1-24(thurs) 李克勤
李克勤高清演藝廳part1 (李克勤陳奕迅合唱)
李克勤高清演藝廳part2 (李克勤陳奕迅合唱+志勤飯局)
李克勤高清演藝廳part3 (志勤飯局+克勤sammi對話)
李克勤高清演藝廳part4 (李克勤鄭秀文合唱+李克勤鄧健泓合唱)
李克勤高清演藝廳part5 (李克勤solo)
終於有機會睇番呢個上次已經推介過o既節目…“克勤高清演藝廳”! 其實依家咩都標榜一輪高清已經好鬼煩, 同埋高清同呢個節目其實有咩關係? 一個高清畫面o既音樂節目…有無value added?!
第一part克勤同eason合唱都唔錯…兩個都係好歌之人! 仲有, 好耐無聽過克勤留o左d奇怪鬍鬚劣評如潮年代o既作品“偷偷摸摸”…其實呢隻歌幾好聽! 佢今次揀番呢隻歌o黎唱係幾唔錯o下!
克勤做主持真係不嬲都做得唔錯…雖然d問題應該都唔係佢自己度, 因為佢未必有咁大膽, 問阿志雲大師想做男人定女人? 仲問佢覺得崔建邦靚仔d定鄧健泓靚仔d?! 哈哈哈!
仲有, 點解連呢個節目都有honey唱歌? 會唔會係想玩佢多過捧佢, 明知成件事已經去到十分令人反感o既地步…仲要叫佢唱克勤其中一隻最經典o既歌“一生不變”, 真係玩死佢!
最高興當然係之前已經講過o既sammi接受克勤訪問一part啦…真係17年前o既“浪族闊少爺”回憶全部返埋o黎! 搞到人忍唔住去youtube搵番d舊片o黎睇!
(前年post過的1991年週點…克勤+sammi+劉華& many others)
(TVB 東張西望 - Sammi出席《克勤高清演奏廳》錄影… 估唔到輝仔唱歌都幾ok喎!)
(李克勤@Sunday 新地帶1990)
嘩! 呢段搞笑…有古裝克勤, 仲有未係佢o既最佳拍檔o既梁榮忠, 十n年後訪問佢o既輝仔, 仲有已經轉o左做“大排檔”老板仲同亞視藝員陳存正 (而非大家一直以為o既黃寶欣) 結婚o既王翊添…
oh, 仲有“賣雪梨” (“my shirley”…哈哈哈! 個gag爛得o黎都ok好笑!) o既tvb版mv…但話明my shirley, 個MV女主角居然唔係關淑怡, 而係同年代寶記o既小花劉小慧!)…隻歌聽聽o下都ok…不過當然唔夠“一生不變”, “月半小夜曲”, “大會堂演奏廳”o個d啦!
(1989十大中文金曲: 李克勤 - 一生不變)
係好聽喎…無辦法! 我又真係鍾意懷舊喎…真係無得救! 聽咁多次依然咁好聽, 難怪亞視套經典青春劇“藍月亮”都要用佢o黎做主題曲! 呢d先應該攞金曲金獎, rather than咩“花落誰家”…不過攞獎又係要講江湖地位多過首歌本身o既! 同埋學eason話齋, 佢個喉核又真係震得幾勁囉!
又可以睇埋呢個喎 (其實兩年前已經post過):
題外話…呢幾日o既“娛樂直播”幾好睇喎! 前日訪問林峰, 但我一邊瞓o係牀度一邊睇, 最終半瞓著狀態…呢排每次瞓o係牀上睇電視都會瞓著, 真係萬試萬靈, 證明我太攰! 要上網搵番睇埋miss o左o個1/4集…不過李天翔哥哥做訪問真係每次都幾悶o下!
尋日同今日o既主持陳芷菁就唔同, 佢雖然每次都有d誇地讚到每個嘉賓天上有地下無 (不過都無當年amigo做主持時咁over)…咁當然每個人俾人讚都會開心o既, 咁你tum得d嘉賓高興自然個訪問都會順利d…但可以收番些少, 咁會更perfect! 搵陳芷菁訪問陳慧嫻又真係最適合不過, 最好搵埋林憶蓮啦! 佢o地仲講番好多當年o係學校o既事蹟, 由陳芷菁呢個低陳慧嫻幾屆o既師妹去現身說法講番佢當年o係學校有幾咁風頭蠆我都好有興趣聽o下…聽聞佢當年o係學校真係超級紅!
posted by 芒姐 at 10:20 下午
20 Comments:
我記得李生喺周末任你點度扮古裝呀﹗﹗﹗﹗
太記得啦，好驚嚇﹗哈哈…
雖然我都幾鐘意聽佢唱歌，但就硬係記得佢唱歌以外的，例如啲劇呀，主持，特別係《叻人新世紀》，那時好鬼鐘意佢同梁榮忠的說…
"陳芷菁就唔同, 佢雖然每次都有d誇地讚到每個嘉賓天上有地下無"
Exactly! 佢連馬明都可以三番四次咁讚佢靚仔, 真係over左些少!
芒姐，
下?!律玫1竟然有d咁既典故...暴走律師,真係打左個突。但算啦我當無聽過,套劇出來好睇就可以啦,再加上我完全唔知香港有興過暴走鞋呢樣野!我好out呀!
克勤HD演奏廳我都有睇,志勤飯局真係估佢唔到,d問題真係tvb契仔先夠膽問。阿陳生講得o岩,tvb驚克勤唔同tvb續約多過克勤驚tvb唔同佢續約。依家連華仔&kelly都唔理tvb,第日有咩大show真係無人撐到場。
見有林峰,又走去睇埋娛樂直播。其實都唔怪得李天翔,林峰做訪問不嬲都好悶。佢唔似其他星,會自爆d野出黎增加娛樂性。林峰講野實在太...小心,好聽d既可以話得體既,無任何錯位,仲要講到任何話題都係咁去多謝人,聽都聽識背。
陳芷菁...我係香港返工時見過佢,佢真人幾sharp幾elegant,離遠見到佢都估到佢係明星!
我都有睇克勤呀...幾好睇^^
d人唔鐘意鄧健泓ge原因都係偏見黎ga o者...電視呢家野同電台一樣,黎黎又去又係個d人...我都唔明有咩問題,d人老豆老母兄弟姊妹成世都係同一個人啦...唔通殺左佢咩...
係喎,芒姐,你有無睇野蠻奶奶呀?唔見你寫既。雖然我唔多buy呢套劇,不過都想睇你寫。
芒姐，
我都想問你有無睇野蠻奶奶2, 雖然三個主角，有兩個我都唔buy, 不過奇怪你一路都無講。
前幾年我覺得鄧健泓都幾ok，當年朋友二號我都算鐘意，唔知點解佢好似變到有點面可憎，唱歌都難聽左。
林峰既頭髮係為左溏心2之家好月圓剪架,雖然無甘型，不過望落去精神同後生d. 唔知個角色係點，個訪問講既野又真係行左少少，youtube已經有。
陳芷菁做訪問好睇架！我鍾意知性路綫。同埋原來佢講國語都好得！不過"連馬明都可以三番四次咁讚佢靚仔"，咁又有d...哈哈！不過算啦，馬明的確比以前好樣左，仲好似後生左。人紅果然唔同d！
《律政新人王》當初叫暴走律師，好明顯想捧林峰啦！不過點解後來又改名？會唔會係因爲對暴走鞋利用率太低？因爲佢一開頭冇耐就坏左，到好後來先出場...我又覺得律政新人王呢個名好好喎！律政...我鍾意呢種題材，新人...都算新人啦！王...佢地四個都係一綫小生花旦既。不過我諗都係情意結啫，其實無論部戲當初叫咩名，我都會話好，哈哈哈！
其實律政2同律政1的捧人手法差不多，Vincent@律政1個角色都唔算好討好，急功近利，有一期仲變奸過，同第一男主角都有過衝突架！不過雄辯滔滔的Vincent實在太charming，結果兩個男主角都紅左，各有擁躉（我就兩個都十分buy，哈哈！）。但係律政1係四個主角的故事，四個主角各有強烈性格，又各自牽引對方。而律政2來來去去都好似講緊MK同Lily，兩pair情人之間又冇咩關係，分得好開。同埋律政2的Vincent...完全唔係Vincent！純粹攞Vincent襯托MK，too bad！無綫太過份喇！點解唔留番個完美印象俾我地，一定要摧毀佢！我嬲死無綫喇！
我覺得林峰之前個頭好靚仔，不過依家個新look又好qute，即刻變細路左，哈哈！佢好似以前都有剪過呢個頭。
又係我from 溫哥華
林峰謂嘢不嬲都係咁悶啦.可能性格啩. 加上佢初初出道時d人話佢講嘢寸(又係stereotype有錢闊少問題). 咁佢咪講小d嘢law. 索性小說話多做事. 唉,講開又講．佢喺TVB不嬲都只係cheap labour．TVB 睇死佢唔洗供樓供車養屋企．得雞碎咁多人工做到佢死．一日到黑返大陸．唯一一次唔洗返大陸，結果．．．掟咗佢去．．．非洲肯亞！咁拍法唔慌唔拍到有“早衰症”！唔好成日話佢係咩愛將． 一把火！成個ｔｖｂ，對得佢最好，睇怕就係成日煲湯俾佢飲個ｄ茶水阿姐，同埋佢老友吳唱ｋ．．．
ｂｔｗ，吳唱ｋ真係對阿峰好好．．．又好照顧阿峰．．好到可以形容為“好錫佢”我唔想評論唱ｋ份人係點．但係睇得出，佢對阿峰係真心（好似講到好曖昧咁）
"唯一一次唔洗返大陸，結果．．．掟咗佢去．．．非洲肯亞！" 哈哈哈！from溫哥華呢位匿名朋友好搞笑！
我諗大多數藝人@TVB都唔係為雞碎咁多人工既！（其實TVB人工有幾多架？係咪每個月出糧？定係按照劇集數量俾人工？）電視係一個平台，有左知名度，自然有廣告商搵，登台接job先賺錢嘛！如果好似林峰咁，雖然屋企冇經濟壓力，但佢都想事業上有成就架！家境富裕對佢應該係一個好大壓力，要做好多努力人地先唔會話你玩玩下，所以佢更加想出人頭地，證明自己唔使靠屋企。入呢行，唔係為名就係爲利。依家電影/音樂市場低迷，但電視市場都仲好大。我諗呢樣就係點解tvb雞碎咁多人工，d藝人都唔走既原因。始終依家離開tvb，冇乜著數。
同埋，乜茶水阿姐會煲湯俾藝人飲既咩？我以爲"茶水阿姐"只係提供茶&水咋（我太天真喇！）唔怪之得林峰成日話唔會離開TVB，係因爲d茶水阿姐由細睇到佢大啦！原來真係會感情好好架？
其實吳唱ｋ份人應該冇乜既，係因爲當初紅既程度同實力不成正比，先跌得咁快啫。若果當初係慢慢培養而唔係急捧，可能會更好（呢個道理tvb永遠唔會明白）
講起“早衰症”，建議芒姐得閑去睇下"布衣神相"，真係幾好睇架！我覺得賴藥兒係最大亮點。其實部戲cast都ok，唔知點解會變倉底貨，反而爛劍都有得播。
++,
好, 既然咁多朋友大力推介, 我有機會都上網搵o下"布衣神相"o黎睇!
我諗家庭背景好對發展演藝事業有好有唔好啦 (好廢添...其實所有事都係有好有唔好), 好就真係起碼唔洗養屋企供車供樓, 無後顧之憂, 如果要憂柴憂米, 做一兩年唔掂都要放棄! 不過好同意你所講, 有錢都係一個負擔...睇o下juno就知啦...其實佢d歌唔錯, 跳都跳得ok, even做戲都幾自然喎...不過就係因為佢有錢, d人所有focus都擺o係呢樣o野先, 而忽略o左佢o既優點!
匿名,
係嘛?! 吳唱k為人係點我就真係唔知...佢係慘在捧得太快, 但係又無咩實力, 咪起得快, 跌得快囉...不過我諗佢兩個真係friend o既, 成日睇訪問佢o地都係咁講...
溫哥華匿名朋友,
反而我鍾意睇番林峰初出道的訪問多d, o個時o既佢好似肯講多d o野, 可能個人年青咩都唔驚!
哈哈...連茶水阿姐成日煲湯俾佢你都知...哈哈!
++,
係呀...雖然陳芷菁對嘉賓的讚美有時over o左少少...但佢做訪問算係比較好o架喇, 尤其當"娛樂直播"已經無晒主持咁滯o既時候!
我諗《律政新人王》後來唔叫"暴走律師"，應該係因為個名有d"娘", 同埋"暴走鞋"其實無咩真正hit過!
vincent雖然兩輯都有"奸"過...但有"奸得型"同"奸得無聊"之別...第二輯奸得o黎好鬼無聊, 一d都唔形! 唔怕佢奸, 只怕佢婆婆媽媽咁! 太可憐喇!
！
poutine,
"野蠻奶奶2"我偶然有睇o下, 但真係好偶然...無o野做睇o下都幾好笑, 但又無咩追看意欲...不太是我杯茶!
鄧健泓唱"直上"時我幾ok佢, 但後來的唱功明顯又跌番落去...同埋最大問題當然係overdose啦...講得太多次都費事又repeat喇...
fernseher,
真係睇o左好少...偶然返得切去就有睇o下, 但係miss o左又唔會追番o個隻...好, 有機會都講o下啦...
patrick,
我諗"老豆老母兄弟姊妹"又唔可以同藝人比o既...前者係有血緣關係無得揀但係一種緣份, 後者係你唔鍾意睇可以熄機或者鬧爆佢...關係同朋友相似d (但都差一截)...鄧健泓最大o既問題係佢唔係真係咁有料, 同埋即使佢好有料, 咁樣過份曝光, 咩類型節目都見到佢, 真係會令人睇到厭o架喎!
fernseher,
sorry...其實我都唔覺香港有興過"暴走鞋"呢樣O野...可能亦係套劇後來唔叫呢個名O既原因...娘得O黎仲要OUT!
um...不過李天翔哥哥做其他訪問都一樣咁悶...佢都係去做"認字特警"好d...嘩哈哈!
係呀, 陳芷菁呢d雖然不能叫靚, 但係幾elegant, 同埋有腦...所以我都ok佢!
匿名,
哈哈哈哈哈...佢居然咁講? 咁又係over o左些少...不過馬明又的確係好樣o左好多..."人紅自然好樣"呢個定律係萬試萬靈o架!
Domotoiceko,
哈哈哈...咁佢做主持又真係唔錯, 做戲都ok...呢種咁多才多藝又鬼馬的人, 我最喜歡! (當然, 唱歌o個part唔洗講啦!)
發佈留言
<< Home