4-14(thurs) 單身男女
嘩…好勁! 過咗成個禮拜, 居然報紙依家日日仲講緊羅樂林一日死五次o個單新聞…到今日仲訪問緊佢…佢當年做楊過應該都無咁紅! 都話呢個世界真係100歲唔死都有新聞...估唔到之後日日仲有跟進…又咩"羅樂林一躍成為國際明星，有人提議將今次事件申請入健力士世界紀錄大全。"…真係笑死!
前兩日仲做埋C1頭條添...真係世事無奇不有…
羅樂林 24小時死 5次 轟動歐美 6國
不過佢又講得啱…呢d真係命運安排…夾都未必有咁橋可以咁o岩五套戲佢都o係係o個集死…真係整定!
"現年 63歲的羅樂林講說話無尾音，答問題簡潔精要，沒有廢話，像一個古代豪俠；態度誠懇有禮，又點到即止，絕對不像現時新世代小生，不過 35年前他正是佳視劇集《神鵰俠侶》的第一代楊過。一個偶然機會，命運安排在同一日，播出五部劇集，同一個演員羅樂林以不同形式在劇中「死」，傳統中國人反應是：「好邪呀！」羅樂林日前接受訪問卻說：「真係奇蹟！要夾都未必可以做到，非常奇妙！」"
嘩…呢個蘋果哈哈鏡又係抵死o既…
娛圈 360：蘋果哈哈鏡 10年真相
終於睇咗"單身男女"…其實ok o既! 因為一早知道佢比較"超現實"…咁反而又無我想像中咁"超現實"囉…同埋都幾多笑位! 主力係咁sell吓d冧女招數, 雖然現實中呢d咁識tum人o既男仔仲要咁靚仔條件又咁好仲要打孖o黎真係發夢啦…咁但係睇戲等你發吓夢又無壞o既!
不過呢, 我覺得吳彥袓個角色有d問題…如果你話係搵第二個 (e.g.林雪) 做咁就話啫…又係吳彥祖咁靚仔, 仲要同樣識冧女, 又叻, 又咁情深...有咩可能會揀古天樂呀? 仲要係講緊結婚對象而唔係男朋友喎…你講到高圓圓幾盲目地lum古天樂都係咁話(仲要其實我覺得劇情交代得唔多)! 你話吳彥袓又yim悶, 條件又差, 個image又好似一開波成個乞兒咁, 而古天樂又靚仔又識lum女又係"男人不壞女人不愛"o個隻, 咁都有得揀吓! 所以我覺得吳彥袓個角色設定未免係perfect得濟, 太misleading喇...hoho!
不過首"愛很簡單"真係好得...o個日去拜山居然有人o係度播"愛很簡單"…可惜我無首"我願意"o係身去"還擊"...哈哈!
posted by 芒姐 at 12:55 上午
7 Comments:
高圓圓最係揀咗吳彥祖O喎~~~~~~
上年我同細佬睇完"志明與春嬌"之後鍾意左 果個sms，而佢有時仲會抄橋send個咁既sms俾我: q mol
今年睇左"單身男女"，我就迷上左貼post-it。其實我初時我有諗過結局究竟會不會反高潮，因為古天樂段表白都幾感動，原來有個男人在自己做埋d白痴野時就鍾意左自己，仲要顛到睇個video幾百次睇到知道佢唱咩歌，其實都幾感動。同埋我見佢首主戰歌曲係"愛很簡單"，仲諗住牌面會高過"我願意"添! 哈~
芒姐,
講另外一樣嘢.今日睇到陳鍵鋒訪問.提到當年律正新人王"峯鋒"一黑一白同上位.有當年張劇照令我好懷念當年佢4個.可能初生之犢無壓力所以反而演得好好.當年BERNICE鬼妹仔D觀眾覺得好CUTE vs.今日嘅拜金女形象.當年杏兒又靚又自然討好 vs.今日觀眾緣越來越差.當年三苗令人眼前一亮好鬼型仔vs.今日變成憤怒輕中年.當年林少乃新一代有演技實力陽光男孩vs.今日...
唉.
溫哥華匿名人
溫哥華匿名人:
真的不能同意更多!!!
紙巾:
係喎...我都好耐無send過o個個"n 55!w !"sms...呢條橋的確係得...比起post it高好多班...哈哈!
"愛很簡單"又係高班過"我願意"喎...如果講揀男友可能會反一個高潮...但揀老公無理由唔揀吳彥祖個角色啩?
小澳胞:
係呀, 我o既意思係根本唔需要揀...兩個角色的設定唔係不相伯仲, 而係差太遠喇 (我講作為老公)...
溫哥華匿名人，
廖碧兒形象唔係重點，始終兩個人拍拖內情係點外人唔知，但佢演技真係冇進步，我都幫唔到佢。杏兒慢慢升溫番了，觀眾緣已經好過前幾年萬人齊插果時。苗咁多年都被冷待又難怪佢唔開心嘅，雖然我就覺得凡事留一線日後好相見，不過佢喺內地發展得好，睇怕都唔打算番tvb架啦。至於林峯喺你心目中有跌好多咩？
發佈留言
<< Home