2007年11月25日星期日

11-25(sun) 初戀無限TOUCH

嘩! 禮拜三晚o個集勁歌嚇死人…三位整容“美女”唱歌+扭動蛇腰嚇到我! 仲有阿gill o既歌藝都真係…哎…反而阿sa好o左, 好大contrast! 都係講番上個禮拜o既勁歌…居然見番久違了的“組合”…就係比孖生兄妹更似孖生兄妹o既陳曉東同梁詠琪!

真驚喜! 驚喜在我曾經好鍾意睇呢對孖生兄妹o既組合…又係“少年回憶”的一部份! 真係回憶返埋o黎喇!

本來我以為東東 (佢後來叫人唔好咁叫佢, 話好似好低能咁, 要人叫佢阿東喎…但係我都係覺得東東呢個朵最深入民心! 我對佢最深刻o既印象仍然停留o係“一次真愛追尋一百次”, 又或者係同kelly加埋已經唔知改o左幾多次名o既陳建穎一齊合唱“打開天空”o既跳躍東東, 仲有96年維他奶主題曲“了解你的所有”的懶可愛東東) 會唱番幾首歌, 我最想聽反而係快歌“結他”或者“心理遊戲”…你估我唔到呢! 點知得o個半首, 仲要係同gigi合唱“幾分鐘的約會”!

gigi話好多謝東東o黎做佢嘉賓…“勁歌”得o個半個鐘, 佢自己都係唱得兩首歌 (但每首得一半) …仲請嘉賓? 其實又唔似係佢自己請東東, 似係tvb請佢兩個上o黎搞o下gimmick, 因為佢兩個呢十年來都唔似有friend過 (雖然佢o地claim大家好friend, 同埋佢o地真係打孖上o左勁歌不下數次)! 我記得96年尾有集“週點”請o左佢兩個上o黎 (好似同一晚“勁歌”都有佢o地, 但唔sure!)…佢o地排排企真係好鬼死似樣, 11年後o既今日, 都無咩變, 依然好似! o個時佢o地仲未拍“初戀無限touch”, 淨係似樣o者, 佢兩個好生疏 (仲有個觀眾phone-in話提議佢o地兩個可以一齊拍親熱戲喎…點知之後真係有人搵佢o地!)…雖然拍完都唔見得佢兩個friend o左好多, 當然都有懶係傳o下緋聞, 但似係fan屎們一廂情願想佢o地o係埋一齊多d…包括當時的我!

十年後o既今日, 依然好似樣…佢o地會唔會真係失散o左?! 好似睇過訪問話gigi有日搭飛機睇到本雜誌封面以為係自己, 點知發現原來係東東, 真係似到你唔信! 其實當年係鍾意gigi先, 佢96年做新人時, 我是十分喜愛她的…覺得佢好靚好清純, 雖然唱歌走晒音, 但佢當時隻主打歌 “愛自己”, 我到依家都仲係好欣賞! 詳情可以睇番呢度:


http://hejnom.blogspot.com/2006_01_14_archive.html

其實我都唔係由一開始就咁憎好勝gigi, 仲曾經好熱愛佢添 (講出o黎都驚俾人噓呀!)! 96年佢候選新人獎, 我反而係支持佢而唔係楊千嬅! 仲記得當年叱吒新人獎係邊幾個?嗎? 女金: 梁詠琪, 女銀銅應該係千嬅同何超儀是但一個銀一個銅啦; 男金: 鄭中基, 男銀: 陳eason, 而男銅居然係 “大飲茶”主持李中希…你真係估佢唔到 (拉得緊, 又得狠狠…)…

當時好多有梁詠琪o既節目, 我都會錄起添o架 (當然, 往後完全無興趣睇番)…所以話image係好緊要, 佢o個時雖然唱歌唱到走晒音, 但係形象清純可愛…佢當時plug o既“愛自己”同“某年仲夏”, 到依家我仍然覺得好好聽, 睇“初戀無限touch”, 都係為o左梁詠琪 (雖然o個期o既東東我都幾buy)…中六那年我破天荒剪o左個短髮, 都有一半係因為佢! 哈哈! 因為當年真係“重未如此”興過短髮, 咁又覺得真係幾型幾潮幾方便, 洗頭又超快, 但每日要gel頭返學確係有d麻煩! 不過我真係覺得o係o個段時間剪o左個短髮係超明智之舉…人生點都要短兩o下髮o既, 呢個係perfect timing!


當然, 到後來已經開始發覺佢o既“趣緻”之處, 詳見 “輪住o黎試on behalf事件” …再之後o既“奪面雙琪”事件就更加唔洗我多講啦!


(芒姐最愛的gigi歌: 愛自己)

之後 (其實都係o個排, 即96年尾) 有日去k見到陳東 (唔係陳東師傅, 佢有一期都好似係有呢個朵) 首“結他”mv, 真係有d“驚為天人”…喂! 原來佢跳舞都ok喎, 仲幾放添! 於是首“結他”仲成為埋我o個期唱k熱點歌曲, 繼而推介俾我身邊所有朋友)…仲對陳生有少少改觀, 再到97年頭有幾晚睇“翡翠音樂幹線”見佢做訪問, 居然又“脫胎換骨”o左, 好似豁o左出去變o左第二個人咁, 出奇地搞笑同埋有問有答, 唔係好似初出道“一次真愛追尋一百次”年代咁淨係識得cutie笑, 於是我知道佢原來一開始只係扮晒o野或者係唱片公司幫佢營造o個個image, 真人原來都ok funny, 所以又加o左d分! 再加上佢o個排plug o個幾首“猜猜猜”, 旅行社主題曲 “在乎你感受”都幾好聽! 之後又o黎多一首快歌仲懶野性o既“心理遊戲”, 我覺得佢真係跳得唔差同埋首歌都唔錯!

當然, 佢咁多首歌之中最好聽o個首, 我依然覺得係唔算大hit過o既“愛你躲你”…真係好好聽 (企圖o係youtube到search呢首歌, 但搵唔到粵語版, 淨係得國語版…最記得係tvb版mv係o係times square拍, 女主角係鄺文珣…唔知點解好記得!)! 仲有後來的“心有獨鍾”, “水瓶座”都唔錯呀! 佢98年隻精選avcd, 都係陪伴我度過a-level的其中一隻主要cd!


(長kai lai又懶有故事性的k版“心理遊戲”…當年呢個mv我o係k都睇/唱過無數次…仲要留意o係mv做“奸角”的陳展鵬!)

補充資料, 又可以睇番呢度…

http://hejnom3.blogspot.com/2003_01_17_archive.html

記得20周年o個時, 我都有同同學仔一齊去. 當時係我第一次現場睇中文金曲, 都幾精彩o下…因為除o左o個年d金曲外, 仲有d廿週年特別獎, 好多o野睇, 由8點做到12點…好抵睇! 仲要係我o地一行出紅館, 居然撞o岩成班歌星行出o黎去慶功宴…咁梗係 “賴死唔走” 咁霸個好位去睇明星啦…見到東東呀, 千嬅呀, 霆鋒等等 (其實唔係好記得exactly仲有d咩人囉…係呢幾個比較深刻! 因為o個期幾鍾意東東…d歌幾唔錯o下… “心理遊戲”, “結他”, “愛妳躲你”, “猜猜猜” 等; 佢o個期出o既精選 AVCD亦係我唯一買過佢o既碟, 聽到依家都仲聽緊o添! 仲有佢套好cutie o既 “初戀無限touch”…我覺得佢o個期真係幾掂! 至於千嬅, 亦係o個期最鍾意o既…覺得佢好得意, 個人好真…依家嘛…um…! 仲有97年佢有首大熱 “再見二丁目”, 亦係我o既心水選擇! 當年見佢拿“飛躍進步獎" 已經好戥佢開心, 反而依家拿慣大獎仲無咁“矜貴”! 霆鋒嘛…當時佢攞新人o既霆鋒俾人 “hur” 到7彩, 同今日o既 Juno有得揮…見佢咁…反而幾係同情!)…估唔到, 原來唔止十年人事幾翻新…五年人事都可以好 “翻新”!



(初戀無限 Touch 預告片…我o個時睇呢套戲都o係度等呢個場口, 點知睇到最後都無…原來係特登拍o既宣傳片o黎o既! o個時好似有本雜誌送呢套劇的特刊, 封面就係呢個scene…)

又因為兩個主角我都喜歡, 所以當開拍“初戀無限TOUCH”時, 我都真係好期待o架! 雖然去到戲院睇時, 又覺得劇情有d“攞命”, 尤其o個d咩去haagendazs交換yearbook呀, “你喇叭? 我喇叭!”呀, 講s language呀 (以前f.1, 2 真係成日聽到d姐姐o係學校講s language, o個時心諗…你o地真係無聊到爆! 既然個圈子o既人都識講, 咁你係想講秘密o既話, 人o地都識聽啦…如果唔係講秘密, 咁係為o左show off就仲無聊, 你識講人都識講啦! 如果佢只係覺得好得意…呢個理由都好少少o既, 但又唔見得係好得意, 由始至終只覺得係“簡單複雜化”o既表表者, 明明8個音講完o既o野, 夾硬要發16個音!!!) 呀…都覺得好老套!

但再之後睇番, 雖然係肉麻當有趣, 但都幾cutie呀…“你喇叭? 我喇叭!”都幾好笑呀…仲有去o個間cwb哈根大師叫番個“從沒這麼愛戀過”, 又係趣緻呀…當然唔及我最欣賞的“LILLY LO COMMON”(really no comment)! 青春劇…係咁o架啦!

不過佢兩個未免太似樣…睇佢o地談情, 真係有d亂倫o既感覺 (sorry, 用詞有點露骨)!

又可以順手睇埋呢度:

http://hejnom.blogspot.com/2006_10_07_archive.html

好勝gigi就唯有再次好好勝地搵個法仔出o黎影張相…真係…好.得.意! 而比佢孖生細路同佢更似孖生o既陳曉東, 真係除o左個樣, 連d舉動都同佢一模一樣 (雖然我曾經o係“結他”同埋“愛你躲你”年代勁buy東東)…


又係經典重溫的時候…坦白說…又好似真係因為呢套劇, 先識得呢首“地下鐵碰著她…”:


(幾分鐘的約會@初戀無限touch)

12 Comments:

Anonymous MIC said...

我細個時又係超愛佢地兩個... 尤其陳曉東... 佢d舊歌我而家都仲成日聽...

仲有當年佢係牛津道拍飛虎雄心... 一場戲講佢同李中希係交通警... 李中希比人鎗殺... 我放學時見到佢拍跟住企係度睇唔肯走... 好想過佢叫佢但又怕醜.....

仲有果時佢好怕醜... 個個拍飛虎隊訓練d戲都無著衫... 佢就死都要搵d野遮住唔肯露...

4:41 上午  
Blogger Esaltato said...

一..一" 李中希又拍過戲又攞過銅獎架咩? 好難以置信喎。我記得佢係唱過兒歌,不過阿陳以誠醫生仲唱得好過佢。話時話,佢而家去左邊? 係唔係唔夠靚仔所以東張西望都冇預佢?
btw, 點解東張西望個個主持都係仔仔黎既?捧勁都係仔喎。

2:27 上午  
Blogger b said...

細個時都真係成日聽“愛自己“及“心理遊戲“!
<初戀無限touch>更係睇左十幾次....
諗諗下真係幾誇!

那時冇internet的生活咪就係YES!

原來這樣又一個十年了

4:45 上午  
Anonymous christy said...

嘩, 我發覺芒姐你d記性真係好到不得了! 好勁呀! 連果期出咩歌果個artist有咩搞作mv有邊個你都記得哂! 佩服佩服!
我對東東冇乜感覺, 只係果時佢同柏芝拍拖, 我覺得佢地都幾襯同埋有少少surprised.

呀, 估唔到果時eason都拎唔到男新人金反而係鄭中基, 更加估唔到唱歌好唔得既gigi leung竟然係女新人金! 娛樂圈呢家野真係估佢唔到。
不過咁, 初出道既gigi歌我都唔知點解幾鍾意, 可能佢果時真係太襯果d image喇, 當然, 而家佢再唱返果d類型既歌都應該冇乜人會再buy佢...

4:11 下午  
Anonymous van said...

我都唔記得係呢套戲定第二套,最記得黃偉文同人(唔記得邊個)互串(鬧交?)係咁來回"咩呀","咩咩呀","咩咩咩呀","咩呀咩呀",咩左成大半分鐘都有,個時睇好鬼好笑

東東我反而最鐘意"簡約主義","一萬年"都好正!

2:04 下午  
Blogger 芒姐 said...

van,

係呀, WYMAN同人互串爭行姐就係呢一套...雖然劇情係幾無聊, 不過又OK好笑!

12:26 上午  
Blogger 芒姐 said...

christy,

哈哈...係呀, 所以唔好得罪我, 會記你一世O架! 其實係因為O個排可能睇番D錄影帶, 如果唔係邊記得咁多呀...只係多珍藏O者!

當時EASON一D都唔紅, EVEN拿完銀獎都係唔紅, 係過多一兩年再加上903又勁催谷佢先開始紅...反而鄭中基一出道真係幾HIT喎, 可能因為有張學友同佢合唱! 所以真係娛樂圈呢D O野, 今日唔知聽日事!

12:34 上午  
Blogger 芒姐 said...

b,

佢O地兩個當時又真係唔錯, 金童玉女當之無愧! 同埋未免係太...似...樣...!

我執屋都搵到無數本YES!...

12:36 上午  
Blogger 芒姐 said...

Esaltato,

李中希唱歌好似又OK喎...以我從前的記憶! 不過我都唔記得邊間公司簽佢喇O個時!

佢無做"東張西望"喇咩? 我都無留意添! 咁佢個樣都唔算太差O既...

12:38 上午  
Blogger 芒姐 said...

MIC,

OH...可能佢覺得自己唔夠人O地型, 所以唔步除衫?!

佢O地當時個形象又的確係討好, 同埋D歌都真係幾好聽!

12:43 上午  
Blogger Domotoiceko said...

陳曉東初出道我唔太頂得順佢啲玉仔笑容,但初戀無限touch我又睇得津津有味…可能太襯個角色啦佢個形象…不過佢唱歌實在不賴,呢水佢出番呢確係幾開心…

同埋唔知我有無記錯,套戲最尾咪話東東a-level成功,佢拎住張成績單大叫話入到大學…但那時應該有japus…分開公佈架喎?之後睇番我和同學都有呢個疑問囉…

3:22 上午  
Blogger 芒姐 said...

Domotoiceko,

哈哈..."玉仔"呢個TERM好好, 好到肉! 我都係佢開始變番無咁懶CUTIE先開始覺得佢OK, 同埋"初戀無限touch"又的確係令人對佢同梁GIGI有好感...EVEN馮德倫都OK討好!

係咩? 我淨係記得佢拿住成績單去劉天蘭個生日派對度話俾GIGI聽佢考得好好, GIGI話但係佢考得唔好, 明天要去英國...之後有無講佢話拿成績單大叫入到大學我又唔記得喇...

7:14 上午  

發佈留言

<< Home