3-23(wed) 方中sir
大家知唔知呢個字點讀? Hahaha!
睇完前幾日o既“華麗明星賽”…見到benz雄…又諗起”方中sir”…真係笑死! 立刻要再post番呢段…真係活到老學到老喇…hohoho…:p
真係忍唔住要讚第十次…十年前o既郭羨妮真係好靚!! 雖然我一向都唔太buy佢, 但一睇呢套"駁命老公追老婆"見到佢真係驚為天人, 睇到我目不轉睛咁望住個電視...真係好耐都無試過! 難怪佢當年可以攞多料冠軍…仲係繼李嘉欣之後第二個港姐攞埋華姐冠軍…真係有道理囉!!! 同埋o個d雜誌o既用詞又真係不能再抵死…咩"殘妮回春", "幼齒唐寧"...不過又真係好準繩...hohoho!
同埋套劇又真係出奇地幾好睇, 好過黃金時段d劇好多添...唔怪得知都引起ok多迴響! 又可能因為放o係呢個時段播, 無黃金時段咁高expectation, 反而好有驚喜! 頭先仲見到"藍月亮"同埋"500飛虎隊"o既羅頌華哥哥添呀...oh!
下個禮拜做 “七號差館”, 都有d興趣睇吓…反而黃金時段套”女拳"同咩"洪武三十二"就真係呢…可以令我慳番好多時間喇...都好!
今個禮拜開始做o既“誰家灶頭無煙火”, 有d“天天天晴”feel…連一開始個“野餐”背景都一樣, 同埋個班底都有d似! Marco呀, 田蕊妮呀, 陳智燊呀! 睇落都係o個隻feel…不過感覺好過 “依家有喜”好多…呢套真係底線!!!
嘩! 睇番“博愛歡樂傳萬家”…娥姐一開聲真係…wow! 今次唱“後來”仲動聽過上次台慶的“聽海”囉…勁!!!
嘩! 又有新相...真係源源不絕..."奇拿"一樣! 今次啲封面相又真係激過上次嗰啲喎! 雖然其實不能稱為"激", 不過俾人出賣仲要個個禮拜係咁放新相又係灰o既...
posted by 芒姐 at 1:19 上午
14 Comments:
華麗明星賽好多明星啊！係真係明星喎，唔係二三四五六七綫不知名奀星喎！雖然節目設計真係麻麻，但勝在可以數星星！好過後期的獎門人多多聲！(獎門人兒童不宜兼嘉賓黯淡無光)
誰家灶頭無煙火，個名有些少難記。邊個監製？
係"真情", "皆大歡喜", "天天天晴"O既監製徐遇安!
"華麗明星賽"搞得幾grand, d項目真係一般, 但d嘉賓幾得!
我覺得Marco幾好啊,唔知點解只係做處境喜劇，都冇其他劇拍嘅...(其實人地叫Raymond,哈哈,不如改名啦,Marco太深入民心)
d相又真係不能稱為"激",呵呵,至少我睇到已經冇乜反應,同埋都預咗今期有。話明曾經係男女朋友,咀嘴正常過唔正常~
我覺得D相好sweet 喎，雖然此情不載，但證明林公子真係鐘意個女仔，唔係玩玩吓，唔怪得咁傷心。
一仔咁連載相法，好賤!
歐錦棠跟田蕊妮
因爲以前是亞視人
所以在TVB機會不多
今次終於擔正誰家灶頭無煙火
我實在替他們高興
套劇Cast很不華麗
但反而令我對"茄哩啡"有期待
個女仔又真係幾正，樣子靚得來好有氣質，身材又超索喎，十個男人十個都話佢正，唔怪得林公子咁鍾意佢啦！！
《駁》今晚睇埋個大結局,真係好睇,終於有d唔係你害我,我害你,鬥餐死都唔知為乜既劇情,同埋真係10年前既sonija好靚...
"邊個屋企唔開火"既cast成晚都好似睇到熟口熟面,新果d又好似出場唔多,印象唔夠深,反而岳華,林漪娸,馬海倫呢d一晚見幾次,
黃金時段成晚鬼鬼地既人又係多,only u有大隻仔,女拳有明珠生活既另一個男主持做咕喱,開火既jason算做得ok,但真係喜歡睇阿田多d(不過都係一晚見2次),搞到成日睇完都唔知自己睇緊邊套...
華麗明星賽既嘉賓真明星,仲好難得似乎錄影時候比報紙報哂d detail既情況唔多,變左好有期待去睇,上星期既新紮師妹班底真係正,蒙嘉慧搵到sponsor黎贊助一下都有返d睇頭,近期一讚
整體變左星期日係全個week電視最好睇既一晚!!
"邊個屋企唔開火" I love it! hahahaha
再靚都冇用，全球峰迷而家都好唔妥佢，佢地唔會俾個女仔好過，一人一篤口水都浸死佢，佢好難有立足之地，應該冇得發圍，佢漏相出黎都係搏出名搏上位，但個如意算盤恐怕都幾難打得響！
芒姐:
你係未有去chilam演唱會呀??
你會唔會寫呢篇呀??
好期待!!!
有睇呀...遲D寫...呢排睇太多演唱會, 支有時間寫...要寫咗楓華先...哈哈!
"邊個屋企唔開火" ...我都讚好!
《駁》劇情係無聊...但唔知點解真係幾好睇!
個女仔可能要一拍兩散啦...反正都無咗起碼要全世界知道林峯同過佢一齊喎...
發佈留言
<< Home