6-7(tues) 怒火街頭
個個都叫我得閒睇吓"怒火街頭"…查實我一路以為係講消防員o既戲, 點知原來係律師戲囉…真係估佢唔到!
個班底有d "烈火雄心3"+"巴不得爸爸"feel…鄭嘉穎+胡杏兒, 跟住又有胡杏兒+黃智雯! 黃智雯真係有d少女顧紀筠o既感覺…不過佢成個package真係幾ok, 我buy佢!
至於胡杏兒, 雖然d戲依然有少量誇, 但有番d當年"律政新人王"feel…其實呢d醒目精叻角色啱佢, 似番佢本人, 好過做o個d苦情喊苦喊忽角色好多! 不過佢個妝呢…真係未免太濃...同埋d假眼睫毛真係好假…其實我好鬼怕人黐假眼睫毛!
仲有成套戲個style都有少少初段的"律政新人王"…又係爛仔大狀, 又係o係d騎呢地方開chambers...又係鬥氣冤家! 當年好buy林峯個角色阿ben…抵死得o黎又無賴...幾吸引! 今次鄭嘉穎個角色應該都係走呢個路線! 佢個"LA LAW / 羅力亞"角色名都ok出 (因為我呢期無啦啦成日聽到人講起LA LAW …我初時仲一頭霧水)…雖然係一貫的tbb爛gag角色名!
Oh, 又有我哋好buy的林子善! 仲有李燦森第一次做電視劇...佢個感覺太電影…有d怪!
同埋終於有機會睇番n集"點解阿sir係阿sir"…不過都依然係未睇晒! 鍾嘉欣係演得幾好, 不過亦真係因為佢個角色有發揮! 楊怡個角色其實都好慘…呢段三角戀的矛盾亦都算寫得唔錯…好過d學生戲好多! 同埋吳唱k個角色有少少redundant…安排佢做呢個角色好似有d"大材小用"! 哎…但睇極我都仲未睇到ending囉! "花家姐"就直頭係只係睇咗頭幾集…哎…呢期d劇都幾吸引...追得人好辛苦!
posted by 芒姐 at 11:09 下午
16 Comments:
呢套我睇了少少，本身我麻麻地鄭生，烈火雄心3佢同胡小姐睇到我想打爆電視…但呢套唔知點解鄭生唔一副官仔骨骨的樣子玩爛tarttart好ok喎(而且很多笑位)，胡小姐學你話齋做番眉精眼企律師又好順眼(第一時間都係諗到《律政新人王》…哈)…成件事好順眼…不過無時間睇，遲吓再睇番啦要…
呢期好多套林子善…btw…
我都buy黃智雯。但點解係少女顧紀筠？少女賈靜雯就差唔多！
胡杏兒做精叻的正常人角色係幾好架，正經正式的演繹已經okay，當年的Ling Ling真係唔錯！
我都幾鐘意黃智雯!鄭嘉穎只係繼續發揮only you既summer又麻甩又無賴好睇過佢之前果d懶靚仔戲
(其實LA LAW係美國一套電視劇)
其實LA LAW係美國一套電視劇 -> 呢樣相信好多人都知，當年喺香港都紅極一時，芒姐就更加會知添啦，我諗！
agree with jessie:"鄭嘉穎只係繼續發揮only you既summer又麻甩又無賴"
胡小姐睇到我想打爆電視,又濃妝又浮誇,仲做D恃高級律師更加乞人憎
大前晚有陳敏之大突破的角色令人期待,她也在微博問大家意見
笑哈哈
又係陳敏之做爛仔大狀個ex.
咁滕麗名做廖碧兒個角色
但邊個做Vincent?
鄭嘉穎做這類玩世不恭的角色都幾ok（翡翠戀曲、only you、怒火街頭）
呢套好過烈火3多多聲，烈火3簡直係災難。
阿囧囧姐，收起喊苦喊忽雖則順眼少少，但係佢既o野o既tone真係幾難頂。我都覺得佢表情有d浮誇。
btw,何傲兒o既野蠻女友真係做得幾入型入格。
胡小姐成日"中環,中環"好煩呀, 好似成世人未過過海咁....
好似成世人未過過海咁.... <- 講中我心聲！
哈哈...點解滕麗名=廖碧兒個角色呢? 難道vincent係林子善? haha!
哈哈...我同d frd其實都幾buy林子善...hoho!
oh...當年的ling ling我好buy的...成日都希望我可以好似佢咁型...點知轉眼間已經過咗n年...我由未入行到依家已經變咗"舊人王"喇...haha! 但都從來無型過!
咁我都知道LA LAW係鬼佬電視劇...所以tbb先會用呢個名...佢哋最鍾意搞呢d爛gag嘛! 我就係心諗我d frd做咩無端端叫我睇明珠台? 明知我唔識英文o架嘛!
haha...我真係覺得黃智雯似顧紀筠嘛...由day 1已經覺得...不過當然佢靚過顧老闆d!
哈哈...點解滕麗名=廖碧兒個角色呢? <--一樣咁傻
難道vincent係林子善? haha!年輕版
發佈留言
<< Home