦, 仲要o個句"誰的老母性感很多人call"的確好爆...至少成功製造話題...點擊率過百萬喎...你估講笑咩? 我聽完之後個腦都係咁"嗶嗶嗶嗶嗶~~~"囉...:p


(2010謝金燕《嗶嗶嗶》台妹電音新舞曲)

因為前幾日睇雜誌見到有成篇評論講呢首歌, 醒起我之前都好似有聽人講過, 於是就好奇咁click入去聽吓...果然係爆! 抵佢咁受歡迎... 聽得人好興奮! 跟住再google吓佢o既資料…

Wiki:

謝金燕（1974年12月25日－），台灣高雄市左營人，台灣流行音樂歌手與電視劇演員，父親為知名主持人豬哥亮，母親則是豬哥亮第二任妻子，但謝金燕小時候父母即告離異，則由母親獨力撫養長大。謝金燕入行十幾年，雖已卅五歲育有一子，但其保養得宜，這幾年來更以性感姿態搭配舞曲活躍於臺灣娛樂圈，在臺灣知名BBS網站批踢踢中，有「臺灣第一美腿」、「美腿皇后」等稱。近期因混合粵語、國語、閩南語及英文的歌曲〈嗶嗶嗶〉詞之特別，引爆香港網友討論。


香港網絡大典:

《嗶嗶嗶》是台灣歌手謝金燕的電音舞曲，有關歌曲於2010年高雄啤酒節首次演唱。《嗶嗶嗶》的相關影片早已在YouTube上流傳，直至2010年9月香港網民轉載才引起熱潮；熱潮起因為具爭議的歌詞，及歌詞其中一句「誰的老母，性感很多人CALL」。直到2010年10月16日，觀看次數已經超過100萬。

作曲：呂曉棟　作詞：謝金燕　粵語詞：Jeannie（謝金燕洋名）

我亂跳舞　今夜冠軍係我
午夜太長　給我激動更高
你嗶我嗶　high到ㄡˇㄧㄡˇㄧ[1] Let`s go
I wanna kiss you you are my girl

你亂開心　似有三萬呎高
有差佬將你帶走怎算好
你嗶我嗶　high到ㄡˇㄧㄡˇㄧ[1] Let`s go
I wanna kiss you you are my girl

嗶嗶嗶嗶嗶　青春已未夠數
嗶嗶嗶嗶嗶　要跳更高

我今夜同你帶路一齊快樂
就算是盲目的感動只有一千秒鐘
你今夜給我吻過　就屬你最好
嗶嗶嗶嗶嗶　有你最好

(台)你的舞步　跳出你的態度
才九點鐘　EVERYBODY失控
你嗶我嗶　high到ㄡˇㄧㄡˇㄧ[1] Let`s go
I wanna kiss you you are my girl

誰的老母　性感很多人CALL
十二點鐘　擱底夜店流浪
你嗶我嗶　high到ㄡˇㄧㄡˇㄧ[1] Let`s go
I wanna kiss you you are my girl

嗶嗶嗶嗶嗶　老師不通阻擋
嗶嗶嗶嗶嗶　像彈力球
我愛你愛我的角度　甜蜜誘惑
跟謝金燕妹妹尬舞使人這呢感動
你愛我愛你的熱度　送你ㄡˇㄧㄡˇ
嗶嗶嗶嗶嗶　(像著了魔)

(粵)我今夜同你帶路一齊快樂
就算是盲目的感動只有一千秒鐘
你今夜給我吻過　就屬你最好
嗶嗶嗶嗶嗶　有你最好


嘩…d歌詞原來係呢位姐姐自己填, 佢仲係台語歌天后添! 嘩…我一向好鍾意唱台語歌o架嘛 (雖然我其實只係識唱“愛拼才會贏”同埋華仔隻“天下第一等”兩首咁大把)…d歌詞同口音鬼馬到呢! 仲要又夾雜廣東話, 台語, 普通話,英文...d廣東話又完全唔啱音 (令人諗起櫻花姐姐首“點解我鍾意你, 因為你係靚~~~”…又係無一個字啱音!), 再加句"誰的老母性感很多人call", 同埋“尖尖尖~~~”式的洗腦”嗶嗶嗶~~~”…果然係醒囉, 引起到話題! 咁咪成功出到位囉...呢d真係有腦!

頭先仲search到篇雜誌報導添…

**********************************
嗶上癮
36歲台女 Fing死 MK仔
2010年09月29日

身高5呎7吋嘅台妹謝金燕，有42吋長腿，所以就算36歲兼有傳生咗個12歲大嘅仔，佢仍係唔少台灣網民女神。

早排許志安幫牙刷拍廣告不停重複唱住尖尖尖∼，高登仔又不停惡搞，洗腦攻勢下娘歌都變潮音樂。

尖到最近終有代替品出場，新晉潮歌叫〈嗶嗶嗶〉，由台灣中女所唱，首歌表面似電子 fing頭歌，個台灣妹仲特登用廣東話唱到錯晒音，無啦啦又要提人「老母」，班 MK仔笑到甩轆。

潮歌〈嗶嗶嗶〉兩星期前推出，由台灣 36歲中女謝金燕主唱， MV中見佢狂騷 42吋長腿，搏命跳冇揸流攤之餘，仲以廣東、普通話及台語獻唱，但廣東歌詞完全唔啱音，效果超爆笑，中間又無啦啦加句「誰的老母性感很多人 call」，連阿媽都唱埋。

嗶嗶嗶 MV熱爆
（餓甘野痛利大露日砌塊烙）
我今夜同你帶路一齊快樂
（袖酸屍蚊木的金東　枝優溢淺妙鐘）
就算是盲目的感動只有一千秒鐘
嗶嗶嗶嗶嗶　有你最好

誰的老母　
性感很多人 call
十二點鐘　
擱底夜店流浪
MV上載 YouTube兩星期唔夠，已近 30萬人瀏覽，網友中晒毒話要搵間 D場 fing番轉，又要求〈嗶嗶嗶〉做鈴聲，堅 hit o架！

森美推介
潮歌喺台灣一出，已經成為當地大熱歌，的士佬、草根食肆同土場地痞 disco日夜狂炸，〈嗶嗶嗶〉由台灣 hit到香港，有網友話要搵間夜場勁 fing，週一森美亦喺商台節目《早霸王》度熱推，而新紮捽碟 DJ Annie G.更說：「新歌入晒腦，我嚟緊返大陸捽碟都會打呢隻歌呀！」

查實謝金燕喺台灣已達阿姐級，就算出新歌亦唔多稀罕做訪問，她只透過助手回覆：「謝謝香港fans喜歡〈嗶嗶嗶〉，希望有機會來現場唱給大家聽！」係就快呀，等住聽呀喂！

港仔對謝金燕陌生，但佢喺台灣好出名，老豆又係羅志祥偶像豬哥亮（第一代台灣綜藝節目主持），吳宗憲都係佢老死！

**********************************

獎門人曾志偉鼎力支持﹕音樂劇-情場如戰場!

(獎門人曾志偉鼎力支持﹕音樂劇-情場如戰場!)

Oh, 仲有…幾個星期前去咗睇一套舞台劇“情場如戰場”…呢個其實唔算太估我唔到o既, 事關芒姐的興趣一向都好"di花sified"o架嘛...同埋呢d懷舊歌舞劇其實一向都係我杯茶 (正如我好鍾意睇"難兄難弟")!

不過今次輪到我估佢唔到...因為真係出奇地得喎...highly recommended...係老老套套 (呢個預咗)...但係出乎意料之外的好睇...好entertaining, 選角好啱, 仲要d演員個個都演/唱/跳俱佳...d歌舞好得, 無咩冷場...同埋氣氛好好, d uncle auntie真係個個都睇得好投入!

仲有另一個我估佢唔到o既係楊思琦…佢一向只係sell身材好, 但可惜佢o既行為舉止猶如白痴...難怪一向男人好buy佢, 女人好頂唔順佢 (所以我支持同秀娜姐, 因為佢居然可以又有身材又有腦)...但今次思琦姐令我對佢加咗d分...因為佢唱歌好到令我以為佢有幕後代唱...尤其當我聽過佢之前唱tbb主題曲或者大show表演時的歌藝...我真係難以相信佢唱live可以唱得咁好…證明佢下過一番苦功! 有驚喜! 讚!