1-29(tues) 痴心的我

話說上個禮拜話一定要記得睇陳芷菁訪問陳慧嫻的第二part…點知都係一樣, 撐到臨睇之前一刻瞓著o左! 好彩依家d網友真係快手, 隔o左一日就有朋友upload o左上網…都話youtube係好偉大o既發明!

第二日o既訪問依舊好好睇…同埋好有共鳴囉!


(陳慧嫻－TVB娛樂直播訪問其中一part…有興趣自己click埋其他部份)

跟住前排行街見到, 就心郁郁買o左d八十年代舊戲o黎睇…19蚊一隻都幾抵呀! 其中一隻係張學友同佢老婆羅美薇主演o既“痴心的我”…睇番佢兩個做情侶都幾搞笑! 佢兩個都做得幾好! 我發覺羅美薇當年成日都係做呢d帶點男仔頭+好主動o既少女角色…o係呢套劇主動追張學友, o係 “開心鬼”系列又係做呢d爽朗女生!


張學友經典歌曲月半彎 (電影"痴心的我"插曲+片段)

當年o既李麗珍真係幾清純, 幾靚! 王敏德都好有型…其實改變不大, 只係o個時真係好後生! 仲有當時叫楊慧玲o既楊羚, 張靜, 同埋劉芊蒂! 最估唔到最後仲有陳慧嫻客串…講羅美薇飛到去外地搵張學友, 點知原來佢已經有陳慧嫻呢個老婆…!


(陳慧嫻 @ 痴心的我)

頭先睇報紙, 見到話“溏心風暴2”開造型記者會…睇o下個家族關係圖表, 好“亂籠”…甚至係“亂倫”…表兄妹, 養兄妹全部搞埋一齊…咁點得o架?!

同埋“Joe 包”, “荷媽”呢d名…其實夠o架喇…大鮑細鮑大契細契, 仲有當年o既狀媽“蕉媽”…全部呢d咁刻意o既暱稱都好難頂…唔好太over啦!



“《 溏 心 風 暴 》 去 年 全 城 熱 爆 ， 無 綫 遂 原 班 人 馬 開 拍 《 溏 心 風 暴 之 家 好 月 圓 》 ， 並 於 昨 日 在 無 綫 將 軍 澳 電 視 廣 播 城 舉 行 新 劇 造 型 記 者 會 。 今 次 劇 中 人 物 性 格 將 會 大 兜 亂 ， 上 次 演 大 好 人 的 米 雪 ， 今 次 將 接 替 關 菊 英 演 大 奸 角 ， 由 內 地 偷 渡 來 港 後 被 夏 雨 和 李 司 棋 夫 婦 收 留 ， 後 來 勾 引 夏 雨 破 壞 李 司 棋 婚 姻 ， 今 趟 司 棋 姐 可 謂 引 「 狐 」 入 室 。

先 睇 ： 兄 弟 姊 妹 人 人 三 角 戀

《 溏 心 風 暴 之 家 好 月 圓 》 主 題 圍 繞 整 餅 家 族 ， 從 分 裂 的 家 庭 開 始 ， 幾 經 波 折 後 大 團 圓 。 Joe 包 （ 夏 雨 飾 ） 和 荷 媽 （ 李 司 棋 飾 ） 婚 後 育 有 六 名 子 女 ， 大 反 派 紅 姐 （ 米 雪 飾 ） 偷 渡 來 港 後 ， 獲 荷 媽 收 留 在 餅 舖 工 作 ， 卻 與 Joe 包 日 久 生 情 ， 破 壞 Joe 包 和 荷 媽 家 庭 ， 令 二 人 離 婚 收 場 ， 紅 姐 後 來 成 為 Joe 包 第 二 任 老 婆 。 李 香 琴 飾 演 夏 雨 媽 媽 ， 常 以 「 o個 劇 肥 o野 」 稱 呼 荷 媽 ， 關 菊 英 則 演 荷 媽 妹 妹 莎 莎 。

Joe 包 和 荷 媽 離 婚 後 各 撫 養 三 名 子 女 ， 紅 姐 表 面 扮 慈 愛 ， 實 質 卻 不 想 荷 姐 的 子 女 留 在 身 邊 養 虎 為 患 ， 故 意 寵 壞 Joe 包 兒 子 甘 永 圓 （ 黎 諾 懿 飾 ） 和 甘 永 中 （ 溫 家 衡 飾 ） 。 在 六 兄 妹 中 ， 大 哥 甘 永 家 （ 陳 豪 飾 ） 是 一 位 股 壇 賭 仔 ， 自 以 為 是 萬 人 迷 ， 捲 入 徐 子 珊 、 楊 怡 、 陳 芷 菁 錯 綜 複 雜 的 戀 情 ； 二 子 甘 永 好 （ 林 峰 飾 ） 充 當 管 家 及 照 顧 細 佬 妹 的 責 任 ， 調 停 家 庭 糾 紛 ， 與 于 素 心 （ 鍾 嘉 欣 飾 ） 青 梅 竹 馬 ， 後 來 凌 至 信 （ 黃 宗 澤 飾 ） 介 入 。”