2012年1月15日星期日

1-15(sun) 情迷夢露7天 + 當家明遇上…周國賢!!!



第二次獲得nuffnang的邀請去睇優先場, 今次係“My Week With Marilyn” (情迷夢露7天)!

喂, 呢套sounds quite interesting, 雖然我一向唔特別buy西片, 但呢d類似documentary, 改編自真人真事的戲, 我又有d興趣! 仲要係一代性感尤物瑪麗蓮夢露喎…正所謂“唔打得都睇得”!

果然套戲無令我失望, 睇簡介話michelle williams (米雪威廉絲)憑呢套戲已經攞咗6個影后獎, 之後應該仲有得攞…佢又係做得唔錯, 幾有夢露的feel同神韻…真係有種性感在骨子裡的感覺! 難怪劇中個23歲o靚仔, 會戀上30歲o既佢…當然, 相距7年o係呢個世代絕對唔係一回事!



嗱嗱嗱…in case你唔知套戲講咩…簡單o黎講, 係改編自真人真事, 由故事o既男主角, 即係當年個23歲o靚仔 (colin clark) 寫o既回憶錄改編o既! 而故事就係你諗都諗到, 但係講出o黎又好似有d“難以置信”, 不過其實你諗深一層或者嘗試代入佢o既角色, 係絕對好有機會發生的愛情故事…i.e. 23歲英國小子因為酷愛電影行業, 走咗去做第3副導演 (即係“打雜”), 機緣巧合下遇上第一次o黎英國拍戲o既天皇巨星瑪麗蓮夢露…雖然年齡身份地位懸殊, 但互相吸引…仲發展咗一段7日o既浪漫情緣!



其實唔知點解睇睇吓夢露o既故事, 令我諗起梅姐…兩個都係天皇巨星, 但係原來一個女人攀到咁高o既位置, 未必真係咁開心! 對人歡笑, 但事實好大壓力! 呢套戲都portray得好好!

套戲講夢露成日要用酒精同藥物去抒解壓力, 同埋佢o係鏡頭前好似好有自信, 但原來背後好不安, 好神經質, 好需要人encourage去話俾佢聽佢係得, 同埋行為上你會覺得佢有d失控, 而佢自己都控制唔到…仲要同個新婚o既第三任老公原來唔係咁夾到…當佢身處異地人又特別騰o既時候…o係片場遇上呢個初出茅廬o既o靚仔, 俾咗好多新insights佢, 同埋就係因為佢年青無負擔, 有guts咩都夠膽死, 反而可以令夢露好輕鬆, 做到好多平時佢做唔到o既嘢, 好有新鮮感, 亦可以放下平時o係人面前要戴住o既”面具”, 幫佢減到好多壓…所以成件事其實雙方都係win-win o既!



而阿o靚仔遇到一個天王巨星仲要係一代性感尤物, 更加係佢心目中夢寐以求o既女神, 就算係一段短暫情緣, 點都係賺咗! 仲要係美若天仙又意態撩人, 私底下性格又大情性o既女神…嘩! 呢種誘惑又點可以抗拒..仲要對一個男人o黎講, 可以同一個天皇巨星性感icon動地驚天愛戀過…絕對係威咗! 同埋其實o係呢d亳無壓力又無人知o既情況下, 段感情反而最真摯, 最永至難忘!



其實我本來以為呢套戲係夢露o既自傳講番呢件事出o黎, 原來係個小子寫o既回憶綠…所以淨係睇到佢o既perspective, 知道佢對夢露幾咁依戀, 可以同女神溫馨7日, 簡直係發咗場夢一樣, 令佢一世不能忘記! 可惜無得知道埋夢露o既perspective…套戲講到好似巨星佔盡上風o趙完仲可以鬆(hoho!)…但其實我覺得可能同英倫小子呢段fantasy, 亦都令夢露佢一世難以忘懷…講埋佢呢邊的心態, 咁就更圓滿喇!

呢套戲我覺得真心值得睇吓…d人物性格刻劃得幾全面, 演夢露o既michelle williams雖然我唔覺得真係咁似夢露, 不過舉手投足都幾做到o個種意態撩人, 同埋好有巨星風采! 套戲亦幾有戲味…所以呢套可以推介!


嘩哈哈! 當家明遇上…周國賢!!!



終於重新睇晒成“天與地”…每一次睇都有新inspiration! 同埋愈睇得多有關“天與地”o既資料, 愈覺得呢套劇有意思…比有意思更有意思…欲罷不能!

“周旭明:09年寫《天與地》,及一直以來的其他”…果然係因為“抗戰二十年”inspire寫咗呢套劇! 仲要係用 beyond一連串經典金曲去包裝套劇…好聰明! 因為八/九十年代成長的人有邊個會唔鍾意聽beyond d歌?

拆解《天與地》神級結局…某d幾有point, 例如狼狗呀, 嘭嘭聲o個d…但咩”天”4劃, “地”6劃又好似諗多咗呀嘛?



同埋想讚一讚陳芷菁, o係呢套劇做得好好…平時佢d戲只係一般, 佢做主持適合過做戲好多, 但今次真係好出色…簡直係佢入行十幾年的代表作! 仲有黃德斌…我覺得係繼當年令佢事業起飛o既“越南”一角之後, 又一經典…再一次覺得黃德斌好型囉!

因為search天與地的文章, 唔知點解link link吓link咗去呢度…“吼住七年: 朱慧敏與Eddie本來大纜扯唔埋,但有指七年前Eddie在電視城化妝間邂逅剛獲選港姐亞軍的朱慧敏,便膽粗粗上前主動攞電話,從此展開交往。「當時Eddie只係靠EO2接騷,搵朝唔得晚,人哋就係新鮮出爐港姐,所以佢夠膽問人攞電話,但就唔夠膽追人。」知情者說。對朱慧敏流晒口水,Eddie卻忍足七年,耐力驚人。「○九年Eddie同拍拖五年嘅圈外女友分手,但Queenie同Rick一齊,佢咪好似痴男咁繼續等囉!Eddie個樣好花弗,但查實好奄尖,佢好鍾意Queenie性格開朗,覺得呢個女仔好啱自己,半年前一知『女神』同台灣仔甩拖,Eddie就發力。其實Queenie都知Eddie一直好like佢!」”

嘩! 我真心覺得eddie幾得 (如果報導係真o既話...不過呢期有唔少篇相同的報導, 我相信無9成都有7成)...等了”女神”七年, 果然好神心…掂呀! 其實佢哋感覺幾襯呀! 同埋朱慧敏又真係索o既…聽聞真人仲勁靚勁嗲勁姣…男人應該好buy呢d! 而我作為女人都覺得佢堅索!

至於另一單係講阿思琦姐大咗肚但每日以淚洗面, 仲打算要仔唔要佬…姑勿論佢係咪打算要仔唔要佬…佢今次都應該係捉咗一個虫, 真係又係…“如果…命運能選擇…”

10:30個“甜姐兒”節目都幾搞笑…阿糖妹都真係好鬼喪o個批…係咁不顧形象食食食…不過呢d真性情我like! 好睇過依家10:30個節目囉我覺得!

9 Comments:

Anonymous 匿名 said...

點解天與地個"平行時空"結局比人讚得咁厲害?唔係話唔好,之不過同火舞黃沙個結局差唔多(又係佘詩曼,周旭明),係d人依家先特別對天與地有feel啫,不嬲戚其義同周旭明d戲都唔係咁簡單㗎啦

9:13 上午  
Anonymous 匿名 said...

Exactly! 我都有諗起"火舞黃沙"個結果呀, 而"火舞黃沙"個結果又令我諗起"Titanic"的結局, 同樣係夢境中/想像中與死去的故人相遇重逢, 對充滿遺憾的現實算是一點安慰和補償。

我諗咁多人讚"天與地"個平行時空結局, partly係因為表達同拍攝手法的確高過TVB一般師奶劇, partly係因為大家睇到個結局/畫面時, 都感到一點點阿Q式的安慰, 因而深受感動。

12:00 下午  
Anonymous 匿名 said...

sorry, typo, 係"結局"唔係"結果"。

12:01 下午  
Anonymous 匿名 said...

同埋個平行時空結局好能夠呼應到“天與地”其中一個大主題 (i.e. 現在建基於過去, 未來建基於現在, 人每一個抉擇都會影響你之後所走的路, 人如果可以回頭重新選擇, 今天的命運也許會改寫, 而且改寫命運的也許不止一人, 這正正就是“年少無知”裡那句“如果命運能選擇, 十字街口你我踏出的每步無用困惑”和“如果命運能演習, 現實中不致接納一生每步殘酷抉擇”所表達的。

12:18 下午  
Anonymous 匿名 said...

“天與地”其實仲有好多主題, 真係一部好值得大家細味的電視劇!

12:22 下午  
Anonymous 我愛天與地 said...

樓上第二至第四個留言都係我留的 :p

12:25 下午  
Anonymous 匿名 said...

其實我覺得糖妹個樣同身型有d似陳慧嫻架! 唔知大家覺唔覺呢?
當然,糖妹就有時下年輕少女既不拘小節性格
陳慧嫻那些年出度就溫文爾雅d

10:34 上午  
Blogger 芒姐 said...

哈哈...糖妹一路都係俾人話佢好似陳慧嫻o架, 我都覺得好似! d雜誌仲成日搵佢影d扮番陳慧嫻"跳舞街"造型d相添!

12:02 上午  
Blogger 芒姐 said...

"天與地"係每一次睇都有唔同感覺及領會!

12:03 上午  

發佈留言

Links to this post:

建立連結

<< Home