2012年1月28日星期六

1-28(sat) 梁漢文BIG MAN 演唱會

原來呢個係梁漢文入行20周年演唱會…我初時都無留意添! 佢又真係運滯, 咁多年都紅唔起, 條件唔係差, 又其實遇到一jar好歌…但總係欠缺些什麼! 正如我之前已經成日講…佢n年來成日有d歌紅o左兩下, 跟住就無啦啦跌番落o黎, 呢個cycle仲要o係呢十幾年o黎repeat過無數次…"94年o既"100巴先愛上你”+到依家仍然hit到爆o既“纏綿遊戲”, 95年o既”傷了三個心”, “愛與情”, 隻碟本身係好正, 但一出就遇到歡樂滿東華”唔好咁x嘈”事件被雪…跟住又起得番, 96年總選佢隻“呼吸”直頭搶o左許志安隻“男人最痛”個位入十大 (不過呢次某程度上係因為安仔唔續約華星所以被雪)…當時本本雜誌都係話佢搶o左安仔個一哥位, 紅極一時…再到97”好朋友”大hit, 跟住就無啦啦dup左n年, 華星仲執埋…又到前兩年o既“七友”同埋成隻“10號”碟令佢又再次起番, 同古巨基一齊鹹魚翻生再戰叱咜十大, 點知…兩年過後浮誇基仔依然hit, 文文反而又dup番, 成個2005年無出過一隻歌…真係好坎坷…

今年佢呢個入行二十年的演唱會又要滯銷成咁…我都係前兩日先走入tom lee買飛, 都買到第12行! 佢又真係慘咗…但佢有樣好…就係人緣好! 一呼百應! d friend係真心幫佢…佢班藝人朋友好落力咁喺fb/微博幫佢力sell, 你睇sammi同千fa佢哋的用詞呢…真係好明顯係幫佢力sell緊個演唱會…平時佢哋微博d用詞都無咁hard sell!

我承認, 今次基本上有一半係為咗睇嘉賓而去…但最終我o個場無得睇sammi+安仔復合後首次同台…灰咗! 雖然我o個晚有大肚丁太, 正所謂手掌又係肉, 左手又係肉…但比較起我更想睇"火熱動感ja ja ja"!

不過睇完今次演唱會, 我開始明白文文紅唔起除咗係無運行之外, 另一樣好大o既問題係在於佢唔知自己想點, 唔知自己o既長處o係邊...咩都搞d, 咩都做d...個rundown好混亂, 唱經典慢歌時, 佢居然唱完每首抒情慢歌中間講一個笑話...佢又唔係講得唔好喎, 但係九唔撘八, 浪費咗d金曲!

正如o係微博有一位研究命理的朋友留言俾我, 佢話: "你果然系娱乐圣人, 唔识命理都能一针见血指出梁炳的问题所在, 他命格有三大缺陷, 其中之一系财印相碍,印代表一个人的思想, 才系一个人的表达方式,两者系相克相碍的,所以他真系唔识点样表达自己架!"…原來真係咁…我真心覺得佢有好多好歌又唔係唱得差…絕對可以做得更好囉!

同埋, 我想話…d衫好唔得囉!!! 尤其最尾有件懶係show身材的歌衫, 唱唱吓仲會o係重要部位噴火...全場爆笑! 佢仲話今次演唱會d歌衫係佢老婆親手安排…sorry, 阿梁太…你都係去做番model吧啦! 所以話身邊有個賢內助真係好重要!

因為悶悶哋, 我哋就去研究下呢d"人生道理"喇…哈哈! 難怪d人成日話娶老婆最緊要幫到你, 靚唔靚都係其次 (當然靚更好啦)...因為男人無事業佢呢世都唔會開心! 所以佢老友老鼠安就係真心醒...唔係話叫你揀個唔鍾意o既利用佢去幫助事業, 而係assuming佢同等地鍾意sammi & michelle (雖然我覺得佢應該一直都係鍾意sammi多d), 都一定係要揀sammi啦 (絕對唔係因為我係fans…首先佢揀邊個女仔o個個女仔都會好慘…我覺得michelle個situation係真心慘…即使佢去安仔個演唱會, d人都一定係咁叫sammi, 你做佢女友都灰啦!) ...因為佢一同番sammi一齊人氣即刻升番, 演唱會又賣得...幫到手真係最緊要(呢d都係旺夫的其中一part...情況同丁太一樣! 你睇丁生依家幾掂...唔止係佢o既事業, 連帶佢成個形象都好晒, 入晒屋...連我呢d咁"蝦薯"o既都對佢改晒觀!)



劇集方面…呢期最重點當然係深宵黃金時段o既“獵鷹”啦! 三十年前的劉華做警察好型啊! 其實佢有d baby fat仲好睇…男仔有d肉好睇過太瘦! 我鍾意呢個劉華啊! 仲有陳敏兒…我好buy佢o架……幾年前重溫完佢同呂良偉, 梁朝偉&翁美玲主演o既"挑戰"...鍾意咗佢呢個好型好有性格o既女律師角色! 陳敏兒雖然唔係話好靚o個隻, 但好有style好有格…我buy囉!

Oh, 呢套劇依家睇番真係粒粒巨星…除咗劉華x朝偉三十年前的"無間道", 仲有"桃姐"啦…連茄喱啡都見到周星馳, 歐陽波比, 田雞, 李國麟, 魯振順等等…好精彩呀!



睇睇吓原來"換樂無窮"都幾好睇, 又係有d meaning o個隻o黎o架喎, 叫你唔好淨係識得去羨慕人, 唔好無o個樣整o個樣想去改變命運…最終得番個桔! hailey同阿wayne o個part亦比我想像中有意思!

呢套戲初段胡鬧後段反而幾好睇! 同埋偶然都有d笑位, 例如胡杏兒去參觀電視城古裝街見到魯振順好興奮o個幕, 仲有佢同劇中的商天娥講以前攞過一個藝人簽名, 而o個個就係同哥哥張國榮拍緊"儂本多情"o既商天娥…呢d無聊笑位反而幾好笑!

"缺宅男女"我一路都淨係覺得謝天華/鍾嘉欣/吳唱k嗰段最好睇…估唔到真係咁多人鍾意睇! 但洗唔洗上蘋果頭版呀?!

13 Comments:

Anonymous 匿名 said...

你講梁柄真係中! 我都一直諗唔明點解佢唔紅. 我响溫哥華睇過Big Four.其實佢彃琴幾charming! 不過唔知點解佢同其餘3個一樣,唔係好HOLD到D忠實FANS.安仔算好D,但OVERALL都係佢地出來有歌(OR健仔D劇) 爆紅就大家都話正,但之後就算消失一排又冇人會好MISS佢地. 明明佢地都有實力觀眾緣又唔差,點解呢? 娛樂圈真係一運二運三都係運! 話時話佢4兄弟星運咁相似,係唔係人親密命運際遇都會相似呢? 係我又諗起電視台嗰兩位小生哈哈.
缺宅好睇喎! 每個角色都有戲做. 觀眾不嬲都BUY三角戀.連之前點解呀SIR咁爛嘅三角戀都引起話題啦.咁近來最經典當然係溏心啦.咁啱全部都係鍾嘉欣!

溫哥華匿名人

2:24 下午  
Anonymous 匿名 said...

BTW 缺宅都好啱我地溫哥華睇.我地啱啱被選為全球最難負擔房屋城市第2位. 第1位,咪你身處嗰度LOR!

2:27 下午  
Anonymous 匿名 said...

換樂無窮開頭好好笑,有一集講劉江發酒癲,簡直笑到肚痛,成家一齊笑添!呢齣雖然天馬行空但幾好睇,都幾多笑位,至少對胡杏兒改觀左好多,呢齣D面部表情冇咁浮誇,平實左;好少會有鄧梓峰做戲law,搞笑,係結局有D冇logic,無端端李C捷可以控制到商天娥; 同埋可能睇左韓劇秘密花園,覺得佢地交換身份應該係扮對方,而冇理由交換到個樣唔同但D人唔覺的,不過咁樣拍,冇秘密花園咁難; 個肥仔童星好搞笑,不過真係睇厭左李C捷,唔鍾意

缺宅男女黃智雯扮到講野個感覺好似黃泆潼,郭羨妮同三哥幾襯,個童星做佢地個女D戲都幾搶鏡

兩套都不錯呀,有D都幾似,都咁大個家庭,可能同時期拍

笑哈哈

6:24 下午  
Anonymous 紙巾 said...

芒姐,好鍾意睇你寫呢d人生道理。我都係唔明白點解梁炳整極都唔紅,次次都差少少,我都好記得當年七友大戰必殺技,大家旗鼓相當但之後果年已經唔見左人。性格同運氣其實真係有相互關係,好似劉華《嚦咕嚦咕新年財》咁分析牌品同手氣既關係咁,不過我都冇深究過梁炳有d咩缺點影響到佢事業,你咁講一講又令我有些體會。近年都幾鍾意睇明星既訪問,睇下佢地點待人接物和處理人生高低潮都會有所得著。仲有,你關於好老婆個分析真係好中point! 如果他日做人老婆都真係要從呢個方向努力,哈哈。

係喎其實原本上來係想讚下4 in love喎,比想像中好睇好多喎!雖然阿佘果look怪怪地,但呢個港版notting hill都真係幾得意。見到明星同在幕後包裝佢果一team人,真係覺得大開眼界,真實感比《娛樂插班生》呀《美麗高解像》仲要強。同埋佢d鏡頭都真係拍得好認真,例如chloe既情史回顧,同埋今日咩打羽毛球變左打籃球(?)真係好好笑,呢d戲中戲好得意!

9:49 下午  
Blogger 芒姐 said...

溫哥華匿名人...你講開彈琴差d唔記得仲有一樣嘢我observe到! 佢彈琴係ok, 但琴技絕對唔係出眾o個批, 我相信佢係下過一番苦功先可以彈到, 但反而就甩咗歌詞...佢就係唔知到自己強項係d咩...事關自彈自唱係一件十級難的事, 既然唔係話拿捏得十分好, 真係唔洗彈咁多隻...仲要彈完一隻又走去做第二d嘢, 跟住過咗幾個環節又彈過...總之就係亂晒籠大雜會咁...應該focus on自己做得好o既嘢, 而唔係諗到咩就show出o黎, 有舖排先得...仲要就係為咗彈琴甩歌詞...本末倒置咗...錯晒!

2:25 上午  
Blogger 芒姐 said...

哈哈...親密朋友當然會相互影響命運際遇啦...物以類聚嘛! 但big 4四個o黎講呢...我覺得佢算係最霉o個個, 但論樣, 其實可能佢係最好o個個...但前年睇big4時已驚覺最吸引的居然係最其貌不揚的蘇永康! 奇呢? 仲要唔係我一個覺得...我身邊無論男女朋友都有大半認同! 佢係真心識著衫打扮同埋特出自己的長處, 呢樣同梁炳剛好相反! 四個之中, 最唔起眼的...一定係梁漢文! 當時唔明點解...睇完今次再諗多兩諗...我明晒!

你唔需要最靚仔, 唱歌最好etc., 但你最不能係什麼都平平無奇...你寧願騎呢, 出位, 走音...都好過無嘢令人留下深刻印象囉!

2:42 上午  
Blogger 芒姐 said...

笑哈哈,

鄧梓峰的管家角色好得!

李思捷...演技佢唔係無, 但係做綜藝show好好多...佢模仿人的能力真係無人能及! 之前新年重播福祿壽...佢連蔡楓華都扮到, 我覺得好神奇!

2:44 上午  
Blogger 芒姐 said...

紙巾,

哈哈...多謝你欣賞我的無聊人生道理分享...唔知點解我個人好鍾意諗埋晒d咁o既嘢...由好細微o既嘢, 愈諗愈多, 愈發愈大, 愈諗愈遠...

尤其當你個人愈o黎愈大, 經歷愈來愈多, 相對面對的逆境亦更多...人只會o係逆境先會反思人生, 開心時邊得閒諗呢d嘢...哈哈...

性格影響命運, 所以我依家成日幫自己"洗腦", 發掘多d正面嘢...正能量才會來!

好老婆o個part我自己都覺得好發人深省! 其實係之前已經聽好多前輩講過同一番話, 但當時見o既嘢無咁多, 經歷無咁多唔會咁透徹體會...老婆幫到手真係緊要過一切! 當然, 大前題係你都要鍾意呢個人, 而唔係為咗功利去利用個老婆上位! 你睇老鼠同丁生真係最佳例子! 尤其係丁生...同咗千fa一齊之後事公關事業好咗幾多 (呢個當然係foreseeable...佢同千fa一齊前鬼識佢), 而所有嘢都係講connection, 依家因為千fa人人搵佢, 咁當然有咗個機會都要自己識把握做得好先得! 根住佢連人緣同埋形象都好晒...由以前vrf的周圍媾女死花o靚, 變到依家好踏實顧家錫老婆的好男人...我再觀察咗佢兩年的訪問對答, 真係對佢改晒觀...如果佢真係交戲, 咁佢交得好好...抵佢掂! 真心讚!

"4 in love"暫時未睇...俾唔到comment住!

2:54 上午  
Anonymous 匿名 said...

Hello 芒, 好耐冇留言俾你喇, 你好嘛?

你講的「尤其當你個人愈o黎愈大, 經歷愈來愈多, 相對面對的逆境亦更多」, 我真係同意到不得了, 真係要唱句「如果... 命運能選擇」...

我都好相信「性格影響命運」, 都好想「幫自己洗腦, 發掘多d正面嘢」, 希望多D正能量!

Sandy

12:55 下午  
Anonymous 匿名 said...

李思捷扮星爺開記者會夠嚇死你,d語氣似到呢,好勁。(之不過之後就覺得佢做戲原來就係星爺嗰套)

3:23 下午  
Anonymous 匿名 said...

李思捷做戲成日令我諗起許冠文.

溫哥華匿名人

1:51 下午  
Blogger 芒姐 said...

哈哈...李思捷似許冠文咁大鑊?

係啦, 佢扮星爺, 同埋蔡楓華都出奇地得! 佢真係應該專注扮嘢, 唔好演咁多戲喇!

12:18 下午  
Blogger 芒姐 said...

hi Sandy! 你係好鍾意草蜢的sandy? 我有無記錯?!

係啦, 人大咗, 經歷多咗, 原來好多想法真係會唔同咗...亦有好多嘢無咁執著! 可能人真係需要一d試煉先可以磨平菱角! 所以我依家同d朋友成日都話要互相鼓勵吓, 提醒大家要儲多d正能量!

12:20 下午  

發佈留言

Links to this post:

建立連結

<< Home