10-25(wed) 倫住o黎試
尋日睇新聞, 又有港台dj俾人拉o左…真係好核突! 今次係梁奕倫...其實一d都唔感到出奇, 因為一路以o黎都覺得佢個感覺幾cheap o下 (所有roland或者double r o既fans真係sorry晒, 請大家可以考慮o係呢度開始唔好睇落去!), 同埋o個ja什麼kawaii, shirley, 拿拿淋…個個“一擔擔”! 港台d dj真係想倫住o黎試…老廉d咖啡!
梁奕倫呢d咁o既成日巴巴閉閉但又無咩料o既人士, 實係得罪人多稱呼人少…都唔知係咪佢個反o左目o既好拍檔范振鋒舉報佢o既?!
“涉搵親友扮撰稿人呃公帑
DJ梁奕倫被捕廉署搜港台
政府銳意「整頓」的香港電台，再次爆出當紅唱片騎師及前節目主任涉嫌詐騙及貪污醜聞。廉政公署日前採取行動，拘捕包括著名DJ梁奕倫及其胞姊在內四名人士，疑有人在主持節目期間，一直報稱由自由撰稿人協助其撰稿及搜集資料，再利用親友假扮成「自由撰稿人」，向港台申領開支，最終中飽私囊，涉及款項數萬元，廉署已要求港台提供六十至八十張單據作進一步調查，不排除有更多人被捕。
被捕四人包括梁奕倫、其胞姊、一名前節目主任及一名前助理節目主任。消息透露，廉署早前接獲貪污舉報，翻舊帳指控數名港台職員多年來懷疑以親友名義，騙取港台的撰稿費及資料搜集工作等開支，於是展開調查。案件交由今年六月拘捕港台高級節目主任何重恩、DJ「拿拿淋」，以及前DJ「Kawaii」等人的廉署執行處Ｂ組跟進，並由該組首席調查主任何志豪統籌。
前節目主任疑知情不報
直到上周五（二十日），廉署分別邀請多名港台現任及前職員返執行處協助調查，當中包括現時在港台二台主持節目《萬王之王》的梁奕倫及其女拍檔曾淑儀，結果梁奕倫、其胞姊及兩名港台前職員在助查期間被捕。經過扣查後，各人已獲准保釋，稍後再返廉署報到。廉署人員同日並前往港台搜集證據，並要求港台提供及核實六十至八十張懷疑與案件有關的單據，調查單據上的簽名及批核情況。
消息續稱，廉署初步調查顯示，梁奕倫涉嫌於○一至○二年期間，在主持節目《倫住o黎試》時，報稱有自由撰稿人協助他撰稿及搜集資料，其後再以其胞姊的名義，向港台申報開支，涉及金額高達數萬元。而同案其中一名被捕的前節目主任，涉嫌曾經處理過梁奕倫的申報，並知悉內情。至於另一名涉案者，則懷疑在九六年至○二年期間，以同類手法騙取港台開支，金額亦達數萬元。
廉署發言人表示，不會評論個別案件。港台機構傳訊組總監陳敏娟則回應稱，現階段不便評論，只透露梁奕倫正在休假中，未知何時復工，曾淑儀則如常工作。本報昨日曾致電梁奕倫，他在電話中說：「我依家唔方便講，轉頭覆你！」但其後他隨即關掉手提電話。而曾淑儀亦拒絕就事件作出任何回應，更躲避傳媒追訪。至於目前頂替梁奕倫主持節目的羅啟新，則聲稱上周才接獲港台通知，要暫時頂替梁的崗位，惟他對事件毫不知情。”
其實呢…有一段時間我都曾經幾鍾意聽“倫住o黎試”, 幾乎係日日聽咁滯…不過係十年前仲讀緊中學o既階段! 但係佢之後愈o黎愈走火入魔, 自以為是, 走埋d肉麻當有趣路線, 成日以為自己係萬人迷, 真係好難頂囉!
記得大約96/97年, 佢個節目無聊得o黎有時都ok好笑, 成日請d年青歌手上o黎玩, 出晒名鍾意玩埋d騎呢核突o野…咁先可以搏到見報, o岩晒佢性格嘛!
我記得有一期個節目係玩叫d明星上o黎講英文, 每次兩個…仲有o個個扮鬼仔但其實聽真d佢d英文都唔多好o既李志剛化身“住o係山頂o既dr. alexander”教英文…最記得有一輯請o左好勝gigi上o黎 (當時佢仲未係好勝gigi, 只係o岩o岩去完台灣o既“短髮”“愛自己”清純少女歌手…我o個時仍然幾喜歡佢 [真係唔好笑我…雖然我都引以為恥!]!) 鬥何家淑女何超儀!
人o地何超儀雖然讀書唔成, 但講英文絕對好聽過佢! 佢就自以為名校 (因應佢d師妹要求, 叫我手下留情, 提到唔好提佢o地間學校名, 所以已經即時delete左喇!) 出身d英文好掂 (須知道名校都有一大jar英文唔多好o既人, 我都認識唔少)…企圖o係度拋英文! 最記得o個part係人o地只係玩講o下d casual o既英語, 無聊o既詞彙…佢就無啦啦講埋d咩“on behalf of my school”咁o既o野…真係聽到我眼都突埋!
雖然我o個時仲幾鍾意佢, 但我都覺得好核突囉! 人o地casual chat, 你就o係度懶formal, 點知拋o左幾句就拋唔到…o個集好似係測o下d關於去髮型屋整頭髮o既詞彙, 佢連perm都唔識…真係失禮晒成間學校! 咁都唔緊要, 你英文唔好真係唔係問題, 娛樂圈一定大把人差過你, 最大問題係你鍾意拋嘛! 點知俾人test多兩test你現晒形, 仲要輸到離行離列!
其實呢d遊戲根本就唔係話真係要測你英文好唔好, 純粹係搞o下笑o者…即係佢o地通常用d中文直譯做英文, 例如火雞叫fire chicken咁囉…純粹係搞笑…點知你就玩認真, 以為拋o下英文好威…咁都唔緊要, 最慘又唔係真係勁喎, 咪核突晒囉!
其實當年聽完呢個節目, 我都為o左我當時個“偶像”o既行為感到有d 難受, 戥佢[火羅]…不過其實自呢次之後, 我已經大約知道佢係咩人…佢“好勝”, 並唔係一朝一夕…只係到“奪面雙琪”事件, 先將之發揚光大, 全世界都知!
睇o左兩集“15/16電視迷大挑戰”…都幾好睇! 其實d問題都頗無聊白痴, 但係因為d嘉賓搞笑, 所以都幾吸引…阿葛真係笑死我!
所以話, 其實有時節目內容都唔係最重要, 係d主持同埋嘉賓先最緊要! 雖然森美小儀有時都頗多爛gag, 但偶然都ok好笑o既, 至少好過已經“走火入魔”以為自己好funny其實得罪人多稱呼人笑o既林曉峰! 佢真係應該向佢家姐阿哥再偷多幾年師先出o黎做首席主持lead住成個team囉!
佢o地成班“玩遊戲, 無難度”o既遊戲天王, 只係一片混亂, 同埋完全唔見得大場面! 林曉峰作為team leader, 轉數係ok快, 但好多時都over左…須知道“寸”其實係一門好高深o既學問, 要做到寸完人又好笑對方又唔會感到offended, 係好難o既一回事…佢仲未夠班, 同佢師傅獎門人仲差好多皮!
o岩o岩睇完今集勁歌金曲之“李克勤情訂演奏廳”…今次就無咩唱佢d經典歌, 但我想講o既係: 點解集集都要主持崔建邦唱番一兩首歌o既呢?! 話佢唱得唔好, 作為一個業餘o既人, 佢都算唱得唔錯…但既然佢都唔係歌星, 可唔可以唔好咩都叫佢唱一餐?! 阿陳總經理係咪想佢個契仔都要好似佢咁瓣瓣都要撈番餐…無論幕前幕後唱歌做主持拍戲都要見到佢兩位呢?!
仲有, 點解唱“告別校園時”o既時候, 字幕話首歌o既原唱係陳百強?! 係打錯o左定係呢首歌係克勤翻唱danny仔o既呢?!
*******************************************
(咁o岩居然俾我見到好勝gigi幅校園相…貼一日咁多啦! 經佢d師妹要求話費事眼冤, 貼完一日亦都刪除埋喇!)
(仲有佢個“情敵”蒙嘉慧…嘩! 佢以前個樣真係嚇死你啊!)
posted by 芒姐 at 11:38 下午
38 Comments:
你寫梁詠琪o個段真係笑死我! 當年我無聽呢個節目, 不過我記得報紙都有講呢件事(話佢英文差過何超儀好多), 面對記者o既恥笑, 梁小姐不但唔覺得自己樣衰, 仲仍然死撐, 強調自己會考英文有A, 只係離開校園後少o左機會練習咁話... 你講得o岩, 佢"好勝", 真係唔係一朝一夕!
阿葛真係令人好開心!
我發覺其實都有好多人唔妥崔建邦... 我曾經睇過一個演藝圈中人(應該係幕後人, 從陳百強、梅姐、哥哥o個個年代已經o係娛樂圈打滾)o既blog, 佢o係其中一篇entry提到:
「剛剛看到獎門人在下午娛樂節目的訪問,他拿捏一個靶的功力十分出神入化!
現在的電視節目主持人正值青黃不接的時候,電視台正猛力吹谷新一代的主持人,今天下午的這位就是一個力捧的男主持,看他平日訪問嘉賓的時候已經感覺他有點自持,把自己放在上靶位,昨天和今天的訪問看來是他的一個扣分位。
請來獎門人當嘉賓是因為電影宣傳,昨天獎門人在軟銷他的新片,這是無可否認的。
可是聽他舉例模範伴侶的時候就知道他的分吋,主持人偶一不慎的一句現代愛情觀就給獎門人按着在後半段當下靶打,拿他一句錯話整蠱他,把問題撐得離題萬丈,搞得他尷尬不已。
今天看到獎門人在錄影節目的下部分(今天的節目)明顯給他下台階的位置,但在這時候我看到男主持的疏忽。
雖然獎門人在今天談的話題和昨天截然不同,男主持還是沒有醒覺他在訪問今天的獎門人,把昨天當下靶的自己繼續表露於今天,我看到獎門人給他多個栒口上位他都未察覺,依我看來,他可以成為上靶的位置距離很遠!」
(http://say8por131.mysinablog.com/index.php?op=ViewArticle&articleId=264369)
佢提到o既o個位"受力捧的男主持"正是崔建邦... 陳志雲又真係捧佢捧得太出面o既!
你講林生個段真係好o岩，中晒Point！真係好想知個遊戲天王係咪完左？成班人柴娃娃向度嘈生晒，d嘉賓來來去去都係個幾個，都唔知搣個張紙搣幾耐，見到就煩。我唔介意繼續15/16落去o羅！
"遊戲天王"真係好不知所謂, 個節目由頭嘈到落尾, 李燦森毫無存在價值, 唔多青春0既「靚」妹超級市井, 林曉峰把口比佢本人個品格更賤多兩倍, 蘭茜行行企企唔知做乜, 個香港先生又唔知想點, 好同意樓上maple所講, 搣張紙都搣成幾分鐘, 點解一個咁爛0既節目都可以出到街?! 許冠文伯伯主持0個個節目亦唔慌會好睇, 佢成日以為自己好惦, 查實佢d所謂笑話, 0係80年代已經out晒, 佢根本就只屬於70年代, 何必仲要走出0黎獻世呢, 唔該佢慳d啦!
Monjeh
Love how you say "倫住o黎試…老廉d咖啡!". It's too 生鬼 and 到題. I like it!
And congratulations on the platinum record.
Agree with Moo! I just couldn't stop laughing when I read "港台d dj真係想倫住o黎試…老廉d咖啡!"... What a funny line!
勁認同!! 我都覺得李志剛雖然個樣生得鬼﹐但d口音其實好好港式。(同張柏芝一樣!!)係roland褒到佢好似英語權威咁!
我都對gigi講英文0個集特別深刻。我唔記得佢話on behalf of my school呢part. 但我記得佢話今日天氣好好係講"today's weather is very good"囉。我英文唔好﹐當時聽到﹐都覺得有d怪﹐心諗:係唔係啊???!
之後仲問佢修手甲同腳甲既英文係咩(manicure & pedicure)佢通通都唔識﹐但何超儀就識晒。一個人既出身﹐其實就解睇呢d細微細眼既野就睇得出。
佢跟本一出道就猛咁sell自己間母校。成日都0係campus出面拍野﹐連初戀無限touch都著番自己母校既校服!! (九成似!!!) 真係好怪囉。不過佢當年形象仲好清純﹐所以好似學校都無出聲。
仲有﹐芒姐﹐之前entry有提及你學校既﹐就寫得隱隱晦晦﹐寫人學校就大大隻字寫出黎!!好double standard嗟。。。:P
芒姐, 唔該手下留情, 唔好開我地學校名啦, (雖然好多人都知佢咩學校出身), 連簡寫都咪鬼寫啦, 就咁寫名校算啦~ 你放過我地啦, pls~~
仲有仲有, 張相見到都眼冤, 快d 整走佢~
我絕對以有梁小姐咁gei 師姐為恥...
是啊，我覺得李志剛的樣子像混血兒，但英文水準就...
不能相信他在電台節目中被視爲英文權威...香港電台的質素真的越來越差，所以我已經轉聼商台啦，而且只聼一兩個節目而已，因爲質素其實也很參差。香港的年輕人受電台的影響不少，怪不得文化水平那麽低。
梁奕倫同范振鋒有 oD咩過節? 講嚟聽吓哩~
另, 梁奕倫個樣真係幾寸又幾契弟!
芒妹：
唔好話讀名校都講英文「甩甩cut cut」，大把人去完外國讀書，所謂o既「浸過鹹水」，都「見到唐人講鬼話，見到鬼佬水啞啞」o架啦。
我o地中國人o黎o架，英文講得唔好無人會怪你。唔識咪唔識囉，不恥下問咪得囉。問o下人，自己學到o野之餘，人o地都會尊敬你。但係都要死充，過到骨你又心虛；過唔到骨俾人拆穿又超級「火羅」。唉！
梁姓小姐除o左鍾意扮晒o野，仲零常識兼超無禮貌添。君不見佢年初去紐約某世界知名時裝設計師o既花生騷，佢唔識該設計師身旁的「鬼妹」係何許人。就大大聲當面問人：「佢係邊個？係唔係出名o既演員？」
嘩！個個係超級巴西名模Gisele o黎o架，佢同Leonardo DiCaprio拍過拖o架。我當你真係唔理fashion o野，唔睇fashion show，有時都會係外國娛樂版見到佢o架。
我又當你講「d鬼妹都一模一樣」，唔認得人o地咁出名。你都細細聲問o下人算啦，仲要大大聲，俾某B字頭國際時裝雜誌寫晒出o黎。等人o地以為香港人都好似佢咁無知又無禮。
不過梁詠琪著校服個樣又的確幾靚幾可愛... 女人真係唔襟老, 慘!
蒙嘉慧個樣好恐怖, 唔怪得佢話自己以前好多毛好肉酸啦, 原來真係咁得人驚, 佢相張仲恐怖過以前d身分證相!
好勝妹間學校都出晒名咩ga la, 章小惠.李嘉欣.關芝琳.薛芷倫..個個都...
菲人,
um...你意思係...個個都好靚呀嘛...哈哈!
Bazooka,
咁我都同意好勝gigi少女時代真係幾靚…依家都唔係差o既, 只係佢形式太差令大家都睇佢唔順眼o者!
蒙嘉慧就真係…sorry都要講句, 似個殺人犯囉! 咁佢長大後真係靚o左好多, 要頒個最佳進步獎佢!
Rona姐姐,
係呀, 我都發覺好多去完外國懶係叫浸過鹹水o個d, 通常英文仲差過香港讀書o個d…第一, 因為口音呢d o野, 係細個時學成點就係點, 大個少少已經好難改, 所以d人去o左外國口音都唔多點改到…第二, 因為通常去外國都係群番中國人, 比起香港更加local, 根本無咩機會講英文!
我成日都話, 梁小姐一向最大o既問題並唔係佢搶人男友, 而係佢o既attitude同埋人緣! 無論佢做咩, d人都會寫衰佢! 面目可憎絕對係死罪o黎o架!
梁巔巔,
其實我都唔清楚梁奕倫同范振鋒整咩反目…只係知佢o地忽然由好兄弟/拍檔搞到拆晒伙咁, 范振鋒連電台節目都無主持, 仲好似返番去新城!
其實梁奕倫同人反目都唔係第一次, 佢同李志剛都好似曾經反目o架?! 不過我唔係100% sure!
Moo,
哈哈…可能李志剛唔係被港台視為英語權威, 而係roland亂咁煲佢o者! 不過又好似唔係喎…港台d大show都成日搵佢o黎講英文, 仲要佢以前好似係負責數英文榜添o架!
我己經好多年無聽電台喇, 港台又跌watt, 商台我又真係覺得只適合10多歲聽…好多年前我已經唔識笑佢節目d笑話o架喇!
佢師妹﹐我朋友0個個「好凍gei」朋友, 都係佢師妹:
好啦, 見係你叫到, 我就抽起間學校名啦…我估唔到你o地學校o既朋友都咁抗拒呢一位師姐喎, 應該以佢o係娛圈o既成就為榮, 正如佢都成日要將自己同間學校掛鈎!
TO 佢師妹﹐我朋友:
hohoho...呢d o野係雙重標準o架啦, 三重標準都有添呀! 芒姐係咁衰o架喇!
至於"隱隱晦晦", 其實只係為o左o係公眾地方保護筆者o既身份o者, 雖然都呼之欲出o架喇! 但就並唔係要幫間學校保護形象或者點囉!
哎! 你個friend呀好勝gi係鍾意拿間學校o黎sell o架喇...可能覺得咁樣威d...真係sorry晒你o地!
不過你係佢個friend, 你唔准咁話佢o架, 知道嗎? 我仲好記得佢o個集答咩問題都答到口窒窒, 尷尷尬尬咁...如果佢唔係咁要面, 就唔洗搞到咁辛苦啦!
至於李志剛...佢d英文連叫造港式都未夠班啦...
Phoenix,
好高興你欣賞我o既創意…希望你都愛蔡一智!
Moo,
多謝你讚賞我生鬼到題! 亦都多謝你一直o既支持!
Anonymous,
初期睇遊戲天王, 覺得某d遊戲都幾好睇o既…但好重要係o個集有咩嘉賓囉! 但後來真係愈玩愈悶, d嘉賓愈搵愈唔掂, 全部係三四線藝人, 仲要repeat喎, 都唔知想點?!
許冠文伯伯d笑話又真係out到唔恨o既, 最慘佢仲停留o係70年代, 以為自己講o野好好笑…其實佢應該見呢十幾年o黎講親佢d所謂笑話都無人笑, 都應該知道自己真係out o左…可必出番o黎?! 見好就收咪好囉!
Maple,
哈哈…唔知播完15/16會唔會又播番遊戲天王呢? 真係好爛的一個節目…我好認同你講搣張紙搣o左成1/4集, 真係好難受!
Sandy,
我都知道都真係幾多人唔妥阿崔生o架…可能係頂唔順佢d擦鞋擦到over晒o既技倆!
你講o個個blog我都有誤打誤撞咁入過去, 仲quote o左o係我一篇未打好o既日記添!
阿葛確係令人好開心, 修哥都ok funny!
好勝gigi d英文直頭勁啦…我都想on behalf of佢間school感謝佢成日提起間school, 令到佢o地o既reputation因love win gigi而大大提升!
嘩! 蒙嘉慧張學生相都真係幾令人吃驚! 再次證明"人靠衣裝"係有其道理, 尤其係女人, 個輪廓再好, 點都要執o下!
金婆婆個blog都好hit, 我都幾鍾意睇, 不過已經忘記o左當初係點link入去!
多謝芒姐你手下留情!
唉~ 我同金小姐呢d 師妹, 真係多謝班師姐唔少, 咁搞法, 我都唔敢話俾人知我邊間學校出身, 廢事被牽連~
學校直情多得呢班姐姐仔唔少啦, 搵d 咁野搞, 搞臭晒學校個名, 黑人憎 >__<
對梁奕倫真係冇咩好感, 記得當年"倫住黎試"有個環節專叫d歌星玩"核突"野, 最深記憶係”脫毛”！真係好無聊．
個陣時佢真係俾人插到飛起，ｄ歌星個個敢怒不敢言，為左收聽率唯有忍辱負重．但作為聽眾既我覺得完全唔駛咁，我又睇唔到，玩黎都唔知做乜！！！
而gigi leung初初我都好鍾意佢,覺得佢又靚又清純.但當一位做化妝品售貨員既友人講左一件事俾我聽之後, 我就對佢打晒折扣:
話說友人當年係M字品牌化妝品公司做SALES,當日GIGI同佢助手就走入黎買野.朋友係佢身邊介紹貨品,但梁小姐完全當佢透明,眼尾都唔望下佢, 仲串到要個助手傳話俾我朋友聽佢要乜. (但其實三人係並排)
友人覺得佢"狗眼看人低",但職員需要無奈要笑笑口對佢.呢件事之後, 朋友憎到佢飛起.
所以佢"篤空姐"單野我信架, 佢真係"金玉其外,敗絮其中"的表表者.
"遊戲天王"睇左頭一集之後已經可以放棄,成個節目瀰漫住一陣"CHEAP"味: 遊戲無聊又污糟;主持冇默契(林曉峰"超爛GAG";李綺雯成個MK 妹;蘭西不在狀態;李燦森突然失蹤;大隻ROCKY木過木像);嘉賓黎黎去去個幾個.
而家先CUT已經算遲.
至於許生... ...對佢不抱厚望,佢D笑話OUT左好耐,最難頂係佢以為好好笑,查實係自己先識笑. 好驚到時成個節目充斥晒D爛GAG / 過期笑話.
原來gigi leung真係咁衰(楊彩妮仲成日話佢心地善良, 究竟係楊小姐俾人呃丫還是係自己都衰埋一堆呢?), 佢搞成今日咁都真係唔抵可憐!
講到扮英文勁, 而真係 "勁", 冇人夠鄭秀文嚟~
梁巔巔,
哈哈哈...你講到sammi, 雖然佢有一段好長時間係我偶像, 但呢樣我到要幫理不幫親...佢o係呢方面又的確係搞笑o既, 什麼"dog dog team", "菊花tea", "彭bell"...真係笑爆咀! 不過佢都成日自己笑自己d英文差, 起碼無好勝gigi咁自以為是!
不過客觀地講, 我真係覺得sammi d英文咬字唔差o架喎, provided that佢仲要唔係所謂最傳統o既英文學校出身...以前聽佢o係"週末任你點"數英文榜, 佢都讀得ok字正腔圓...後尾睇番佢學校d year book, 原來佢又係英文定唔知debating team的成員...都算唔錯o架喇...但我諗你要佢即興講又未必太得, 但讀佢就叫做ok囉!
Anonymous,
um...我諗charlie個人點都好過好勝gigi少少o既...不過娛樂圈呢d o野, 真係好難講, 鏡頭前一個樣, 鏡頭後又一樣! 又或者阿好勝姐姐對阿charlie同對街外人唔同呢...
Grace,
我都相信空穴來風囉...
至於"倫住黎試"當年d核突遊戲, 都真係期期上報紙...咁亦都係佢最想達到o既效果! 除o左脫毛, 好似仲有玩埋d食冷飯菜汁, 總之有咁核突得咁核突啦!
如果我無記錯, o個時報紙仲好似話佢好鍾意譚小環添O架...
好凍0個個,
又唔洗咁SAD o既, 大家都知道一竹嵩(唔記得點寫)不能打一船人! 又邊關你o地事呢...
Sandy,
係啦...愈大愈發覺"人靠衣裝"真係好有道理...無論你點好樣, 識打扮都係唔同d!
我唔係gigi fan屎，亦好睇唔過佢借記者過橋迫鄭伊健公開佢地既關係(其他詳情我也不清楚~果時我冇勁追呢單新聞~因為覺得好煩~不過好似d人話係gigi叫d記者到伊健門口影佢地既)。不過有時我都戥gigi慘，呢六年(就算分左手仲係)不停俾人話佢係第三者呀好勝呀狐狸精咁，其實可能真係冇返咁「好勝」既性格都好難頂得到。
同埋最大問題係我覺得，鄭伊健都唔係好人囉真係。呢d咁既三角關係，雖然我覺得好大機會係gigi做主動giu鄭生(懶打全名)，但個pt係「牛唔飲水唔噤得牛頭低」囉。果時佢高調對傳媒講話會照顧邵美琪一生一世喎，之後佢又係貪新忘舊揀個果時廿零歲走純情路線既gigi leung。鄭生好似仲在雜誌訪問時，話邵美琪個人比較懶呀，唔係好接job呀果d咁;之後就話gigi就勤力上進好多咁呀。如果佢真係在雜誌咁數個ex，我覺得佢真係冇咩風度囉。
但我又唔明點解，d傳媒和大部分人都偏向指謫好勝gigi多過鄭生。或者可能真係gigi既態度真係扮野d乞人憎d既，同埋我都聽過佢篤空姐單野(d朋友既家姐做空姐講的)，所以我都覺得佢真係唔係好得。但有時我又覺得，gigi佢都真係幾勤力(起碼叫"垂死掙扎啦")咁收復事業上既失地，有兩三年佢都真係hit返架喎，又好似又自己作曲(雖然後來又好cheap等克勤唱hit首"高妹"佢又爭返唱首"高妹正傳")，又唱果d咩"灰姑娘""他喜歡的是你"等明明自己現實係勝利者但唱歌就岩岩相反扮可憐博同情既歌。但果期佢的確係有返d人氣，起碼叫有歌啦，因為佢不嬲係classified為'歌手'來架嘛。
但係鄭生佢就真係沉左之後，就覺得佢連垂死掙扎都冇咁。除左間中拍幾部戲同埋拍廣告，都好似冇乜做野咁。俾人感覺佢淨係識打機。不過鄭生唯一好，我覺得佢識做人既，同埋佢應該真係幾nice，冇乜架子。或者就係呢點，令到呢段三角關係裡面，d人偏向話gigi好勝狐狸精，相比好似冇咁多人話鄭生貪新忘舊始亂終棄咁。
同埋我覺得普遍唔妥gigi的人都係女仔囉，其實男仔又好似對佢冇咩野咁，感覺上。或者有時大家女仔，唔多唔少或者加返d個人感情愛恨情仇落去咁，特別睇唔過眼人地做第三者啦。
仲有講d題外話，可能普遍既人都唔多接受到女人"好勝"。事業上好勝，就俾人話走"女強人"路線，個其實呢term係負面多過正面。唔會有"男強人"，因為男人係suppose強既。女人感情上好勝，罪名更大，做人地第三者就會俾人話係”狐狸精"。其實我有時0係到諗，如果鄭生同gigi既性格調轉，鄭生好勝(甚至係佢搶人女朋友既)，gigi懶散，或者大家唔會講足佢地六年（至以後）啦。
(唔好意思，個msg太長，好似當左呢到係newsgroup咁添)
"鄭伊健都唔係好人囉真係"... Agree X 3!
鄭生唱又唱得差(我覺得佢真係一d進步都無, leon同城城都明顯有進步, 唯獨佢咁多年來依然唱得咁差), 跳舞就好似機械人咁(仲衰過鄭嘉穎), 演技又只係一般, 講樣咩, 老實講, 佢lee d貨色都係好一般jeh, 尤其響娛樂圈, 都唔算得咩jeh... 根本佢只係好彩先叫做有得紅過兩下, 正一係食屎食著豆, 死好命也!
紙巾&anonymous:
其實關於鄭伊面同好勝gigi o係"奪面雙琪"事件o既誰對誰錯...o係早前o既entries已經成日提, 費事俾人話我長氣...
http://hejnom.blogspot.com/2006_01_20_archive.html
http://hejnom.blogspot.com/2006_01_13_archive.html
http://hejnom.blogspot.com/2006_01_14_archive.html
簡單o黎講, 我絕對認同你o地o既見解...objectively, 如果真係要話邊個錯d, 一定係鄭生...成件事根本係佢處理不當先搞到咁...但係點解人人都一面倒不滿梁小姐, 而報導又係一面倒寫衰佢...咪就係因為因為佢同人(尤其係傳媒)關係唔好囉…你平時對人差, 人o地梗係o係你落難時踩多你兩腳啦!
所以話, 一個人o既attitude係好緊要...如果唔係就算錯唔o岩你度, 人人都會唔妥你...相反, 我相信鄭伊健人緣係幾好o架, 根本佢一同梁小姐分o左手之後, 大家又buy番佢喇!
發佈留言
<< Home