1-17(thurs) 十大金曲30風雲會
禮拜日無啦啦頒o左d獎先, 仲要係同勁歌總選接住落…真係想玩死d歌手…俾人休息o下都得o卦?! 同埋做咩頒一半唔頒一半, 咁19號睇咩?! 學埋新城d天一半地一半騎呢o野…搞咩鬼呢? 十優歌手已經係事先頒o左, 今次又再斬件, 都唔知想點…係到第二日睇報紙先知, 搞到人好混亂!
**********************************
十 大 中 文 金 曲 部 份 獎 項 名 單
- 十 大 金 曲 獎 -
《 富 士 山 下 》 陳 奕 迅
《 酷 愛 》 張 敬 軒
《 逼 得 太 緊 》 吳 雨 霏
《 電 燈 膽 》 鄧 麗 欣
《 愛 一 個 上 一 課 》 容 祖 兒
《 愛 回 家 》 古 巨 基
《 男 人 KTV 》 側 田
《 化 》 楊 千 嬅
《 思 前 戀 後 》 孫 耀 威
《 花 落 誰 家 》 李 克 勤
- 優 秀 流 行 國 語 歌 曲 獎 -
《 不 能 說 的 秘 密 》 周 杰 倫
- 最 有 前 途 新 人 獎 -
金 獎 ： 陳 柏 宇
銀 獎 ： 周 柏 豪
銅 獎 ： 洪 卓 立
優 異 獎 ： 鍾 舒 漫 / 江 若 琳 / 小 肥
- 全 年 最 佳 進 步 獎 -
鄭 融
-CASH 最 佳 創 作 歌 手 獎 -
王 菀 之
- 全 國 最 佳 中 文 歌 曲 獎 -
《 富 士 山 下 》 陳 奕 迅
- 全 國 最 佳 歌 手 獎 -
男 歌 手 ： 劉 德 華
女 歌 手 ： 容 祖 兒
組 合 ： Twins
金 針 獎 ： 杜 麗 莎
優 秀 流 行 歌 手 大 獎 ： 李 克 勤 、 陳 奕 迅 、 張 敬 軒 、 劉 德 華 、 古 巨 基 、 側 田 、 楊 千 嬅 、 衞 蘭 、 Twins 、 容 祖 兒
**********************************
“全年最佳進步獎”係鄭融? 佢今年有咩進步呀? 上年攞就話o者…港台真係亂咁o黎! 十優又無理由有janice而無hocc o既…又係離譜!
又o係youtube睇到阿“畢正義“個舊mv…係“abcd我話你知…”by陳山聰…當年都成日聽, 因為有個同學仔真係好鍾意陳山葱…嘩, 其實佢到依家都好似無咩點變!
(陳山聰 - ＡＢＣＤ MV)
嘩…youtube真係令人愈睇愈興奮, 欲罷不能…仲有呢個“電視烏雲廿五載”又係搞笑…祥仔扮劉天賜真係好鬼死似…
posted by 芒姐 at 11:58 下午
37 Comments:
好似話聽日重有d大獎要頒
同埋聽日都有ok大部份時間係for performances.. 可能係十大金曲三十年既原故啦!
不過今日聽過d表演好似都幾吸引哈哈!
反正而家d頒獎禮都係當show咁睇架啦。
喂, 芒姐學警開3喎, 原班人馬冇大宇羨妮容祖兒
不過有返三哥苗橋偉重會做奸角tim
見到咁既情形, 好驚自己又接受唔到哈哈希望佢唔好當續集咁拍啦。
btw,
律2既vincent真係好大配角呀, 好想睇佢上court呀法官大人!
港台d獎真係型, 十優無hocc, 金曲又無佢...不過佢唔好成日提呢件事啦, 提得太多啦真係...反正個咁o既獎騎騎呢呢, 由鬼得佢啦. 講真buy佢o既人點都係buy佢, 唔buy佢o既人都唔會因為佢拎左咁o既獎而buy佢架啦.
金針獎方面又係奇趣...唔係話teresa姐姐唔唱得, 不過佢形象方面俾我感覺比較鬼婆D, 或者係我見識少, 唔係太知佢到底點解佢可以拿到"中文"金曲o既金針獎呢?
會唔會有人解答到我呢個疑難?
律政中的卓偉名(vincent)的命運都幾坎坷...第一集停版,第二集仲要唔記得嘢兼以後都做唔到律師,啲編劇唔係趕到咁絕吖...
相信陳鍵鋒應該係得罪左電視台高層, 如果唔係點解會咁絕? 佢而家大律師又做唔到, 又失埋憶, 最慘就係得罪埋有錢佬孫伯滔, 真係有D窮途末路嘅感覺, 佢仲要仔細老婆嫩添, 唔通又要老婆養番轉頭?
之前睇娛樂新聞睇到港台頒獎.....
係度諗....佢頒0左咁多獎...
心裡不禁有個疑問~~~
到頒獎禮0個時仲有咩獎頒
另外，律2真係冇律1咁好睇
個結局有D兒嬉
~~~~~~~~~~~~~~~~~
套戲大部份的時間都係講申萬軍同寶寶的父女情......
馬明同冼迪琦做戲OK ge
不過我成日都覺得琦琦把聲...好高音
芒姐之前咪問佢係邊度出0黎ge~~~
琦琦其實都拍過幾多0野~~
好似阿旺新傳-做宣萱(阿鳳)的童年
鳳凰四重奏、隨時侯命、
千謊百計、蘭花劫-做蘇玉華(炎沛湖)的童年、師奶兵團-Tina(最記得佢踢波,haha)
佢依家仲同馬明拍甜言蜜語
但無可否認, 睇完律2之後, 馬明真係冇以前咁乞我憎, 甚至有少少討我歡喜~~
辛萬軍同寶寶的父女情又真係幾TOUCHING, 唔知係冼迪琦好戲定係馬明好戲, 但睇親佢地嘅對手戲都會好投入, 總覺得佢地好似真係幾好感情咁~~
芒姐，
又係我Marky.
你地講到律證新人王2咁差，但係我其實好羨慕你地有得睇！我諗遲o的會去bt掛.
我在多倫多冇租帶既習慣，所以晚晚睇中文電視.o岩o岩播完歲月風雲同肥田喜事，兩套都唔掂.
到而家鳳凰四重奏同布衣神相都去到十零集...唔錯，而且有驚喜，有期待！
好鐘意佘佘同娥姐，仲有潔儀姐姐應該就出！但係點解姚子羚咁怪？
楊怡同李詩韻加林峰plus艾威就更加正！連向月亮個樣都可以接受，但係林文龍就比較木獨...
係唔係只有我覺得佘佘同楊怡既歌都OK？我幾鐘意兩套劇既插曲.
其實律證新人王2都ok好睇, 至少可以吸引到我追, 肯定好過之前同時段果幾套!
arm arm 睇番馬明@律政1的片段, 佢個樣真係極咸濕, 做變態佬做得非常神似, 笑死我!
我係第一次留言, 我睇了你呢個blog好奈啦! 我係ｆｒｏｍ溫哥華．
芒姐, 你覺唔覺呀,林峰e家走條路線有d似當年的黎明呀?呢,拍了幾年電視,因為一年之內有兩個勁劇火紅連帶有其主題曲的大碟大賣.不過當年唱片市道令到黎明可以賣到20萬張,現在林峰只有2萬張,不過comparatively萛唔錯啦!
Btw, 我在聽溫哥華聽過佢唱live, 勁正! 我可以講, 聽佢唱live是一種幸運+幸福!
不過讚完都要彈吓. 以前林峰初初出道個時好’男仔’,跟住慢慢長大到開始有d男人feel. 不過唔知點解近年好似變得有d陰柔. 唔單止個樣,連行路都好似有d扭扭吓. 你留意一吓!
匿名,
多謝你o既支持...
um...林峰同黎明呀...有少少似啦, 但係黎明係先樂壇 (新秀)再tvb, 紅o左又再出番碟...林峰就係先tvb, 跟住搞o左好多年先出到碟 (雖然當年佢都好似簽o左正東, 但又無得出個人大碟)!
係, 佢真係唱得好好...其實我都同意你講, 我都係比較喜歡佢以前個陽光/剛強d o既形象...依家正如你所講, 變得有d"陰柔" (sorry呀, 各位die hard fans!)
匿名,
只能夠話佢真係做得好好...太神似:p
Miu,
係呀, 正如之前成日講, 如果作為一套普通劇咁睇係幾ok o架...最錯係背住"律政新人王"個名, 搞到某d位縛手縛腳!
Marky,
唔係話"律2"差, 只係同"律1"差一截o者...佢最錯係叫"律證新人王2"囉!
如果你想睇番, 可以上youtube或者tudou.com search...d人已經好快o地放晒上去...我都係上網睇!
"布衣神相"好似無o係香港的免費電視台播過...佘佘同楊怡唱歌...er...真係一般啦, 我諗以藝員o既standard都可以接受o既!
匿名,
咁即係無綫高層成功o左, 個角色真係成功幫馬明捧高一線!
馬明做得幾好, 但寶寶阿冼廸琪作為一個童星真係做得非常好, 有童真得o黎又唔造作...同埋段父女感情戲好真!
yan,
嘩...港台個頒獎禮真係悶爆, 好彩攞唔到飛...
你講師奶兵團-Tina我又記起喇...不過佢o個次個角色無今次咁出 (同埋討好)...
匿名,
陳鍵鋒唔簽經理人合約係咁o架喇...梗係捧o左自己d親生仔女先啦...不過佢又係有potential o既, 所以又唔捨得完全唔用佢!
匿名,
vincent真係兩輯律政中最慘的角色...都話真係唔出好過出...不過我未睇結局呀...大家已經講晒俾我聽...呀!!!!!!!!!!!!!!!
blue,
算啦, 金針獎近年都頒無可頒喇, 但係港台可能又覺得cut o左佢好可惜...真係雞肋雞肋喇!
我好認同你講, hocc根本唔需要咁介懷, 佢今次咁又俾說話港台聽高調地杯葛, 反而顯得佢好在意...蝕o左章!
christy,
嘩...個十大中文金曲頒獎禮悶到呀...表演又好似唔見得有太多時間 (esp. 30周年的回顧...反而20周年時做得幾好, 真係有一半時間唱經典金曲, 我o個時去現場睇到12點幾), 都唔知佢d時間用晒去邊...點解我好似覺得新人獎o個堆無得唱歌o既...定係我行開o左無睇晒時唱o左?!
"學警"開3喎呀? 反正"大宇羨妮容祖兒"都唔係第一輯的人馬, 無佢o地都唔係太覺, 反而想有番楊怡...三哥做奸角?! oh! 會唔會有佢老婆大人出山做番個角色...呢期佢個勢都似想復出喎...
終於睇哂律政二，唉真係同一無得比！
可能呢邊生活太苦悶，又加上近排無野好睇，身邊好多人都話好睇！律政二都算係幾成功！
後期真係好唔得,可以無啦啦有一大段飛左去講MK阿哥，最後個幕仲唔知點解會係brendon隻遊艇度,好怪呀佢地同BRENDON無咩關係架嘛,真係為總結而總結咁...阿玉昏迷完又到VINCENT，發生咩事呀真係？巧合成咁，感覺好搵戲黎做！
仲有真係估唔到vincent慘成咁,真係超級悲劇人物呀!失左憶連師爺都無得做!tvb真係親疏有別成咁,上一集佢係有型靚仔又年青有為既律師黎架嘛~
跟住套劇係律政新人王，但主線放係ＭＫ同佢個女多過打官司。不過無所謂啦，捧起左馬國明，對無線黎講都算係目標達成左！
同埋芒姐你知唔知NOEL係邊個,好熟口面又UP唔出佢係咩名呀...我開頭睇就已經估到佢係奸角黎哈哈...
又講一講林峰,你地咁講開我又覺得佢真係有D"陰柔"!以前佢有d肉地唔多覺,但當佢依家瘦到雙頰凹陷,佢塊臉越黎越又長又尖,仲瓜子過女人!我覺得佢係女人唔易做個年既身型係最適中...男人老狗塊臉咁瘦真係有d怪,仲要佢自己本身塊面尖得咁犀利!
芒姐，
其實我覺得佢地既歌藝只係OK咋，但係以藝員o黎講，飲得杯落。試試比較陳豪，吳卓羲同陳敏之。
近排你好似冇乜講懷舊野，得別係亞視／麗的（呼聲）。寫下寫下暴露晒我年齡既秘密添。
想當年我對IQ成熟時有非常模糊既印象（太細個，同埋睇一集然後走雞一集）但係竟然完全冇睇過變色龍！
最近哩度播完呢套八十集既經典，又睇番舊事舊人舊風景，覺得以前既劇集有戲味過而家好多！
淨係講三個主角潘誌文，劉志榮同劉緯民就有排講。。。不過究竟有冇網友睇過既呢？抑或淨得我一個傻佬？
Marky,
陳豪唱歌又真係...我諗佢係無咩天份o架喇, 但佢個人又出奇地討好喎, 尤其接受訪問的時候...
"變色龍"重播時我都曾經larp過兩o下, 但又真係唔係我杯茶, 所以無咩睇lu!
fernseher,
oh...我未睇結局呀!!!!!!!!! 不過我身邊的朋友就不停同我講劇情, 又話官恩娜會o係法庭著住件婚紗離晒大譜喎...我未睇呀, 不過我都覺得呢套劇係中段好睇, 到尾段又太天馬行空喇!
noel你都唔記得...係同梁榮忠玩"車震"o個個04港姐亞軍朱慧敏嘛(http://hejnom.blogspot.com/2005/11/11-5sat.html)...搞o左幾年先俾番佢出o黎拍劇! 不過pit開o個件事, 其實佢做主持同做戲都ok o架...可惜行錯一步成為眾矢之的!
係啦, 我都覺得男人太瓜子口面唔得...以前黑黑實實充滿陽光氣息的林峰最得 (其實咪又係講緊"律1"同埋"再生緣"年代o既佢)...依家太瘦同埋塊面唔知點解細o左好多, 好似差d放唔落d眼耳口鼻咁 (又要sorry喇, 各位die hard fans)!
芒姐，
你唔使講sorry, 驚住林峰fans會嬲，做得fans心臟都好強壯，EQ都越黎越是高，否則一早谷到爆。
見真人又唔覺佢動靜陰柔，似係大細路，表情多多，不過一到鏡頭前佢就有d過份斯文同拘謹，大笑既時後都會用隻手摭住個咀先笑，男人又真係比較少見。
佢打扮得確比以前姿整過，不過無可否認林峰靚仔左之後，又真係多左fans 。
講起林峰減肥，一定要講 6小姐， 佢周不時接受訪問講起佢d愛將，向來佢就鍚唱K同MK Wong鍚到出面，成日話佢地最有潛質，讚林峰我印象就有一次，話佢好專業，不過......原來只係話林峰一個星期就唔知減左幾多磅啦......好多不知情人士成日話6小姐點鍚林峰，我先覺得可笑。不過呢d都係過去既事， e+林峰明顯跑出左d, 表面上6小姐都不得不多d鍚佢。
P.S.芒姐：你真係好有心機回每一段留言，不過你唔使reply 啦，係見你地討論林峰，我先忍唔住又上來講兩句，不過一講就收唔到口 ^^
to: fernseher
隻遊艇係lily架, 劇情有交代過架!
to: 芒姐
我覺得noel好似80年代女飛人姬菲芙, 佢塊面黑到好似有油標出黎咁, 加埋佢個大口, 我真係有懷疑過佢係咪中非(係非洲個非)混血兒囉!
我諗林峰的背景,令佢有一定o既心理負擔,睇得出佢好唔想傳媒提佢的家境,於是反而比其他人更謹慎謙虛,刻意低調。
芒姐,
原來佢就係賤男事件女主角!唔怪得咁熟口面啦！當年我都略有所聞，但果段時間我好似好忙，無乜點呢理d八掛新聞嚕，連片都無睇過呀。
又原來隻艇係lily架?呢d細節可能真係miss左,因為後面果幾集我都無咩心機睇啦。唔計呢個point,個結局天馬行空將一堆橋段撈埋一碟都算,最後都wrap up得好刻意。唉都係芒姐講得o岩,呢套劇一開始就唔應該叫律政二,期望越高失望越大!我覺得,律政一係經典既其中一個原因係因為佢比較少tvb式情節,d plots去得好流暢,乾淨俐落!所以我expect 既律政二都係會耳目一新。律政一個結局好首尾呼應架嘛,第一集第一幕阿ben著住暴走鞋行,最後一個scene就係4個主角一齊著住暴走鞋行。感覺好完滿同溫馨!
poutine,
haha多謝你分享林峰既野!又對佢又多d認識。我未見過佢真人,我覺得真係佢塊臉既問題,可能佢天生真係有d女人味,好似鄭元暢,吳尊呢d!肥返d會好睇d,MAN D呀。你見到佢既話同佢反映下啦!哈哈...
樂小姐又幾搞笑喎,讚一個演員竟然係讚佢減肥勁!話時話我向來都覺得樂小姐捧人既程度同藝人既實力係唔成正比架。吳唱k同mk wong有幾多演技/潛質真係見人見智,mk wong 都好少少,但阿吳唱k一演唔係似自己既角色就o拿野!可能係我唔識欣賞啦哈哈...所謂路遙知馬力啦,點捧都無用,有料既自然有人會欣賞,好似林峰/陳鍵峰咁。其實咁樣都未嘗唔係一件好事,唔係最被力捧但又最多人buy先顯得佢地有料嘛!
朱慧敏做得幾好，演戲好淡定，唔似新手。佢選港姐時係咪行知性路綫？
《布衣神相》好睇！林峰飾演的賴藥兒好鬼有性格！非常令人喜愛！林文龍都幾討好，角色幾啱佢。李詩韻都做得唔錯，之前我好唔鍾意佢，睇完之後對佢好有好感。反而楊怡發揮不大。
++,
其實我好鐘意朱慧敏呢種女仔，不過而家個底花晒。快D有得睇律2就好囉！
布衣神相好睇哩，平時我老竇最唔鐘意睇無記劇集（當我地睇緊歲月風雲既時候，佢就開第二部機睇英文台），今次佢竟然乖乖地同我地坐底一齊睇！
marky,
我估你係唔係住加拿大果邊?美國無播過歲月風雲。不過呢套我寧願佢唔播,cast係好睇但真係太悶啦。其實美國呢邊都播緊布衣神相,聽聞大馬果邊都播緊。不過我要係屋企先睇到tvb,無機會係電視追啦,依家返學時期係d town仔睇土豆haha。
我自己都有上網睇過大約10集布衣神相,真係唔錯,得閒會追埋落去。睇既時候都有諗過明明cast都幾吸引,幾位主角都富有觀眾緣,節奏明快,題材新鮮,點解係香港會去左劇集台?呢套好睇過強劍多多聲啦。仲有林峰係入面個角色都幾得意,幾有性格,抵死得黎幾討好。同埋佢係裡面肥肥地,感覺比依家好。
fernseher,
你估得冇錯，我住響多倫多。講真，其實我對歲月風雲幾失望，因為有太多犯駁位同埋有D角色太蠢，唔抵幫。仲有，有乜理由攪成六十集都冇將重要既角色寫得淋漓盡致。長氣得哩冇個人會令你有深刻印象。
布衣神相今晚做第十三集。黑白道之爭其實十齣古裝有五齣都講呢種野，不過呢齣真係幾可觀。
擺響劇集台既原因？唔通因為有胡定欣？我老竇都問我點解呢個女仔咁醜樣？！
郭政鴻好鬼死型啊！可惜我係一個男人，所以我都係睇下楊怡算啦。
poutine,
哈哈...都唔係o架, 好少die hard fans會好似你咁大方+理智...好多係講佢偶像半句唔好都唔得, 但試問人又點會有十全十美, 人人都有缺點o架啦...就算我欣賞林峰, 都唔代表我會覺得佢咩都好o架嘛! 不過呢, 前兩日見佢個"娛樂直播"訪問剪碎o左d"陰"...雖然無咁typical "靚仔"look, 但我prefer咁喎...似番以前陽光d o既佢!
匿名,
姬菲芙...?! 咁都俾你諗到! 哈哈...咁又無咁誇張o卦?!
fernseher,
我覺得"律政1"最成功o既係佢寫實得o黎 (至少唔會太天馬行空)又不實趣味, 同埋好有人情味...最緊要係o個四個主角好有青春活力, 同埋各有特色...每一個都咁討好, 唔會好似今次咁太刻意要去捧一兩個而令另外d角色變得好唔討好!
哈哈...不過我又覺得暴走鞋o個part太刻意去營合潮流, 但其實同劇情無太大關係...本來套劇初初拍時個名叫"暴走律師"添...我仲有o個本sell去英國唐人街的精美印刷書刊!
++,
係呀, 其實朱慧敏一出道係走"知性路綫"...即係陳芷菁o個隻啦...所以先會安排佢做"香港直播"o既主持, 亦因此搭上梁榮忠, 令佢萬劫不復!
re: 布衣神相
大家講到咁好睇, 我都想睇o下, 唔知tbb會唔會好似"十兄弟"咁拿番去翡翠台播呢?
發佈留言
<< Home