3-13(sun) 濃情蜜蜜燒豬髀, 情比金堅鹹牛脷~~~
“華麗明星賽”真係幾好笑…不過其實最重要係睇o個日請d咩嘉賓…上個禮拜big four上去真係笑死…佢哋四個本身真係上咩節目都笑死你!
真係忍唔住又要讚吓…蘋果d動新聞真係好得...呢段sammi安仔太平館”斷正”片整得好盞鬼...d旁白亦都好抵死! 仲要將老鼠安飲茶嗰part repeat十次, 然後整埋d心心o係sammi度飛過去...笑咗!!! 仲有佢哋有日作的"濃情蜜蜜燒豬髀, 情比金堅鹹牛脷"又係笑咗….真係唔夠蘋果o黎...:p
哈哈…係時候要重溫番經典o既“廚房宣言”喇…
依家深夜做o個套陳年舊劇"駁命老公追老婆"睇睇吓其實ok好睇喎...點解當年會成為倉底貨? 同埋郭羨妮o個時真係幾靚!!! 塊面飽滿d反而好過依家瘦咗囉! 仲有唐寧o個時都好標緻! 同埋點解2001/2002有咁多套戲都係陳豪+郭羨妮呢個班底?!
依家朝早仲首播林峯套“布衣神相”…點解忽然間播番咁多陳年劇o既? 錄咗少少, larp咗少少…其實應該幾好睇…不過暫時未有時間睇!
“Only you”就真係ok悶, 田蕊妮做得比較好! 真係幾鍾意大塊田…做戲同做主持都做得咁好, 講嘢仲幾鬼馬添…有前途!
仲有套“女拳”…嘗試睇咗少少, 不過真係唔係我杯茶…放棄咗!
posted by 芒姐 at 12:04 上午
13 Comments:
“布衣神相”得閒就快d睇啦，哈哈
“Only you”我反而有開始追，“女拳”就…實在唔係我杯茶，連鐵馬尋橋咁hit我都冇睇過～
個個star lady真係離奇, 有咩可能會撈亂蘇永康用梁漢文? 仲要當gag咁講出黎, 就算真係唔知邊個打邊個, 一開始都有介紹d嘉賓, 佢訓左覺呀?
eliza
芒姐...峯峯佢...佢...床照呀...
一早知峯少唔係純情男，係fans一廂情願地覺得佢乖乖仔jeh，所以奉勸D妹妹仔，欣賞佢做戲唱歌就算喇，切記太沉迷，迷到當左佢係自己男朋友就無謂啦！
回樓上，我唔認為佢有做錯d乜野。藝人都係人，正常拍拖有錯咩？難道做藝人要放棄自由之餘，仲要佢做埋和尚？本來私人感情事根本唔需要向任何人交代，佢一早就講過，如果拍拖唔會主動公開，但被人發現亦會大方承認，他是這樣說的，也是這樣做的，不知道他還需要受到什麽指責？
真正喜愛一個偶像，會希望他幸福快樂，而唔係要佔有佢。fans都好理智，並不是外人自以為的那麼幼稚。
你0岩，我錯，不過我其實都冇指責過佢D咩，我指的「純情男」、「乖乖仔」，就係想話佢唔係和尚而已。係我用詞不當，我讀得書少，識字唔多，講錯說話，冒犯左林先生同你地一班fans，真係好對唔住，千萬個對唔住，敬請大家原諒。
我決定以後都唔會再comment on林先生任何野，各位fans，如有冒犯，小的在此再一次向大家道歉，對唔住，sorry。
你唔需要道歉，也不必說什麼冒犯、敬請原諒等字眼，更不必委曲求全。我不是針對你一個在發言，希望你唔好以為我在攻擊你。我語氣比較硬係因為佢曾經真心愛一個人卻反過來被人出賣，我替他難過而已，不是因為你。
講真...林峯單嘢我又真係覺得無咩嘢喎...同我一向覺得佢o既既定形象無咩大分別...又唔係當年成龍/劉華年代...:p
阿starlady嗰part真心好笑...辜勿論佢真心癲定係搞gag...出o黎個效果幾好呀...佢又成功出到位有人留意佢!
係..."only you"好睇咗...有驚喜!
真唔明點解成龍都做到萬人迷！
哈哈...呢樣我本人都好費解!
發佈留言
<< Home