6-14 (thurs) oh can you feel our spaghetti…?!
("學警出更"主題曲)
“oh can you feel our spaghetti…”吳唱k又俾人笑佢d英文…其實公平d講句, 聽落又唔係真係好似spaghetti o者...不過無法, 賣飛佛, Johnny deep等太深入民心, 佢俾o左人一個咁o既形象, 無得改o架喇...都話印象係最緊要o架啦!
反而第二句就真係唔睇字幕都唔知佢O翕咩...似係話”out sheep and fee”? 令我諗起”fish and chips”囉…原來佢係話“we'll overcome harship and fear…”
真係點解"學警雄心"同"學警出更"兩次o既主題曲都咁難聽o架? 不過如果比較之下, 今次呢首已經好聽好多! 上次"學警雄心"首主題曲就再難聽d…無論係首歌本身定係d人o既唱功都咁可怕...唱到亂晒籠又跟唔到拍子, 好似趕得好辛苦咁...
("學警雄心"主題曲)
睇番d片段, 楊怡o係"學警雄心"時真係清秀好多, 依家個look太濃妝艷抹喇…
呢段話fiona死都眨眼o既片段我又真係覺得得有d無o野搵o野o黎講, 雞蛋裡挑骨頭囉...
(fiona死都眨眼)
posted by 芒姐 at 6:26 下午
24 Comments:
其實我覺得"學警雄心"主題曲d歌詞好得架wo....
講真....就算d人覺得好高質的日劇都有穿崩，
只不過而家d自以為好潮的青年就最鍾意挑d so called的穿崩，
以為自己好醒....
我乜野地方的劇集都有睇，
日劇，港剷，台劇，韓劇，美劇....
通通都有穿崩....
如果係其他地方的劇集穿崩，
佢地就唔會挑，港劇穿崩就鬧到死....
我覺得好少少可悲....
我都覺得好似spaghetti啊, 唔睇字幕真係唔知實際歌詞係乜...
另外, 我冇睇頭三集, 想問下大家, 究竟米雪同吳唱k個妹去左邊? 我記得米雪響"學警雄心"係有cancer的, 不過唔記得最後有冇死到, 同埋點解會得番吳唱k一個同個姨媽住嘅? 個妹呢?
我也聽不到spaghetti，
d人今次真係話錯左啦....
計英文難聽....
大家應該見識一下日文、韓文歌同埋台灣歌手的英文....
比吳唱k只有更差，唔會更好....
匿名,
哈哈...咁呢個當然, 如果d日本/韓國/台灣明星識講幾句英文, 已經算好叻o個d, 但因為香港曾經係英國殖民地, 個個小朋友由幼稚園開始都講英文, 佢d英文講成咁又係失禮d o既! 小時唔用功, 大個咪會自食其果囉...
Kin,
唔睇字幕又真係唔知佢講咩, 但又唔係太似 spaghetti...
因為我都仲未有時間睇番頭十集, 暫時答唔到你...唯有靠其他朋友幫忙...
匿名,
係啦, 你話捉d搞笑穿崩好似上次"突圍行動"個live chart room都話好笑d, 我都幾impressed, 呢期蘋果日日講o個d報料穿崩真係勁無聊又唔好笑!
匿名,
oh...
徐子珊D戲真係好難頂!
匿名,
其實徐小姐應該專注番去跳舞, 好過繼續做戲嚇親人...
Kin,
我睇o左頭幾集喇, 可以答到你的問題...吳唱k話米雪陪o左佢個妹去外國讀書, 睇怕要陪到佢畢業先返o黎喎!
I think the theme is not bad, a bit of a rock pop going on there, which is miles better than those pure 90's pop HK singers tend to sing these days
話吳唱K唱到似spaghetti又誇張左d~
我覺得算係o甘架喇~應該有人教過執過~
不過對呢套劇一D興趣都無~見到徐小姐已經想熄電視﹐再睇到大牙肉直頭熄都熄唔切就嘔喇~
上一集有FIONA已經夠惡頂﹐今次仲打"子子"上~死得啦~
Sami,
我O既意見係呢隻點都好聽過上一雙少少O既 (旋律-WISE)!
oLi,
嘩...我O係WEEKEND終於睇番前十集...真係幾難睇O下, 好悶!
我衷心覺得容小姐都係去番做歌壇天后好D...至於徐小姐...或者可以改行做DANCER, 但係請兩位勿再演戲!
講真，楊怡以前個樣真係靚好多，清純好多。做咩佢ｅ家要搞到咁。
藍,
噢! 我都好懷念以前o既楊怡...即使係上一輯有d娘o既造型, 都好過依家個濃妝bob頭好多...直頭好似兩個人咁...
芒姐, 我都問返究竟"賣飛佛"個出處係咩野場合or咩野廣告呀? 係youtube竟然搵唔到。
Esaltato,
係泰林廣告, 不過唔知係咪呢個呢...因為我重覆聽O左五次, 其實佢讀得唔差喎, 絕對唔係"賣飛佛"...唔係你講番, 我都唔會去SEARCH番O黎睇...究竟係咪大眾冤枉O左吳唱K呢? 真係一個謎...
http://www.youtube.com/watch?v=NSoHQQ8oX1c
哦...真係連調查員都調查唔到。我都睇左5/6次,不過我覺得佢其實講得ok, 只不過將個favourite個"rite"讀得太短,普羅大聚聽唔到姐。又或者因為johnnydeep而講得佢唔識講英文。
不過個廣告真係差到嘔電。
頭先睇電視節目"拾年"有陳鍵鋒旁白, 講左幾句英文...原來多2年學歷就多2年。好聽過吳先生好多...
Esaltato,
其實英文咬字呢家o野又不太關佢o個兩年學歷事, 應該關佢讀邊間學校多d, 同埋o個個人本人o既語言天份...陳鍵鋒讀培正, training都好d, 同埋佢比起同樣from培正o既歐倩怡d英文讀得再好聽d (平心而論, o係藝人o黎講, 歐倩怡英文咬字都唔差)...應該係同佢本身的語言天份有關...聽埋吳生的國語, 就知佢可能o係語言呢方面真的欠缺天份...
講起冇語言天份, 我覺得鄭伊健真係極冇語言天份!
匿名,
十分同意
發佈留言
<< Home