12-18(tues) 兩妻時代
好耐無睇黃金時段的電視劇, 套“兩妻時代”差唔多做完, “建築有情天”都做到第三個禮拜, 我兩套夾埋都唔知有無睇過5集! 唔係話佢唔好睇, 而係夜晚好少o係屋企, 又無錄影機…居然可以幫我戒o左少少呢舖追電視劇癮! 依家每晚必睇o既, 反而係深夜的“妙手3”! 雖然兩年前先力追過, 但“妙3”的確係幾好睇, d對白寫得幾好, 而且d主角全部我都幾buy (唯獨係吳啟華同黎姿o個段真係麻麻)…依家進入結局篇仲好睇, 而且個時段fit晒, 返到去沖完涼舒舒服服坐o係度睇呢d劇就最perfect喇!
“兩妻時代”同“建築有情天”都有試過唔覺意larp到兩集…其實都唔太差! “兩妻”入面bobby同湯盈盈+toby o個段可以唔洗睇, 完全無興趣…反而有日唔覺意睇到陳芷菁同黃浩然o個段, 又出奇的ok, 同埋初期講“如果愛”幫d人相睇/大變身有時都幾好笑!
今次話連收視福將歐陽波比都俾兩位女角拖累, 收視仆直…之前佢無論拍邊個, 都係戰無不勝o架嘛! 真係估唔到toby同湯盈盈有咁大影響力!
阿toby小姐最錯就又係被捧得太快, 夾硬俾佢做女主角, 仲要係有老豆撐腰, 咁你未做大家已經會戴有色眼鏡睇你…再做埋就更加唔洗講! 其實女生宿舍年代我幾buy佢, 唱/跳都ok…不過做戲就一般啦…新人o黎講又未至於d人講到咁一文不值o既! 但慘在無觀眾緣, 咁你做咩都係唔得o架喇…同埋捧得太快, 少不免會令人反感…情況同“愛將三人組”-amigo, honey, 貽興王一樣! 再加埋你係藝人下一代靠老豆上位…又係另一“死罪”…今次真係愛佢變成害佢喇! 佢可以點翻身? 我未諗到…或者你幫佢諗o下啦!
湯盈盈第一次執阿“狐妮”二攤做女主角, 點知收視就仆直, 睇o黎都唔會有下次喇! 湯盈盈其實我係ok buy佢, 睇佢做訪問個感覺好sincere, 好謙卑, 同埋佢兩年前做李笑好又真係好估佢唔到, 直頭係睇o左成集都認佢唔到…係後尾上字幕先嚇o左我一跳! 可惜紅o左一陣又跌番落o黎…真係時也命也…同埋真係不得不承認, 佢的確無咩“一線格”…佢係做配角時, esp. 狐狸精的角色反而搶好多…sorry, but that’s the truth! 今次佢做主角真係怪怪o地咁, 當然, 我個人會prefer睇佢多過郭羨妮o既!
至於“建築有情天”…真係只係larp過一集多d...睇過o既朋友話ok好睇, 可惜我未有太多機會睇! 但有楊怡我都幾ok, 方中信雖然老o左好多, 但依然仲有d型o既…雖然我都係最buy佢十多年前同關詠荷做o既“廉政英雌”!
原來今個禮拜開始深夜3點幾重播“都市的童話”…應該係一晚播兩集o個隻! 我都有d期待睇o架, 雖然其實呢d太童話故事式o既劇又唔太係我杯茶 (sorry, 朱茵小姐更加唔係我杯茶)…但畢竟我由始至終都無試過好認真咁睇一次 (雖然我都知佢重播過好多次), 首播時每晚要去練歌無得睇, 到下午重播時又唔係特別想睇, 但到o左依家咁多年後, 反而又想睇番! 或者要到禮拜五同埋下星期d公眾假期先得喇!
畢竟“都市的童話”都係好多90年代年青人心目中o既童話故事, 所以好多我o地呢個年紀 (或者再細少少) o既朋友好鍾意睇…所以我又去學人集體回憶o下囉! 同埋最正係老黎首主題曲“傻癡癡”…真係好夢幻咁! 但唔知點解呢首歌當年好似反而無入到季選, 可能因為要俾同期的“原振俠”主題曲“原你今夜別離去”, even好似無咩大hit過添…但其實我真係覺得好好聽喎!
仲有呀, 上個禮拜臨放工時間收到我舊秘書小姐的電話, 話o係佢公司樓下見到林峰, 可能拍緊o野定點…咁我放工無耐即刻走去煤氣燈o個條街八o下啦, 點知已經唔見o左 (雖然仲有d人o係個lobby度好九唔搭八地drinks reception..?!?!?!)…oh, 我o地又緣慳一面喇!
posted by 芒姐 at 12:50 上午
13 Comments:
mon姐有冇睇星期日晚電視風雲五十年特別版呀?好正呀,找返一班做歡樂今宵的人來講歡樂今宵,吳麗珠,麥景婷,盧海鵬等又找返三個n年冇見過的主持(陳欣欣,廖文蔚,盧希萊)講返今日睇真d那時候的時,呢個節目真係好好睇!
至少唔會好似無線d節目咁唔可以講"亞視","有線"個名同埋只係得讚自己無線咁,亞視呢方面真係比無線好好多!!
係呀係呀, 我又係好鍾意「傻癡癡」呢首歌架! 而家聽番都會有好浪漫o既感覺~ 我果時仲特登走去買左部cassette機, 同埋黎明餅cassette帶添~(我成世女第一餅cassette帶啊!!!)
果時我覺得林文龍好斯文兼超級靚仔, 朱茵都ok o既, 係自從佢唱左首「xi i ji」兼行性感之後先唔得左之嘛~!(朱茵fans, sorry晒~)
xi yi ji 先o岩~ ohoh~
其實我都好鍾意《都市的童話》,同埋我幾buy林文龍
朱茵其實老早已經行性感, 基本上佢唔洗扮老鼠之後就已經立即行性感, 你望下佢喺黎明個mv裡面嘅衣著打扮就明架喇!
mon姐
哈哈好耐無留言喇亦都好耐無見你喇, 你而家邊頭返工呀? 搵日出黎食lunch 丫!
我中一同中二真係好鐘意黎明ga, 我都係由個時都而家都唔明點解佢最好聽的歌都唔太hit, 包括「傻癡癡」同「我會像你一樣傻」(MV好似都係朱茵?), 仲有中三時的「藍色街燈」,超好聽,有plug 但一直都hit 唔起,唉!
我係桃桃呀~
哎....你唔講都唔知tvb重播都市的童話,miss左幾集tim....當年真係好鐘意的，之後試過中午重播我仲錄低晒添,可惜...兩次都係miss左個大結局...只係首播時o係豐澤睇左last兩分鐘...仲要無聲的...
果時得十歲,好似第一次睇到sad ending所以特別深刻卦
NEVIL,
哈哈...我都係多得朋友話我知先知道佢重播...不過我都係無得睇, 因為太夜做喇! 等放假我會試o下睇番幾集...佢應該得廿集, 咁即係做兩個禮拜會完!
Crystal,
好...搵日食lunch啦...email你!
我都記得你話好鍾意老黎..."我會像你一樣傻"我都好鍾意, 尤其佢唱到"一樣傻"三個字會將個頭fing左fing右幾o下...好cutie! 都話當年o個隻"傾情之最" (定係"傾城之最") 盒帶係十分好聽, 隻隻歌我都好鍾意!
匿名,
你講得o岩, 佢都應該係一開始就行性感, jeep jeep 鼠時佢係無得揀同埋唔係維持o左好耐o者...但其實我反而係最頂唔順佢把聲!
茵,
林文龍o個段時期係幾討好...我最鍾意"龍的天空"裡面o既佢!
g_amazing,
我都有黎明餅精選casette帶, 有晒"對不起我愛你", "夜夜夢中見", "如果這是情", "相逢在雨中"等hit歌...正到爆...佢o個時揀d歌真係好得!
"林文龍好斯文兼超級靚仔"...呢個認同! 朱小姐就...其實我覺得唔關行性感事...個人意見!
笑哈哈,
我都咁好彩返到去睇到後半部少少啦...係啦, 都真係唔錯, 有咁多嘉賓, 仲要兩台都有代表...幾強啊! 都話呢個節目值得推介o架啦...
發佈留言
<< Home