2008年1月14日星期一

1-14(mon) 2007年度十大勁歌金曲頒獎典禮

大家不停吹我…好, 又係時候講番上個禮拜六o既112勁歌總選!

好耐無試過特登碌番屋企睇直播, 皆因無錄影機, 唔睇就要等n日後先有得睇…咁唔得o架嘛, outdate晒, 所以都係要趕返去睇呢個一年一度o既大show!

賽果基本上無太大驚喜, 所以tvb刻意要出d怪招去搶收視…但係弄巧反拙, 某d位真係搞得幾肉酸…尤其係軒仔+ivana o個part…貼錯結果, what an excuse?!

首先一開場俾哈林同志偉哥哥唱足十分鐘…洗唔洗咁耐呀? d歌手唱得獎歌就反而唱得o個半隻, 有d本末倒置囉! 哈林你話一場請到佢o黎叫佢唱o下歌show quali都算…但真係唔好再要阿獎門人唱歌啦…唱歌根本就唔係佢強項, 上次翡翠歌星賀台慶已經係咁, 真係搵o黎搞…佢搞o下gag甚至講o下感性o野都得, 但唱歌就真係佢辛苦時大家都辛苦! 跟住中途又要俾d機會阿amigo唱o下歌show o下quali…對所有愛將真係不薄! 阿崔尚宮有得三連霸做司儀, honey又有得攞獎, 係差貽興王一個o乍!

阿志偉依然係當容祖兒無到…哈! 但係容小姐條群真係想點…:o? 小鳳姐呀?! 佢可以著得好好多…點解每一年都搞d 咁o野嚇大家? 同埋我以為佢一定係攞“愛一個上一課”, 點知係“零時零分”!



男女歌星獎都無驚喜, 居然俾容祖兒平到梅姐五連霸紀錄! 曾志偉窒佢換定晒衫o個part窒得好應…哈哈哈! 似乎佢兩個真係幾唔妥o下!

反而亞太區最受歡迎擺o係尾, 豬肉獎忽然變成大獎…睇蘋果話網上d人話好似金像獎頒o左影帝影后先, 最後先頒男女配角咁…又無咁誇張o既…畢竟字面上亞太區都勁d, 雖然大家都知道當年點解整呢個豬肉獎出o黎…就係因為男女歌星獎分唔暈!

eason起孖都唔出奇, 但係twins兩位小妹妹攞亞太區最受歡迎女歌手…呢個gimmick搞得幾好呀, 因為真係估你唔到 (我知佢o地o係內地好紅, 但我又真係估唔到tvb會頒俾佢o地)! 從佢o地o既表情, 都應該真係估唔到! 阿Gill個樣真係幾靚, 身材都幾好…當晚佢算係打扮得幾好o既一個…不過佢o既唱功真係倒退得好交關, 好明顯要靠阿sa backup住!

雖然克勤係賣飛核, 但佢隻“花落誰家”又無理由攞到“金曲金獎”同埋四台聯頒歌曲獎呀?! 第一次拿金曲金獎, 居然係憑呢隻歌…唔係話隻歌唔好, 但又未hit成咁, 同埋佢以前有好多更應該攞獎o既歌囉! 哎, 仲有佢攞金中金, 唱到一半反而俾人cut o左…咩安排o黎o架?! 好心一開場志偉哈林o個段就唔好搞咁耐啦!

“而 去 年 大 受 歡 迎 電 視 劇 《 溏 心 風 暴 》 主 題 曲 《 講 不 出 聲 》 是 金 曲 金 獎 大 熱 , 但 未 有 入 優 秀 選 而 削 減 得 獎 機 會 , 昨 晚 主 唱 的 關 菊 英 與 同 劇 的 李 司 棋 及 夏 雨 一 同 到 場 頒 發 最 受 歡 迎 組 合 獎 , 三 人 還 在 對 白 裡 加 插 很 多 歌 曲 名 , 李 司 棋 說 : 「 話 我 o地 爭 獎 , 你 當 我 甚 麼 呀 ? 」 關 菊 英 說 : 「 我 o地o黎 唔 係 爭 產 , 唔 係 爭 獎 , 我 o地 o黎 頒 獎 。 」”

…請問點解會無入優秀選呢? 呢個係咩安排? 真係百思不得其解! 呢首就算攞“金曲金獎”都實至名歸呀…大家唔洗爭! “溏心”個組合出o黎頒獎o個份稿寫得好差囉, 夾硬塞晒d歌名入去, 唔興o架喇…老細! 司棋姐套衫又真係想點? 都係o個句, 細契有咩可能只係頒獎, “講不出聲”連豬肉獎都無?! 好唔係tvb囉…呢隻歌hit到連周杰倫o係演唱會都要唱番兩嘴…最應該攞獎o既歌反而無得攞!

仲要無啦啦連泳兒都可以有一隻金曲…隻歌真係有咁hit咩? 我諗都係搞o下gimmick等佢喊o下o者!


(有 「 鄧 走 音 」 之 稱 的 鄧 麗 欣 ( Stephy ) 雖 然 一 直 希 望 能 踢 走 此 花 名 , 不 過 昨 晚 她 卻 依 舊 被 司 儀 崔 建 邦 拿 來 開 玩 笑 。 當 三 位 司 儀 表 示 要 比 拼 高 中 低 音 時 , 崔 建 邦 就 表 示 要 以 中 音 來 唱 《 電 燈 膽 》 , 但 他 卻 說 : 「 都 係 唔 好 , 我 驚 走 音 。 」 鏡 頭 還 即 時 轉 向 Stephy , 只 見 Stephy 笑 容 牽 強 , 苦 笑 之 後 更 即 時 黑 面 。)

Stephy就真係慘到唔恨…佢今年係咪嚴重犯太歲, 黑成咁? 首“電燈膽”咁hit反而好多台都無獎攞…又行到邊俾人笑到邊…反而有d同情佢! 每次俾人當面笑佢走音, 佢個樣都真係超尷尬…其實d人洗唔洗咁? 人o地擺明唔係sell實力…笑o下咪算囉, 唔洗笑足成年, 每個場合都笑, 然後影埋佢度睇佢有咩反應! 不過今次佢算好彩, 佢被安排同kary坐, 無咁悶, 之前見佢成日呆坐 (同埋最緊要唔係要佢同反o左目o既theresa坐)!

不過眼白白見住好姊妹kary都有得攞 (唔好誤會我唔likey佢, 其實cookies九餅年代我一路都係最buy佢…即管話我無taste!), 我又唔知佢首“逼得太緊”有咁hit, 好似舊年鄭融首“紅錄燈”咁攞晒奬 (不過今年唔見o左影, 好彩仲有個“A貨”李卓庭), 仲有側田首“男人ktv”都入到而佢就食白果…可能因為stephy近期俾人插得太勁, paco改捧側田同kary!

另一隻我覺得今年應該擺獎而無攞o既係關楚耀隻“你當我甚麼”…真係去到邊度都聽到! 同埋佢深夜12點幾每晚播一次o既廣告咩“你當我自摸”真係好成功…聽到人人都記得!

連孫耀威都要食白果, 但係關心妍就分到個咩傑出表現獎而佢無…請問關心妍今年表現有幾傑出呢? 我諗點都係孫耀威出過佢o卦? 不過都唔夠阿honey, 坐第一行不特止, 仲真係俾個傑出表現銅獎佢…請問佢今年o係樂壇又真係有幾傑出呢? 你俾個電視獎佢都算啦…唔係o係樂壇你都想argue話佢係好傑出呀嘛? 佢首唔知咩十年我諗真係無咩人會識…今次tvb又係害死佢!

不過都唔夠林峰俾佢o地害得慘…tvb真係俾個新人獎佢, 仲要係金獎…一宣怖時仲要影住樂小姐, 今次tvb似乎真係想玩死佢! 我知tvb一定俾獎佢, 但我以為頂多係銀獎o者, 雖然以佢o既實力攞金獎我覺得都無咩問題, 我都有o係電視機前為佢呼叫, 但因為係tvb, 就更加要避嫌啦…佢係tvb一線小生, 根本同d新人已經唔同年資唔同地位…你仲要俾到金獎佢, 一定會惹人不滿, 搞到佢俾人噓得咁慘…哎!

不過我都好開心有得聽佢唱歌…如果攞銀銅就無得唱囉! 我有個朋友send o左句咁o既俾我: “you must be happy that Raymond Lam won the best new singer award at TVB’s music award show!”…本來係o既, 但又好矛盾…因為佢實會俾人插死! 所以好多獎真係唔攞好過攞…攞獎固然錦上添花, 但無獎又唔會死, 攞呢d獎日後俾人插死仲慘…所以其實我寧願佢唔攞, 或者攞銀銅獎算啦! Oh, my dearest林峰is so可憐arrrrrrrrrrrrrrrrrrrrrrrrrrrrrrrrr!!!

btw, 原來佢“原名林匯文,後改名林逸峯” …唔睇wiki都唔知道!

仲有個咩“新人薦場飆星獎”…唔知係邊年開始加o既…又係因為d獎分唔暈, 夾硬加多個獎俾同金獎叮噹馬頭o既新人, 因為呢個獎都係有得獻唱o架…不過咁樣真係搞到人好混亂! fyi, 2006年係廖碧兒得呢個獎…不過當然又係因為tvb藝人身份俾人噓o左兩o野!

仲有, 連裕…美…都有份?! 雪映移城呀?! Oh, 狗狗…真係嚇死我!

不過點都要讚多次, 今年d新人算係近十年來實力最好o既一年, 講緊係整體o既水準, 而唔係幾個特別出色, 其他唱到走晒音…今年最差o個幾個以新人準則都算唱得唔錯…可以媲美九十年代初o既新人 (o個時每年都已經有一個半個唱到走晒音!) 所以今年特登整個環節俾d新人表演都幾好! Hotcha跳舞都跳得唔錯, 仲有, 想講好耐都唔記得…我覺得其中一個妹妹個感覺好似楊思琦呀! 同埋eternity girls係咩人o黎o架? 點解好似聽都未聽過佢o地個名咁o既?!

至於最難受當然係個傑出表現獎頒錯獎事件 (btw, 今次終於第一次聽佢o地define點先有資格攞呢個獎)…王菀之又係勁慘…咁樣玩佢, 仲肉酸過當年新城頒錯獎…真係唔知有心定無意喇 (後尾王菀之講o個句:“都無心o既”好認棍!)? 今次唔同“廚房宣言”, o個次係成人之美, 搵到個感動位, 但今次咁玩王菀之係整o左個尷尬位, 無論係得獎o既張敬軒或者係佢都係受害者, 兩個都咁尷尬 (相信要做呢台戲o既崔建邦同志偉都一樣咁尷尬), 估唔到無綫會為o左爭版位做出呢一招…over o左, 真係有d過份! 如果我係佢兩個都真係會有d嬲…攞獎 (even係豬肉獎) 都叫做係開心事, 俾你搞到依家咁肉酸, 真係呢世都會記得…雖然佢o地都好似好樂意去以呢段緋聞宣傳! 咁又係, 人在江湖都身不由己o既! 最抵死係wiki連呢樣o野都寫埋出o黎!

不過我真係幾欣賞張敬軒…感覺好謙虛, attitude好好! 有好多人 (即使係低級過你的人) 都可以勁無禮貌…真係好想同佢o地講:“你無病呀?”…莫講話我係你上司, 就算我係掃地o既…你都應該有基本禮貌呀?! 所以張敬軒呢種attitude, 我要大力讚賞!



古巨基今年好可憐喎…得咁少獎! 睇番資料, 原來佢係未攞過男歌星獎添…依家個勢跌番落去, 睇o黎以後機會都微d喇! 近年佢o既形象係有d over , 但佢今次一番言論講得好好…點都要讚o下…大家又學o野喇:

“同 樣 是 輸 家 的 古 巨 基 前 晚 大 方 出 席 慶 功 宴 , 他 說 : 「 我 用 打 麻 雀 o黎 比 喻 , 打 牌 最 緊 要 打 好 自 己 份 牌 , 食 糊 要 睇 天 時 地 利 人 和 , 有 時 叫 三 飛 未 必 食 得 出 , 可 能 卡 窿 反 而 食 出 。 牌 品 好 人 品 自 然 好 , 我 兩 樣 都 好 , 人 o地 食 糊 我 戥 人 開 心 , 新 一 年 從 頭 打 過 個 東 圈 囉, 最 緊 要 打 好 鋪 牌 同 有 得 繼 續 打 。 」”

呢段都好笑…千嬅又係回應得幾好…其實呢d頒獎禮, 真係好考eq…贏或者輸已經要考你台上/下反應, 之後仲要一一回應記者提問, 真係低d eq都撐唔到!

“花 絮 : 冇 品 歌 迷 挑 起 糾 紛

前 晚 慶 功 宴 會 場 樓 下 聚 集 近 300 歌 迷 加 圍 觀 市 民 , 維 持 秩 序 的 警 察 則 有 逾 20 名 , 當 眾 星 都 到 達 後 , 現 場 忽 然 有 歌 迷 大 叫 : 「 楊 千 嬅 收 皮 。 」 即 時 引 起 兩 幫 歌 迷 激 烈 爭 吵 , 要 由 警 方 介 入 調 停 才 平 息 紛 爭 。 千 嬅 昨 日 得 悉 此 事 後 說 : 「 咁 堅 ? 好 似 無 間 道 。 年 輕 人 之 間 o既 誤 會 , 相 信 唔 係 鬧 交 , 小 朋 友 有 自 己 情 緒 , 大 家 唔 好 咁 介 意 。 」”


《 2007 年 度 十 大 勁 歌 金 曲 頒 獎 禮 》 得 獎 名 單

最 受 歡 迎 男 歌 星 : 陳 奕 迅

最 受 歡 迎 女 歌 星 : 容 祖 兒

金 曲 金 獎 : 《 花 落 誰 家 》 李 克 勤

亞 太 區 最 受 歡 迎 香 港 男 歌 星 : 陳 奕 迅

亞 太 區 最 受 歡 迎 香 港 女 歌 星 : Twins

最 受 歡 迎 男 新 人 獎
金 獎 : 林 峰  銀 獎 : 陳 柏 宇   銅 獎 : 洪 卓 立

最 受 歡 迎 女 新 人 獎
金 獎 : 江 若 琳   銀 獎 : 裕 美   銅 獎 : 鍾 舒 漫

最 受 歡 迎 組 合 獎
金 獎 : Twins   銀 獎 : EO2   銅 獎 : HotCha

最 受 歡 迎 唱 作 歌 星
金 獎 : 王 菀 之   銀 獎 : 孫 耀 威   銅 獎 : 張 繼 聰

2007 年 度 傑 出 表 現 獎
金 獎 : 張 敬 軒   銀 獎 : 關 心 妍   銅 獎 : 鄧 健 泓

2007 四 台 聯 頒 音 樂 大 獎 歌 曲 獎 : 《 花 落 誰 家 》
作 曲 : Eric Kwok   填 詞 : 林 若 寧   主 唱 : 李 克 勤

新 人 薦 場 飆 星 獎 : 小 肥

最 受 歡 迎 華 語 歌 曲 獎
金 獎 : 《 小 小 》 容 祖 兒
銀 獎 : 《 淘 汰 》 陳 奕 迅
銅 獎 : 《 四 人 遊 》 方 大 同 、 薛 凱 琪

最 受 歡 迎 廣 告 歌 曲 大 獎
金 獎 : 《 心 花 怒 放 》 容 祖 兒
銀 獎 : 《 永 久 保 存 》 陳 柏 宇
銅 獎 : 《 你 的 味 道 》 HotCha

幕 後 大 獎 : 《 富 士 山 下 》
最 佳 作 曲 : 澤 日 生
最 佳 編 曲 : 陳 珀 、 江 志 仁
最 佳 填 詞 : 林 夕  
最 佳 歌 曲 監 製 : 梁 榮 駿

十 大 勁 歌 金 曲
《 酷 愛 》 張 敬 軒 、 《 愛 回 家 》 古 巨 基 、 《 逼 得 太 緊 》 吳 雨 霏 、 《 零 時 零 分 》 容 祖 兒 、 《 富 士 山 下 》 陳 奕 迅 、 《 男 人 KTV 》 側 田 、 《 化 》 楊 千 嬅 、 《 無 心 戀 唱 》 泳 兒 、 《 花 落 誰 家 》 李 克 勤 、 《 木 紋 》 何 韻 詩

又係時候o黎個芒姐勁歌全紀錄:



2007-1-13(sat) 2006年度勁歌金曲頒獎典禮



2006-1-18(wed) 2005十大勁歌金曲頒獎禮 (下)



2006-1-17(tues) 2005十大勁歌金曲頒獎禮 (上)



2005-1-29(sat) 2004頒獎禮



2004-1-16(fri) 大迷信, 大迷信, 大迷信1993/2003?!



2004-1-11(sun) 勁歌後記



2004-1-10(sat) 2003勁歌總選



2003-1-5(sun) 2002年度勁歌總選review



2003-1-4(sat) 勁歌總選前奏



2006- 3-26(sun) 時光倒流12年...1993樂壇頒獎禮回顧



歷屆“十大勁歌金曲頒獎典禮”wiki…又係勁詳盡!

38 Comments:

Anonymous iris said...

唔該芒姐幫忙,我會考慮下用邊個blog=)

唉唉,真係好可惜呀,講不出聲居然無獎,"鄧"細契唔抵呀!!!唔制呀!!XD

8:23 下午  
Blogger Domotoiceko said...

獎門人唱歌…真係好難頂…

頒錯獎我都唔知無記係有心定無意,不過兩位當事人尷尬得來幾大體…禁不住對兩位歌手加分了…唔理佢地既傳聞係真係假啦…

eternity girl係福音歌手,有一水佢地啲歌係k場間場歌,唱一場k聽幾十次佢地首《回家》…

我仲以為細契呢得會有獎…點知淨係頒獎和宣傳新劇…

9:18 下午  
Anonymous 匿名 said...

看到林峯得新人金獎,实在為他高兴。論唱功和人氣可以拎金獎,只是出碟太遲了,沒有足夠時間在樂壇奠定地位,加上大碟的曲风單調以及K歌太多,顯不出他的唱功而已。這二天看到網上的負面言論,实在為他難過。可能得銀或者銅比較好点。

9:19 下午  
Anonymous 匿名 said...

芒姐,孫耀威冇食白果呀,分到個唱作人銀獎,不過佢自己都好愕然咁要望下個獎座上面寫咩,因為係'唱作人'...
另外,迫得太緊算好hit,k場好多人唱,我覺得hit過酷愛,不過電燈膽仲hit得勁好多~但就一個獎都冇,唔知paco係咪驚佢唱唔到現場,以後翻唔到身,定係已經放棄左佢。當然,講到全香港都識唱就一定係講不出聲,不過你都識講啦,有d獎唔拎好過拎,呢d年輕一代的頒獎禮費事參予啦,有d格格不入~或者做下表演嘉賓都唔錯...
twins既阿嬌果晚好靚,不過唱歌真係好似差左好多,要sa帶住佢先冇走音,唁知係咪件衫凍得滯..佢地拎亞太都算實至名歸,因為joey千fa佢地在大陸同台灣的確係唔夠twins紅,不過twins拎亞太'女歌手',當晚又獲得'最受歡迎組合',今日睇報紙又話佢地下年會向'最受歡迎女歌手'進發,咁即係點,無記真係要define獎的定義~
(唔怪得泳兒有,原來twins個金曲quota俾左佢,睇黎英皇好睇佢)
冇可否認,今年'亞太'係比'最受歡迎男/女歌手'注目,因為真係估唔到佢會俾邊個嘛~

10:39 下午  
Anonymous 匿名 said...

芒姐 and 匿名,

both of you said it is surprised that twins 拎亞太女歌手.
however, Joey Yung had already mentioned to newspaper reporter that twins had chance to get 亞太女歌手. As I remember, she mentioned this one day before 頒獎禮.
So I am not surprised.. haha

Also, Joey Yung has prepared for performance before getting 最受歡迎女歌手....
So I am not surprised that she knew some results before the show too..

11:30 下午  
Blogger poutine said...

芒姐,
我有響現場看,林峰得獎時候既歡呼聲比好些其他得獎歌手都要熱烈,而且聽聞當晚被噓還有其他人,而且更大聲。成個場坐左接近萬人,我唔排除真係有少數人會噓,但係有幾多個先,記者將呢d所謂“噓聲“無限擴大,然後愚弄d 讀者,製造“民意“。

老實講,香港有好多當紅星都係在噓聲中成長,林峰e+呢一刻未必可以做到眾望所歸,但得金獎佢係實至名歸,就算真係有人噓佢,只會鞭策佢做得更好。我對佢幾有信心,我看番好多多年黎既訪問,覺得佢EQ同IQ都幾高,思想成熟,人緣又好......哈哈,都係唔好講落去。

btw,林峰真係無被其他新人排斥,你看看梁雨恩's Blog有好多新人響台上同rehearsal既相。

http://hk.myblog.yahoo.com/cathy_0709/article?mid=667

11:57 下午  
Anonymous patrick said...

終於等到你呢個post啦...我個晚出左街,返黎睇得個後半part...我覺得司儀表演都仲可以(人地send返俾我睇),但我都唔明黑眼圈同雞仔聲想點...又話d工作人員貼錯名...難為左人ja...唉...幾鬼瘀呀...都唔知俾咩反應好...傑出獎只係花巧野...芒姐唔好咁care啦...patrick都只係銅獎之ma...坐第一行都唔代表d咩...只係行過一次讀左幾句多謝就返埋去,又唔係行黎行去...算吧啦...

12:25 上午  
Blogger fernseher said...

講得o岩呀,今年最hit一定係講不出聲!不過我諗tvb淨係諗分勻豬肉獎比咁多間公司已經好頭痕,所以就算數啦!仲有我覺得電燈膽係真係deserves一個金曲獎,姑且勿論唱者既唱功,首歌真係好hit!泳兒攞獎無問題,但隻黛玉笑了點都紅過無心戀唱啦,4台冠軍喎,真係頒錯歌呀!

點解張敬軒會比人叫勁囂?我覺得佢真係無問題喎,講說話都好得體!真係人紅自然事非多...王苑之都係,又係好大體,本身對佢無咩好感,依家又係對佢加哂分!同埋基仔又真係幾有風度,係d討論區見到有人話,佢係金曲金克勤唱歌時示意佢d fans打拍子跟住唱,依家真係幾欣賞佢呀!頒獎禮真係睇到歌手真實既一面...

我覺得呢次頒獎禮最慘係stephy同林峰 真係典型香港人既羊群心理 一沉百踩!

講真,平心而論,stephy真係唔係唱得咁差... 講差,我覺得呢個亞太區最受歡迎女歌手twins差過佢多多聲wor!!阿gill到依家,依然係幾乎無一粒音唱o岩咁滯!電燈膽呢隻歌唱live係有難度,比一個唱功唔係好勁既人唱係真係令佢自暴其短,但我覺得佢真係係果次勁歌失過一次手姐,都唔駛叫佢鄧走音呀嘛? 我因為想知stephy係唔係真係咁差,特登係youtube睇過好多佢既live,好多都唱得ok喎!佢真係好慘,已經無獎攞坐足成晚仲要比人串...人地又唔係無努力過,點解唔可以留返少少面比人,人地都係出來搵兩餐姐!

仲有林峰,我不嬲都好欣賞佢...聲色藝俱全而且好識待人處世,又有觀眾緣,佢應該係年輕小生中最有機會走出電視同大紅。如果因為tvb親生仔呢個身份而對佢有偏見,真係太可惜啦!雖然我知tvb一定比獎佢,但我又無諗過真係咁夠膽比金囉,以為佢會避嫌,費事比人話佢造馬呀嘛!雖然我係都好開心佢攞到,學你話齋起碼有得聽佢唱歌先啦(可能物以稀為貴,咁耐以來都一直覺得佢唱主題曲好好聽但又好少機會聽佢唱,成日形住有得聽佢唱live係好難得既事)但佢依家搞到咁,真係寧願佢唔攞!(仲要不停影住樂小姐,有無需要咁刻意呀?明玩林峰囉)好慘姐,明明係有實力,而且真係係香港大陸海外都好受歡迎,隻碟又短時間內賣到金唱片,依家比全世界講到好似係tvb施捨個獎比佢咁,有d過份囉!我覺得佢拎真係無問題喎,所有野都符合哂最受歡迎呢四個字!無錯,今年其他新人都好有實力,但係個個頒獎禮都係偏幫自己人架啦...如果今次拎金獎既係吳唱k我覺得真係幫唔落,但今次tvb幫既一個有真材實料既親生仔,就算真係造馬亦都造得合理囉!

同埋芒姐你聽唔聽到林峰比人噓?我特登睇左段片幾次都聽唔到喎...

嘩呢篇comment好長,我都唔知自己打左咁多野哈哈...

5:43 上午  
Blogger start said...

好同意fernseher嘅呢句"一沉百踩."

今次嘅頒獎典禮再一次印证好多人對藝人負面嘅一面(不論真或假)嘅留意已經去到以偏概全嘅程度. 到底喺媒體影響讀者, 定喺讀者影響媒體? 真喺無從而知, 或者答案已經唔再重要.

好似严肃咗啲, 哈. 应该讲番句, 支持Monjeh锄强扶弱... XD

10:54 上午  
Anonymous 匿名 said...

我都係響現場睇,的而且確真係頒錯左獎架,我坐既位岩岩係d歌手背面,係志偉佢地上落台果邊,睇得好清楚,志偉同d工作人員真係好緊張架果時,到左賣廣告既時候,勁歌監制仲同王苑之鞠躬道歉架,所以我相信真係頒錯左架,我仲見到克勤係咁問志偉究竟咩事,同埋林峰得到金獎果時,我真係聽唔到有噓聲喎

12:20 下午  
Anonymous christy said...

我都覺得個所謂既"噓聲"係傳媒刻意誇大, 林峰係親生仔嘛! 唔講佢講邊個!
雖然我聽到林峰拎新人金都SHOCK左一SHOCK, 不過諗諗下都覺得合理丫! D人接受唔到, 應該係因為係佢出道左大耐, 大家接受唔到佢係新人哈哈, 其實佢都唱過好多歌, 不過是部份樂迷太善忘姐。

容小姐條裙好唔得, 行路行得怪怪的, 好唔得體! 重有佢換哂衫果野我真係好唔鍾意哈哈! (志偉哥真係窒得好中!) 嘩, 估唔到佢咁快就平了亞梅姐連拎5年最受歡迎女歌星既紀錄! 不過我深信梅姐想當年就受歡迎好多!

sorry! 我始終接受唔到TWINS拎亞太區最受歡迎女歌星! 除非tvb真係define下個獎啦! 明明係組合, 又點會拎到呢個獎? -_-

睇完呢個SHOW真係好想TVB改善下D time management. 差唔多全部歌手都有冇乜時間講致謝辭, 唱歌又得半首, 俾台下既工作人員圈爆, 但司儀就大把時間唱歌搞gag. 學你話齋, 如果開場時唔好搞唔多野快d頒獎就唔會搞到咁多"圈"。

P.S. 我懷疑PACO係刻意令Stephy最尾一個頒獎禮先拎獎得民心, 因為佢講過 :
老闆黃柏高也力撐她說:「街上的人鍾意她的歌咪得囉!人們替她不值反而贏了。」

如果PACO真係咁安排....PACO! 你好野! 果然係金牌經理人!

2:14 下午  
Anonymous Vince said...

勤哥首"花落誰家"擺金曲金獎.....真係講不出聲.....

我寧願俾個亞太區男歌手佢......反正個獎都係得個名

11:48 下午  
Anonymous mic said...

我想講d關於律政新人王既野...其實1入面都有陳山蔥架...佢飾演一個bartender... 係切手指果個case入面出現的!!

12:09 上午  
Anonymous 匿名 said...

我同意芒姐你講o既,林峰因為tvb呢個身份而出現的尷尬情況,不過又真係論實力o既話,佢係絕對可以攞金o既。如果當年吳卓羲都可以攞銀(希望無記錯啦),咁林峰又點可以唔攞金呢?

12:22 上午  
Anonymous 匿名 said...

覺得古巨基唔知係咪今年無咗壓力呢,定還是經過演唱會訓練之後,覺得佢呢三之的頒獎禮唱歌唱得順咗定咗好多啊,d音好穩..睇的時候有d意外佢的表現

12:34 上午  
Anonymous van said...

今次tvb成個show真係做得好差,我唔相信頒錯獎俾ivana(傑出獎)係刻意做出黎,完全係失誤,仲要係好嚴重個挺.綜合埋呢幾年頒d獎,tvb真係十分之唔貼近民意,個個台都係同唱片公司分豬肉,但係tvb真係幾偏向英皇(特此聲明:我個人黎講幾憎英皇,所以可能有bias).加埋呢個show既收視率都唔係話會太好,我真係覺得tvb不如摺左個show佢啦,每年越做越俾人抦得多...

話須如此,twins拎亞太我又覺得好合理,仲要係差唔多成個頒獎禮咁多唔合埋既獎較合理既一個.撇開組合/女歌手問題,佢地又真係最suitable拎呢個獎,睇佢地呢兩年都越黎越少係香港,都向重心轉移左出外

fernseher:鄧走音無錯應該係由香港幾大網上論壇度作出黎,然後俾報紙雜誌轉載,個度d人活躍發言既年紀比較輕,大多數都係中學生,同埋佢地又鍾意一窩蜂講一樣野,如果你有相反意見好易俾人打做異類,所以個d地方出黎既意見多數都好偏激同單一.stephy被佢地蹈既程度直情有人改埋歌詞plug上mv唱埋出黎再放youtube,所以就算有人替stephy講返少少公道說話時,都冇乜方法表達到出黎,再加埋d傳媒選擇性報導,咪變成今日咁...

7:01 下午  
Anonymous ++ said...

容祖兒條裙又真係...唔知佢想點?!靚又唔靚,仲要好論盡!

Stephy同Theresa反目?我唔知喎!點解既?Stephy又真係慘,好尷尬!

《講不出聲》點可以o係勁歌拎獎呀?感覺好怪!我建議以後台慶頒獎禮新增主題曲/插曲/片尾曲獎。

mic:"其實1入面都有陳山蔥架...佢飾演一個bartender... 係切手指果個case入面出現的!!"
我都記得!哈哈哈!啊!!又有一個新發現!陳山蔥中意既女仔既黑社會情人,o係律2做的士司機!!

見咁多人講林峰,我又講埋一份先!我支持林峰攞金獎!我要為佢平反!

新人一世人得一次,以後冇可能再做新人啦!係我就梗係攞得就攞啦!視帝都話可以等,可以讓,新人獎點等啊?再過一年就變舊人啦!有紀念意義嘛!仲有,攞銀銅有咩意思?都冇得唱歌!吳唱K當年都有銀啦!林峰唱得好過佢咁多,唔係一樣銀嘛?

況且我覺得佢應得喎!論實力,人氣,樣貌,銷量,其實綜合起身佢足秤攞金獎(我都同意fernseher所講佢係聲色藝俱全)。我相信一定有其他歌迷因爲自己偶像得唔到獎而鼓噪,但係我相信支持林峰既都有好多!起碼見到台上歌手好似都對佢幾支持。台下反應就唔知喇!不過我睇電視又唔覺有噓聲。報紙所講我諗一定會有誇大成份,佢地最叻作故啦!實係趁機踩多兩踩。

其實林峰被人插都係因爲佢係親生仔。如果pit開呢一點,佢有咩好被人插?如果因爲親生仔而對佢有偏見,我覺得對佢好唔公平!我覺得佢好好,值得攞金獎。要我揀多次的話,我都係會揀希望佢攞金獎,就算明知一定會有人不滿。d人覺得造馬,就算係銅都會話造馬啦!既然都係被人話造馬,不如金獎。我覺得,如果認爲自己應得,就應該理直氣壯,唔好理人點講,更加唔應該為左避嫌就放棄攞獎。如果唔係,咪即係向"惡勢力"妥協?所以為左堅持原則,維護正義(哈哈哈!),我更加要支持林峰攞金獎!哈哈哈哈哈哈!

10:15 下午  
Anonymous Marky said...

Hey Monjeh,

I am your newest fan from Toronto.
Started to read your blog 2 weeks ago and I just cannot stop!

Just read your entry on March 6, 2006 about 難兄難弟, http://hejnom.blogspot.com/2006/03/3-6mon.html. I remember these lines...笑死我!:

劉家傑: "Oh, what a pleasant surprise!"

李奇: "係,近派我都好少食齋!"

11:18 上午  
Blogger 芒姐 said...

Marky,

Thanks for your compliments and support!

"難兄難弟" is indeed a very good drama...very entertaining...and the script is also well-written! haha, it brings me lots of laughter...and the songs are nice as well! i love it a lot!

10:53 上午  
Blogger 芒姐 said...

++,

Stephy同Theresa被傳反目都一段日子...又係o個d爭做一姐呀, 話佢o地早在九餅年代已經不和...我睇就本來一般啦 (即係stephy平時都係話在cookies裏面都係同angela同埋kary friend d), 但事件傳出後俾人講講o下唔係不和都變真啦...人言可畏嘛!

哈哈...我又真係覺得"講不出聲"得o架喎!

um...其實我覺得林峰攞金事件過一陣就無咩人會記得o架喇, 畢竟都係一窩峰去講, 傳媒又煲o下咁...既然都攞o左, 咪開心面對囉...反正都係o個句, 無人可以討好晒全世界人, 有人支持你就總有人唔鍾意你...都唔理得咁多!

10:59 上午  
Blogger 芒姐 said...

van,

哈哈...咁畢竟"勁歌"都有一定經典程度, 摺o左佢又可惜o左少少...唔好搞咁多"花臣"踏實d可能好d, 反正搞"花臣"佢一定唔夠叱咤o黎!

p.s.好同意你對鄧走音由來的分析...年青人, 就係咁o架啦...加上討論區講o野相對地唔洗"負責任", 更加會出現一d無咩理據一窩蜂為鬧而鬧的偏激言論...

11:03 上午  
Blogger 芒姐 said...

匿名,

古巨基可能今年無咁"出位", 人都自然低調o左...其實大家前幾年唔欣賞o既, 就係佢略帶浮誇o既"情深深"式表現, 依家似番以前"娛眼"年代的基仔會討好d!

11:06 上午  
Blogger 芒姐 said...

匿名,

咪係...吳卓羲當年都攞銀o架 (不過話說回頭, 想當年 [其實都係兩年幾前咁大把]佢都幾紅o架...不過紅得快又跌得快囉), 林峰係絕對有實力攞金o既, 只係身份, 地位同年資有d尷尬囉...

11:12 上午  
Blogger 芒姐 said...

mic,

係喎, 你好好記性, 你唔講我都差d唔記得...oh, 仲有呢集律師樓個recep朱婉儀, 上一輯都有同李家聲做其中一單case的夫婦, 話個老公甩假髮令佢吃不消o個個...

11:49 上午  
Blogger 芒姐 said...

Vince,

係啦, 同意...我都覺得克勤攞亞太區會合埋過"花落誰家"擺金曲金獎...

11:50 上午  
Blogger 芒姐 said...

christy,

twins都有份入圍最受歡迎女歌手, 咁拿亞太區女歌星都無話唔得o既...

好同意tvb應該搞好d time management先再搞咁多o野...獎門人唱歌同埋d司儀爛gag部份cut o左佢仲好啦...

re: "我懷疑PACO係刻意令Stephy最尾一個頒獎禮先拎獎得民心, 因為佢講過 :
老闆黃柏高也力撐她說:「街上的人鍾意她的歌咪得囉!人們替她不值反而贏了。」

如果PACO真係咁安排....PACO! 你好野! 果然係金牌經理人!"

...我覺得你呢個"陰謀論" (唔好誤會, 絕無貶意呀o下!)好得, 好有智慧...paco的捧人手法咁高明, 個人認為你呢個分析不無道理喎...勁!

11:56 上午  
Blogger 芒姐 said...

匿名,

如果真係意外, 咁就未免太符碌...不過, 電視台頒獎禮係應該要經過好多重"審核", 無綫仲要搞o左咁多年頒獎禮, 無咁易錯o既...不過我唔排除d主持人真係會唔知...

12:06 下午  
Blogger 芒姐 said...

start,

其實娛樂圈同娛樂新聞係咁o架喇, 或者係呢隻style先多讀者鍾意睇...又係有雞先定蛋先的問題...我相信做得藝人, 尤其係成功o個隻, 應該可以用平常心去面對一切新聞...就算依家未做到, 練多陣就得o架喇...呢d亦係提升eq同個人修為的好方法!

12:09 下午  
Blogger 芒姐 said...

fernseher.

"講不出聲"連豬肉獎都分唔到個, 真係戥細契唔抵 (雖然我諗佢一d都唔在乎...但係我都想聽佢現場唱番隻"講不出聲"!

張敬軒會比人叫"張勁囂"證明佢紅囉...紅就咩都會有人講...而作為藝人, 佢應該開心先o岩, 因為有人講佢證明佢有新聞價值...你唔紅時, 理得你勁囂定勁謙呀?!

其實可以咁睇, "鄧走音"呢個名某程度上都幫到stephy, 因為俾人踩得太勁, 反而引起大家注意, 又發現唔係d人踩到咁差, 反而會有d同情佢, 會撐佢! 所以好多o野都係兩面睇o既!

我睇電視又真係聽唔到林峰俾人噓...不過現場睇會清楚d...不過就算俾人噓其實都唔係咩大不了...有邊個巨星無俾人噓過, 哥哥張國榮都話佢自己係在噓聲中成長...要經歷o下呢d先會成功o架嘛!

12:15 下午  
Blogger 芒姐 said...

patrick,

係呀...成日都話頒獎禮只係一場show, 你做得好好睇睇咪算囉...搞咁多"花臣"出o黎最終核核突突仲衰...唔好頒咁多無謂獎, 每個歌手可以唱晒成首歌咁咪仲好...

12:17 下午  
Blogger 芒姐 said...

poutine,

你有去現場睇, 咁你的消息應該比較可信...我都相信有部份人鍾意噓人都唔出奇...其實我覺得你就算幾唔鍾意個歌手, 或者賽果有幾咁唔合理, 都唔應該噓人...呢d係個人品德問題! 不過做得藝人/歌手其實都慣o左, 咪當提升eq囉! 林峰o係呢個圈打滾o左咁多年, 我相信要handle呢d小事完全唔係問題!

12:20 下午  
Blogger 芒姐 said...

匿名,

我之後睇番d報紙, 真係見到容祖兒咁講...原來真係有玄機...嘩哈哈! 至於佢自己換定衫...佢個獎就擺明知道o架喇...完全無驚喜可言!

12:24 下午  
Blogger 芒姐 said...

匿名,

係喎, 多謝你提醒...孫耀威真係無食白果...我自己post完都無留意添...原來佢攞o左個"唱作人銀獎"...真係唔講都唔多知佢係創作歌手...俾個傑出表現獎佢合理好多啦!

其實我覺得twins入唔到十大金曲, 個quota都無理由俾泳兒...睇o黎英皇真係好睇佢...不過佢感覺都幾乖幾聽話o既!

12:27 下午  
Blogger 芒姐 said...

匿名,

唔緊要啦...好快d人又淡忘d負面新聞...我幾期待林峰第二隻碟聽佢唱快歌同跳舞喎...佢跳舞真係幾得, 得過sell舞功的好兄弟吳唱k!

12:29 下午  
Blogger 芒姐 said...

Domotoiceko.

細契唱得咁好隻歌又咁hit都唔俾個獎佢, 真係唔識do...應該叫靚聲王伍小生o黎頒獎俾佢呢個好拍檔...真係好懷念他們的"請...坐...低..."

都唔見"eternity girls"o係其他頒獎禮出現o既...定係只係我無留意呢?

12:34 下午  
Blogger 芒姐 said...

iris,

千萬唔好用yahoo, 個人認為幾唔好用o下 (所以試o左幾o下放棄o左)...其他朋友亦勸我千萬唔好用!

聽唔到細契唱live...係今年勁歌的最大遺憾!

12:35 下午  
Anonymous 匿名 said...

一直覺得林峰非池中物,只是他自己太謙虛謹戒了。

1:44 下午  
Blogger 芒姐 said...

匿名,

無錯...話說回來, 其實我更欣賞以前無咁多人識o既佢...

10:40 上午  

發佈留言

<< Home