2008年1月10日星期四

1-10(thurs) TVB伴你成長四十年

唔知大家尋晚有無睇勁歌金曲?

佢叫o左d“傑出表現獎”候選人上去唱歌, 每人唱一段咁啦…嘩, 但係其實“傑出表現獎”係點介定? 以前唔係話咩入行5年推出過唔超過唔知幾多張唱片咁o既咩? 定係無所謂鍾意俾邊個就俾邊個?!

新人陳栢宇有份, 林峰有份, 史塔肥有份, 入行n年o既關心妍有份, even honey鄧健泓都有份…咁好明顯係random o既, 想俾邊個就邊個! 咁呢樣無問題o既…頒獎禮係咁o架嘛! 作為tvb, 唔俾o下自己d藝員係唔得o既…正如叱咤一定會俾o下軟硬, I love u boyz咁, 而新城一定有啤梨同家燕姐…呢d遊戲規則大家明白!

我想講o既只係…尋晚個節目都幾騎呢o下, 但又睇到好多o野!

其實Stephy都唔係唱得咁咁咁差 (唔係好, 但未至於大家彈到咁差…同埋要永世揹住個“鄧走音”花朵都幾咁可憐!)…佢係唱得麻麻, 但今次都好o左少少, 應該有下過苦功o既, 同埋我又真係唔見得佢唱得差過上次上勁歌o既阿嬌, 甚至sell實力o既謝安琪或者盧巧音! 謝安琪生完仔之後係咪“洩”o左道氣…點解唱功差o左咁多?

跟住班三線歌手o係其他人唱歌時o係後面不停企圖搶鏡 (雖然不得不承認去到邊個鏡頭都係主力影林峰), 特登o係後面聯群結黨跳舞搶鏡 (包括eo2, 謝安琪, 陳栢宇, 泳兒同張敬軒) (亦令人諗起職場上都總會遇到d咁o既人…可能呢d先係生存之道, 只係我做唔出, cheap o左o者!), 令到埋唔到推的一群 (包括stephy, 林峰, honey, 孫耀威等呆呆咁企o係度俾人孤立o左)…而關心妍就o係中間好努力咁想融入o個堆“搶鏡黨”度一齊跳, 但自己又唔多跟到, 而o個d人亦都唔多理佢!

Btw, 點解關心妍會仲o係度? 佢02年一出道時好勁o架喎, d歌hit到呀…又sell兩文三語的“負擔不起”, 年尾“你有心”全部都好hit , 仲要隔幾個月就出一隻碟! 點知無耐同“o雪o雪o雪”蕭正楠夾緋聞谷人氣即刻cheap晒…但我估唔到佢真係會搞到咁dup…但又仲o係度喎!

仲有阿honey…真係唔好咁玩佢啦, 俾個獎佢佢都會俾人笑到面黃o架嘛…佢o個隻唔知咩十年, 真係除o左無綫“無間音樂”成日聽到, 都應該無咩人會識喇! 林峰夾在歌星埋中真係依然格格不入 (唔止我咁覺得, 有好多朋友睇完都忍唔住sms我)…仲要係其實佢入行就快十年, 同d新人一齊真係好難話太打成一片…成日自己一碌葛咁企o係度有d可憐! 同埋無綫又係愛佢變成害佢o既, 俾佢入“最受歡迎男歌星”5強, 仲唔俾人勁插?! 你話“亞太區”個獎雖然佢係o係大陸係勁受歡迎, 但係你俾個新人, 仲要係自己親生仔, 都係會招人話柄! 不過連屎塔肥都可以入女歌星5強而twins入唔到…睇o黎tvb都係想製造o下話題o者…最終個結果點, 大家睇o下囉!

同埋我想講今年d新人其實真係唱得幾好…除o左個model周栢豪同林威辰無咁好之外 (其實以新人o黎講都唔算差)…小肥, 陳栢宇, 鍾舒漫, 梁雨恩, “手槍與紅玫瑰”o個位“A貨鄭融”李卓庭and many others都唱得唔差…even sell樣o既江若琳同埋洪卓立都比想像中好好多, esp. 後者! 就算係“Hot茶”我見佢o地勁歌熱舞都唔係甩得太勁, 至少好過初出道o既twins (甚至依家o既佢o地) 同cookies好多! 至於阿“整容三嬌freeze”…哈哈哈! 其實佢o地首“金晴火眼”都幾好聽 (我覺得)…同埋都唱得無我想像中咁差!

仲有, 陳慧嫻又無啦啦走番出o黎…仲要尋日先o係youtube睇完佢85年季選得獎時現場唱“花店”…o個時作為新人o既佢真係唱得好好呀…但係過o左廿幾年反而無以前咁自然, 唱得太用力, 太刻意…倒退o左!

又睇到呢單關於勁歌總選o既新聞…

“昨 日 記 者 致 電 軒 仔 , 提 到 《 酷 愛 》 成 金 曲 金 獎 大 熱 時 , 他 表 示 自 己 會 以 平 常 心 面 對 , 他 說 : 「 如 果 真 係 攞 到 金 曲 金 獎 , 可 能 今 年 已 經 係 我 o既 最 高 峰, 我 會 有 o的 驚 , 一 o黎 太 快 啦 , 其 實 呢 輪 頒 獎 禮 過 後 , 我 有 o的 不 安 , 我 係 個 危 機 感 好 重 o既 人 , 上 帝 畀o的o野 你 , 佢 又 會 攞 番 走 一 o的 o野。 」 軒 仔 去 年 歌 唱 事 業 突 飛 猛 進 , 甚 至 威 脅 Eason , 問 他 會 否 覺 得 長 江 後 浪 推 前 浪 ? 他 直 言 : 「 係 必 然 , Eason 同 克 勤 上 o左 岸 , 一 個 浪 最 後 都 係 上 岸 , 我 o既目 標 都 係 跟 住 佢 上 岸 , 唔 係 一 個 貶 詞 , 他 日 我 o地 都 會 有 後 浪 。 」 言 談 間 倒 滿 有 自 信 。

十 首 金 曲 預 測   分 獎 難 過 分 豬 肉

除 了 《 勁 歌 》 大 獎 外 , 各 唱 片 公 司 也 出 力 為 旗 下 歌 手 爭 取 10 大 金 曲 名 額 , 現 時 10 首 金 曲 得 主 初 步 已 有 定 斷 , 其 中 東 亞 及 環 球 系 各 得 3 首 最 多 , 英 皇 及 金 牌 則 各 獲 兩 首 。 本 來 許 志 安 也 有 歌 得 獎 , 但 他 為 到 內 地 演 出 搵 真 銀 缺 席 , 名 額 轉 了 給 王 菀 之 , 而 鄧 麗 欣 的 《 電 燈 膽 》 本 來 也 有 獎 , 但 其 所 屬 金 牌 唱 片 卻 寧 將 獎 項 轉 給 得 寵 的 側 田 , 故 將 獎 項 分 給 了 《 男 人 KTV 》 。

得 獎 歌 手 : 楊 千 嬅   所 屬 公 司 : 東 亞 系
得 獎 歌 手 : 何 韻 詩   所 屬 公 司 : 東 亞 系
得 獎 歌 手 : 王 菀 之   所 屬 公 司 : 東 亞 系
得 獎 歌 手 : 陳 奕 迅   所 屬 公 司 : 環 球 系
得 獎 歌 手 : 李 克 勤   所 屬 公 司 : 環 球 系
得 獎 歌 手 : 張 敬 軒   所 屬 公 司 : 環 球 系
得 獎 歌 手 : 容 祖 兒   所 屬 公 司 : 英 皇
得 獎 歌 手 : Twins   所 屬 公 司 : 英 皇
得 獎 歌 手 : 古 巨 基   所 屬 公 司 : 金 牌
得 獎 歌 手 : 側 田   所 屬 公 司 : 金 牌”


其實我覺得軒仔答得幾得體, 講得幾好喎…不過我又唔覺得“酷愛”真係咁hit, 好似“笑忘書”好聽d…同埋金曲金獎有咩可能唔係“講不出聲”啊?! bear in mind呢個係tvb頒獎禮喎! 仲要連十首金曲的預測都無我喜愛的細契…係咪搞錯o左? 真係“誰人無得到一切的渴求”喇…oh!!!!!

同埋…即係雖然大家都知都d獎項係分庄形式咁分, 但係事前list晒d得獎歌手同埋所屬公司, 而唔係邊首歌出o黎, 感覺真係有d肉酸…講真, 我覺得屎塔肥隻“電燈膽”都真係幾hit呀, 無理由分俾側田都唔分俾佢, 或者應該俾佢都唔係俾王菀之! 依家唔係講唱功嘛, 係講緊隻歌o既受歡迎程度!

其實今年勁歌個頒獎禮都無咩特別吸引o架喇…以前會預測o下, 但近年又真係無咩呢個興趣…我諗男女歌手都走唔甩陳eason同容joey…同埋其實邊個拿都無咩所謂…你依家問番我兩三年前邊個攞我都真係未必記得晒, unlike九十年代的我! 不過雖然無咩驚喜, 但我點都會睇o既…畢竟都係每年o既盛事, 唔睇同人無話題!

仲有, 大家得閒又可以睇o下…

TVB伴你成長四十年
http://global.yesasia.com/b5/Emagazine/ArticlePage.aspx/section-videos/code-c/articleId-159/

35 Comments:

Blogger Domotoiceko said...

聽番慧嫻啲舊歌雖然都有震音(好寶系80年代風…),不過係chorus激昂部份先震,聽落無問題…

奇在佢最近出山,一開口已經震音…個唱腔crossover咗opera咁,唔明…唱到首歌好怪…

4:02 下午  
Blogger blue said...

鄧小姐唔係無得救果D, 問題係佢所謂努力同我地理解o既唔同, 可能佢意思係努力拍廣告...咁唱歌點會進步呢?
佢把聲薄, 走音的話, 咪避下囉, 無人叫佢下下都要谷d高音出黎. 效果係點睇下芝芝梁咪知囉.
老實講, 佢係賣咩大家都明, 佢唱成點根本唔係重點, 最重要係個樣得唔得...呢樣我就比較不滿多d啦.

至於謝安琪, 我十分同意你講法. 有時有d野只係一個潮流o者, 果期大家吹捧果樣野, 個個都話果樣野好得好掂, 但得你一個話俾人知唔鍾意, 好似自己係無taste之人咁囉. 佢真係咁掂的話, 過多幾年咪知囉. 過左新鮮期之後, 好多野先睇得真o既.

4:16 下午  
Anonymous iris said...

芒姐
其實近年巳對頒獎禮失去興趣,不過睇下又幾得意ge..

係呀~芒姐,我想問呢google呢個blog可唔可以private ga?如果唔得,有咩好blog可以?thank you=)

4:49 下午  
Anonymous 过路人 said...

好奇怪,芒姐禁多节目都有写过,但点解唔讲"同事三分亲" li套剧ge?

~first time to comment~

8:38 下午  
Anonymous 匿名 said...

冇錯! 金曲金獎有咩可能唔係“講不出聲”啊? 首歌咁hit咁好聽.... 細契萬歲!

9:31 下午  
Blogger poutine said...

芒姐,

我尋晚有去現場睇勁歌,所以睇到好多鏡頭後既野,其實林峰雖然做左歌星無耐,不過我覺得佢都融入到,陳栢宇同佢好friend tim ,從後熊抱住林峰一路行笑著口咁,Eric, EO2同林峰都有野傾呀,林峰後黎佢都有跳左幾步,只不過佢個人都係內歛小小 ,唔會有d好誇張既動作同表情。

芒姐你唔好成日話佢格格不入啦,我真係希望佢轉型成功做歌星,然後慢慢脫離tvb, 唱歌又好,拍電影又好,再唔係甚至返屋企幫老豆做生意,都唔想佢久留響tvb. 因為我完全唔覺無綫鍚林峰,所以講起“親生仔" 三個字我就無名火起,可能呢D就係fans心態,硬係覺得自己個偶像受到不公平對待,哈哈 ^^

12:00 上午  
Anonymous 匿名 said...

其實tvb班高層,點解咁多年來都無檢討過自己既捧人方式?過份吹捧一個artist只會變相比人插,有noise咁又點?係插個artist喎,唔係插tvb
今云tvb真係害死林峰 林峰明明都叫做唱到歌 又有觀眾緣 識捧既其實真係可以樂壇有得發圍 依家tvb咁搞法 搞到所有人既焦點都放哂係"親生仔"呢個身份度 令人反感 個image真係會差左

11:14 上午  
Anonymous 李阿婆夫人 said...

今年最hit歌無疑係菊姐《講不出聲》,真係唱到街知巷聞,全民皆識,不過,家吓啲唱片公司爭獎爭得咁激,都好難分一個畀菊姐。TVB應該整個咩特別成就大獎畀佢,一來唔駛分薄晒,二來更顯得菊姐地位超然(好似以前「『叻』哥」唱《我至叻》攞咩至叻大獎咁樣。)

今年啲新人唱歌真係唔差,特別係洪卓立,比想像中好好多,有啲位超似eason,但係唔該佢唔好太白,仲嚇人過「小美」賀軍翔。小肥又係好好好聽。

11:49 上午  
Anonymous christy said...

WOW我都有睇果集既勁歌呀!
唔知點解我見到關心妍就覺得佢同其他人好唔MATCH咁..

嘩。真係好驚tvb最終會俾個獎亞honey囉! 佢得果一兩首歌如果佢咁都得獎既就真係.......重有男歌星五強果度..我諗tvb唔會頒俾林峰咁搞鬼呀?! 雖然我知道tvb呢個大台咩都做得出..但總唔好做d會害左個artist既事丫.. 如果太過偏重honey同林峰盞令人反感! [ 雖然至今仍然相信honey同林峰至少會有一獎在手。]

其實我覺得stephy有因鄧走音呢個朵去下過一番苦功, 因為近呢幾個show見佢唱live都唔係真係咁走音姐, 至少未去到要有呢個朵咁驚囉! 講真, 走音既唔止佢一個, 走得勁過佢既大有人在 ( eg: 亞gill姐), 何必只針對佢一個? 不過我又發覺佢而家行出黎好似冇乜自信咁..唔通真係俾個朵影響左!? ( by the way, 電燈膽果時都好似幾hit架, 如果今年頒獎禮一個獎都冇都幾hurt stephy下哈哈哈。個人唔係真係咁鍾意男人ktv呢首歌。)

至於謝安琪當日既表現, 會唔會係佢病未好? 因為唔知星期一定星期二佢接受左娛樂直播既訪問, 佢果時把聲已經沙到不得了架喇。

5:37 下午  
Anonymous christy said...

諗諗下
如果金牌冇將獎轉贈側田
TVB又會唔會頒返個獎俾STEPHY跟住STEPHY感動到喊跟住又有一gimmick呢?

5:41 下午  
Anonymous 玨禮 said...

會唔會因爲林峰係電視人出身,大家見到佢同歌手出身既人一齊,始終接受唔到,所以先有格格不入既感覺呢?或者佢私底下同d歌手friend大家唔知呢!

不過我都唔明點解今次tbb要擺林峰上枱。其實林峰真係唔錯,唱得好,隻碟又賣得好,愛在記憶中找你都幾hit,而且多年來累積不少人氣同觀衆緣,應該好有發展前途…點知tbb又故伎重施,用番最令人反感的急進捧人法,就算本身係好都俾人插到衰啦!(估唔到林峰都有今日,因爲在我印象中,林峰好似一直都唔係tbb高層既飛佛)

如果林峰得到新人獎都合情合理,不過入圍最受歡迎&亞太區5強又未免太玩死佢。將一個樂壇新人捧得咁高,俾佢入圍,之後等人插佢,成功製造noise之後又將佢踢出局,咁樣利用自己藝人,你話tbb係咪變態?唉!又一個有潛質的靚仔被tbb玩死!

希望林峰唔會因爲咁而變得不受歡迎啦!因爲我都幾欣賞佢,尤其是做戲,一路都睇好佢有朝一日做視帝。我相信佢都係腳踏實地型,唔希望一步登天。不過依家見到娘家將自己擺上枱,不知他作何感想?

11:21 下午  
Blogger Esaltato said...

乜呀洪卓立係sell樣架咩?佢唔男唔好好似毛都未出齊既13歲人咁喎。聽到都流汗。
要走音又何止鄧小姐一人,幾廿年人既千fa姐都走到七彩啦。哂氣。

8:32 下午  
Anonymous 匿名 said...

千fa姐應該年過30...

8:54 下午  
Anonymous jj said...

雖然芒姐今日的appledaily狂批律政2,但係今期明周朱樂言大讚陳山聰,而新monday仲話網上大讚,話馬明係扮hero的木村,叫「木村馬明」添!:p@@

9:18 下午  
Anonymous 匿名 said...

我又覺得[律2]都幾好笑幾好睇喎, mk sun個角色亦都越來越唔乞人憎, 而且睇得出馬國明真係有好大進步, even官恩娜其實都做得ok流暢, 我會覺得呢套劇overall好睇過[野蠻奶奶2], 我完全冇意欲追[野蠻奶奶2]呀!

1:23 上午  
Blogger start said...

林峰攞咗最受歡迎新人獎之后嘅得獎感受都幾得體, 強調自己"新人"嘅身份, 同埋與其他歌手嘅的友誼, 聽落去好似冇Monjeh講嘅咁受孤立?

其實我覺得林峰入圍最受歡迎男歌星都不算太過啊, 問題就在于佢"樂壇新人"同埋"親生仔"呢兩個身份上.

其實佢作為一個"樂壇新人"真喺好尷尬, 唔計佢喺娛樂圈打滾咗成10年, 單喺佢為TVB劇集所唱嘅主題曲同埋插曲就有大概10首咁多, 大多數歌曲都顯出佢嘅歌唱實力, 無論喺資歷定喺實力, 呢個"新人"嘅身份的確喺格格不入.

至于作為"親生仔"(?), 如果攞到獎嘅話就一定會被人質疑, 喺唔喺有啲對人唔對事呢?

作為一個一直以來都對林峰幾欣賞嘅觀眾/聽眾, 我今次真喺覺得有啲可惜, 媒體將焦點集中喺佢"樂壇新人"同埋"親生仔"呢兩個身份上, 似乎有啲否定咗佢嘅實力同埋咁多年來嘅努力.

11:42 上午  
Anonymous 匿名 said...

老實講我覺得你偏激左少少, 我唔覺 EO2 佢地係搶風頭, 佢地都係支持台上歌手 je, 唔通個個都一舊木企係到咩.

8:31 下午  
Anonymous 仁人 said...

Stephy好慘,勁歌當晚冇獎之餘仲被人當衆揶揄走音,真尷尬!電燈膽點解冇獎既?都幾hit啊!

仲有,王宛之張敬軒緋聞究竟真定假?頒錯獎無心定有意?

同意start所講,林峰得獎感受都幾得體,同d歌手關係都好似ok,又唔覺得孤立喎!而且的確有d可惜,親生仔呢個身份"否定咗佢嘅實力同埋咁多年來嘅努力"。

9:31 下午  
Blogger 芒姐 said...

仁人,

STEPHY真頭慘到喊啦…食白果之餘每個頒獎禮都俾人揶揄…本來都麻麻地佢啦, 但依家十分同情佢…我要支持佢! 呢個小妹妹太可憐喇! 電燈膽真係HIT喎, 2007年頭至中期都係去到邊都聽到, 點都HIT過男人KTV甚至逼得太緊呀!


王菀之頒錯獎單O野…正如佢講: “唔緊要啦, 都無心O既!”…你信唔信呀?

至於佢O地單超高調緋聞, 我個人認為…有90%係假…個人意見啦!

同意林峰講得好得體呀…同歌手關係無想像中咁差, 但我話格格不入係佢O既感覺/地位/資歷各樣…試想想, 佢當年係同千嬅等合入拍劇, 但依家反而要同一眾20歲出頭 (甚至未夠) 的小朋友列入同一個CATEGORY…係有D格格不入囉…未必係一面倒貶意O既!

11:30 下午  
Blogger 芒姐 said...

匿名,

我明白一碌木企O係度係會悶, 但係EO2佢O地咁樣其實會令到另一面呆站的歌手好尷尬, 因為無論佢O地係有心定無意都會搞O左個小圈子出O黎…當然, 我唔覺得佢O地咁做係唔O岩, 因為每人的取向唔同, 有D人鍾意表現自己, 有D鍾意“LEI”埋…呢D係每人的性格取向…相信大家出O黎做O野都見唔少…唔洗我O係度再ELABORATE…

11:32 下午  
Blogger 芒姐 said...

START,

我同意你的講法, 佢無受孤立O既, 大家反而好尊敬佢呢位前輩, 而我相信當中唔少新人可能係佢FANS添…不過正如我O係上面所說, 因為佢O既地位/資歷等, 令到佢同班新人會有D格格不入, 身份有D尷尬囉!

以佢O既受歡迎程度, 入圍最受歡迎男歌星都不為過…但因為佢係TVB合約藝員同埋呢個樂壇新人身份令到成件事好尷尬…寧願唔攞好過攞…獎之嘛, 有又開心, 無都唔見得會太可惜! 依家俾人噓咪仲慘!

11:34 下午  
Blogger 芒姐 said...

匿名,

同意呀, 呢兩個禮拜的"律2"係好睇O左好笑O左好多...尤其係陳山葱O個段!

MK SUN個角色唔會克人憎...呢套劇係用O黎捧馬明, 佢個角色一定討好, 反而陳鍵鋒個角色先煩死人! 官恩娜都做得OK, "野蠻奶奶"就無無聊聊睇O下都OK好笑O既!

11:36 下午  
Blogger 芒姐 said...

jj,

每人有唔同意見O者 (不過我無狂批呀…冤枉呀, 大老爺!)…但馬明似HERO的木村又真係不敢苟同喇!

同意陳山葱做得好好…佢O個段好出…我仲不停同個FRIEND DISCUSS, 因為佢係超級陳山葱粉絲…睇得好開心…不過交呢篇稿時陳山葱o個段戲仲未出…可惜!

11:39 下午  
Blogger 芒姐 said...

Esaltato&匿名,

哈哈…阿洪卓立擺明SELL樣啦…呢隻”唇紅齒白”咪台灣最紅O個隻囉…

EM…千嬅都唱得好番好多啦今年…STEPHY就真係慘到爆, 都唔知係咪犯太歲, 俾人咁插法…哎…俾D機會佢兩個啦…

11:41 下午  
Blogger 芒姐 said...

玨禮,

都係以上所說, 因為林峰O既地位同埋資歷等, 令到佢同班新人會有D格格不入, 身份有D尷尬!

TVB今次真係玩死佢, 俾個金獎佢真係”愛人變成害佢”…雖然我為佢得獎感到好開心, 但見佢咁俾人噓又好可憐!

11:44 下午  
Blogger 芒姐 said...

christy,

哎...STEPHY真係今年頒獎禮出席歌手中最可憐一個, 隻歌明明都幾HIT, 無獎攞不特止又見個COOKIES姊妹不停捧獎, 仲要個個頒獎禮都俾人笑走音跟住影佢個大頭...

11:45 下午  
Blogger 芒姐 said...

christy,

謝安琪其實上次上勁歌已經係咁...佢真係應該去練O下歌先, 不進則退!

我都為"電燈膽"今年滑鐵盧感都非常可惜...就算佢係唱得唔好, 隻歌真係HIT嘛!

你估得好O岩...honey同林峰真係至少有一獎在手...TVB今次真係玩佢O地! HONEY攞傑出表現獎囉...想點?!

11:50 下午  
Blogger 芒姐 said...

李阿婆夫人,

OH...太可惜了...你今年無得親手頒金曲金獎俾細契添! 真係激死人喇!

咪係, 你個提議好好...可惜細契只係O黎頒獎...叫佢親身演繹一次講不出聲等D後輩學O下O野都好呀!

11:54 下午  
Blogger 芒姐 said...

匿名,

哎...咪係, 其實我都唔明...好多人都POINT OUT過, 報紙都成日講, 而TVB
班高層全部都係聰明人, 點解會唔知道物極必反的道理?!

林峰今次實在太可憐了...

11:57 下午  
Blogger 芒姐 said...

poutine,

其實大家都明白, 林峰做O左咁多年藝員, 形象太深入民心, 要轉型做歌手係好難O架...即係好似前輩羅嘉良, 或者陳慧珊, 張家輝ETC...不過好彩佢都比較後生, 同埋咁多年一路都有唱O下歌, 應該會好D...但要完全脫離TVB...我諗佢短時間內都唔會! 同埋如果要KEEP住人氣, 無可否認留O係TVB真係有著數, 睇佢當年O既好拍檔葉璇O既例子就明白...

12:05 上午  
Blogger 芒姐 said...

匿名,

咪係...激死人! 連十首金曲都入唔到, 反而泳兒/側田/KARY都有...咩事呀, TVB?! 你一邊不停造獎俾旗下藝人, 但真正HIT O既細契"講不出聲"又應有獎反而無...即係想點先?

12:09 上午  
Blogger 芒姐 said...

过路人,

你好...其實"同事三分親"上年3月一開始播都有寫過O既...不過你講得O岩, 之後又真係無咩講過...事關佢8點播好多時都未返到屋企, 成日都睇唔到...雖然我都想睇黃家嵐同VINCENT O個段...睇O下有無機會寫啦...

http://hejnom.blogspot.com/2007_03_31_archive.html

http://hejnom.blogspot.com/2007/07/7-17tues.html

12:11 上午  
Blogger 芒姐 said...

iris,

咪係...唔會有以前咁肉緊, 但係又點都會睇O下O既, 如果唔係同朋友仔都無話題啦...係咪?

XANGA好似又可以PRIVATE, 以前用的DIARYLAND都得! BLOGGER得唔得我又未試過...好似唔覺得有呢個FUNCTION, 淨係可以SAVE AS DRAFT...我要再幫你睇O下先...

12:15 上午  
Blogger 芒姐 said...

blue,

我覺得鄧小姐O係俾人狂插之下, 呢幾次真係唱得好O左, 不過係成日頭DUP DUP好似無晒自信咁, 好可憐!

咪係, 其實以佢咁O既聲線, 唱唔到高音咪避重就輕囉...可必自暴其短!

張太謝安琪...哎...佢SELL唱功, 但唱成咁就真係比起STEPHY更加應該插啦! 我覺得佢係被903或某些人過份吹捧...懶另類咁D人咪盲目咁話掂...但其實唱得好過佢O既大大大有人在...所以找好同意你O既講法!

12:19 上午  
Blogger 芒姐 said...

Domotoiceko,

哈哈...超有同感...唔知點解呢幾年出番O黎D震音變到MARIA CORDERO咁...超搞笑! 以前真係好好多...!

12:21 上午  

發佈留言

<< Home