2011年3月2日星期三

3-2(wed) 楓華真的再現了~~~

2010年10月11日…芒姐講過: 如果ken choi真係開演唱會, 我第一個買飛支持佢囉!…估唔到, 不出5個月, 我的願望真的成真!!! 你真係唔好睇少從前的紅唇王子囉…人哋一開個唱, 居然一場賣晒, 加開第二場都賣晒…依家加到三場囉…等d人仲笑人哋! 你都唔知人哋八十年代幾咁紅!

雖然我都不得不承認, 最初我都低估咗楓華的吸引力…我估到佢會有唔少支持者, 除咗佢八十年代的一班妹妹仔fans, 仲有一眾本身熱愛八十年代的fans, 又或者懷舊的朋友, 但我真係估唔到會好賣成咁…開賣後一日倒, 我去到tom lee, 諗住買最平飛啦 (我諗住實有啦啩, 連chi lam都未賣晒)...點知, 一去到個姐姐已經話hk$180同hk$280都賣晒, 得番hk$380...我忍唔住o係個counter笑咗出嚟大叫: "唔係呀化? 咁好賣?!"...sorry, 真係失禮晒...楓華, 我低估咗你!!!

好彩今次的主辦單位係有情有義的money姐…咁既然買唔到最平, 就買最貴飛支持吓楓華啦…畢竟佢d舊歌真係幾好聽….even佢2000年o既"楓華再現演唱會"我都有買飛去睇…可知我幾咁支持!!! (眾所周知, 又或者可能你唔知…芒姐由diaryland搬過o黎blogspot幫呢個site改名時, 係inspired by楓華呢個演唱會名囉…wahahaha…:p)

好期待呢…三月仲有好多八/九十年代歌星的“懷舊演唱會”…鄭伊健, 周慧敏, chi lam, 仲有楓華, 差不多個個禮拜都要去紅館走一趟囉…不過好興奮呢…事關大家都知芒姐除咗係電視精, 仲係一個演唱會精…:p



節錄吓呢段蘋果報導支持吓楓華哥哥先…


娛圈 360:蔡楓華風華再現

51歲的蔡楓華 3.26重踏舞台舉行演唱會,日前他出席個唱記招,黑超透出一點傲氣地說:「我係搵食,唔係乞食,記住我呢句話。」 80年代初,紅唇王子蔡楓華紅爆,橫行歌影視播四棲,跟張國榮和陳百強三分天下雄霸偶像界; 85年蔡楓華在《勁歌》季選中以「一剎那光輝唔代表永恒」形容張國榮,自此光環消失,歷盡 26載浮沉起跌才終極回歸樂壇。燶華已過,《絕對空虛》勢必風華再現。 撰文:夏琴

船長起錨

港台《香蕉船》是全港首個直播兒童節目, 70年代末第一代的《香蕉船》由蔡楓華掌舵,他披帥氣船長制服,以船長哥哥身份亮相,香蕉姐姐是靚 DJ鄧藹霖,兩人在假船上唱兒歌玩遊戲細路,節目大受歡迎。主題曲「香蕉變出香蕉船,船上面有一排歡笑臉……人人話那彩虹香蕉變。」如今再聽百般滋味在心頭。
青春偶像

80年代楓華霸氣初現,多得麗的經典劇《IQ成熟時》帶挈,與鍾保羅、鄧藹霖和莊靜而齊齊升呢香港第一代偶像劇元祖。蔡楓華劇掂歌更掂,「每次我寫新詩,費盡勞力心思……」講盡當年少男少女靠情信示愛的真實面。




又係時候再重溫吓喇…



Oh…12點幾tbb無啦啦重播套陳年舊劇“駁命老公追老婆”!!! 呢套應該未o係翡翠台播過…謝天華+郭羨妮+方中信真係全部呢期都啱啱有劇o係黃金時段上過…咁啱得咁橋…大收宣傳之效! 郭羨妮o個期肥d飽滿d (雖然個嘴畫得怪咗d)真係靚好多…原來好多時真係唔係瘦先好睇! 唐寧o個時都好靚囉! 個劇情雖然又係o個d胡鬧嘢, 但好似仲好睇過黃金時段o個d劇…:p

頭先睇睇吓仲有馬國明做”茄喱啡”, 又係做d類似”律政1”的衰人角色…馬明依家真係好樣咗好多…人紅自然靚真係一個不變的定律!!!

7 Comments:

Anonymous ++ said...

乜原來芒姐再現同蔡楓華有關架~

佢呢張相又chok得幾型喎!不過點解嘴唇唔紅嘅?又話紅唇王子?

我對蔡楓華的認識甚少,僅僅知道黎明新秀模仿《絕對空虛》,同埋「一剎那光輝唔代表永恒」呢句說話,完全唔知佢以前咁紅~

7:04 下午  
Anonymous 匿名 said...

"跟張國榮和陳百強三分天下雄霸偶像界"

唔係呀化? 係咪有病? 我以60後身份同你地講, 我見證住香港樂壇的興起、變遷同衰落, 我比你地任何一個70/80/90後都更有資格講, 「跟張國榮和陳百強三分天下雄霸偶像界」這句絕對係誇張之說。三分天下? 張國榮、陳百強同佢? 咁Alan Tam 呢? 仲有, 佢係比張國榮先跑出的, 到張國榮跑出, 佢已經沒落, 咁點樣三分天下? 呢D 80/90後小朋友記者, 究竟有無認真做過research? 佢地唔識, 我唔怪佢地, 因為佢地真係唔係屬於那個年代, 不過作為一個記者, 即使只係娛樂版記者, 係咪有責任做資料搜集, 而唔係道聽塗說, 把從互聯網上得到的所謂資料拼拼湊湊, 然後寫出一篇篇與事實不符的東西? 當60後或更老的人全都死去後, 在世的新生代就只會繼續被misled下去。

10:04 上午  
Anonymous 匿名 said...

澄清:我唔係反蔡楓華, 見到佢肯振作, 我其實都好開心, 但實在無法接受不負責任的記者誇張地寫出一些與事實不符的東西。

10:11 上午  
Anonymous 匿名 said...

TO 匿名:
原全明解.有時睇到d記者亂寫四大天王當年D嘢我都係咁反應.

溫哥華匿名人

1:33 下午  
Blogger 芒姐 said...

哈哈...的確寫得唔夠準確...不過蘋果資料再錯的娛聞都成日有, 依家d娛記有時真係亂咁o黎...

同埋其實好多報導都講過, 事實"剎那光輝"事件並唔係直接導致佢dup成咁, 因為佢首名曲"絕對空虛"仲要係呢件事之後先出現, 所以證明佢唔係呢件事之後被趕絕!

1:21 上午  
Anonymous ++ said...

咁蔡楓華點解會dup呢?

6:28 下午  
Blogger 芒姐 said...

http://www1.hk.apple.nextmedia.com/template/apple/art_main.php?iss_id=20110305&sec_id=462&art_id=15041382

"剎那光輝"事件唔係直接導致佢dup, 但間接點都有...我諗可能係佢當年太自負, 人緣唔好, 再加上人邊有可能紅一世呀, 一沉百踩下咪搞成咁囉!

8:22 下午  

發佈留言

Links to this post:

建立連結

<< Home