6-15(wed) 華星三寶concert
終於睇晒"點解阿sir係阿sir"…我實在追得好慢! 新o個套"團圓"唔知咩o黎? 連"花家姐"我都有十幾集未睇! 係"怒火街頭"叫做追得貼少少…睇到上個禮拜…哈哈! 追劇真係搞到個人忙上加忙!
啱啱o個集"吹水同學會"終於好睇番d, 可能係d嘉賓搞笑d…之前o個幾集真係純粹以追水的角度o黎講都覺得好乏味! 呢集算係咁多集之中最好笑的一集...袁靚靚, 伍姑娘, 祥仔, even丁生都幾好笑!
嘩! tbb係咪真係開拍"衝上雲霄2"呀? 好期待喎…雖然十年人事幾翻新…依家係有d人面全非吓…但係呢個profession的確係幾型幾吸引!
前排去唱k唱番呢首十幾年前在k場大hit的金曲...見番當時仲係爛聲, 但比起依家感覺更man的"筍盤"陳豪...嘩! 真係好大隻囉佢! o個時型d…依家就感覺親切d!
呀…903居然無啦啦7月有個"華星三寶"concert…呢個我想睇呀…好係我地個年代囉!
可惜已經好耐無簽過張id card…連放咗o係邊都唔知! 當年未夠18歲, 商台已經出張什麼903 id card俾d o靚仔o靚妹…仲要有"I dare", "I decide", "I dream", 同" I discover"四款…中學年代的我真係覺得超級型, 收到張卡仲開心咗好一陣子…商台籠絡年青人的確有一手! 可惜我已不再年青…但我依然想睇呢個concert囉……..太可惜!
posted by 芒姐 at 12:48 上午
6 Comments:
我中學時收到張903 id card都好興奮ga!! 但其實張卡有咩用呢? 係咪好似係許留山有折? 真係唔係好記得...
我想講見到陳豪著格仔衫坐係床邊個Look
突然以為係黃子華以前長頭髮+莫作棟合體
華星三寶的確令人好有回憶同吸引力,周圍d人都想撲飛睇...好似近千蚊張飛都有人要...
同期出道既滕麗名就響電視圈載浮載沉左好耐...
而講開903 id card,唔知點解當年好難申請咁,遞過幾次資料都石沉大海
當年903的確創造好多好"IN"嘅嘢(當年係唔係講IN?).而家睇番,其實都係D冇用嘢.哈哈.不過年青人應該要有呢D回憶.買埋做埋D無無聊聊一窩蜂潮流嘢.903個D DJ 當年都係星.話俾人聽我鍾意郭靜,幾型呀! 我仲寫信俾佢TIM.佢有回信.我到而家仲KEEP住.
其實每個年代D年青人都會有呢D收埋收埋嘅嘢係多年後睇番換回青春回憶.不過我真係唔知成長在電腦年代80,90後,十幾廿年後有冇可以RECAP情懷.同埋一個再冇真正本土明星嘅地方其實好寂寞.唔好話明星係純娛樂可有可無.真正本土明星(電影/唱歌/運動明星都好.)其實令到一個地方嘅人有種sense of belonging.
溫哥華匿名人
青少年就係鍾意呢d無咩實際用途但又人無我有, 最緊要係型的東西...903最叻呢d巧立名目o既嘢o架嘛...所以我的青少年時代都真係好buy903的...不過當然當人大咗之後...
哈哈...我當年張黑色"i dare"都有keep到依家o架! 真心覺得型!
你講開又好似係...903 id card好似真係許留山有折!
哈哈...莫作棟...咁陳豪點都型少少o既!
發佈留言
<< Home