1-13(sun) 律政新人王II
好…“律政新人王II”睇o左三個禮拜…點都要講o下o既! 其實作為普通一套劇, 佢係ok o既…最錯只係用o左“律政新人王”呢個名…但又面目全非, 掛羊頭賣狗肉…令一眾“律”fans激死o左!
就係因為要有呢套所謂續集, 令到原本上一輯o既故事改變晒…廖碧兒本來好迷戀陳鍵鋒, 居然一個屈尾十掉低佢去o左外國仲接受埋其他人求婚…好夾硬! 好彩無交代到阿ben同ling ling o個pair…如果唔係更加唔該晒! 真係唔續好過續…次次d主角都無好下場o既!
睇“律政新人王”其實最吸引就係o個四個主角…今次無o左佢o地, 我真係唔明點解仲要用呢個名…?今輯個vincent都已經唔係以前個vincent...當年大家都會討論o下阿ben同vincent兩個男主角各有各好, 大家會點揀...如果係依家呢個vincent, 我諗都完全唔洗揀, 因為實在差太遠 (雖然就算係上輯o個兩個, 我都一定會揀大佬ben, 因為佢鬼馬d! 不過vincent都好吸引…佢包起架雪糕車去冧ling ling o個part, 又係得o既! 可惜現實生活中, 都真係無咩d咁完美o既人o架喇…!)
今輯個vincent就真係悶爆…我諗佢去到後段奸d會好d…我寧願睇急功近利d o既vincent, 都好過大悶蛋vincent, 佢同李詩韻o個part真係婆婆媽媽煩到爆!
不過佢一做番律師 (尤其係上court時), 就真係得番 (尤其見唔到佢個彷如頭盔的假髮)…好charming! 講對白好好聽, 咬字好清晰…係呢個vincent先可以同大佬ben有得揮o架嘛…佢o既口齒伶俐同馬國明/官恩娜講說話o既最大弱點-lililurlur形成好大對比! 平時都無咁覺, 但一o係court講台詞就好大差別! 雖然我係講過現實生活都好多律師講說話都lililurlur…但既然係一套戲, 當然就要盡善盡美d啦…如果要寫實, 咁不如叫d人走去court度睇, 唔洗睇電視啦…電視劇好睇在就係在於佢唔會似現實生活咁悶嘛!
仲有, 佢間chambers洗唔洗咁大呀? 上個禮拜頭o個集d雜誌話佢靠孫俐俐養都話o者, 靠個waitress養得佢幾多? 都真係無咩說服力! 不過佢個角色應該都係唔討好o架喇…呢輯擺明係要捧馬明同埋觀音娜嘛! 上個禮拜有一集睇馬明[目及]佢個女個副校長阿陸詩韻o個個樣…仍然令我想起上輯個變態佬…sorry, 無辦法…唯有話佢當初真係演得太~~~好~~~!!! 不過公平d講句, 佢都做得唔差, 官恩娜做o個個有錢女律師o既角色其實都ok! 最得意係做馬明個女個寶寶…幾得意喎, 做得幾好…起碼無另外o個d童星 (esp. jacky仔) 咁老積!
仲有陳山葱個“法庭怪客”角色都幾趣緻幾出…其實佢仲好樣過馬明 (齋講樣啦…人品或觀眾緣係另一回事!)…前兩集佢o個單repeat又repeat的“do you love me?”case係就係九唔搭八d, 但係咁多集之中最好笑! 笑死我! 不枉我特登趕番屋企睇o個集! 不過馬明忽然愛上觀音娜仲要o係法庭上向佢示愛o個段…over o左, 太天馬行空!
官恩娜係幾靚o既, 不過我相信佢比較難入屋, 情況同法拉一樣, 男人超buy, 女人見到佢就憎…咁我個人又唔太憎觀音娜…我覺得佢都ok funny! 同埋佢同馬明o個段好睇過陳鍵鋒+李詩韻o個段…嘩! 婆媽到想熄機…邊個寫o架佢o地呢段? 擺明玩佢o地!
呢兩個禮拜係好睇o左…上個禮拜講個老豆d遺產o既case, 又咩風水師又筆跡, 仲有無無聊聊o既“俾人摑vs自己摑自己”的case, 同埋陳山葱o個單“do you love me”case…都算ok好睇! 都係o個句, 如果當一套新律師戲咁睇, 我會無咁抗拒…除o左馬明, 楊娜, 鍾志光...真係仲有好多個上輯有份做, 今輯又被安排做另一d角色...上輯“斷趾案”個主角魯振順, 今輯又有份做法官, 仲有上輯佢o地chambers個秘書潘冠霖, 今輯又做bar妹…恕我睇得太仔細…無辦法, 畢竟我係一個“律政新人王”超級粉絲!
仲有, 有無人發覺當首主題曲變成純音樂版o係劇中播時, 個前奏勁似曾露德同俞琤o個首“天各一方”…?! Oh, 同埋12點重播o個套“翡翠戀曲” (我當年真係幾乎無睇過), 首純音樂主題曲, 都有d似同樣係由陳慧珊主演o既“衝上雲霄”佢自己o個首“插曲”…! btw, “翡翠戀曲”幾好睇喎, 個故事都幾得意, 同埋好似好耐人尋味咁…當初首播時我又係無睇到!
************************************************
以上o既review其實寫起o左好幾日, 以下呢段就係今個禮拜六出完蘋果o個篇後寫o既:
出o左之後有好多人問我係咪好憎官恩娜? 真係冤枉呀…法官大人! 我要澄清: 個heading唔係我寫o既…好彩有好多朋友睇完都話覺得同內文個意思唔同...嚴格o黎講, 如果大家睇清楚, 內容係讚多過彈, 因為o係報紙都唔敢太彈o架喇, 除o左係話套劇唔應該扮係“律政新人王”續集之外 (呢樣我諗無人唔認同)都盡量讚… 同埋, 我絕對唔憎官恩娜…我buy佢多過陳法拉好多 (個人喜好啦!)…話佢受男觀眾歡迎但女觀眾唔buy佢只係講個objective fact出o黎…今次真係sorry呀, 官恩娜!
同埋我都覺得陳山葱做得好好…不過交呢篇稿時陳山葱o個段戲仲未出…所以o係o個度讚唔到佢喇…我諗我個超級陳山葱粉絲friend都好失望…哈!
posted by 芒姐 at 10:43 下午
25 Comments:
芒姐~終於等到你講"律政2"了! 我好同意你既觀點，就係當呢套戲係新戲，呢套戲會ok好多。
其實見到而家既vincent，我已經聯想不到係當年個vincent，反而我有點將佢同"識法代言人"既阿dick混淆，可能兩個角色都唔多突出同埋d頭髮都係長長地(其實我初時唔知係假髮來架!係早排睇返你d post先知咋!唔怪得咁肉酸~!)。
仲有，第二集阿玉咪話"jessica又靚又叻"既，其實上輯明明jessica都唔咪走呢個路線，咁都算了，當阿玉自卑啦。但後來有段jessica打俾vincent，佢又真係變左"又靚又叻"，完全令我聯想不到佢係上輯既傻大姐jessica，雖然客串都唔駛變得咁唔同。但話說回來，可能而家睇慣bernice同陳豪，假設今輯叫佢同samuel扮情侶，應該都幾怪。（正如samuel之前同葉璇同阿佘扮情侶，而家一定勁姊弟戀）
另外我睇睇下官恩娜都ok，呢個十三點角色幾岩佢，幾得意，我都ok鍾意。不過佢講野真係好lur，聽得好辛苦，講英文好好多。
係啊，在阿玉間cafe咪成日有兩個律師串vincent既，其中一個好似叫阿ben啊!仲有，我唔記得邊集，有個對家既律師好似來自HK Firm，不過呢個唔肯定，唔知有冇聽錯～哈
老實講, 以前我超憎馬國明, 由[律政新人王]個變態佬至[非常外父]個高威利至[同撈同煲]個鄧鏡塵, even到舊年佢拎左個飛躍進步獎之後, 我對呢個人依然無甚好感, 但睇過[律2]之後, 我真係對佢改觀左好多, 冇諗過佢會做得咁好, 或者應該話好過我想像之中好多, 以佢嘅外型, 要飾演一個流氓得來有d型嘅律師, 應該好有難度, 不過佢已經做得比我想像之中好好多, 同埋直覺佢戲外應該同飾演佢個女個細路女相處得幾好, 因為睇得出個細路女好似真係幾鍾意佢咁。
我都唔憎官恩娜(老實講我覺得法拉姐姣佢好幾倍), 同埋, 相比起阿曹敏莉同徐淑敏果d拍喊戲拍到好似響度笑緊果d, 其實官恩娜都已經好唔錯架喇。
同意vincent同李詩韻條線真係悶爆, 同埋陳鍵鋒個頭真係完全唔知想點!
芒姐d意見都好中肯, 我唔覺你討厭官恩娜呀!
hi...又係我呀...你果然又係得個踩字...唉...其實我覺得套野都算幾好睇...至少好睇過哥斯拉(個人覺得),同意你忘記"律1"ge態度去睇呢套野,就真係會好睇好多,反正而家d人都唔記得第一集係咩啦...
係wor...你點睇勁歌(1-12)個結果呀??
同意同意同意！
我都覺得自己麻律2係因為我仍有律1既影子！你講得岩, 如果唔當佢係續集或佢唔用返呢個名既, 我會睇得順眼D。不過, ELLA係做得OK架, 佢係幾襯做有錢小姐 :P
唉, 真係還我vincent啦! 今集既vincent同上一集唔同左好多! 真係睇ella同馬明好過睇vincent呀! 不過你講得岩, 佢地2個上到count就唔夠vincent出囉。
哈哈哈講真, 芒姐你真係勁x100熟律1呀! 勁details既你都記得! *0* 果然係電視精!!!!!!!!
btw,
有冇睇勁歌總選先?
嘩! 真係嚇親我呀有d獎!
都係果句, 真係抵stephy唔抵, 佢首電燈膽始終都係被遺棄! 我真係唔明男人ktv幾時變得咁hit囉!? 如果真係好似你上篇blog所講既"鄧 麗 欣 的 《 電 燈 膽 》 本 來 也 有 獎 ， 但 其 所 屬 金 牌 唱 片 卻 寧 將 獎 項 轉 給 得 寵 的 側 田 ， 故 將 獎 項 分 給 了 《 男 人 KTV 》 。", 咁我真係唔明paco既心意喇。惟有祝stephy o係港台有收穫啦! [ 再次認為stephy一有獎就會哭成淚人! 因為佢呢期真係俾人笑得太勁喇 ]
其實我見honey都有獎, 真係有一刻細契會拎返個獎架! 話哂佢而家係親生既, 而且首歌又真係hit過。 點知冇. 噢喔!
另外頒錯獎果野都好失禮下. 皆因我覺得佢真係擺左烏龍而唔係特登既。
重有呀! 其實歌手係咪一早知自己會有獎拎同拎咩獎? if not 容小姐唔會換哂衫帶齊dancers架喎.....
不過最驚都係twins拎亞太區最受歡迎女歌星! 唉...估唔到真係冇人成咁...-_- 重有呀, 我好有疑問。 點解佢地明明係組合但又可以係"亞太"呢d solo獎既? 咁係咪E02果D都可以角遂"男歌星"架? 咁如果有組合係有男有女又點計?! -0-"
哈哈我好多問題 ;P
就算唔當律政2係律政1既延續黎睇 律政2都係唔及律政1 律政1每一方面都做得好好 主副線都好精彩 甚至連阿娜姐果條線都好好睇 四位主角性格描繪得好鮮明 都有吸引人既地方 而四個都做得好好 真係演活到個角色同四種不同的律師 愛情線有心思得黎又唔婆媽 同律政呢碟主菜既比重balance得好好 所有野都係perfect match
今集唔係唔好睇 都ok既 有一定既可追性 首先d角色吸引力大減(唔係講d演員) 上一集作為女仔既我真係會諗揀大佬ben好定vincent好 呢集係2個都無興趣 mk太衝動太咸 vincent又變哂 同埋好似focus少左係d case度 反而成日走去講馬明同佢個女 vincent同阿玉 有d 煩 少左好多"律政野" 我記得上一集真係會跟進佢地點樣去prepare for d cases,搵證人等等 感覺真係同佢地一齊打官司咁 好親切 又學識好多律政野 呢集focus 少左好多係呢d野度 愛情線尤其是vincent+阿玉真係好婆媽 係TVB一貫用職業包裝愛情劇既毛病 我依家睇律政2好大程度上真係為睇馬明 佢真係脫胎換骨 抵讚呀
講埋勁歌 真係好驚嚇TWINS拎左亞太囉
有D戥KELLY唔抵 曾經同佢地拎埋同一個獎
林峰拎新人男我都戥佢開心 畢竟佢真係識唱歌 係海外內地都有人氣 好難得一個藝員既碟咁賣得 係TVB近年捧既小生最成功既一個 TVB係偏幫親生仔架喇 或者比個銀佢D人會GUR D 但我覺得吳唱K咁既唱功都有個銀 林峰咁樣既資歷拎金真係OK 喎 上到D討論區見到D人爆哂粗咁插佢 佢真係幾慘囉 佢都係TVB既一隻棋黎姐 講造馬HONEY先係最離譜啦 佢果隻十年後的你真係只會係TVB出現 咁就叫傑出表現 仲令人費解
學 警3苗僑偉演反派 劇情交代郭羨妮死了，所以陶大宇及容祖兒鰟條铫不會繼續發展......
Hi Mon jeh,
After watching several eps of "律政2", I am curious about your professional life. What type of xxxxxx are you? The one that can defend on high court (like vincent) or the other one (like MK and Lily)?
忍不住想說說Vincent，
他在開頭的戲裡，哇！
真是十足十似一個自閉仔，
搖頭再加點頭，再不是就望你一眼即轉開，
真是一絕！
除了阿Ben，我最喜歡的就是他了。
他給人的感覺真不是同一個人，
我覺得好可惜。
他明明有天分可以做得更好，
但卻被安排這麼不討好的角色。
所以我現在都沒有追開了～
Wendy,
係呀, 本來vincent個角色都好吸引, 如果"律1"唔係有阿ben呢個更討好o既角色, 佢真係殺晒...但今輯呢個vincent變得婆婆媽媽, 好鬼煩...佢同阿玉o個段真係睇到人想熄機...寧願睇mk同lily喇!
shaw_mag,
sorry, i've edited your comment a bit (replacing sth w/ xxx)...don't want to be searched on the related topics in the search engines...hehe!
...mk/lily (in fact i prefer ling ling/jessica)...hahahahahhahaa!
匿名,
學警3?!
匿名,
咁當然, 即使pit開"情意結", "律1"都真係拍得出色過"律2"好多...所以"律1"當年先可以引起咁大迴響...正如你所講, 每一條線都做得好好...愛情, 親情, esp.四個年輕律師的友情同埋一齊為d case而努力, 真係睇得人好投入同感動...仲要d case都好過今輯好多...同埋講o左十次都要講, 所有配角都做得好好!
"我記得上一集真係會跟進佢地點樣去prepare for d cases,搵證人等等 感覺真係同佢地一齊打官司咁 好親切 又學識好多律政野"...好同意, 當時仲未出o黎做o野o既我都學到好多o野!
林峰@勁歌事件...哎...總之就係慘, 留番下一篇講...
christy,
係呀...超鍾意"律1"...真係勁熟o架! 前幾日睇蘋果話有網友報料話郭峰上一輯做vincent個師傅, 今輯就做lily爸爸...我都漏o左呢個添!
哎...stephy慘到無影...佢真係承你貴言, 港台有獎喇...仲要真係哭成淚人...好勁呀你, 估o岩晒!
細契又係無理由無獎, 分多個俾佢都唔會死o者!
我覺得太部份獎d歌手都係知o既, 不過可能未到最後一刻都仲有變數 (e.g. 同唱片公司傾唔掂), 所以不能坐定粒六...但都十拿九穩囉!
twins好似都係烈入女歌手, 所以都可以拿亞太女o既...所以你o岩, E02係可以角遂"男歌星"架?
"咁如果有組合係有男有女又點計?!"
...呢個真係唔知...哈哈...可能tvb都未諗...到真係有d咁o既組合又可以紅到角逐呢d獎, 佢o地或者又會再set一d新準則出o黎...
Patrick,
我覺得好似係你鍾意踩我多d囉…哈哈, 講笑o者! 我衷心多謝你留言俾我…真o既! 其實我都唔介意俾人踩, 有人鍾意就梗有人唔鍾意o架啦, 一個人無可能討好晒全世界! 我唔敢話我好中肯, 但相信偏激又未論到我呀? 雖然我o係呢度都係走尖酸刻薄路線…哈, 無所謂啦! 每人觀感唔同!
勁歌112下篇會講…其實一如所料, 驚喜不多!
匿名,
哎...多謝你明白我!
係呀, 其實馬明同官恩娜第一次擔正算係唔錯, 講真, ella第一次做電視o係"酒店風雲"o既演出算係好得o個隻, 不過係個形象不大討好...但個人認為好過法拉好多!
我強烈要求陳鍵鋒個換過個假髮...佢當年個短髮超靚仔!
同埋個小朋友真係做得幾好, 唔知佢o係邊度出o黎呢?
紙巾,
係你啦...我記得你都係"律1"fans!
好同意呀! 依家o既vincent係似"識法代言人"o個個多d, 無論係角色性格定係髮型!
哈哈...可能阿玉覺得jessica比起佢點都算叻d o卦? 不過o係第二集出o左五秒o既jessica, 又真係變到極度強咁喎...似"妙手3"的betsy多過傻大姐jessica囉!
係呀, 官恩娜講英文好d...佢d法庭戲係超級lur...唔做法庭戲時自然好多! 一去到court, 又係vincent殺晒!
我認為陳國邦得角色很出.他這幾年都是演陰險小人或是懦弱的角色.這一次他演個很man
的大孫大很有吸引力,很討好. 沒有留意這裡有人提起他,所以特意留言to give him credit for his great acting! 我覺得他這個角色讓我們可以擺脫對他baby face的那種框框. 看到他也可以演很正派,很討好的角色. 他真的只欠東風!
還有李子雄也很出,沒有看過他演小男人的叫色,把那個選擇恐懼症演得很真.
其實,我覺得這套戲不錯呀...cases都不是好爛呀.也許大家是對這套戲有太多以前的包袱了. =)
我覺得套劇尤其係配角做得幾好呀! 陳國邦, 李子雄, 馮素波, 甚至法庭怪客(真係勁好笑! 唔知佢地有冇NG)...馬國明演得好討好, 同寶寶又好對到戲.
至於官恩娜, 我覺得佢表演合格有突. 其實D人話佢姣我覺得幾唔公平 (雖然佢有拍雜誌艷照), 起碼好過"英皇由美子". 有一晚我係灣仔放學撞到佢同班朋友一齊, 我一眼望到就認出佢, 佢又望左我一眼見到有人路過"稍"眼認到佢, 但都冇話遮遮掩掩.(做明星就唔同得朋友去街咩?) 光明正大!
芒姐,我都係律政1的超級fans,都唔知睇過幾多次. 呢套劇真係好出色,除咗四個主角都做得好好之外,配角同劇情都好得,例如洪爺同娜姐條線都好好睇. 四個主角性格鮮明,搞笑正義的大佬ben同自信又pro的vincent,你話呢個世界上邊有啲咁正的男人? 最鍾意大佬ben幫阿輝上訴嗰段,之後同約ling ling同阿輝見面解開大家心結,成套劇都好有人情味,大佬ben嗰份正義感迷死幾多女仔!
唔係話律政2完全唔得,但係打住續集的旗號係一個錯誤. 當一個完全無關的故事咪算囉,夾硬留番vincent係度,但係jessica又無端端走咗,重連阿爸都去埋...就算智叔無係無記都唔洗搞到個角色咁.之前好charm個vincent唔知去咗邊,行行企企,雖然有交待佢重停緊牌小心言行,但角色無晒上輯的深度,係好可惜的一件事.
其實馬明同官小姐做得唔錯,錯就錯在用咗律政2呢個名,熟識律政1的好自然會將兩套的角色同劇情比較,相對下律政2有啲過咗,好似係法庭示愛,太超現實,無咗律政1最殺食的人情味.
可能我有啲主觀,但作為律政1的超級fans,覺得vincent呢個角色浪費咗,samuel變咗大配角,慘! 同李詩韻嗰度悶到想轉台,實在太令人懷念上輯浪漫到震嗰個vincent.
見芒姐講開阿峰,我真係好開心佢攞到新人奬,因為佢唱歌真係好得.除咗佢啲新歌外,到依家我部ipod重有佢首"忘記傷害". 等佢出碟等咗好多年,但佢真係俾無記玩到透,好心佢得奬個刻鏡頭就唔好影某小姐啦,驚死第二日記者無嘢寫咁. 其實以阿峰的實力,攞金有乜咁奇,而家都唔知應唔應該攞呢個奬囉.
"上個禮拜有一集睇馬明[目及]佢個女個副校長阿陸詩韻o個個樣…仍然令我想起上輯個變態佬…"
我都要say sorry！同一感覺！真係冇辦法pit甩！
紙巾呢句好搞笑："正如samuel之前同葉璇同阿佘扮情侶，而家一定勁姊弟戀"。
男演員永遠比女演員著數！女仔點解老得咁快？
不過黎姿又好後生！keep得好好。
btw,想問下《不死傳奇》首主題曲係邊個唱？叫咩名？好鬼熟，但係又唔記得。
++,
哈哈...馬明上輯個角色未免太深入民心!.
哎...男女係好唔公平o架喇...尋晚睇三哥同三嫂o係無綫個特輯再次一齊演出, 三哥仍然好後生, 但係戚美珍真係不得不承認係老o左好多...真係無法!
《不死傳奇》主題曲? 無留意添, 等我下集聽o下先!
kiko,
係呀, 你講o個段"大佬ben幫阿輝上訴,之後同約ling ling同阿輝見面解開大家心結"真係唔錯, 大佬ben一家人都好好, 真係好做到一家人的感覺!
其實如果今集係要捧新人, 無埋vincent會仲好, 咁樣留番佢o係度但係性格又變晒, 完全破滅了大家心中的形象...真係sorry晒!
艾麗絲謝 Agnes Tse,
哈哈...十分同意d配角做得好好! 陳山葱個角色好出...o個句"do you love me?"笑死我! 仲有寶寶真係做得幾好...雖然唔係話特別得意或靚女, 但係好自然, 好過之前o個幾個出名童星好多!
konglei,
陳國邦d戲其實不嬲都好好...早o係九十年代初佢都已經算係二線 (e.g.我好鍾意睇o既"今生無悔"...佢個角色又係好出), 今次當然都係交到水準...
係呀, 李子雄同陳秀珠都唔錯呀!
d cases就...一單單啦...初期o個d都幾無聊o下...中段好番少少...
++,
re: 不死傳奇
我睇番喇...如果你係講節目一開頭首歌, 應該係"明星"...葉德嫻唱過, 哥哥唱過, 陳潔靈仲有many others都唱過...
發佈留言
<< Home