2007年12月22日星期六

12-21(fri) 十六不搭喜趣來

前幾日睇到報紙, 話亞視開拍一個影射無綫人的節目“十六不搭喜趣來”...睇到d人o既造型同埋角色名, 都幾抵死o下…好期待! 最鍾意睇呢d影射藝人o既劇集…通常都超抵死, 仲會有好多“秘聞”爆…又或者重演番某d經典場面, 又係會發出會心微笑!

好似當年o既“娛樂/樂壇插班生”咁, 真係笑死我…尤其係梅小惠扮sammi, 你真係估唔到佢可以扮得咁似…佢扮o野係有d計o既, 本來睇佢兩個真係一d“啦間”都無o架嘛! 仲有前年亞視都有套 “美麗傳說2” 係扮藝人, 又係扮得好抵死!

不過, 其實個劇名“十六不搭喜趣來”係點解呢? 我諗我蠢得滯get唔到…“喜趣來”我知呀, 係咪取自上年無綫自己拍o左但因為影射高層唔俾播o既“喜趣台”?! 但係“十六不搭”係點解呢?


http://appledaily.atnext.com/template/apple/art_main.cfm?iss_id=20071219&sec_id=462&subsec_id=830&art_id=10550810

亞 視 辣 盡 無 綫 高 層
盧 海 鵬 影 射 3 男 傍 志 雲

亞 視 處 境 新 劇 《 十 六 不 搭 喜 趣 來 》 昨 日 開 工 大 吉 , 由 扮 o野 泰 斗 兼 主 角 盧 海 鵬 親 率 一 眾 藝 員 主 持 拜 神 儀 式 , 據 知 該 劇 將 借 娛 樂 圈 麻 雀 大 賽 玩 殘 無 綫 , 既 有 老 翻 阿 姐 「 方 明 圓 」 、 六 嬸 「 江 小 姐 」 和 女 高 層 「 陸 易 寧 」 等 登 場 , 鵬 哥 更 大 顯 扮o野 真 功 夫 , 戴 假 髮 兼 硬 谷 酒 凹 扮 影 射 無綫 高 層 陳 志 雲 的 「 陳 智 能 」 , 更 有 假 王 賢 誌 、 崔 建 邦 及 鄧 健 泓 為 他 爭 寵 , 令 人 笑 爆 嘴 。

下 周 踏 入 66 歲 的 盧 海 鵬 是 電 視 台 扮 o野 鼻 祖 , 近 日 他 被 亞 視 委 以 重 任 , 在 昨 日 首 天 開 拍 、 玩 殘 無 綫 又 笑 盡 政 界 的 45 集 處 境 新 劇 《 十 六 不 搭 喜 趣 來 》 中 , 盡 顯 扮 o野 真 功 夫 、 一 人 分 飾 六 角 , 當 中 有 男 有 女 , 造 型 搞 笑 。

前 日 鵬 哥 到 亞 視 總 台 試 造 型 , 他 先 搽 厚 粉 、 戴 眼 鏡 及 假 髮 , 硬 谷 酒 凹 , 以 一 身 老 西 配 蘭 花 手 動 作 , 扮 影 射 無 綫 風 頭 躉 高 層 陳 志 雲 的 「 陳 智 能 」 ; 除 此 之 外 , 他 又 打 煲 呔 扮 「 曾 敏 全 」 、 白 眉 寒 背 的 「 董 伯 伯 」 及 過 去 也 演 繹 過 的 徐 小 鳳 造 型 等 , 同 樣 維 肖 維 妙 。

《 十 》 劇 劇 情 講 述 娛 圈 吉 祥 三 寶 , 即 「 福 祿 壽 」 譚 詠 麟 、 曾 志 偉 和 陳 百 祥 , 立 志 為 演 藝 界 老 弱 藝 人 謀 求 福 利 , 決 定 舉 行 麻 雀 大 賽 , 大 批 圈 中 紅 人 參 賽 , 各 大 公 司 高 層 乘 機 互 片 , 故 出 場 「 紅 星 」 極 多 , 有 鮑 起 靜 扮 阿 姐 汪 明 荃 , 吳 浣 儀 扮 六 嬸 、 寶 珮 如 扮 樂 易 玲 、 樓 南 光 扮 杜 琪 峰 、 江 美 儀 扮 Mani 霍 汶 希 、 伍 偉 樂 和 戚 黛 黛 則 扮 「 鋒 芝 」 等 。

據 知 劇 中 部 份 情 節 擺 明 玩 無 綫 , 例 如 有 老 翻 王 賢 誌 、 鄧 健 泓 和 崔 建 邦 爭 相 傍 實 陳 智 能 , 相 當 抵 死 , 監 製 楊 紹 鴻 昨 日 說 : 「 各 地 電 視 台 都 做 過 呢 類 型 o既 喜 劇 , 友 台 都 做 過 《 娛 樂 插 班 生 》 啦 , 唔 係 得 罪 人 就 OK 。 」

至 於 放 盡 扮 o野 的 鵬 哥 則 笑 說 : 「 扮 o既 角 色 可 以 睇 番 video 同 雜 誌 參 考 , 扮 乜 o野 到 時 會 上 身 , 係 留 意 模 仿 人 物 o既 小 動 作 , 好 似 扮 陳 志 雲 要 扮 佢 廣 播 員 o既 聲 線 , 佢 係 好 斯 文 、 好 書 生 o既 造 型 。 」 此 劇 將 於 本 月 31 日 晚 首 播 。

昨 日 《 十 》 劇 首 天 開 工 , 下 午 鵬 哥 率 一 眾 以 扮 o野 造 型 亮 相 的 藝 員 出 席 拜 神 儀 式 , 麥 家 琪 和 樊 奕 敏 分 別 扮 紅 線 女 及 白 雪 仙 , 扮 張 栢 芝 的 戚 黛 黛 則 說 : 「 最 難 係 聲 線 , 惟 有 靠 小 動 作 , 好 似 撥 頭 髮 , 成 日 嗌 老 公 老 公 。 」




(嘩…好開心, 今年又收到最想收到的超精美聖誕禮物…o岩晒我! 今年個官方月曆影得幾型, 仲要細細o地唔洗咁“ngar訂”! 作為忠實的tvb fan屎, 以前細個睇報紙只有恨的份兒…第三年能夠擁有tvb官方月曆, 真係超感激…多謝晒聖誕老人!!!)



另外, 上個禮拜其實仲睇o左一個舞台劇但未有機會講…一星期內睇三個舞台劇, 對我o黎講係好誇…平時一年都未必有睇到咁多套! 不過咁o岩呢幾套都開正我o個瓣, 睇o下又無妨o既!

講緊o既係“小男人週記kiss me goodbye舞台劇”…如果唔係八十年代+電台粉絲金髮美女叫我去睇, 我都唔知有個咁o既舞台劇…真係“背”喇! 電台粉絲我從來都唔算係, “小男人”廣播劇其實我真係無聽過, 反而九十年代初逢禮拜二o係tvb播o既“小男人週記”我集集都有睇…o個期仲有d咩“開心浪漫俏佳人” (恬妞), 禮拜四o既“鎮金女人週記”…呢d單元式半小時節目全部都ok好睇! “開心浪漫俏佳人”早一兩年仲成日o係深夜五點重播…“小男人”就反而無咩點重播過!

阿旦係有d料到o既, 故事都算有d內容, 有d寓意…叫人珍惜擁有o既o野, 因為得來不易! 每日都應該當係最後一日咁生活, 咁你會識得appreciate你身邊o既所有o野!

Cast都唔錯…蘇玉華, 李思捷, 蔣志光, 全部都係好戲之人…其中一個所謂selling point想sell d後生仔去睇o既法拉, 戲份原來少得可憐, 淪為大茄…雖然我真係無法buy佢, 但佢確實都做得ok o既, 同埋d廣東話真係進步o左!

但係…成個舞台劇係衰o係個場地度! 真係去過o既人都彈爆…我唔明點解仲有主辦單位會去o個度開show! 個九展starr (一r定兩r?) hall除o左大之外, 真係一無是處! 或者可以用o黎搞書展o既…但個location又唔得, 離天百丈遠! 咁去番會展罷啦! 一個場地, 唔近地鐵站基本上已經係死罪…雖然話有shuttle, 但一jar人同一時間湧去, 排隊都排死! 咁就注定一定會遲開show, 因為大家可能預3個字去到, 點知turn out要半個鐘…原定八點, 到八點半都未開…演唱會你預o左, 但係舞台劇你expect一定準時開show, 如果唔係要完o左一個scene先入得去! 於是個個餓住趕入去, 點知呆坐半個鐘都未開場…d人不耐煩就自然勁叫囂叫佢快d開場…你話幾肉酸呀!

跟住d位又係如會展開show一樣, 一塊平地…永遠無論坐咩位都睇唔到 (或者第一行會睇到o既, 但我未坐過)! 坐前面就好似戲院坐頭幾行咁要全程枱起你的頭來, 坐後面就唔洗講, 一定睇唔到…但你估唔到, even睇住上面個所謂大電視, 都唔係好睇到! 仲有d凳, 真係坐得人好辛苦…第一次睇舞台劇睇到腰酸背痛! 估唔到睇到其他blog, 又係個個都咁講! 其實去演藝/文化中心, 甚至葵青劇院咪好囉…係咪book唔到場呢?

跟住又因為遲o左開始, 惡性循環地又遲o左好多先完, 仲要經過入o黎時候的經驗, 同一時間一jar人搭shuttle離開, 又係要搞至少半個鐘…所以d人未到散場已經走緊…好少可睇舞台劇會係謝緊幕d人已經走咁一半…真係好肉酸! 但又真係太夜, 等得shuttle出去都差唔多12點…安排勁差…估唔到, 梁寬今次就衰o係個場地!!!

9 Comments:

Anonymous 匿名 said...

好耐冇黎lu! 終於追返哂d posts喇 :)

好靚呀tvb個月曆你就好啦!

我都好唔鍾意九展果個location, 奇奇怪怪咁, 好似除左的士/shuttle bus就冇交通工具可以直接到達咁, 真係不論睇舞台劇定concert都好唔方便呀! 唔通果個場平d所以先去果度開show?
by the way, 好多人睇完小男人都麻麻地呢唔知點解, 我冇睇但直覺上覺得亞旦應該唔差, 再加上蘇玉華李思捷蔣志光呢d casts都好吸引丫!

yeah 終於做完兩妻時代喇, 真係頂唔到toby同湯盈盈呀救命...可能真係未接受到佢地做主角啦。
o係睇呢期黃金時段劇中..真係睇到我好亂呀. 2套都係講呢個出軌果個對呢個唔住咁, 好冇新意呀. 同埋好negative呀. 真係好似你所講.. 睇妙手仁心重開心呀!! 可惜話咁快又做完喇..

4:44 下午  
Anonymous 匿名 said...

嘩…好開心!亞視星期一(24/12/07)清晨會重播中華英雄!!!

7:21 下午  
Blogger Unknown said...

wow.. really beautiful calendars wor

2:14 上午  
Anonymous 匿名 said...

芒姐~
你知唔知道律政新人王2裡面唔單止由上集色魔馬國明做男主角~
仲有蘇玉華同唐寧有份做~不過佢地兩個係做番潮爆大狀裡面個角色~(湯盈盈都好似有?)
咁咪好奇怪lor~想搞crossover~
但係兩套都有陳鍵鋒份~
潮爆大狀裡面唐寧仲要係同唐寧一齊tim~!
wa~依套野真係怪到不得了~!

1:19 下午  
Anonymous 匿名 said...

sorry...打錯
>潮爆大狀裡面唐寧仲要係同陳鍵鋒一齊tim~!

1:20 下午  
Blogger 芒姐 said...

匿名,

係咩? 我又真係唔知喎...本身套"律2"已經不倫不類咁, 仲要搞咁多角色大混淆...真係唔知想點! 仲有宣傳片中馬國明同觀音娜兩個扮哥斯奶咁大叫, 真係唔知想點? 同埋陳鍵鋒個假髮...可唔可以揀個好d o既?!

3:29 下午  
Blogger 芒姐 said...

fiona,

係呀, 今年o個d幾靚...

3:29 下午  
Blogger 芒姐 said...

匿名,

係呀, 我都有睇到節目表...呢排有好多重播劇睇...不過"都市的童話"應該好快播完!

3:30 下午  
Blogger 芒姐 said...

christy,

九展實在太不知所謂, 好應該摺o左佢!

仲有"兩妻"同埋"建築"好似好多配角都重疊, 搞到好亂啊!

係呀, "妙手仁心3"好好睇呀...尤其係中段! 同埋o個個時段最o岩追劇!

3:35 下午  

發佈留言

<< Home