2012年3月18日星期日

3-18(sun) on call 36小時結局篇+失戀33天

嘩! 呢幾個禮拜真係好多好電影上…”桃姐”等下個禮拜先睇, 本來想睇”志明與春嬌”重溫場, 但係夾唔啱時間…不過點都應該私下重溫吓先去睇”春嬌與志明”…下個禮拜上喇, 好期待呢!

終於睇咗"失戀33天", 都唔錯喎...點解"那些年"o係香港咁收得, 反而呢套咁唔得呢? 上映唔夠兩星期差唔多落晒畫! 其實問心o個句, 我唔覺得兩者質素差好遠囉! 定係大家對大陸戲真係咁有偏見, 而同時又真係咁崇台呢? 哈哈!


又睇咗呢套“all in the timing”舞台劇...幾好睇喎! 原來係改篇自外國劇, 再加上幾個本地創作…其實幾唔錯, 不過八個故仔實在太多, 考驗觀眾耐力, 某d位睇到釣咗一陣魚…可以減番一兩個故事會更緊湊…但整體o黎講係好睇o既! D演員亦都全部演得唔錯! 最熟悉o既當然係商台dj小儀同細so…另外有幾位係上次都有份做“胖侶”的舞台劇演員…btw, “胖侶”又重演喎…大家可以去睇吓!


終於o係呢個weekend追埋"on call 36小時"結局篇, 的確係近期最吸引的一套劇, 至少係我杯茶…不過話時話, 2012年播到現階段的劇, 都算幾好睇! 連深宵重播劇都有一定水準!

"on call”本身呢d醫生故事唔會差得去邊, 每一part都算拍得幾好, d感情線亦ok…不過最尾洋葱無啦啦撘上晶晶就十分九唔撘八, 反而黃智雯同袁偉豪o個段都幾好! 馬明同楊怡o個段都係感動o既…但馬明個慘樣真係好千篇一律…就係皺住條眉咁…反而當年佢o係"律政2"做mk sun仲驚喜好多! 不過馬明近年的形象的確係十分討好...抵佢紅! 仲有, 楊怡點解真係lur月利lur得咁犀利?

今次反而班新人上到位…一康同埋o係”華麗明星賽”認錯蘇永康做梁漢文o既張慧雯兩個作為新人都演得幾好, o係d人個個走晒去王維基的情況下, 真係應該有機會上位! 同埋今次o個兩個”超級巨聲”閔大人同林景程都做得幾好喎!

仲有我想講, 好少見艾威做呢d咁認真的角色…都幾討好喎…同埋佢d英文咬字, 比我想像中好好多…哈哈!

仲有仲有, 結局最尾時o個幾個半年後的實習醫生真係零交戲…完全係路人甲乙丙咁…哈哈!

呢個“如何改善人際關係”又係抵死...wahahaha!


oh, 前幾日執嘢摷到呢d POSTCARDs...真係呢...十年人事幾翻新!

6 Comments:

Anonymous 匿名 said...

我都覺得比好睇,哈哈~~

11:09 上午  
Anonymous 匿名 said...

大結局臨尾果幾個實習醫生聽講係幕後人員/PA果D黎,係特登比佢地出下鏡"玩下"~~

10:59 下午  
Anonymous 匿名 said...

"桃姐"我上年溫哥華電影節睇咗啦!好正.以為好sad tone,點知其實幾有娛樂性.有D位仲好爆笑.特別要留意超多串星!個個勁人! 開場呀除克個段千其唔好miss咗!

溫哥華匿名人

12:16 下午  
Anonymous b. said...

係就係PA 不過唔係因為"玩下" 而係唔夠臨記 冇人手!!! 聽講係有俾番人工 不過都係好奀下!

3:31 上午  
Blogger 芒姐 said...

PA都可以交番少少戲...成場戲去到o個個位好搞笑...仲搞笑過陳康健做戲...:p

12:01 下午  
Blogger 芒姐 said...

哈哈...我應該今日會去睇"桃姐"...yay!

12:01 下午  

發佈留言

Links to this post:

建立連結

<< Home