2011年12月6日星期二

12-6(tues) 萬千星輝頒獎典禮2011後記 +萬千星輝賀台慶2011

一開始貼咗個賽果先…

最佳男主角 鄭嘉穎《怒火街頭》
最佳女主角 胡杏兒《萬凰之王》
最佳男配角 黃智賢《潛行狙擊》
最佳女配角 陳敏之《怒火街頭》
我最喜愛的電視男角色 鄭嘉穎《怒火街頭》
我最喜愛的電視女角色 胡杏兒《怒火街頭》
飛躍進步男藝員 歐陽靖
飛躍進步女藝員 馬賽
最佳節目主持 草蜢《華麗明星賽》
最佳劇集 《潛行狙擊》
最佳綜藝節目 《華麗明星賽》
最佳資訊節目 《水之源》
最具欣賞價值大獎 《香港演義》
萬千光輝演藝人大獎 李香琴
tvb.com微博人氣大獎 鄭嘉穎


睇番舊年寫o既台慶頒獎禮後記, 原來兩年都係12月5日做…今年終於可以即場同大家一齊睇電視見證賽果喇…仲可以real time o係微博同fb與大家一齊discuss賽果…唔洗再不停要避開晒d sms呀, 台慶新聞咁…正呀! 今年仲要咁"凌丁"揀星期一做, 真係好明顯要就番"萬凰"大結局, 造就胡杏兒攞視后! 不過呢個賽果我ok喎…視帝視后一齊起雙飛…有驚喜得o黎又有少少預計之內…睇得多tbb的頒獎禮, 你大約都捉到佢條路!

不過一開始胡杏兒攞咗個我最喜愛女角色獎 (呢個根本係台慶版o既“亞太區豬肉獎”…個失望樣呢…係完全掩飾唔到…好似塞咗舊屎俾佢咁! 佢d演技真係應該再鍛練一吓…拱樣點做視后呀?! 佢得第一個獎時唔知點反應, 嘢都講唔到多句…真係呢…失禮咗!



至於天幕下的嘉穎…06年攞完視帝之後俾人鄙足五年…今年終於吐氣揚眉, 我都好戥佢高興! 不過laughing又真係慘咗, 同法拉一齊食咗個白果! 但論戲又好似law霸出過laughing…even我好唔buy的“mk wong”(呢個朵好耐無o係呢度出過喇…:p) 的跛co都搶過佢好多…不過跛co又真係未夠班攞視帝, 畢竟獎項呢d嘢都要論資排輩o既!

Tbb今次應該係想補償番06年要胡杏兒連撻兩q 喺高處跌落o黎, 仲要全晚俾人玩到謝的傷痛…嗰次佢又真係慘…今年tbb終於還番俾佢! 反正我每次都講…頒獎禮只係一場遊戲, 只要唔好搞得太肉酸, 大家開開心心咪算囉! 所以我覺得今次頒獎禮男女主角獎其實都係06年的延續篇!

同埋tbb俾咗個“亞皆老街至太子道西”男女主角獎佢哋之後, 鄭胡兩人都亳無掩飾地失望, 連帶訪問其他人都講到呢個獎真係豬肉到唔豬肉…點知之後兩個都起雙飛, 個樣同表情都好大contrast, 如果唔係點造就到胡杏兒o個番自度“廁所宣言”(vs許志安鄭秀文的廚房宣言)?! 既出到位, 第二日娛樂版又有料寫…又可以幫tbb搶到版位…大家都好辦事! 胡杏兒呢d的確係聰明女…好識do! 至於夾硬整出o黎俾佢同跛co的什麼非凡獎(?!)…實在刻意得很! 夾硬要俾個機會佢哋一齊出o黎show show恩愛, 引起話題…好老套! 不過點都好睇過睇陳豪同陳茵媺o既!



其他賽果基本上係意料中事…我唯一估唔到係馬賽攞女飛躍囉! 佢講對白真係唔睇字幕都唔知佢講咩? 而演技…一般啦! 我覺得黃智雯同樂瞳都好過佢好多…不過是但啦!

至於男飛躍俾mc jin都好合理…佢又真係幾all rounded! d戲亦俾我想像中再好好多! 但點解陳展鵬無得候選? 舊年黃浩然又有o既? 即係唔計年資啦!

女配角俾陳敏之都ok! 至於男配角同舊年o既麥包哥哥一樣…係“閃電~閃電~閃電傳真機~~~”o既Ben哥哥暨“真情”阿海黃智賢…賽果非常合理! 由細已經睇ben哥哥睇到大…好戥佢高興呢!



至於最佳劇集俾“潛行狙擊”亦都係意料中事…一來係要谷電影, 二來要補償番laughing同法拉的失落嘛!

仲有草蜢同“華麗明星賽”連中兩元都係我的心水!



今年d嘉賓ok吸引喎! 真假四哥, 海潮, 修哥同劉以達, 鄧萃雯…最驚喜當然係陳妙瑛啦!

Oh, 我的前偶像"騰雞瑛"...真係脫胎換骨, 講嘢好淡定好pro好presentable...做咗老闆係唔同d! 判若兩人! 接近40歲都keep得咁好, 仲多咗成熟智慧型女性的知性美添!



唔好話你o地估唔到, 連我自己都估唔到我曾經咁buy陳妙瑛, buy到會寫信俾佢...更加估唔到係...佢居然會回信俾我囉......wahahahahaha~~~~:p

仲有我想問…點解台慶頒獎禮無端端會有王浩信做主持?! 更加唔明點解tbb會o係佢呢期形象咁差時捧佢?! 佢完全係硬晒軚…同埋十分redundant! Do姐一個咪夠囉…又夠寸反應又夠快…我buy do姐做主持喎!

今年個個花旦都著得唔錯…係法拉個妝唔知點解nude到好似一個病妝咁? 仲要個頭set完都有d散! 當然…最極品又係俾阿姐贏咗! 佢件“小金帽”又真係想典呢?!


仲有, 我真係忍唔住要講多次…江美儀真係好似鄭秀文!!!



至於今年個"邁向45非凡夢想成就未來"的"萬千星輝賀台慶"…我終於睇番喇! 基本上係無咩特別…所以我都無咩嘢想講喇! 最後, 當然係tvb台慶@芒姐再現啦...

2011:

http://hejnom.blogspot.com/2011_12_05_archive.html


http://hejnom.blogspot.com/2011_12_06_archive.html


2010:

http://hejnom.blogspot.com/2010_11_19_archive.html


http://hejnom.blogspot.com/2010_12_03_archive.html


http://hejnom.blogspot.com/2010_12_13_archive.html


2009:

http://hejnom.blogspot.com/2009_11_19_archive.html


http://hejnom.blogspot.com/2009_12_03_archive.html


http://hejnom.blogspot.com/2009_12_05_archive.html


2008:

http://hejnom.blogspot.com/2008_11_14_archive.html


http://hejnom.blogspot.com/2008_11_17_archive.html


http://hejnom.blogspot.com/2008_11_19_archive.html


2007:

http://hejnom.blogspot.com/2007_11_17_archive.html


http://hejnom.blogspot.com/2007_11_19_archive.html


2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html

8 Comments:

Anonymous  said...

點解陳妙瑛會叫"騰雞瑛"既?
哈哈,真係好搞笑,竟然會回信比你。
芒姐可以寫一篇講下陳妙瑛喎,佢又真係好叻,轉型係商界可以咁成功!

8:38 下午  
Anonymous 匿名 said...

飛躍應該係計做tbb的年資,陳展鵬n年前,即去亞視前係做tbb的,所以佢年資太耐冇得爭飛躍囉!

10:16 上午  
Anonymous 匿名 said...

雜誌話因為珍姐党得要捧展鵬上一線就唔可以爭飛躍同班二缐爭所以比只比佢爭男主角獎

2:27 下午  
Blogger 異鄉人 said...

其實我一開始就估馬賽會攞到,最主要係擔當的戲份比較重.

3:22 上午  
Anonymous 匿名 said...

Agree with 異鄉人!

6:29 下午  
Blogger 芒姐 said...

馬賽真係唔多掂...尤其d廣東話真係要練一練!

12:19 下午  
Blogger 芒姐 said...

咁又係, 陳展鵬在無綫的資歷比一班候選視帝更深囉 (除咗黎耀祥)!

12:20 下午  
Blogger 芒姐 said...

陳妙瑛叫"騰雞瑛"因為佢成日都好騰雞囉! 我記得有年好似"仁濟夜"佢表演籬o係個箱度玩爆破...佢當年個好拍檔鄭伊健話佢已經由騰雞變咗沙膽瑛...:p

係啦...佢會回信都算唔錯, 可能我係佢最早幾個fans, 當年睇完"婚姻物語"好欣賞佢!

12:22 下午  

發佈留言

Links to this post:

建立連結

<< Home