2011年3月26日星期六

3-26(sat) 蔡楓華all 4 ken 2011演唱會



終於等到"楓華再現"...超感動耶!!! 而重點係…我同楓華握到手囉, yeah! 而大家須知道, 芒姐個人平時被評為幾咁"冷漠", 我肯主動伸隻手出嚟同佢握, 其實係鼓起咗好大o既勇氣…:p

雖然我唔係佢fans(就算90年代迷上重播第n次的"IQ成熟時", 亦只係迷上珠仔鄧藹霖而唔係peter pan紅唇皇子), 亦唔屬於佢個年代, 佢o既金曲我亦只係識"倩影", "絕對空虛", "愛不是遊戲", "也許", "十年", "何必曾相識", "青春三重奏", "IQ成熟時"同埋首插曲"可知我心有淚"...數晒, 9隻咁大把! 不過正如我成日講, 雖然我生於一個"錯誤年代", miss咗香港樂壇最光輝的時候80年代初...但眾所周知, 我一向活o係大我十年八載的年代...所以楓華的事跡我都略知一二!


(白馬王子!!!)

連2000年的"楓華再現"演唱會我都有去睇...證明我真係幾咁支持佢! 後來連自己個site都name after佢添...hohoho!

同埋我相信有去得睇佢演唱會的人多半都有鋤強扶弱的心態(雖然楓華唔想大家同情佢, 咁其實我係支持佢啫!)...大家見到佢呢廿幾年生活得咁慘...雖然佢自己都要負上一定責任, 但傳媒o既一沉百踩都累死咗佢, 反而"剎那光輝"事件只係導火線而唔係令佢即刻跌落谷底的原因...見到當日o既白馬王子變成咁, 又真係好戥佢慘!

今次見佢d fans咁多年後都對佢不離不棄...仲有money姐的有情有義, 我都好感動囉! 所以舊年10月佢一上完勁歌, 我已經話過如果佢開演唱會我一定第一個支持!...結果楓華無令我哋失望呀, 至少佢今次真係有put effort去練歌+修身(依家直頭幾fit添)...值得支持! 大家又何苦一沉百踩呢?!


(第一代勁歌金曲主持...亦係85年第2季季選"剎那光輝"事件黃金組合...好有情有義o既money姐!!!)

好耐無試過去一個演唱會係覺得自己幾乎係全場最後生(除咗啲跟阿媽阿婆黎睇嘅小朋友)!雖然我唔係屬於呢個generation, 共鳴又真係少d…你話個演唱會好好好睇又講唔上…但真係睇得好感動! 完全感受到人間有情…d哥哥姐姐叔叔嬸嬸個個都跟住楓華一齊唱一齊拍和…真係好感人!


(呢張好"楓華"囉...其實佢真係瘦咗好多...嘩! keep fit真係好難o架嘛! 有put effort...抵讚!)


(嘩...經典的楓華chok mic stand甫士!!!)


(呢身打扮令我諗起佢o既fans...當年新秀選唱佢首"絕對空虛"o既金句王leon個happy 2000 look...hoho!)


(譚校長亦都算有情有義...2000喺伊館o既"楓華再現"演唱會佢有現身做嘉賓...11年後佢又再o黎...算係咁啦!)!


(嘩!!! d花籃多到呢...有我最喜愛o既"iq成熟時"珠仔...鄧藹霖!!!! 仲有劉華添...:p)

仲有”IQ成熟時”cd…


唔知當年楓華有幾紅o既朋友...應該去睇吓呢個國際歌迷網囉...:p


今日o係報攤見到…所以話, 呢個世界真係never say never!!! 之前陳茵媺仲話一定無可能…不過其實佢哋都ok襯呀!

6 Comments:

Anonymous bvt=妥 said...

個網頁d資料好詳盡呀,網主好有心機,讚!

12:49 下午  
Anonymous ++ said...

佢全晚戴黑超?

個封面又搞到幾sweet喎...不過d相係真,唔代表故事係真架,八卦雜誌d野,觀望下先啦。陳茵薇有得傳下緋聞都好嘅,好過冇人關注。畢打佢做得幾好,男仔頭look清爽自然。

1:33 下午  
Anonymous 匿名 said...

佢依家又hiu屎到爆la!

http://hk.news.yahoo.com/article/110329/3/nixm.html

1:56 下午  
Blogger 芒姐 said...

哎...係啦...佢又真係唔識感恩! 同埋太過停留o係過往的光輝歲月...佢o既"自信"害咗佢一生!

4:16 上午  
Blogger 芒姐 said...

佢的確係全晚戴黑超+戴帽...哈哈!

係呀...雙陳戀未必係真, 不過講講吓又可能變真...呢對都唔錯! 畢打又真係幫咗佢好多!

4:18 上午  
Blogger 芒姐 said...

係...網主真係一個好有心的fan屎!

4:18 上午  

發佈留言

Links to this post:

建立連結

<< Home