2012年4月13日星期五

4-13(fri) 盛女愛作戰

"盛女愛作戰"…毫無疑問係近期最"成功", 但又最"垃圾"o既節目!

"成功"in the sense that佢真係製造咗好多話題, 連平時唔睇電視的朋友個個都話有睇, 又係無論面書/討論區/日常生活人人都談論緊(more accurately係笑緊), 我o既秘書小姐都叫我一定要寫吓呢個節目…

相信大部份朋友都會記得兩年前有個類似o既節目"港男.港女", 亦都會記得當時係同樣地成功製造咗好多noise…又係借呢個兩性話題去懶係探討, 實則我覺得係有d譁眾取寵, 以"恐嚇"形式去引起話題! 好彩o個時只係星期日檔案玩兩集…但係今次呢個好似打算長玩長有, 至少播幾禮拜啦吓嘛? 仲要依家收視爆燈, 佢應該可以有大把衍生出o黎o既節目, 得閒叫吓d"盛女"接受呢度訪問呀, 上吓d遊戲/清談節目 (肯定會上吓"三個女人一個墟"啦), 跟住又跟進吓o個d甚麼導師…係咁整d"盛女愛作戰之xxx"變奏版出o黎!

無可否認, 呢個節目真係好成功, 事關佢爭到收視, make到noise, 最重要係佢達到提供娛樂呢個元素!

不過友儕間亦一致認為呢個係近年最垃圾+最譁眾取寵+最害人不淺(下刪一百字)o既電視節目…咁我唔係話佢講o既points無一可取, 相反有d係令人值得反思o既! 佢某程度上都教到你一d待人接物要留意o既技巧…但呢個節目o既present手法…係以"恐嚇"+洗腦形式去"植入"觀眾o既心靈, 仲要日日係咁播添! 其實最終動機係咩就好明顯啦…君不見每晚上字幕時的sponsor係邊幾個…就知道佢係搞緊咩! 所以作為半個tvb fans我都要狠批…為咗增加收視/引起話題不擇手段去製造一種歪曲的社會壓力…電視製作者也有社會責任…唔應該無再不用其極去製造社會分化, 助長歪風!

你可以話o個d盛女係抵死 (首先我唔明點解會有d人肯參加呢類型的真人show…雖然"媒"味很濃…好似依家俾人笑到爆的39歲florence, 佢o係鏡頭前係咁數o個個50歲哥仔外型年紀有幾咁唔掂, 但我相信就算佢心底裡係咁諗, 都唔會對住個鏡頭講出o黎呀嘛?! 同埋其實我連佢哋點解肯做呢d"媒"我都完全唔明囉! 俾幾多錢你都無理由肯做啦...真係呢世俾人指住o黎笑o架喎!)…而我亦都完全認同你話外型唔掂一開始就已經係大交叉, 你唔可以怪人只著重外表, 因為你第一樣令人認識你o既一定係外表, 你內在有幾美, 都要被你外在吸引咗先有興趣去發掘o架! 但係…你真係唔駛三句唔埋兩句叫人去整容!!! 我知你有什麼醫學美容做節目sponsor…但你唔唔駛hard sell成咁?! 比tbb d膠劇o既植入式廣告更over!

跟住坦白講, 你話d盛女難頂, 我覺得o個d咩心靈呀/形象呀/仲有咩談吐導師佢o地每一個的appearance加造作程度, 比起o個5位盛女難頂多百倍!




有睇"港男港女"o既朋友都可能認得個winnie…嘩, 呢位姐姐over到呢! 同埋以佢成個package, 我又真係唔多明佢憑咩去做呢d所謂導師?! 從佢o既談吐…愚昧的我認為佢o既內涵唔係負數都唔會多於零(你可以唔認同我…haha)…外表就更加唔駛講! 而最大問題係佢有二百個造作囉…咁o係呢方面, 我覺得盛女之首florence都討好過佢! o係網上search吓佢d資料, 原來連香港網絡大典都有講佢o既條目(當然係俾人鬧爆o個隻)…:p

至於有個整容整到變晒樣的queenie…唔知大家仲記唔記得有個落選港姐叫陳莉敏? 好似係95年…就係佢喇! 之後佢好似有o係d tbb劇做吓二打六, 我比較有印象應該係"同事三分親"做武紀勇個前妻 (唔知我有無記錯?)…o個時佢應該已經整咗幾次容! 跟住佢仲好似有寫吓專欄教人美容同埋又係講感情關係o個隻!

上次"港男港女"又係有佢 (基本上台前幕後都係同一個班底), o個次個樣都又變咗d, 但無今次咁誇! 真係每次見佢都唔同樣…但今次係不折不扣的"整容樣", 即係開始"meh"晒o個d…呢d只會發生o係50歲過外, 好似邵音音/宮雪花o個隻…好少30幾歲就會出現呢d樣…你睇吓班整容o靚模依家仲係好靚…咁佢老佢哋十零歲, 就算唔靚都未至於會咁快"meh"…證明佢真係整咗好多次 (而佢本人係承認o既)! 但明明以前佢選港姐我真係覺得佢ok o架喎…又係無o個樣整o個樣…有幾個盛女阿suki同mandy乽好樣過佢添啦!

跟住o個位mei ling auntie…得罪講句, 我哋一睇電視…異口同聲話: "淫媒"! sorry, 如果佢真係唔係o既話, 我要衷心同佢講句sorry! 因為佢實在太~~~似! 如果要cast人做呢個角色…我第一個會投auntie mei ling一票! 而佢所做o既咩match making company…其實咪又係…haha! 無…我係想話係個節目o既sponsor之一啫! 哈哈!

跟住前幾日先同朋友講開pua (pick up artist)呢個呃錢行業…點知尋晚o個集真係有介紹呢d人出場! 嘩! 成個感覺有少少種金或者鑽石能量水feel…hoho! 而o個幾位dee dee…sorry, 佢哋講o既嘢…咩女仔要做收線先o個個, 個msg又唔可以長過個男仔o個d"金科玉律"…你求其o係google打吓都會search到, 係人去廢up都得…但…最…大…問…題…係…o個三位dee dee本身的presentation skills都好有問題, 講嘢lur lur哋又無咩自信…有欠說服力…你要呃人錢, 要去教人種金…你講o既嘢係可以無內容…但首要條件係要講得動聽…at least疑似動聽囉! 但佢哋…要去進修吓說話技巧先!

成個節目根本就係一個廣告雜誌…咁我寧願你好似d咩"變靚d"咁明買明賣…擺明sell你好過搞d咁嘢去譁眾取寵! 你要探討呢d兩性話題唔係唔得…但以呢個手法我覺得有欠傳媒道德…係好睇, 係有娛樂性…但荼毒人心…"意識不良"囉, 應該列入"PG家長指引"行列! 哈哈!

呢個節目係好笑…係有追看性…但此風不可長! 希望tbb唔做一個高質素電視台, 都唔好荼毒下一代呀! 哈哈, 相信呢個話題…近期香港人又可以有排discuss! 等我都去discuss吓先…:p

14 Comments:

Blogger Unknown said...

https://www.facebook.com/photo.php?fbid=436207253060099&set=a.342993949048097.99223.3

佢係妳跑馬地師姐


Queenie先係選過港姐.

9:16 下午  
Anonymous 匿名 said...

TO UNKNOWN:
MON姐係講係QUEENIE選港姐喎!QUEENIE叫陳莉敏嘛~

2:57 上午  
Anonymous 匿名 said...

同意芒姐對個節目的睇法.

另外, 個quennie個樣真係唔同左, 好似比之前又再硬左d同膠左d, 原本好地地, 何苦越整越激? 再唔收手, 真係驚佢遲早變成mj咁.

3:54 下午  
Anonymous 匿名 said...

sorry 打錯字, 係queenie.

3:55 下午  
Anonymous 匿名 said...

啊芒你篇文代表左一部分人的意見,但系如果人真系甘容易就被個節目影響到,以為45度角或者醫學美容真系盛女的人生希望,甘呢d人都太容易被人影響到。做人系要有獨立思考。

我睇呢個節目ge時候會抽取我想要的東西 ,例如娛樂性,至于其他的野,例如美容啊,人生教練等等,自己覺得唔需要的根本可以一笑置之,亦無須太執著。

10:39 上午  
Anonymous 匿名 said...

樓上, 但唔係人人都好似你咁有獨立思考能力嫁嘛, 芒姐講緊的係agenda-setting同cultivation的問題, 尤其個節目唔係播完就算, 而係會繼續衍生出好多同系列兼很大可能會同樣譁眾取寵的節目, to quote Littlejohn & Foss, "it is not concerned with what a particular strategy or campaign can do but with the total impact of a number of strategies and campaigns over a long period of time".

2:27 下午  
Anonymous 匿名 said...

芒姐,睇咗甘生訪問Wyman,佢話其實好多事情沒有對與錯,響網上又睇咗佢演唱會評論TVB同扮皇帝果段,印象好深刻嘅系佢話由佢啦,特別欣賞Wyman,Do姐,好有性格。盛女節目本身OK,響外國睇咗太多真人show關係,見怪不怪, 盛女只係太hardsell, 以TVB咁慳皮,製作肯定需要贊助。以前有睇Queenie blog, 佢話自己係白老鼠,專門試驗各種美容產品。作為旁觀者,覺得盛女節目係娛樂版本嘅港男.港女, 前提係最緊要佢哋自己開心,又冇影響其他人,咁就由佢啦。

2:47 下午  
Anonymous 匿名 said...

你所講的, 又令大家想起另一個media studies的問題 - 新聞節目娛樂化 & 娛樂節目新聞化... 有好多野, 唔係執唔執著的問題, media agenda可以影響人民思想, 亦即係會影響社會, 而個影響可以極度深遠 (所以在極權國家, 傳播機構都會由政府控制, 亦正如在資本主義社會, business tycoons都想方設法想壟斷傳播機構一樣), 有d野, 唔係話冇影響其他人就由得佢的。

3:09 下午  
Anonymous Dragon Ball said...

前提係,點為之冇影響其他人呢?

4:04 下午  
Anonymous 匿名 said...

林煥光﹕「剩女」節目貶女性形象

【明報專訊】平等機會委員會主席林煥光昨出席電台節目時表示,對近日某電視台的「剩女」節目(即無綫《盛女愛作戰》)反感,認為是標籤﹕「點解一個三十幾四十歲具專業背景未結婚的男士,你叫做鑽石王老五;但係同樣三十幾四十歲的專業背景未婚女士,你叫做盛女(剩女)?」他說,這反映編導嘩眾取寵,標籤貶低女性形象,從而爭取收視。他呼籲市民應認真考慮應否繼續收看。據他了解,該節目已有很多投訴,應由廣管局處理。

http://hk.news.yahoo.com/%E6%9E%97%E7%85%A5%E5%85%89-%E5%89%A9%E5%A5%B3-%E7%AF%80%E7%9B%AE%E8%B2%B6%E5%A5%B3%E6%80%A7%E5%BD%A2%E8%B1%A1-211523628.html

4:26 下午  
Anonymous 匿名 said...

前提係最緊要佢哋自己開心,又冇影響其他人,咁就由佢啦, 純個人意見,1.回應芒姐話點解佢哋夠膽上電視,2.其實Queenie好有自己嘅生活態度,對於佢整容保持中立。 響海外生活,所以好奇睇咗盛女節目,講真雜誌編輯對Bonnie嘅建議最有建設性,其他人嘅大可不必理會。平凡人嘅故事,拍出來平鋪直敘肯定冇人睇,所以加上過於自信甚至自大嘅Winnie,但唔知點解覺得佢似囧囧; Santino語氣似子華,以佢咁嘅年紀你可以要求佢點?好過班speed dating好多啦。 Mei Ling 更加係增加獵奇。 響facebook睇咗一句話: 生活是屬於自己的感覺,不屬於別人的看法。

2:38 下午  
Blogger 芒姐 said...

unknown,

haha, o係當年播"港男.港女"時已經有人同我講過...我仲走去搵咗本yearbook睇吓!

6:47 下午  
Blogger 芒姐 said...

um...即係咁, 其實單純作為一個娛樂program佢的確係好好睇, 不過我同時認為傳媒也有一定的社會責任! 你話係咪個個都咁有critical thinking唔易被人影響? 我覺得唔係...所以我覺得呢d洗腦式節目要適可而止!

6:49 下午  
Anonymous 匿名 said...

http://kenshin.hk/2012/04/16/%E3%80%8A%E7%9B%9B%E5%A5%B3%E6%84%9B%E4%BD%9C%E6%88%B0%E3%80%8B%E8%BF%B4%E9%9F%BF%EF%BC%9A%E9%81%B8%E6%93%87%E5%96%AE%E8%BA%AB%EF%BC%8C%E7%AD%89%E6%96%BC%E4%B8%8D%E9%9C%80%E5%B0%8A%E9%87%8D%E5%A9%9A/

9:17 下午  

發佈留言

Links to this post:

建立連結

<< Home