5-3(tues) 又重播"藍月亮"喇~~~
嘩! 亞視實在太抵死…前幾日忽然larp到重播"大提琴與點38"之前半個鐘居然係播番當年期待佢重播好耐o既"藍月亮"…兩套都好鍾意, 好係我杯茶, 連d主角都類似! 正!
"點解阿sir係阿sir"雖然偶然都幾好笑…但真係無我預期中咁好睇!
呢段又係好笑…
好多人都話無綫班編劇冇創意，部部電視劇都一式一樣，總之睇到你吽為止，但可能畀人鬧得多，近日就加咗唔少估你唔到的劇情落去，好似《女拳》咁，喺結局時就有梁嘉琪突然發癲，怒插馬國明，而喺《洪武三十二》中更玩埋古裝SM。
《洪武三十二》中飾演燕王朱棣的馬德鐘，就因為做得衰嘢多而抑鬱，竟然走去揾飾演千三娘的徐子珊減壓，而減壓方式就係SM。馬德鐘畀徐子珊鞭打的片段，令觀眾感到嘩然，有網友更把片段上載到網上同大家一齊回味和分享，片段只是上載了兩天，瀏覽人數已有十多萬人，可見呢場古網SM幾受歡迎!
噢! 家燕姐佢又真係幾有諗頭喎...真係要讚佢一個!
好姨出家燕遮賀母親節
家燕姐出家燕遮，認真夠噱頭，家燕姐一向有源源不絕嘅生意諗頭，今次佢嘅精心傑作家燕遮只係佢自家品牌嘅第一炮，準備喺母親節推出寓意遮風擋雨家燕遮。!
posted by 芒姐 at 11:44 下午
14 Comments:
洪武真係幾大膽，雖然我睇d唔睇d，但都有睇到SM呢一段，仲有陳鍵鋒幫馬德鐘擦背...電視尺度黎講，算幾突破吧？
阿sir未播前幾期待，但第一集過後已經期待減半，宜家直情放棄咗。我係唔明點解班學生可以紅到...
阿sir既鐘嘉欣我覺得幾好播!
木口木面cool cool地幾啱佢.
講起女拳, 我最唔明係點解梁嘉琪會無啦啦有把咁大把既刀帶起身去開孤兒院?佢應該冇諗到會撞到馬明架噃...
eliza
呀MO演得誇咗D。同埋佢一企埋鐘嘉欣隔離我就諗起得得地同常在心。
不過唱K有驚喜,對眼開始有火.
D學生紅到咩?有冇當年SOLAR4咁一鳴驚人？個人覺得K4演技同個樣都完全冇得當年同S4,林少個批比.咁,＂呀SIR＂同＂衝上雲霄＂，＂律政新人王＂完全唔同LEVEL。
溫哥華匿名人
我都係諗起得得地同常在心, 太經典難忘!
問心我覺得S4只有Bosco一個比較有明星相; 唱K, 我到今日都覺得佢個樣麻麻地; 陳鍵鋒, 樣係ok, 但欠缺紅的元素; 馬明, 從來都唔係sell樣...
班學生只係虛火, 未有耐去到紅, 但做K4之首果個幾好, 有潛質。
馬明之後解釋過點解「梁嘉琪會無啦啦有把咁大把既刀帶起身」... 佢話劇情/畫面曾經交代過, 火車上有人賣生果, 梁嘉琪把刀就係來自賣生果的人... 但佢無明言此鏡頭是否被cut, 致令劇情不合理, 我睇大結局時亦只係匆匆一瞥, 忘記了是否有馬明所指的一幕。
係！睇片頭已經覺得鍾嘉欣今次個造型同cool嘅感覺幾搶眼，吳卓羲一出場時都好型。不過我每次打開電視，都凈係見到阿Mo同羅樂林(但又唔搞笑喎)。偶然見到楊怡，亦覺得佢個角色好平淡。
班學生比四個主角更多人討論，東張西望有做訪問，中女更成為宅男女神...我所指嘅紅僅僅係呢d，哈哈！我未認真睇過K4，不知潛質如何。
好耐冇校園劇睇,會吸引你想睇下,但好似集集都嗌交咁,尤其是頭一星期,樂瞳好誇張,但得2個女學生喎,擺明係捧她,演得都可以,好過另外個學生妹(之前有齣做林嘉華個細女那個),好多新面孔,但個個都賊眉賊眼咁,好難會紅law,有鄭俊弘但竟然冇最似學生的梁烈唯,有D失望,我還以為會找林子善做添,身型夠似嘛,又有認字特警,正,陳豪D戲好屎呀,目口目面,都唔明點解D人一直話佢好戲好樣,睇周聰仲好睇過佢;唱K做警察太誇啦,邊有咁型GEI警察呀,唔鍾意鍾嘉欣,自從睇左上次那齣佢扮o靚模但係做鬼那齣(唔記得劇名,我頭幾集睇到晚晚鬧,之後冇再睇,太難頂),覺得D戲越來越屎咁,得個誇張咁,樓上講返起先記得,開頭做常在心時D演技幾好GA,不過呢齣COOL D 都好過再扮上次呢D白痴/扮CUTE角色,成套劇係羅樂林,D戲真係好正,李國麟同楊英偉做呢D角色又真係入形入格,現在睇TVB劇係變左係為左睇班甘草,同一D成日出現但又紅唔到唔記得名只記得樣的演員,好似劇中做黑社會D角色咁;開頭一聽個劇名同劇中校名,搞到我又想睇返"點解阿SIR係隻鬼",可惜2010年頭ATV重播時唔知有 >_<
笑哈哈
邊個係鄭俊弘?
但梁烈唯係咪已經三張幾? 仲做學生好難堪.
好同意笑哈哈對陳豪、唱K、鍾嘉欣的評語! 笑死我!
Flora
鄭俊弘係前幾日o個集幫黑社會帶白粉那個,好似係做法證先鋒蒙嘉慧個細佬;梁烈唯個格好似好似呢d飛仔學生ma~
笑哈哈
今晚鍾嘉欣果段病床嗲戲真係殺死唔少男人!
由cool爆-->嗲爆,我估好多男人都好受!
幾年前"基謹3寶"羅仲謙,"呀SIR"D學生,都睇得出TVB想再捧出個衝動反叛寸寸貢搞破壞但其實心地善良嘅男仔角色.可惜羅仲謙個樣唔夠衰,"呀SIR"D學生又太樣衰,所以到而家都未有人接到呀唱K捧.當年佢真係好拿手呢類角色,見佢咀MIU MIU又死死地氣俾人罰洗飛機洗學堂厠所個樣好鬼正.
溫哥華匿名人
唔知點解我成日覺得羅仲謙好大陸仔~~
don't like
haha...雖然我都幾buy梁烈唯...但佢如果依家仲做學生又好似超齡咗d!
發佈留言
<< Home