5-16(mon) 花花世界花家姐
噢! 終於做完"洪武三十二"…今日開始做"花花世界花家姐"喇! 呢d女版"阿旺新傳"都應該唔會話十分吸引, 不過有林峯又有佘佘, 佘佘仲要扮低能…都有d新鮮感o既…點都要支持吓! 依家夜晚兩線劇集都走呢d輕鬆惹笑路線, 有d相似得滯…點解今次會咁樣安排呢? 同埋"阿sir"真係無想像中咁好睇…d笑位有時其實唔多好笑! 有少少失望!
亞視呢排深夜真係好多我曾經好鍾意睇的好戲…"大提琴與點38", "藍月亮"之後, 仲有"愛情跑道"…呢套又係麗的年代o既好戲, 10年前atv成日重播番呢個年代o既呢類型戲…好似"甜甜廿四味", "對對糊", 甚至"iq成熟時"…呢d都好係我杯茶囉! 仲有首主題曲好好聽, 有快版同慢版一式兩款…我仲搵埋mp3聽…正!
哈哈…呢幅圖好抵死…
posted by 芒姐 at 12:18 上午
11 Comments:
呢張圖係假架! http://littlehohk.blogspot.com/2011/05/cinderella-ok-ok-201157.html
《花花世界花家姐》今晚終於播啦！！睇過少少劇情片段，好搞笑！應該會有驚喜！
我已經好耐冇追過劇啦！對上已經係only you！之後d劇都好悶啊！本身好期待《點解》可以令我追一追，點知都係睇唔落！搞到我本身唔係話咁期待花花，都變成勁期待！！
兩綫劇都走輕鬆路線？過渡期啫！花花係接洪武，洪武唔輕鬆，花花咪要輕鬆吓囉！如果唔係830時段就會一直好沉重架喇...
《怒火街頭》會接檔《點解》，到時咪唔係兩綫劇都走輕鬆路線囉！
芒姐，聽聞無記會開拍衝上雲霄續集呀。我其實當年冇乜點睇，所以上youtube搵返d舊片段，無意見到sam哥0係到讀英詩呢段，呢個係咪你之前提過既爆笑片段？真係幾好笑，同埋d演員其實應該俾咩反應好呢，哈哈。
http://www.youtube.com/watch?v=4wzfdQvdnNo&feature=related
張圖係真係假都係得啖笑jeh，唔洗用到愚昧無知之類的批評卦？不過真係不得不佩服阿littlehohk的認真與執著，有潛質讀博士做研究呀佢！
張圖呢...佢應該係想用小故事大道理既形式傳道既..不過我都覺得係有d誇張囉。
"花花"睇左一集,真係ok喎。咁睇原來之前"公主"好睇係咪都只係因為蛇蛇呢?陳豪依家係完全唔好笑囉
唔記得留名添,上一個留言係我既~
eliza
花家姐好笑過阿Sir 好多, 雖然啲人話阿佘係女版阿旺，咁佢三十幾歲扮十歲智商係有少少難頂，但尚可接受ge，林峯做個敗家仔好生鬼，好多情節幾低能，但最少笑得出嘛，。
係呀, 我聽過張圖係改過的, 不過改得唔錯呀, 都係得啖笑啫!
花家姐ok啦, 又唔係話十分好睇要追o個集, 但得閒睇吓又無妨! 的確係似"阿旺", 但演弱智都係咁上下o架啦!
oh, "衝上雲霄"續集好期待...雖然續集比起原裝一定差好遠, 仲要隔咗咁多年實人面全非, 不過呢個劇種其實幾吸引, 可以再拍囉我覺得...hehe!
發佈留言
<< Home