2010年12月22日星期三

12-22(wed) 2010年尾二一周娛聞回顧…:p

嘩…呢期d娛聞又係幾好睇…幾爆吓!

首先係黎劉兩大天王o黎個廿年來的世紀擁抱…真係睇得我哋呢d四大天王年代成長的小朋友好感動吓…真的! 嗰日睇“娛樂頭條”已經覺得好感動喇!



天王抱抱 20年一閏

前晚首場紅館演唱會,劉德華專程請來由 90年代四大天王時期爭獎爭崩頭的宿敵黎明做嘉賓,掀起整晚高潮,全場叫聲震天,當黎明未出場時,華仔語重心長說:「以往因為有呢個嘉賓,所以令到你哋更錫我,更支持我,當我搵佢做嘉賓時,佢都有少少懷疑,但我話我嘅 fans唔只支持我,仲係支持每一個人。」

之後黎明出場,兩人甫見面先來個深情擁抱,全場起哄,黎明說:「恭喜晒,好開心。我喺台下面見到一啲平時冇機會見嘅人,又透過耳機聽到華仔同你哋嘅對話,接觸到你哋,呢個經歷令我好溫暖好開心。」隨即兩人合唱一曲《明星》,黎明甫開腔唱歌,觀眾拍掌附和,但華仔和黎明卻表現有點生疏。當華仔唱至最後一句:「求你在心中記住我。」黎明即說:「我會。」多年是非可謂一朝化解。接着黎明獨唱一曲《忘情水》,全程他只企在台中,未有行近觀眾席。

訪問時華仔表示三、四個月前親自致電請黎明,他說:「喺過去嘅 30年,佢的確擔當一個重要角色。」但提到黎明似不敢行近觀眾,華仔笑說:「有幾驚,冇嘢喎!」




跟住係千嬅同丁子高o既婚宴, 又係睇得人幾感動喎…



千嬅嫁丁子高 自比終身成就獎


千嬅與丁子高不斷在台上多謝今次幫手搞婚禮的好朋友時,她突然大笑道:「點解咁似叱咤頒獎禮…哈哈,好似講緊得獎感受咁,哈哈,今晚我得到呢個終身成就獎,比任何一個獎更加令我開心感動及快樂,多謝老爺奶奶,送咗個咁好老公畀我,令我搵番自己。爹哋、媽咪,我結婚你哋唔係冇咗個女,係多咗個仔。希望細佬都快啲結婚。」

丁子高則表示以前一生最愛婆婆、媽咪和姐姐,現在多了兩個,他說:「家開始,我生命中多咗兩個最愛嘅女人,一個係我老婆,一個係千嬅媽咪,媽咪我會好好咁照顧千嬅,亦都一定會全心全意照顧你同爹哋(外父外母)。」

婚宴上丁子高預備了驚喜給老婆,拍了一條片,講自己在產房等老婆生仔,然後穿肉色緊身衫,在錄音室裏面扮初生嬰兒着肉色緊身衫同一班兄弟載歌載舞,令台下千嬅捧腹大笑,賓客拍爛手掌。

丁子高之後上台說:「條片裏面嘅我雖然好儍好搞笑,做呢啲嘢都係得一個原因,因為我好鍾意見到老婆笑。可以有機會見到我最鍾意嘅女人笑,係我終身幸福。千嬅,你係冇嫁錯老公嘅!」


講真, 舊年爆出千嬅同丁子高o既婚訊時, 真係接受唔到囉…但經過呢一年睇佢哋接受訪問同埋人前人後o既表現, 又覺得佢真係無嫁錯喎! 同“藍男戀”個case一樣, 好多時表面上條件無咁“相襯”o既, 反而先係最真愛…原來皇子公主o個d“金童玉女”形式o既愛情故事, 真係童話故事先會發生! 以前夠覺得陳豪同廖碧兒好鬼襯…點知! 不過話實, 無論今次個“故事”有幾多成真, 廖碧兒都成為大輸家…因為佢“放棄”o既係唔單止全台女藝員, 而係全香港女人都認為係絕世筍盤o既陳豪…高大威猛靚仔人品好風趣幽默人緣極佳連記者筆下都係極好男人(下刪一百字)…仲要係為咗個有錢仔飛起佢 (如果個story係真啦吓)…佢今次真係一舖清袋…形象比姣蛇更差!

依家d雜誌標題真係幾得吓…至少行過報攤都真係會俾佢吸引望多兩望...:p

19 Comments:

Anonymous 匿名 said...

世紀擁抱! 雖然我印象中佢兩個呢廿年來應該唔只抱個呢一次.但ANYWAY呢福相真係又一經典之作.佢兩個當年真係宿敵.D FAN屎(90s語:係FAN屎唔係粉絲!係MTV唔係MV!!!) 勢成水火,响學校我LOCKER有LEON YES! CARD 你會即開你個LOCKER門晒張華仔閃中閃出嚟!!
呀MO呀MO好好慘.我提開以上D 90s嘢思想一時跳唔番出嚟.忽然呀MO呢個名同人好陌生.有LEON有華仔,城城呢? 來吧來吧狂熱地野.

溫哥華匿名人

1:27 下午  
Anonymous 匿名 said...

麥玲玲講過廖碧兒唔係"少奶奶格",
佢係要做嘢嗰類,唔係徐子淇。

2:50 下午  
Anonymous ++ said...

千嬅同丁子高o既婚訊, 點解接受唔到?

我都覺得陳豪同廖碧兒好襯,分手收場真可惜~不過內情始終只有當事人先知道,話唔埋兩個人已經分開咗好耐,一直冇講(就好似全世界都知道佢地拍拖但佢地又一直都唔承認咁),直到雜誌影到第三個人先俾大家以為廖碧兒為咗個有錢仔飛陳豪。仲有,有冇咁誇啊?“全香港女人都認為係絕世筍盤o既陳豪”hahahaha

6:11 下午  
Anonymous 匿名 said...

「雖然我印象中佢兩個呢廿年來應該唔只抱個呢一次」

係呀,我印象中都唔係只有呢次!

「仲有,有冇咁誇啊?“全香港女人都認為係絕世筍盤o既陳豪”hahahaha 」

你講中晒我心聲! 真係太誇張喇,至少我同我身邊的locally born & bred 女性朋友都唔係特別喜歡陳豪﹝只係唔特別喜歡,唔覺佢特別好,並唔係唔鍾意或討厭﹞先啦!芒姐你今次主觀左喇!

10:06 下午  
Anonymous venus said...

雖然我都真係几buy陳豪,不過佢算唔算靚仔就真係見仁見智啦,無可否認我覺得佢近年來順眼左好多,不過我仲好記得我睇妙手仁心2果陣覺得佢好様衰,好奇怪點解甘樣衰既人都做得演員?
我有個同學仲話佢好似演D變態醫生添,我真係几贊同ga!雖然到左洛神果陣佢開始走紅,但係當時既我仲係百思不得其解點解佢甘既様竟然會紅?

“高大威猛靚仔人品好風趣幽默人緣極佳”你呢句話我覺得用來形容張智霖會更加貼切囉!外加演戲同唱歌都一樣甘好!

10:47 下午  
Anonymous 匿名 said...

我記得有年法拉同碧兒爭獎, 法拉贏左之後講左句"唔係做得耐就有獎", 當時覺得佢好囂, 好戥廖碧兒唔抵。但睇返呢一兩年佢兩個既工作表現同形象...似乎法拉當日贏都唔係冇道理!

呀"溫哥華匿名人"...得罪講句, 你似80s多過90s喎...

Eliza

11:52 下午  
Anonymous 匿名 said...

RE: 匿名人
四大天王始於1992年太陽計畫. YES 創刊於1990年11月20日.隨之推出YES CARD等產物.咁算唔算90s?
我係話成長於90s,絕對唔係生於90後!嘩,我同林峯差唔多年紀呀.同芒姐都差唔多掛.所以我對芒姐寫D嘢咁有共鳴.

溫哥華匿名人

11:24 上午  
Anonymous 匿名 said...

re:溫哥華匿名人

噢...真係sorry哂, 我以為90s即係90后添!

eliza

12:07 下午  
Anonymous ++ said...

芒姐唔係同林峯同年嘅咩?如果我冇記錯...

11:32 下午  
Anonymous 匿名 said...

喂,你地係咪咁樣爆人年齡出黎呀?

4:44 下午  
Anonymous ++ said...

回樓上,又係喎,係我錯,哈哈哈。一定係我記錯咗喇,芒姐只不過係睇住林峯成長啫~ 哈哈!我都係睇住林峯成長架!《再生緣》開始就中意佢了...皇甫少華~~~~~

11:18 下午  
Anonymous 匿名 said...

陳豪雖然唔算話好靚仔,但話晒都係堂堂一個當紅小生丫,錢就一定冇D大商家咁多嫁喇, 但都一定養得起頭家有餘卦,跟佢點都好過跟個空心老倌丫,廖碧兒條數今次真係計錯晒喇,唔洗問PROF KING都知佢今次超錯,錯晒!


不是公主迷

1:28 上午  
Anonymous 匿名 said...

我也唔覺陳豪好吸引喎,好普通一個男明星咋,佢D戲我真係覺得好普通,有時仲會睇到覺得好屎添;
男女明星拍拖呢D野真係當事人先知係咪真,香港雜誌出名老作新聞ga la,所以現在D雜誌真係一本都唔會買,剩係睇到封面D標題煽情之餘,又有侮辱成份,仲有大部份以鹹書的感覺,絕對買唔落手,拿上手都嫌dirty;好似千嬅o個單,我真係一直以為係假,佢話拖都冇拍,點知俾人踢爆佢就已經係註冊埋又真係好離譜,上年仲要踢爆幾個都係咁,真係過左咁耐點睇都係覺得佢恨嫁求其有人追都要gei感覺;
陳法拉同廖碧兒我都幾鍾意,都靚女又叻,不過廖碧兒D戲真係冇乜進步,相比之下,陳法拉真係進步左不少

6:37 下午  
Anonymous 匿名 said...

請問邊度可以睇番近期芒姐喺U Magazine的訪問?我想睇啊!!

2:27 上午  
Anonymous venus said...

我都好想睇芒姐係U Magazine既訪問!
唔知芒姐介唔介意post出來?

9:45 下午  
Anonymous 匿名 said...

同上.

溫哥華匿名人

4:03 下午  
Anonymous 匿名 said...

芒姐去了哪?這裡不更新了嗎?

2:55 上午  
Blogger 芒姐 said...

哈哈...sorry, 呢期忙到甩轆...無時間update添! 原來不經不覺差不多一個月...

haha...你知我係...一定唔會post的...咁肉酸!

5:06 上午  
Anonymous ++ said...

有幾肉酸啊?都係你講嘅嘢啫~~ 又見唔到你個樣~~ 你唔post,都俾條link我哋自己走去睇呀!哈哈

6:29 下午  

發佈留言

Links to this post:

建立連結

<< Home